ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
4 օգոստոսի 2022 թվականի N 1191-Ա
ՈՐՊԵՍ ՆՎԻՐԱՏՎՈՒԹՅՈՒՆ ԳՈՒՅՔ ԸՆԴՈՒՆԵԼՈՒ ԵՎ ԳՈՒՅՔ ԱՄՐԱՑՆԵԼՈՒ ՄԱՍԻՆ
i
Հիմք ընդունելով Հայաստանի Հանրապետության քաղաքացիական օրենսգրքի 594-րդ հոդվածը և «Կառավարչական իրավահարաբերությունների կարգավորման մասին» Հայաստանի Հանրապետության օրենքի 5-րդ և 9-րդ հոդվածները` Հայաստանի Հանրապետության կառավարությունը որոշում է.
1. Որպես նվիրատվություն Հայաստանի Հանրապետությանն ընդունել «Հայաստանում միգրացիոն քաղաքականության զարգացման միջազգային կենտրոն` ICMPD» կազմակերպության կողմից հանձնված 29,005,043 դրամ արժողությամբ սարքավորումները` համաձայն հավելվածի:
2. Սույն որոշման 1-ին կետում նշված գույքն ամրացնել Հայաստանի Հանրապետության ոստիկանությանը:
3. Հայաստանի Հանրապետության ոստիկանության պետին` սույն որոշումն ուժի մեջ մտնելուց հետո քսանօրյա ժամկետում, «Հայաստանում միգրացիոն քաղաքականության զարգացման միջազգային կենտրոն` ICMPD» կազմակերպության հետ համատեղ, ապահովել սույն որոշման 1-ին կետում նշված գույքի` Հայաստանի Հանրապետության օրենսդրությամբ սահմանված կարգով նվիրատվության պայմանագրի կնքումը և հանձնման-ընդունման աշխատանքների կատարումը:
Հայաստանի Հանրապետության
փոխվարչապետ Մ. Գրիգորյան
2022 թ. օգոստոսի
Երևան
Հավելված
ՀՀ կառավարության
2022 թվականի օգոստոսի 4-ի
N 1191-Ա որոշման
ՑԱՆԿ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՈՍՏԻԿԱՆՈՒԹՅԱՆԸ ՈՐՊԵՍ ՆՎԻՐԱՏՎՈՒԹՅՈՒՆ ՀԱՆՁՆՎՈՂ ԳՈՒՅՔԻ
._____________________________________________________________________.
|NN |Մեկ միավոր գույքի |Տեսակը |Քա-|Գինը |Գինը |
| |բաղկացուցիչ մասերի | |նա-|(ՀՀ դրամ) |(ՀՀ դրամ) |
| |անվանումը | |կը |1 հատի |ընդհանուր |
|___|_______________________|______________|___|__________|___________|
|1. |Հերթագրման սարքավորում |QMS 101 |23 |583896,0 |13429608,0 |
|___|_______________________|______________|___|__________|___________|
|2. |Տեղեկատվական վահանակ |PHILIPS43PFS5 |23 |180035,0 |4140805,0 |
| | |505/60 | | | |
|___|_______________________|______________|___|__________|___________|
|3. |Հերթերի ավտոմատ կառա- |NA |1 |11434630,0|11434630,0 |
| |վարման համակարգ | | | | |
._____________________________________________________________________.
Ծանոթություն. «Հայաստանում միգրացիոն քաղաքականության զարգացման միջազգային կենտրոն` ICMPD» կազմակերպությունը նշված գույքի արժեքը ներկայացրել է «եվրո» տարադրամով: Մասնավորապես` հերթագրման սարքավորման մեկ հատի արժեքը նշվել է 1200 եվրո, տեղեկատվական վահանակի մեկ հատի արժեքը` 370 եվրո, և հերթերի ավտոմատ կառավարման համակարգի 1 հատի արժեքը` 23500 եվրո: Սույն ցանկում նշված արժեքը հաշվարկվել է Հայաստանի Հանրապետության կենտրոնական բանկի կողմից 24.05.2022 թվականի դրությամբ հաստատված եվրոյի փոխարժեքին համարժեք ՀՀ դրամով: