ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
21 նոյեմբերի 2019 թվականի N 1628-Ն
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2014 ԹՎԱԿԱՆԻ ՀՈՒԼԻՍԻ 3-Ի N 712-Ն ՈՐՈՇՄԱՆ ՄԵՋ ԼՐԱՑՈՒՄՆԵՐ ԵՎ ՓՈՓՈԽՈՒԹՅՈՒՆ ԿԱՏԱՐԵԼՈՒ ՄԱՍԻՆ
i
Ղեկավարվելով «Նորմատիվ իրավական ակտերի մասին» օրենքի 34-րդ հոդվածի 1-ին մասը` Հայաստանի Հանրապետության կառավարությունը որոշում է.
i
1. Հայաստանի Հանրապետության կառավարության 2014 թվականի հուլիսի 3-ի «Զինված ուժերում, ազգային անվտանգության, ոստիկանության մարմիններում, քրեակատարողական և փրկարար ծառայություններում ծառայության առանձնահատկություններով պայմանավորված հավելումների տրամադրման դեպքերը, դրանց վճարման չափերը և կարգը սահմանելու մասին» N 712-Ն որոշման N 1 հավելվածում կատարել հետևյալ լրացումները և փոփոխությունը`
1) «13» ծածկագրով տողի 4-րդ սյունակի երկրորդ պարբերությունը «օղակում`» բառից հետո լրացնել «ԶՈւ ԳՇ պետ,» բառերով.
2) «4.2» ծածկագրով տողի 2-րդ սյունակը «բնակավայրերից» բառից հետո լրացնել «30 և ավելի կիլոմետր» բառերով, իսկ 4-րդ սյունակում ուժը կորցրած ճանաչել երկրորդ պարբերությունը.
3) լրացնել հետևյալ բովանդակությամբ նոր` 4.3 ծածկագրով տողով.
«
| 4.3 |
Հատուկ տարածքներում հիմնական բնակավայրերից մինչև 30 կիլոմետր հեռավորությամբ տեղակայված ստորաբաժանումներում ծառայության համար |
0,75, բայց ոչ պակաս, քան մինչև 2019 թ. մայիսի 31-ը ներառյալ հաշվարկված հավելման չափը |
Հաշվարկվում է հատուկ տարածքներում հիմնական բնակավայրերից մինչև 30 կմ հեռու տեղակայված և մարտական հերթապահություն իրականացնող, ինչպես նաև բրիգադի (պաշտպանության շրջանի) պաշտպանության տեղամասի խորությամբ տեղակայված ստորաբաժանումների մարտական հերթապահության չընդգրկված անձնակազմին: Բրիգադի (պաշտպանության շրջանի) պաշտպանության տեղամասի խորություն է համարվում յուրային առաջնագծից մինչև 15 կմ խորությամբ ընկած տարածքը»: |
2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից և տարածվում է 2019 թվականի հունիսի 1-ից հետո ծագած հարաբերությունների վրա:
|
Հայաստանի Հանրապետության
վարչապետ |
Ն. Փաշինյան |
|
2019 թ. նոյեմբերի 26
Երևան
|
|