ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
4 հունիսի 2026 թվականի N 773-Ա
ՈՐՊԵՍ ՆՎԻՐԱՏՎՈՒԹՅՈՒՆ ԳՈՒՅՔ ԸՆԴՈՒՆԵԼՈՒ, ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՏԱՐԱԾՔԱՅԻՆ ԿԱՌԱՎԱՐՄԱՆ ԵՎ ԵՆԹԱԿԱՌՈՒՑՎԱԾՔՆԵՐԻ ՆԱԽԱՐԱՐՈՒԹՅԱՆ ՋՐԱՅԻՆ ԿՈՄԻՏԵԻՆ ԱՄՐԱՑՆԵԼՈՒ ԵՎ «ՎԵՈԼԻԱ ՋՈՒՐ» ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅԱՆԸ ՎԱՐՁԱԿԱԼՈՒԹՅԱՆ ՀԱՆՁՆԵԼՈՒ ՄԱՍԻՆ
Ղեկավարվելով Հայաստանի Հանրապետության քաղաքացիական օրենսգրքի 594-րդ հոդվածի և «Կառավարչական իրավահարաբերությունների կարգավորման մասին» օրենքի 5-րդ հոդվածի 5-րդ, 6-րդ և 8-րդ մասերի, 9-րդ հոդվածի 5-րդ մասի պահանջներով` Հայաստանի Հանրապետության կառավարությունը որոշում է.
1. Որպես նվիրատվություն Հայաստանի Հանրապետությանն ընդունել «ԱՏԼԱՆՏ ԳՐՈՒՊ» սահմանափակ պատասխանատվությամբ ընկերությանը սեփականության իրավունքով պատկանող` Երևան քաղաքի Կենտրոն վարչական շրջանի Ռոստոմի փողոց 30 շենք հասցեի L=10 մ, d=200 մմ հեղեղատարը, L=33 մ, d=110 մմ ջրագիծը և L=14 մ, d=200 մմ կոյուղին (անշարժ գույքի նկատմամբ իրավունքների պետական գրանցման վկայական` N 31032026-01-0152)` 4942000 դրամ շուկայական արժեքով` համաձայն հավելվածի:
2. Սույն որոշման 1-ին կետում նշված գույքն ամրացնել Հայաստանի Հանրապետության տարածքային կառավարման և ենթակառուցվածքների նախարարության ջրային կոմիտեին:
3. Հայաստանի Հանրապետության տարածքային կառավարման և ենթակառուցվածքների նախարարության ջրային կոմիտեի նախագահին`
1) սույն որոշումն ուժի մեջ մտնելուց հետո մեկամսյա ժամկետում, «ԱՏԼԱՆՏ ԳՐՈՒՊ» սահմանափակ պատասխանատվությամբ ընկերության տնօրենի հետ համատեղ, ապահովել սույն որոշման 1-ին կետում նշված գույքի` սահմանված կարգով Հայաստանի Հանրապետության անունից նվիրատվության պայմանագրի կնքման, նվիրատվության պայմանագրի նոտարական վավերացման, պայմանագրից բխող գույքային իրավունքի պետական գրանցման աշխատանքները և նշված գործողությունների իրականացման համար անհրաժեշտ ծախսերն իրականացնել «ԱՏԼԱՆՏ ԳՐՈՒՊ» սահմանափակ պատասխանատվությամբ ընկերության միջոցների հաշվին.
2) սույն որոշման 1-ին կետում նշված գույքը Հայաստանի Հանրապետության տարածքային կառավարման և ենթակառուցվածքների նախարարության ջրային կոմիտեին ամրացնելուց հետո եռամսյա ժամկետում «Վեոլիա Ջուր» փակ բաժնետիրական ընկերության հետ կնքել համաձայնագիր` 2016 թվականի նոյեմբերի 21-ին Հայաստանի Հանրապետության էներգետիկ ենթակառուցվածքների և բնական պաշարների նախարարության ջրային տնտեսության պետական կոմիտեի ու «Վեոլիա Ջուր» փակ բաժնետիրական ընկերության միջև կնքված` «Երևան Ջուր», «Հայջրմուղկոյուղի», «Լոռի-ջրմուղկոյուղի», «Շիրակ-ջրմուղկոյուղի» և «Նոր Ակունք» փակ բաժնետիրական ընկերությունների կողմից օգտագործվող ու պահպանվող ջրային համակարգերի և այլ գույքի վարձակալության պայմանագրի շրջանակներում «Վեոլիա Ջուր» փակ բաժնետիրական ընկերությանը վարձակալության հանձնելու նպատակով և իրականացնել գույքերի հանձնման-ընդունման աշխատանքների կատարումը:
4. Առաջարկել «Վեոլիա Ջուր» փակ բաժնետիրական ընկերությանն ապահովել սույն որոշման 3-րդ կետի 2-րդ ենթակետում նշված համաձայնագրի նոտարական վավերացումը, դրանից բխող գույքային իրավունքների պետական գրանցման և նշված գործողությունների իրականացման համար անհրաժեշտ ծախսերի կատարումը:
Հայաստանի Հանրապետության
փոխվարչապետ Մ. Գրիգորյան
2026 թ. հունիսի
Երևան
Հավելված
ՀՀ կառավարության
2026 թվականի հունիսի 4-ի
N 773-Ա որոշման
ՑԱՆԿ
ԵՐԵՎԱՆ ՔԱՂԱՔԻ ԿԵՆՏՐՈՆ ՎԱՐՉԱԿԱՆ ՇՐՋԱՆԻ ՌՈՍՏՈՄԻ ՓՈՂՈՑ 30 ՇԵՆՔ ՀԱՍՑԵԻ ՀԵՂԵՂԱՏԱՐԻ, ՋՐԱԳԾԻ ԵՎ ԿՈՅՈՒՂՈՒ
._____________________________________________________________________.
|NN |Անվանումը |Չափման |Քանակը|Միավորի |Ընդհանուր |
|ը/կ| |միավորը | |արժեքը |շուկայական |
| | |(ՀՀ դրամ)| | |արժեքը |
| | | | | |(ՀՀ դրամ) |
|___|___________________________|_________|______|________|___________|
|1. |Կենտրոն վարչական շրջան, |գծմ | 33 |25272.72| 834000|
| |Ռոստոմի 30 հասցեի ջրագիծ` | | | | |
| |L=33 մ, d=110 մմ | | | | |
|___|___________________________|_________|______|________|___________|
|2. |Կենտրոն վարչական շրջան, |գծմ | 14 |26071.42| 365000|
| |Ռոստոմի 30 հասցեի կոյուղի` | | | | |
| |L=14 մ, d=200 մմ | | | | |
|___|___________________________|_________|______|________|___________|
|3. |Կենտրոն վարչական շրջան, |հատ | 2 | 500000| 1000000|
| |Ռոստոմի 30 հասցեի կոյուղու | | | | |
| |դիտահոր` D=1.0 մ 2 հատ | | | | |
|___|___________________________|_________|______|________|___________|
|4. |Կենտրոն վարչական շրջան, |գծմ | 10 | 26300| 263000|
| |Ռոստոմի 30 հասցեի | | | | |
| |հեղեղատար` L=10 մ, d=200 մմ| | | | |
|___|___________________________|_________|______|________|___________|
|5. |Կենտրոն վարչական շրջան, |հատ | 2 | 500000| 1000000|
| |Ռոստոմի 30 հասցեի | | | | |
| |հեղեղատարի դիտահոր` D=1.0 մ| | | | |
| |2 հատ | | | | |
|___|___________________________|_________|______|________|___________|
|6. |Կենտրոն վարչական շրջան, |հատ | 1 | 760000| 760000|
| |Ռոստոմի 30 հասցեի ջրագծի | | | | |
| |դիտահոր` D=2.0 մ | | | | |
|___|___________________________|_________|______|________|___________|
|7. |Կենտրոն վարչական շրջան, |հատ | 1 | 720000| 720000|
| |Ռոստոմի 30 հասցեի ջրագծի | | | | |
| |դիտահոր` D=1.5 մ | | | | |
|_________________________________________________________|___________|
|Ընդամենը | 4942000|
._____________________________________________________________________.