ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
1 հունիսի 2023 թվականի N 837-Ա
ՈՐՊԵՍ ՆՎԻՐԱՏՎՈՒԹՅՈՒՆ ԳՈՒՅՔ ԸՆԴՈՒՆԵԼՈՒ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԱՇՏՊԱՆՈՒԹՅԱՆ ՆԱԽԱՐԱՐՈՒԹՅԱՆՆ ԱՄՐԱՑՆԵԼՈՒ ՄԱՍԻՆ
Ղեկավարվելով Քաղաքացիական օրենսգրքի 594-րդ հոդվածով, «Կառավարչական իրավահարաբերությունների կարգավորման մասին» Հայաստանի Հանրապետության օրենքի 5-րդ հոդվածի 5-րդ, 6-րդ և 7-րդ մասերով` Հայաստանի Հանրապետության կառավարությունը որոշում է.
1. Որպես նվիրատվություն Հայաստանի Հանրապետությանն ընդունել «Ինֆեկցիոն հիվանդությունների ազգային կենտրոն» փակ բաժնետիրական ընկերությանը սեփականության իրավունքով պատկանող մոդուլային մեկուսարանային բաժանմունքը (շարժական գույք)` համաձայն հավելվածի:
2. Սույն որոշման հավելվածով սահմանված մոդուլային մեկուսարանային բաժանմունքն ամրացնել Հայաստանի Հանրապետության պաշտպանության նախարարությանը` հետագայում դրանք ըստ անհրաժեշտության տնօրինելու նպատակով:
3. Հայաստանի Հանրապետության առողջապահության նախարարին` սույն որոշման ընդունումից հետո եռամսյա ժամկետում Հայաստանի Հանրապետության պաշտպանության նախարարի հետ համատեղ կազմակերպել սույն որոշման 1-ին կետում նշված գույքի նվիրատվության պայմանագրի կնքումը և հանձնման-ընդունման աշխատանքների կատարումը:
4. Սահմանել, որ սույն որոշման հավելվածում ընդգրկված գույքի տեղափոխման ծախսերը ենթակա են իրականացման Հայաստանի Հանրապետության պաշտպանության նախարարության միջոցների հաշվին:
Հայաստանի Հանրապետության
փոխվարչապետ Մ. Գրիգորյան
2023 թ. հունիսի
Երևան
Հավելված
ՀՀ կառավարության
2023 թվականի հունիսի 1-ի
N 837-Ա որոշման
ՑԱՆԿ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԱՇՏՊԱՆՈՒԹՅԱՆ ՆԱԽԱՐԱՐՈՒԹՅԱՆՆ ԱՄՐԱՑՎՈՂ ՇԱՐԺԱԿԱՆ ԳՈՒՅՔԻ
(ՀՀ դրամ)
._____________________________________________________________________.
|NN |Գույքի անվանումը |Քանակը|Սկզբնական |Մնացորդային |
|ը/կ| |(հատ) |արժեքը |արժեքը |
|___|_____________________________|______|______________|_____________|
|1. |Օդափոխության համակարգ |1 |102,000,000.0 |88,589,092.0 |
|___|_____________________________|______| | |
|2. |Սառը ջրամատակարարման համակարգ|1 | | |
|___|_____________________________|______| | |
|3. |Տաք ջրամատակարարման համակարգ |1 | | |
|___|_____________________________|______| | |
|4. |Տնտեսական կոյուղու համակարգ |1 | | |
|___|_____________________________|______| | |
|5. |Էլեկտրատեխնիկական մաս |1 | | |
|___|_____________________________|______| | |
|6. |Մոդուլ տեսակ 1 |1 | | |
|___|_____________________________|______| | |
|7. |Մոդուլ տեսակ 2 |12 | | |
|___|_____________________________|______| | |
|8. |Մոդուլ տեսակ 3 |1 | | |
|___|_____________________________|______| | |
|9. |Տեսահսկման համակարգ |1 | | |
|___|_____________________________|______| | |
|10.|Հրդեհի ազդարարման և կանչի |1 | | |
| |համակարգ | | | |
._____________________________________________________________________.