040.0083.300102
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«30» հունվարի 2002 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
30 հունվարի 2002 թվականի N 83
ԵՐԵՎԱՆ ՔԱՂԱՔՈՒՄ ԳԵՐԵԶՄԱՆԱՏՆԵՐԻ ՏԱՐԱԾՔՆԵՐԻ ԸՆԴԼԱՅՆՄԱՆ ԵՎ ՆՈՐ ԳԵՐԵԶՄԱՆԱՏՆԵՐԻ ԿԱԶՄԱԿԵՐՊՄԱՆ ՄԱՍԻՆ
Հաշվի առնելով այն հանգամանքը, որ Երևան քաղաքում գործող գերեզմանատներում սպառվել են գերեզմանատեղերը և ելնելով գերեզմանատների տարածքների ընդլայնման անհրաժեշտությունից` Հայաստանի Հանրապետության կառավարությունը որոշում է.
1. Հաստատել Երևան քաղաքում գործող գերեզմանատների տարածքների ընդլայնման և նոր գերեզմանատների կազմակերպման նպատակով հողերի տեղաբաշխման սխեման (կցվում է).
2. Նոր գերեզմանատների կազմակերպման նպատակով 87,0 հեկտար տարածքը, որից` Երևան քաղաքի գյուղատնտեսական նշանակության չօգտագործվող հողերից` 71,0 հեկտար, այդ թվում` Երևանի Ավան թաղային համայնքի վարչական տարածքի հողերից` 18,0 հեկտար, Երևանի Աջափնյակ թաղային համայնքի վարչական տարածքի հողերից` 53,0 հեկտար և Հայաստանի Հանրապետության բնապահպանության նախարարության «Հայանտառ» պետական փակ բաժնետիրական ընկերության Երևանի անտառատնտեսության անօգտագործելի հողերից` 16,0 հեկտար (Արտաշատի ջրանցքի վերին մասում` Երևան քաղաքի վարչական տարածքում) փոխադրել հատուկ պահպանվող տարածքների հողերի կատեգորիա` պատմական և մշակութային հողեր գործառնական նշանակությամբ:
3. Երևանի քաղաքապետին`
ա) մեկամսյա ժամկետում Հայաստանի Հանրապետության շահագրգիռ նախարարությունների և գերատեսչությունների հետ համատեղ` սահմանված կարգով ապահովել նշված հողամասերի հատկացման մասին համապատասխան որոշումների ընդունումը և նախագծային փաստաթղթերի մշակման ու համաձայնեցման աշխատանքների կատարումը.
բ) եռամսյա ժամկետում Հայաստանի Հանրապետության շահագրգիռ նախարարությունների և գերատեսչությունների հետ ճշտել Երևան քաղաքի բոլոր գերեզմանատների` հատկացված հողամասերից դուրս ինքնակամ զբաղեցված տարածքների սահմանները, ձեռնարկել համապատասխան միջոցներ` գերեզմանատների ամրակայման տարածքների պահպանման համար` սահմանելով բոլոր գերեզմանատների շահագործման համապատասխան ռեժիմ:
4. Սույն որոշումն ուժի մեջ է մտնում 2002 թվականի հունվարի 30-ից:
Հաստատված է
ՀՀ կառավարության 2002 թվականի
հունվարի 30-ի N 83 որոշմամբ
Երևան քաղաքում գործող գերեզմանատների տարածքների ընդլայնման և նոր
գերեզմանատների կազմակերպման նպատակով հողերի տեղաբաշխման սխեման
-----------------------------------------------
ԻՐՏԵԿ - սխեման չի բերվում
Առաջարկված գերեզմանատների տարածքները
------------------------------------
1. Երևանի Աջափնյակ թաղային համայնքի տարածքի հողերից` 53 հեկտար 2. Երևանի Ավան թաղային համայնքի տարածքի հողերից` 18 հեկտար 3. Երևանի Շենգավիթ թաղային համայնքի տարածքի հողերից` 16 հեկտար