ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ
ՈՐՈՇՈՒՄ
11 օգոստոսի 2022 թվականի 915-Ա
ԴԻԱՆԱ ՔԱՐԱԶՅԱՆԻՆ ԻՌԼԱՆԴԻԱՅԻ ՀԱՆՐԱՊԵՏՈՒԹՅՈՒՆ ԳՈՐԾՈՒՂԵԼՈՒ ՄԱՍԻՆ
i
Ղեկավարվելով «Կառավարության կառուցվածքի և գործունեության մասին» Հայաստանի Հանրապետության օրենքի 7-րդ հոդվածի 5-րդ մասով և հիմք ընդունելով Հայաստանի Հանրապետության կառավարության 2005 թվականի դեկտեմբերի 29-ի N 2335-Ն որոշումը`
1. Հայաստանի Հանրապետության վարչապետի աշխատակազմի միջազգային իրավական հարցերով ներկայացուցչի գրասենյակի Մարդու իրավունքների եվրոպական դատարանում Հայաստանի Հանրապետության շահերի պաշտպանության վարչության պետ Դիանա Քարազյանին 2022 թվականի օգոստոսի 31-ից մինչև սեպտեմբերի 2-ը ներառյալ գործուղել Իռլանդիայի Հանրապետություն (Գոլվել)` 2022 թվականի սեպտեմբերի 1-ին Եվրոպական խորհրդի նախարարների կոմիտեում իռլանդական նախագահության շրջանակներում «Լուսավորելով ստվերը. մարդու իրավունքների եվրոպական կոնվենցիայի արդյունավետ կիրառումը եվրոպական վիճելի տարածքներում» խորագրով համաժողովին մասնակցելու նպատակով:
2. Դիանա Քարազյանի` Իռլանդիայի Հանրապետություն գործուղման հետ կապված ծախսերը, ինչպես նաև գործուղման փաստաթղթերի փաթեթի սուրհանդակային ծառայության միջոցով առաքելու և վերադարձնելու ծախսերը կատարել Հայաստանի Հանրապետության 2022 թվականի պետական բյուջեով վարչապետի աշխատակազմի պահպանման ծախսերում արտաքին գործուղումների համար նախատեսված միջոցների հաշվին:
3. Հայաստանի Հանրապետության վարչապետի աշխատակազմի միջազգային իրավական հարցերով ներկայացուցչի գրասենյակի Մարդու իրավունքների եվրոպական դատարանում Հայաստանի Հանրապետության շահերի պաշտպանության վարչության պետին` գործուղումից վերադառնալուց հետո հինգ աշխատանքային օրվա ընթացքում Հայաստանի Հանրապետության վարչապետի աշխատակազմ ներկայացնել Իռլանդիայի Հանրապետություն (Գոլվել) գործուղման ընթացքում կատարած աշխատանքների մասին հաշվետվություն:
Հայաստանի Հանրապետության
վարչապետ Ն. Փաշինյան
2022 թ. օգոստոսի 11
Երևան