ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
18 օգոստոսի 2022 թվականի N 1284-Ա
ԵՐԵՎԱՆ ՀԱՄԱՅՆՔԻՆ ԳՈՒՅՔ ՆՎԻՐԵԼՈՒ ՄԱՍԻՆ
i
Ղեկավարվելով «Երևան քաղաքում տեղական ինքնակառավարման մասին» օրենքի 57-րդ հոդվածի 2-րդ մասի 1-ին կետի, Հայաստանի Հանրապետության քաղաքացիական օրենսգրքի 594-րդ հոդվածի, «Կառավարչական իրավահարաբերությունների կարգավորման մասին» Հայաստանի Հանրապետության օրենքի 5-րդ հոդվածի 7-րդ մասի, «Պետական կառավարչական հիմնարկների մասին» օրենքի 4-րդ հոդվածի 1-ին մասի պահանջներով` Հայաստանի Հանրապետության կառավարությունը որոշում է.
1. Հայաստանի Հանրապետության ոստիկանությանն ամրացված Երևան քաղաքի վարչական տարածքում առկա բոլոր ճանապարհային լուսացույցները և տեխնիկական այլ միջոցները հետ վերցնել և նվիրել Երևան համայնքին` համաձայն հավելվածի:
2. Հանձնարարել Հայաստանի Հանրապետության ոստիկանության պետին և առաջարկել Երևանի քաղաքապետին սույն որոշումն ուժի մեջ մտնելուց հետո մեկամսյա ժամկետում ապահովել սույն որոշման 1-ին կետում նշված գույքի հանձնման-ընդունման և նվիրատվության մասին պայմանագրի կնքումը:
Հայաստանի Հանրապետության
վարչապետ Ն. Փաշինյան
2022 թ. օգոստոսի
Երևան
Հավելված
ՀՀ կառավարության
2022 թվականի օգոստոսի 18-ի
N 1284-Ա որոշման
ՑԱՆԿ
ԵՐԵՎԱՆ ՀԱՄԱՅՆՔԻՆ ՀԱՆՁՆՎՈՂ ԳՈՒՅՔԻ
.___________________________________________.
|NN |Գույքի անվանումը |Քանակը|
|ը/կ| | |
|___|________________________________|______|
|1. | Լուսացուցային օբյեկտներ | |
| |________________________________|______|
| |Կարգավորվող խաչմերուկներ | 187|
| |________________________________|______|
| |«Հետիոտն կանչի» ռեժիմով աշխատող | 15|
| |________________________________|______|
| |Դեղին թարթող տեսակի | 48|
| |________________________________|______|
| |Ընդամենը | 250|
|___|________________________________|______|
|2. | Ճանապարհային նշաններ | |
| |________________________________|______|
| |Շահագործման ենթակա | 6685|
| |________________________________|______|
| |Շահագործման համար ոչ պիտանի | 1658|
| |________________________________|______|
| |Ընդամենը | 8343|
.___________________________________________.