041.0281.130502
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ
ՈՐՈՇՈՒՄ
13 մայիսի 2002 թվականի N 281
ՀԵՆՐԻԿ ԻԳԻԹՅԱՆԻ ԾՆՆԴՅԱՆ 70-ԱՄՅԱ ՀՈԲԵԼՅԱՆԸ ՆՇԵԼՈՒ ՄԱՍԻՆ
Հայաստանի Հանրապետության արվեստի վաստակավոր գործիչ, արվեստաբան Հենրիկ Իգիթյանի ծննդյան 70-ամյա հոբելյանը նշելու նպատակով`
1. Ստեղծել հոբելյանական հանձնաժողով և հաստատել դրա կազմը (կցվում է):
2. Հոբելյանական հանձնաժողովին` տասնօրյա ժամկետում մշակել հոբելյանական միջոցառումների ծրագիրը և կազմել ծախսերի նախահաշիվը:
3. Հայաստանի Հանրապետության ֆինանսների և էկոնոմիկայի նախարարությանը` տասնօրյա ժամկետում հոբելյանական միջոցառումների ծրագրի և ծախսերի նախահաշվի հիման վրա Հայաստանի Հանրապետության կառավարություն ներկայացնել առաջարկություն նշված միջոցառումների ֆինանսավորման վերաբերյալ:
Հաստատված է
Հայաստանի Հանրապետության
վարչապետի 2002 թ.
մայիսի 13-ի N 281 որոշմամբ
ԿԱԶՄ
ՀՈԲԵԼՅԱՆԱԿԱՆ ՀԱՆՁՆԱԺՈՂՈՎԻ
Ռ. Շառոյան - ՀՀ մշակույթի, երիտասարդության հարցերի և սպորտի
նախարար (հանձնաժողովի նախագահ)
Պ. Սաֆարյան - ՀՀ ֆինանսների և էկոնոմիկայի նախարարի առաջին
տեղակալ
Կ. Արիստակեսյան - ՀՀ մշակույթի, երիտասարդության հարցերի և սպորտի
նախարարի տեղակալ
Ֆ. Զաքարյան - Երևանի քաղաքապետի տեղակալ
Ս. Մուրադյան - ՀՀ կառավարության աշխատակազմի սոցիալական հարցերի
վարչության գլխավոր մասնագետ
Կ. Սղամյան - Հայաստանի նկարիչների միության նախագահ
(համաձայնությամբ)
Ս. Սարգսյան - Երևանի թատրոնի և կինոյի պետական ինստիտուտի
ռեկտոր
Ա. Իսաբեկյան - Երևանի գեղարվեստի ակադեմիայի ռեկտոր
Ա. Այվազյան - գրող
Զ. Բալայան - գրող
Յա. Զարգարյան - Կոմիտասի անվան պետական կոնսերվատորիայի պրոֆեսոր
Ա. Գրիգորյան - Կ. Ստանիսլավսկու անվան պետական ռուսական
դրամատիկական թատրոնի գեղարվեստական ղեկավար
Վ. Վարդանյան - ՀՀ մշակույթի, երիտասարդության հարցերի և սպորտի
նախարարության մշակութային ժառանգության և արվեստի
գլխավոր վարչության պետ (հանձնաժողովի քարտուղար)