ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
25 մայիսի 2023 թվականի N 802-Ն
ՕՏԱՐԵՐԿՐՅԱ ՔԱՂԱՔԱՑԻՆԵՐԻ, ՔԱՂԱՔԱՑԻՈՒԹՅՈՒՆ ՉՈՒՆԵՑՈՂ ԱՆՁԱՆՑ, ՊԱՏՎԱՍՏՈՒՄՆԵՐԻ ԱԶԳԱՅԻՆ ՕՐԱՑՈՒՅՑՈՒՄ ՉՆԵՐԱՌՎԱԾ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՔԱՂԱՔԱՑԻՆԵՐԻ ՀԱՄԱՐ ՊԱՏՎԱՍՏԱՆՅՈՒԹԵՐԻ ԵՎ ՊԱՏՎԱՍՏՈՒՄՆԵՐԻ ՀԱՄԱՐ ՕԺԱՆԴԱԿ ՊԱՐԱԳԱՆԵՐԻ ԳՆՄԱՆ ԳՈՐԾԸՆԹԱՑՆԵՐԸ ԿԱԶՄԱԿԵՐՊԵԼՈՒ ՄԱՍԻՆ
Հիմք ընդունելով «Գնումների մասին» Հայաստանի Հանրապետության օրենքի 5-րդ հոդվածի 1-ին մասի 6-րդ կետը` Հայաստանի Հանրապետության կառավարությունը որոշում է.
1. Սահմանել, որ`
i
1) 2023-2027 թվականների կարիքների համար օտարերկրյա քաղաքացիների, քաղաքացիություն չունեցող անձանց, պատվաստումների ազգային օրացույցում չներառված Հայաստանի Հանրապետության քաղաքացիների համար պատվաստանյութերը և պատվաստումների համար օժանդակ պարագաները Հայաստանի Հանրապետության կառավարության 2018 թվականի ապրիլի 12-ի N 489-Ն որոշման 3-րդ կետով հավանության արժանացած` ՄԱԿ-ի մանկական հիմնադրամի և Հայաստանի Հանրապետության առողջապահության նախարարության «Հիվանդությունների վերահսկման և կանխարգելման ազգային կենտրոն» պետական ոչ առևտրային կազմակերպության (այսուհետ` կազմակերպություն) միջև 2018 թվականին կնքված գնումների փոխըմբռնման հուշագրի շրջանակներում կազմակերպության կողմից կարող են ձեռք բերվել ՄԱԿ-ի մանկական հիմնադրամից` կազմակերպության պետական բյուջեով չնախատեսված այլ միջոցների հաշվին.
2) սույն որոշման 1-ին կետի 1-ին ենթակետի համաձայն իրականացվող գնման գործընթացներում կանխավճարի չափը թույլատրվում է սահմանել մինչև պայմանագրի գնի հարյուր տոկոսը:
2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:
Հայաստանի Հանրապետության
փոխվարչապետ Տ. Խաչատրյան
2023 թ. մայիսի 25
Երևան
Պաշտոնական հրապարակման օրը` 25 մայիսի 2023 թվական: