ՀՀ ՑԵՄԵՆՏԻ ՆԵՐՄՈՒԾՄԱՆ ԺԱՄԱՆԱԿԱՎՈՐ ԱՐԳԵԼՔ ԿԻՐԱՌԵԼՈՒ ՄԱՍԻՆ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ՈՐՈՇՈՒՄ

27 հունվարի 2021 թվականի N 95-Ն

ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ ՑԵՄԵՆՏԻ ՆԵՐՄՈՒԾՄԱՆ ԺԱՄԱՆԱԿԱՎՈՐ ԱՐԳԵԼՔ ԿԻՐԱՌԵԼՈՒ ՄԱՍԻՆ

Հիմք ընդունելով «Եվրասիական տնտեսական միության մասին» 2014 թվականի մայիսի 29-ի պայմանագրի 47-րդ հոդվածը և 7-րդ հավելվածը` Հայաստանի Հանրապետության կառավարությունը որոշում է.

1. Ժամանակավոր արգելել Հայաստանի Հանրապետություն ԱՏԳ ԱԱ 2523 (բացառությամբ 2523100000, 2523210000 ապրանքային դիրքերին դասվող ծածկագրերի) ապրանքային դիրքի ծածկագրին դասվող ապրանքների «Բացթողնում` ներքին սպառման համար», «Վերամշակում` մաքսային տարածքում» և «Վերամշակում` ներքին սպառման համար» մաքսային ընթացակարգերով ներմուծումը:

(1-ին կետը փոփ. 16.02.2021 թիվ 190-Ն որոշում)

2. Հայաստանի Հանրապետության էկոնոմիկայի նախարարությանը`

1) սահմանված կարգով ծանուցել Եվրասիական տնտեսական հանձնաժողովին սույն որոշման 1-ին կետով սահմանված ապրանքների ներմուծման ժամանակավոր արգելքի մասին.

2) ներկայացնել առաջարկ Եվրասիական տնտեսական միության քննարկմանը` Եվրասիական տնտեսական միության մաքսային տարածք սույն որոշման 1-ին կետով սահմանված ապրանքների ներմուծման արգելքի կիրառման վերաբերյալ:

3. Հայաստանի Հանրապետության պետական եկամուտների կոմիտեին` Հայաստանի Հանրապետության օրենսդրությամբ սահմանված կարգով ապահովել սույն որոշման 1-ին կետի կատարման վերահսկողությունը:

3.1. Սույն որոշման 1-ին կետով սահմանված արգելքը չի տարածվում մինչև 2021 թվականի փետրվարի 8-ը Հայաստանի Հանրապետություն ներմուծված, սակայն սույն որոշման 1-ին կետում նշված ընթացակարգերով չձևակերպված ապրանքների վրա:

(3.1-ին կետը լրաց. 16.02.2021 թիվ 190-Ն որոշում)

4. Սույն որոշումն ուժի մեջ է մտնում պաշտոնական հրապարակմանը հաջորդող տասներորդ օրը և գործում է մինչև 2021 թվականի հուլիսի 8-ը:

(4-րդ կետը փոփ. 08.04.2021 թվականի թիվ 480-Ն որոշում)

--------------------------------------------------------------------

ԻՐՏԵԿ - սույն որոշման 4-րդ կետի համաձայն սույն որոշումն ուժը կորցրել

է 2021 թվականի ապրիլի 8-ից:

08.04.2021 թվականի թիվ 480-Ն որոշման համաձայն սույն որոշման

4-րդ կետում «երկու ամիս ժամկետով» բառերը փոխարինել «մինչև

2021 թվականի հուլիսի 8-ը» բառերով: Նույն որոշման 2-րդ կետի

համաձայն 08.04.2021 թվականի թիվ 480-Ն որոշմն ուժի մեջ է մտնում

ապրիլի 22-ին:

08.04.2021 թվականի թիվ 480-Ն որոշման 2-րդ կետի համաձայն

այդ որոշմամբ նախատեսված փոփոխությունը կատարվել է ուժը կորցրած

որոշման մեջ:

--------------------------------------------------------------------

Հայաստանի Հանրապետության

    վարչապետ                     Ն. Փաշինյան

2021 թ. հունվարի 27

Երևան

Պաշտոնական հրապարակման օրը` 29 հունվարի 2021 թվական: