ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
24 սեպտեմբերի 2021 թվականի N 1564-Ա
ՀՅՈՒՍԻՍ-ՀԱՐԱՎ ՃԱՆԱՊԱՐՀԱՅԻՆ ՄԻՋԱՆՑՔԻ ՆԵՐԴՐՈՒՄԱՅԻՆ ԾՐԱԳԻՐ-ԾՐԱԳԻՐ 4-Ի ՇՐՋԱՆԱԿՆԵՐՈՒՄ ՍԻՍԻԱՆ-ՔԱՋԱՐԱՆ ՃԱՆԱՊԱՐՀԱՀԱՏՎԱԾԻ ԿԱՌՈՒՑՄԱՆ ՆԵՐԴՐՈՒՄԱՅԻՆ ԾՐԱԳԻՐԸ ՀԱՍՏԱՏԵԼՈՒ ԵՎ ՆԱԽԱՈՐԱԿԱՎՈՐՄԱՆ ԸՆԹԱՑԱԿԱՐԳԻ ԿԱԶՄԱԿԵՐՊՄԱՆ ԱՌԱՆՁՆԱՀԱՏԿՈՒԹՅՈՒՆՆԵՐԸ ՍԱՀՄԱՆԵԼՈՒ ՄԱՍԻՆ
Ղեկավարվելով Հայաստանի Հանրապետության Սահմանադրության 146-րդ հոդվածի 4-րդ մասի, «Գնումների մասին» օրենքի 5-րդ հոդվածի 1-ին մասի 6-րդ կետի և 7-րդ հոդվածի 2-րդ մասի, Հայաստանի Հանրապետության կառավարության 2017 թվականի մայիսի 4-ի N 526-Ն որոշման 1-ին հավելվածի 3-րդ կետի, «Նորմատիվ իրավական ակտերի մասին» օրենքի 10-րդ հոդվածի 3-րդ մասի պահանջներով` Հայաստանի Հանրապետության կառավարությունը որոշում է.
1. Հյուսիս-հարավ ճանապարհային միջանցքի ներդրումային ծրագրի հետագա իրականացման գործընթացում Հյուսիս-հարավ ճանապարհային միջանցքի ներդրումային ծրագիր-Ծրագիր 4-ի շրջանակներում Սիսիան-Քաջարան ճանապարհահատվածի կառուցման ներդրումային ծրագրի իրականացումը սահմանել որպես առաջնահերթություն:
2. Հաստատել Հյուսիս-հարավ ճանապարհային միջանցքի ներդրումային ծրագրի հետագա իրականացման գործընթացում Հյուսիս-հարավ ճանապարհային միջանցքի ներդրումային ծրագիր-Ծրագիր 4-ի շրջանակներում Սիսիան-Քաջարան ճանապարհահատվածի կառուցման ներդրումային ծրագիրը` համաձայն N 1 հավելվածի:
3. Հաստատել Հյուսիս-հարավ ճանապարհային միջանցքի ներդրումային ծրագիր-Ծրագիր 4-ի շրջանակներում Սիսիան-Քաջարան ճանապարհահատվածի կառուցման ներդրումային ծրագրի շրջանակներում շինարարական աշխատանքների գնման նախաորակավորման ընթացակարգի հրավերը` համաձայն N 2 հավելվածի:
4. Սահմանել, որ`
1) սույն որոշման 1-ին կետում նշված ներդրումային ծրագրի (այսուհետ` ներդրումային ծրագիր) շրջանակներում շինարարական աշխատանքների, ինժեներական (տեխնիկական հսկողության) ծառայությունների, ներդրումային ծրագրի իրականացման համար անհրաժեշտ հողամասերի օտարման գործընթացի իրականացման համար խորհրդատվական ծառայությունների գնման գործընթացներն իրականացնում, համապատասխան պայմանագրերը կնքում և դրանց կառավարումն իրականացնում է «Ճանապարհային դեպարտամենտ» հիմնադրամը.
2) ներդրումային ծրագրի շրջանակներում շինարարական աշխատանքների գնման նախաորակավորման ընթացակարգը կազմակերպվում է Վերակառուցման և զարգացման եվրոպական բանկի գնումների միջազգային ուղեցույցով սահմանված աշխատանքների ձեռքբերման համար նախատեսված նախաորակավորման ընթացակարգի կազմակերպման փաստաթղթերի օրինակելի ձևաչափերի հիման վրա: Շինարարական աշխատանքների գնման նախաորակավորման ընթացակարգն իրականացվում է Վերակառուցման և զարգացման եվրոպական բանկի միջազգային մրցույթ` ICB «Երկփուլանի բաց մրցույթ` նախաորակավորմամբ» գնման նախաորակավորման ընթացակարգով սահմանված կանոններով, հաշվի առնելով սույն որոշմամբ նախատեսված առանձնահատկությունները: Նախաորակավորման ընթացակարգը կազմակերպվում է մինչև շինարարական աշխատանքների ձեռքբերման համար ֆինանսական միջոցներ նախատեսվելը.
3) ներդրումային ծրագրի շրջանակներում շինարարական աշխատանքների գնման նախաորակավորման ընթացակարգի շրջանակում ներկայացված բողոքները քննվում են Վերակառուցման և զարգացման եվրոպական բանկի գնումների ուղեցույցներով և գնումների Հայաստանի Հանրապետության օրենսդրությամբ սահմանված կարգով.
