041.0038.180101
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ
ՈՐՈՇՈՒՄ
18 հունվարի 2001 թվականի N 38
2001 ԹՎԱԿԱՆԻ ՀՈՒՆՎԱՐԻ 23-25-Ը եՐԵՎԱՆՈՒՄ ՀԱՅ-ԻՐԱՆԱԿԱՆ
ՄԻՋԿԱՌԱՎԱՐԱԿԱՆ ՀԱՄԱՏԵՂ ՀԱՆՁՆԱԺՈՂՈՎԻ 3-ՐԴ ՆԻՍՏՆ ԱՆՑԿԱՑՆԵԼՈՒ ՄԱՍԻՆ
2001 թվականի հունվարի 23-25-ը Երևանում հայ-իրանական միջկառավարական համատեղ հանձնաժողովի 3-րդ նիստն անցկացնելու և դրա հետ կապված` 2001 թվականի հունվարի 18-25-ը աշխատանքային խմբի Հայաստանի Հանրապետություն այցի կապակցությամբ`
1. Հայաստանի Հանրապետության արտաքին գործերի նախարարությանը, Հայաստանի Հանրապետության էներգետիկայի նախարարությանը և Հայաստանի Հանրապետության պետական արարողակարգի ծառայությանը` ապահովել հյուրերի Հայաստանում գտնվելու ընթացքում միջոցառումների իրականացումն ըստ արարողակարգի:
2. Հայաստանի Հանրապետության կառավարության աշխատակազմին`
ա) նիստն անցկացնելու համար տրամադրել Հայաստանի Հանրապետության կառավարության ընդունելությունների տան դահլիճները.
բ) հյուրերի սպասարկման համար տրամադրել «Վոլգա» մակնիշի 5 և բեռնատար մեկ ավտոմեքենաներ ու 6 միկրոավտոբուս:
3. Հայաստանի Հանրապետության էներգետիկայի նախարարությանը, Հայաստանի Հանրապետության արտաքին գործերի նախարարությանը, Հայաստանի Հանրապետության ֆինանսների և էկոնոմիկայի նախարարությանը, Հայաստանի Հանրապետության կրթության և գիտության նախարարությանը, Հայաստանի Հանրապետության արդյունաբերության և առևտրի նախարարությանը, Հայաստանի Հանրապետության պետական եկամուտների նախարարությանը, Հայաստանի Հանրապետության ներքին գործերի նախարարությանը, Հայաստանի Հանրապետության ազգային անվտանգության նախարարությանն ու Հայաստանի Հանրապետության տրանսպորտի և կապի նախարարությանը` համատեղ ապահովել նիստի նախապատրաստումն ու անցկացումը:
4. Հայաստանի Հանրապետության արտաքին գործերի նախարարությանը` հյուրերին տրամադրել Հայաստանի մուտքի արտոնագրեր (անվճար):
5. Հայաստանի Հանրապետության քաղաքացիական ավիացիայի գլխավոր վարչությանը` ապահովել հյուրերի (50 մարդ) դիմավորումն ու ճանապարհումը (անվճար) պաշտոնական պատվիրակությունների սրահում:
6. Հայաստանի Հանրապետության ներքին գործերի նախարարությանը` ուղեկցության համար հատկացնել ճանապարհային ոստիկանության անձնակազմեր:
7. Հայաստանի Հանրապետության ազգային անվտանգության նախարարությանը` ապահովել հյուրերի անվտանգությունը Հայաստանում գտնվելու ընթացքում:
8. Հայաստանի Հանրապետության կառավարությանն առընթեր տեղեկատվության և գրահրատարակչության վարչությանը` լուսաբանել նիստի աշխատանքները:
9. Հայաստանի Հանրապետության ֆինանսների և էկոնոմիկայի նախարարությանը` նիստի անցկացման և հյուրերի` Հայաստանում գտնվելու ընթացքում կեցության, սննդի, փոխադրամիջոցների, պաշտոնական և աշխատանքային ճաշերի ու հուշանվերների ձեռքբերման հետ կապված ծախսերը` 15278600 (տասնհինգ միլիոն երկու հարյուր յոթանասունութ հազար վեց հարյուր) դրամի սահմաններում, կատարել Հայաստանի Հանրապետության 2001 թվականի պետական բյուջեով արտասահմանյան պատվիրակությունների ընդունելության համար նախատեսված միջոցների հաշվին` համաձայն Հայաստանի Հանրապետության կառավարության աշխատակազմի և Հայաստանի Հանրապետության էներգետիկայի նախարարության ներկայացրած հաշվետվությունների: