ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
21 նոյեմբերի 2019 թվականի N 1639-Ն
ՏԱՐԱԾՔՆԵՐ ՀԵՏ ՎԵՐՑՆԵԼՈՒ ՈՒ ԱՄՐԱՑՆԵԼՈՒ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2003 ԹՎԱԿԱՆԻ ՀՈՒՆԻՍԻ 5-Ի N 666-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ
Հիմք ընդունելով «Կառավարչական իրավահարաբերությունների կարգավորման մասին» Հայաստանի Հանրապետության օրենքի 5-րդ հոդվածը և «Նորմատիվ իրավական ակտերի մասին» Հայաստանի Հանրապետության օրենքի 34-րդ հոդվածը` Հայաստանի Հանրապետության կառավարությունը որոշում է.
1. Հայաստանի Հանրապետության սեփականություն հանդիսացող տարածքները (այսուհետ` տարածքներ) հետ վերցնել Հայաստանի Հանրապետության տարածքային կառավարման և ենթակառուցվածքների նախարարության պետական գույքի կառավարման կոմիտեից և ամրացնել պետական մարմիններին` համաձայն հավելվածի:
2. Հայաստանի Հանրապետության սեփականություն հանդիսացող` Երևան քաղաքի Մոսկովյան փողոց 5 հասցեում գտնվող 1333.6 քառ. մետր մակերեսով շենքը և դրա զբաղեցրած` օգտագործման ու սպասարկման համար անհրաժեշտ 0.044121 հա հողատարածքը (այսուհետ` անշարժ գույք) հետ վերցնել Հայաստանի Հանրապետության պաշտպանության նախարարությունից և ամրացնել Հայաստանի Հանրապետության տնտեսական մրցակցության պաշտպանության պետական հանձնաժողովին:
3. Հայաստանի Հանրապետության տարածքային կառավարման և ենթակառուցվածքների նախարարության պետական գույքի կառավարման կոմիտեի նախագահին` սույն որոշման հավելվածում նշված պետական մարմինների ղեկավարների հետ համատեղ, սույն որոշումն ուժի մեջ մտնելուց հետո եռամսյա ժամկետում, Հայաստանի Հանրապետության օրենսդրությամբ սահմանված կարգով ապահովել սույն որոշման հավելվածում նշված տարածքների հանձնման-ընդունման աշխատանքների կատարումը` հիմք ընդունելով պետական մարմինների կողմից փաստացի զբաղեցրած մակերեսները:
4. Հայաստանի Հանրապետության պաշտպանության նախարարին` Հայաստանի Հանրապետության տնտեսական մրցակցության պաշտպանության պետական հանձնաժողովի նախագահի հետ համատեղ, սույն որոշումն ուժի մեջ մտնելուց հետո երկամսյա ժամկետում, Հայաստանի Հանրապետության օրենսդրությամբ սահմանված կարգով ապահովել սույն որոշման 2-րդ կետում նշված անշարժ գույքի հանձնման-ընդունման աշխատանքների կատարումը:
i
5. Ուժը կորցրած ճանաչել Հայաստանի Հանրապետության կառավարության 2003 թվականի հունիսի 5-ի «Սպասարկում» պետական ոչ առևտրային կազմակերպություն ստեղծելու, «Հայաստանի Հանրապետության կառավարության աշխատակազմ» պետական կառավարչական հիմնարկին գույք ամրացնելու և պետական մարմիններին տարածքներ անհատույց օգտագործման տրամադրելու մասին» N 666-Ն որոշման 5-րդ, 6-րդ և 7-րդ կետերը:
Հայաստանի Հանրապետության
վարչապետ Ն. Փաշինյան
2019 թ. նոյեմբերի 26
Երևան
Հավելված
ՀՀ կառավարության
2019 թվականի նոյեմբերի 21-ի
N 1639-Ն որոշման
ՊԵՏԱԿԱՆ ՄԱՐՄԻՆՆԵՐԻՆ ԱՄՐԱՑՎՈՂ ՏԱՐԱԾՔՆԵՐԻ
._____________________________________________________________________.
|Հ/Հ| Պետական մարմնի անվանումը | Ամրացվող տարածքի հասցեն |
|___|______________________________|__________________________________|
|1. |ՀՀ աշխատանքի և սոցիալական |քաղաք Երևան, Կառավարական N 3 շենք|
| |հարցերի նախարարություն | |
|___|______________________________|__________________________________|
|2. |ՀՀ առողջապահության |քաղաք Երևան, Կառավարական N 3 շենք|
| |նախարարություն | |
|___|______________________________|__________________________________|
|3. |ՀՀ շրջակա միջավայրի |քաղաք Երևան, Կառավարական N 3 շենք|
| |նախարարություն | |
|___|______________________________|__________________________________|
|4. |ՀՀ տարածքային կառավարման և |քաղաք Երևան, Կառավարական N 3 շենք|
| |ենթակառուցվածքների | |
| |նախարարություն | |
|___|______________________________|__________________________________|
|5. |ՀՀ քաղաքաշինության կոմիտե |քաղաք Երևան, Կառավարական N 3 շենք|
|___|______________________________|__________________________________|
|6. |ՀՀ վիճակագրական կոմիտե |քաղաք Երևան, Կառավարական N 3 շենք|
|___|______________________________|__________________________________|
|7. |ՀՀ էկոնոմիկայի նախարարություն |քաղաք Երևան, Մհեր Մկրտչյան փ. 5բ |
._____________________________________________________________________.