4) ներդրումային ծրագրի շրջանակներում շինարարական աշխատանքների գնման նախաորակավորման ընթացակարգին մասնակցելու իրավունք չունեն Վերակառուցման և զարգացման եվրոպական բանկի գնումների ուղեցույցներով սահմանված ցուցակում նշված կազմակերպությունները և «Գնումների մասին» օրենքի 6-րդ հոդվածում նշված կազմակերպությունները.
5) ներդրումային ծրագրի իրականացման համար անհրաժեշտ հողամասերի և դրանց վրա առկա անշարժ գույքի դիմաց տրամադրվող փոխհատուցումը և Ծրագրի այլ ազդեցությունների համար վերականգնման օժանդակության տրամադրումն իրականացվում են Հայաստանի Հանրապետության կառավարության 2010 թվականի սեպտեմբերի 16-ի N 1274-Ն որոշմամբ հաստատված «Հողերի օտարման և տարաբնակեցման շրջանակը և դրա փոխհատուցման սկզբունքները» վերտառությամբ N 3 հավելվածի պահանջներին համապատասխան.
6) ներդրումային ծրագրի կարիքների համար անհրաժեշտ հողամասերի օտարման գործընթացի իրականացման համար «Ճանապարհային դեպարտամենտ» հիմնադրամը ձեռք է բերում խորհրդատվական ծառայություններ` «Գնումների մասին» օրենքի 15-րդ հոդվածի 6-րդ մասի պահանջներին համապատասխան:
5. Հայաստանի Հանրապետության տարածքային կառավարման և ենթակառուցվածքների նախարարին`
1) սահմանված կարգով Հայաստանի Հանրապետության կառավարության քննարկմանը ներկայացնել առաջարկություններ` ներդրումային ծրագրի իրականացման համար անհրաժեշտ հողամասերը հանրության գերակա շահ ճանաչելու մասին.
2) շինարարական աշխատանքների տեխնիկական հսկողության ծառայությունների մատուցման տեխնիկական առաջադրանքը և մրցութային փաստաթղթերը ներկայացնել Հայաստանի Հանրապետության կառավարության հաստատմանը:
6. «Ճանապարհային դեպարտամենտ» հիմնադրամի գլխավոր տնօրենին`
1) ապահովել ներդրումային ծրագրի շրջանակներում իրականացվող շինարարական աշխատանքների գնման նախաորակավորման, ինչպես նաև սույն որոշման 4-րդ կետի 6-րդ ենթակետում նշված ծառայությունների ձեռքբերման գործընթացների իրականացումը.
2) ապահովել շինարարական աշխատանքների տեխնիկական հսկողության ծառայությունների մատուցման տեխնիկական առաջադրանքի ու մրցութային փաստաթղթերի մշակումը և արդյունքը ներկայացնել Հայաստանի Հանրապետության տարածքային կառավարման և ենթակառուցվածքների նախարարություն:
Հայաստանի Հանրապետության
վարչապետ Ն. Փաշինյան
2021 թ. սեպտեմբերի
Երևան
Հավելված N 1
ՀՀ կառավարության
2021 թ. սեպտեմբերի 24-ի
N 1564-Ա որոշման
ՆԵՐԴՐՈՒՄԱՅԻՆ ԾՐԱԳԻՐ
ՀՅՈՒՍԻՍ-ՀԱՐԱՎ ՃԱՆԱՊԱՐՀԱՅԻՆ ՄԻՋԱՆՑՔԻ ՆԵՐԴՐՈՒՄԱՅԻՆ ԾՐԱԳԻՐ-ԾՐԱԳԻՐ 4-Ի ՇՐՋԱՆԱԿՆԵՐՈՒՄ ՍԻՍԻԱՆ-ՔԱՋԱՐԱՆ
ՃԱՆԱՊԱՐՀԱՀԱՏՎԱԾԻ ԿԱՌՈՒՑՄԱՆ
Հավելված N 2
ՀՀ կառավարության
2021 թ. սեպտեմբերի 24-ի
N 1564-Ա որոշման
ՄՐՑՈՒԹԱՅԻՆ ՓԱՍՏԱԹՂԹԵՐԻ ՓԱԹԵԹ
(ՆԱԽԱՈՐԱԿԱՎՈՐՈՒՄ)* ՀՅՈՒՍԻՍ-ՀԱՐԱՎ ՃԱՆԱՊԱՐՀԱՅԻՆ ՄԻՋԱՆՑՔԻ ՆԵՐԴՐՈՒՄԱՅԻՆ ԾՐԱԳԻՐ-ԾՐԱԳԻՐ 4- Ի ՇՐՋԱՆԱԿՆԵՐՈՒՄ ՍԻՍԻԱՆ-ՔԱՋԱՐԱՆ ՃԱՆԱՊԱՐՀԱՀԱՏՎԱԾԻ ԿԱՌՈՒՑՄԱՆ ՆԵՐԴՐՈՒՄԱՅԻՆ ԾՐԱԳՐԻ ՇՐՋԱՆԱԿՆԵՐՈՒՄ ՇԻՆԱՐԱՐԱԿԱՆ ԱՇԽԱՏԱՆՔՆԵՐ ԻՐԱԿԱՆԱՑՆՈՂ ԿԱՊԱԼԱՌՈՒ ԿԱԶՄԱԿԵՐՊՈՒԹՅԱՆ ԸՆՏՐՈՒԹՅԱՆ