(ուժը կորցրել է 01.06.18 թիվ 613-Ն որոշում)
i
040.0386.140407
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«14» ապրիլի 2007 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
22 մարտի 2007 թվականի N 386-Ն
i
ՏՈՏԱԼԻԶԱՏՈՐԻ, ԱՆՄԻՋԱԿԱՆՈՐԵՆ (ԽԱՂԱՍՐԱՀՈՒՄ) ԻՆՏԵՐՆԵՏ ՏՈՏԱԼԻԶԱՏՈՐԻ ԿԱԶՄԱԿԵՐՊՄԱՆ ՀԱՄԱՐ ՆԱԽԱՏԵՍՎԱԾ ՀԱՄԱԿԱՐԳԻՉՆԵՐԸ ՀԱՐԿԱՅԻՆ ՄԱՐՄՆԻ ԿՈՂՄԻՑ ԴՐՈՇՄԱՎՈՐԵԼՈՒ, ԿՆՔԵԼՈՒ ԵՎ ՀԱՇՎԱՌԵԼՈՒ ԿԱՐԳԸ ՍԱՀՄԱՆԵԼՈՒ ՄԱՍԻՆ
i
«Հաստատագրված վճարների մասին» Հայաստանի Հանրապետության օրենքի 86.4-րդ հոդվածի 2-րդ և 3-րդ մասերին համապատասխան` Հայաստանի Հանրապետության կառավարությունը որոշում է.
1. Սահմանել`
i
1) տոտալիզատորի, անմիջականորեն (խաղասրահում) ինտերնետ տոտալիզատորի կազմակերպման համար նախատեսված համակարգիչները հարկային մարմնի կողմից դրոշմավորելու, կնքելու ու հաշվառելու կարգը` համաձայն N 1 հավելվածի.
2) համակարգիչների դրոշմավորման, կնքման ու հաշվառման կտրոն ստանալու դիմումի ձևը` համաձայն N 2 հավելվածի.
3) հարկային մարմնի կողմից դրոշմավորված, կնքված ու հաշվառված համակարգիչները գործունեության այլ վայր տեղափոխելու վերաբերյալ ծանուցման ձևը` համաձայն N 3 հավելվածի.
4) հարկային մարմնի կողմից դրոշմավորված, կնքված ու հաշվառված համակարգիչները կիրառումից հանելու վերաբերյալ ծանուցման ձևը` համաձայն N 4 հավելվածի:
(1-ին կետը փոփ. 26.11.15 թիվ 1496-Ն որոշում)
2. Մինչև սույն որոշումն ուժի մեջ մտնելը տոտալիզատորի, անմիջականորեն (խաղասրահում) ինտերնետ տոտալիզատորի, ինտերնետ շահումով խաղերի կազմակերպման համար նախատեսված համակարգիչները սույն որոշմամբ սահմանված կարգով ենթակա են դրոշմավորման, կնքման և հաշվառման սույն որոշումն ուժի մեջ մտնելուց հետո մեկամսյա ժամկետում:
3. Սույն որոշումն ուժի մեջ է մտնում 2007 թվականի մայիսի 1-ից:
(վերնագիրը և նախաբանը փոփ. 26.11.15 թիվ 1496-Ն որոշում)
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2007 ԹՎԱԿԱՆԻ ԱՊՐԻԼԻ 7-ԻՆ
Հավելված N 1
i
ՀՀ կառավարության
2007 թվականի մարտի 22-ի
N 386-Ն որոշման
ԿԱՐԳ
i
ՏՈՏԱԼԻԶԱՏՈՐԻ, ԱՆՄԻՋԱԿԱՆՈՐԵՆ (ԽԱՂԱՍՐԱՀՈՒՄ) ԻՆՏԵՐՆԵՏ ՏՈՏԱԼԻԶԱՏՈՐԻ ԿԱԶՄԱԿԵՐՊՄԱՆ ՀԱՄԱՐ ՆԱԽԱՏԵՍՎԱԾ ՀԱՄԱԿԱՐԳԻՉՆԵՐԸ ՀԱՐԿԱՅԻՆ ՄԱՐՄՆԻ ԿՈՂՄԻՑ ԴՐՈՇՄԱՎՈՐԵԼՈՒ, ԿՆՔԵԼՈՒ ՈՒ ՀԱՇՎԱՌԵԼՈՒ
I. ԸՆԴՀԱՆՈՒՐ ԴՐՈՒՅԹՆԵՐ
i
1. Սույն կարգով կարգավորվում է տոտալիզատորի, անմիջականորեն (խաղասրահում) ինտերնետ տոտալիզատորի կազմակերպման համար նախատեսված համակարգիչները հարկային մարմնի կողմից դրոշմավորելու, կնքելու և հաշվառելու գործընթացը:
(1-ին կետը փոփ. 26.11.15 թիվ 1496-Ն որոշում)
2. Տոտալիզատորի, անմիջականորեն (խաղասրահում) ինտերնետ տոտալիզատորի կազմակերպման համար նախատեսված համակարգիչները դրոշմավորվում, կնքվում և հաշվառվում են տոտալիզատորի, ինտերնետ տոտալիզատորի և ինտերնետ շահումով խաղերի կազմակերպիչների (այսուհետ` կազմակերպիչ) հաշվառման վայրի հարկային տեսչության (այսուհետ` հարկային տեսչություն) կողմից:
(2-րդ կետը փոփ. 26.11.15 թիվ 1496-Ն որոշում)
II. ՀԱՄԱԿԱՐԳԻՉՆԵՐԻ ԴՐՈՇՄԱՎՈՐՈՒՄԸ, ԿՆՔՈՒՄԸ ԵՎ ՀԱՇՎԱՌՈՒՄԸ
i
3. Կազմակերպիչները մինչև գործունեություն սկսելը տոտալիզատորի և անմիջականորեն (խաղասրահում) ինտերնետ տոտալիզատորի կազմակերպման համար նախատեսված համակարգիչների դրոշմավորման, կնքման ու հաշվառման համար ներկայացնում են համակարգիչների դրոշմավորման, կնքման ու հաշվառման կտրոն (այսուհետ` հաշվառման կտրոն) ստանալու մասին դիմում` համաձայն սույն որոշման N 2 հավելվածի:
Դիմումը լրացվում է`
1) թղթային տարբերակով և ներկայացվում հարկային տեսչություն կամ
2) էլեկտրոնային եղանակով և ներկայացվում հարկային մարմնի պաշտոնական ինտերնետային կայքի էլեկտրոնային հաշվետվությունների բաժնի միջոցով (https://file-online.taxservice.am):
(3-րդ կետը փոփ. 26.11.15 թիվ 1496-Ն որոշում)
i
4. Հարկային տեսչությունը դիմումն ստանալու օրվան հաջորդող աշխատանքային օրվա ընթացքում կազմակերպչին հատկացնում է հաշվառման կտրոն` դիմումում նշված թվին համապատասխան: Ընդ որում, հատկացվող հաշվառման կտրոնների թիվը չի կարող գերազանցել օրենքով սահմանված կարգով ներկայացված ելակետային տվյալների վերաբերյալ հայտարարությունում նշված համակարգիչների թիվը:
(4-րդ կետը փոփ. 26.11.15 թիվ 1496-Ն որոշում)
5. Համակարգչի դրոշմավորումն ու կնքումը կատարվում է համակարգչի վրա հաշվառման կտրոն փակցնելու միջոցով:
6. Հաշվառման կտրոնը միակողմանի քարտի տեսքով ինքնասոսնձվող, մեկանգամյա օգտագործման համար նախատեսված, խիստ հաշվառման փաստաթուղթ է: Հաշվառման կտրոնն ունի սերիա և չկրկնվող հերթական համար: Հաշվառման կտրոնի նմուշը հաստատում է Հայաստանի Հանրապետության կառավարությանն առընթեր հարկային պետական ծառայության պետը:
7. Մինչև հաշվառման կտրոնը կազմակերպչին տրամադրելը հարկային տեսչության կողմից հաշվառման կտրոնի վրա լրացվում են`
1) կազմակերպչի անվանումը և հարկ վճարողի հաշվառման համարը,
2) հաշվառման կտրոն տալու ամսաթիվը, ամիսն ու տարեթիվը:
Նշված տվյալները լրացնելուց հետո հաշվառման կտրոնը կնքվում է հարկային տեսչության կողմից:
8. Կազմակերպչի կողմից հաշվառման կտրոնը փակցվում է համակարգչի վրա այնպիսի տեսանելի տեղում, որ համակարգչի վերանորոգման ժամանակ այն չվնասվի: Համակարգչի վրա պետք է փակցված լինի չվնասված և ամբողջական հաշվառման կտրոն:
9. Հաշվառման կտրոնները հարկային տեսչությունների կողմից հաշվառվում են ըստ կազմակերպիչների և ըստ գործունեության իրականացման վայրերի (հասցեների)` Հայաստանի Հանրապետության կառավարությանն առընթեր հարկային պետական ծառայության պետի սահմանած կարգով:
i
10. Հարկային տեսչության կողմից սահմանված կարգով դրոշմավորված, կնքված ու հաշվառված համակարգիչը գործունեության իրականացման այլ վայրում (հասցեում) օգտագործելու դեպքում, մինչև օգտագործվող համակարգչի տեղափոխումը գործունեության իրականացման այլ վայր (հասցե), կազմակերպիչը պարտավոր է այդ փոփոխության մասին գրավոր հայտնել` ներկայացնելով ծանուցում` համաձայն սույն որոշման N 3 հավելվածի:
Ծանուցումը լրացվում է`
1) թղթային տարբերակով և ներկայացվում հարկային տեսչություն կամ
2) էլեկտրոնային եղանակով և ներկայացվում հարկային մարմնի պաշտոնական ինտերնետային կայքի էլեկտրոնային հաշվետվությունների բաժնի միջոցով (https://file-online.taxservice.am):
(10-րդ կետը փոփ. 26.11.15 թիվ 1496-Ն որոշում)
i
11. Տոտալիզատորի, ինտերնետ տոտալիզատորի կազմակերպման համար նախատեսված համակարգիչները կիրառումից (օգտագործումից) հանելու դեպքում (բացառությամբ նորոգման, սպասարկման կամ համանման այլ դեպքերի), անկախ կիրառումից (օգտագործումից) հանելու ժամանակահատվածից, դրա մասին կազմակերպիչը նախապես գրավոր հայտնում է` ներկայացնելով ծանուցում` համաձայն սույն որոշման N 4 հավելվածի:
Ծանուցումը լրացվում է`
1) թղթային տարբերակով և ներկայացվում հարկային տեսչություն կամ
2) էլեկտրոնային եղանակով և ներկայացվում հարկային մարմնի պաշտոնական ինտերնետային կայքի էլեկտրոնային հաշվետվությունների բաժնի միջոցով (https://file-online.taxservice.am):
Այդ դեպքում համակարգչի վրա փակցված կտրոնը պոկվում և ոչնչացվում է կազմակերպչի կողմից:
(11-րդ կետը փոփ. 26.11.15 թիվ 1496-Ն որոշում)
12. Կազմակերպիչների կողմից նոր համակարգիչներ, այդ թվում` կիրառումից (օգտագործումից) հանված, կիրառելու դեպքում այդ համակարգիչների դրոշմավորումը, կնքումը և հաշվառումն իրականացվում է սույն կարգին համապատասխան:
Հավելված N 2
i
ՀՀ կառավարության
2007 թվականի մարտի 22-ի
N 386-Ն որոշման
Ձև
_____________________ հարկային
տեսչության պետ _______________
ԴԻՄՈՒՄ ՀԱՄԱԿԱՐԳԻՉՆԵՐԻ ԴՐՈՇՄԱՎՈՐՄԱՆ, ԿՆՔՄԱՆ ՈՒ ՀԱՇՎԱՌՄԱՆ ԿՏՐՈՆ ՍՏԱՆԱԼՈՒ
._____________________________________________________________________.
|1. Կազմակերպչի անվանումը | |
|_____________________________|_______________________________________|
|2. Կազմակերպչի գտնվելու վայրը| |
|_____________________________|_______________________________________|
|3. Կազմակերպչի ՀՎՀՀ-ն | | | | | | | | |
|_____________________________|_______________________________________|
|4. Գործունեության տեսակը | |
|_____________________________________________________________________|
|5. Լիցենզիայի ___________ __________ ____________________________ |
| (սերիան) (համարը) (տալու օրը, ամիսը, տարեթիվը) |
|_____________________________________________________________________|
|6. Հեռախոսահամարը | |
._____________________________________________________________________.
Համակարգիչների դրոշմավորման, կնքման ու հաշվառման համար խնդրում եմ հատկացնել հետևյալ թվով հաշվառման կտրոններ`
.______________________________________________________________________.
|NN |Գործունեության իրականացման վայրը (հասցեն)|Հաշվառման կտրոնների թիվը|
|ը/կ| |________________________|
| | |թվով |տառերով |
|___|_________________________________________|____________|___________|
|1. | | | |
|___|_________________________________________|____________|___________|
|2. | | | |
|___|_________________________________________|____________|___________|
|3. | | | |
|___|_________________________________________|____________|___________|
|4. | | | |
|___|_________________________________________|____________|___________|
|___|_________________________________________|____________|___________|
|___|_________________________________________|____________|___________|
.______________________________________________________________________.
Տնօրենի (պաշտոնատար անձի) __________________ _______________________
(ստորագրությունը) (անունը, ազգանունը)
Դիմումը ներկայացնելու ժամկետը ______ __________________ 200 __ թ.
(2-րդ հավելվածը փոփ. 26.11.15 թիվ 1496-Ն որոշում)
Հավելված N 3
i
ՀՀ կառավարության
2007 թվականի մարտի 22-ի
N 386-Ն որոշման
Ձև
_____________________ հարկային
տեսչության պետ _______________
ԾԱՆՈՒՑՈՒՄ ՀԱՐԿԱՅԻՆ ՄԱՐՄՆԻ ԿՈՂՄԻՑ ԴՐՈՇՄԱՎՈՐՎԱԾ, ԿՆՔՎԱԾ ՈՒ ՀԱՇՎԱՌՎԱԾ ՀԱՄԱԿԱՐԳԻՉՆԵՐԸ ԳՈՐԾՈՒՆԵՈՒԹՅԱՆ ԱՅԼ ՎԱՅՐ ՏԵՂԱՓՈԽԵԼՈՒ ՎԵՐԱԲԵՐՅԱԼ
._____________________________________________________________________.
|1. Կազմակերպչի անվանումը | |
|_____________________________|_______________________________________|
| | |
|_____________________________|_______________________________________|
|2. Կազմակերպչի ՀՎՀՀ-ն | | | | | | | | |
|_____________________________|_______________________________________|
|3. Գործունեության տեսակը | |
|_____________________________________________________________________|
|4. Լիցենզիայի ________ _________ ____________________________ |
| (սերիան) (համարը) (տալու օրը, ամիսը, տարեթիվը) |
|_____________________________________________________________________|
|5. Հեռախոսահամարը | |
._____________________________________________________________________.
Հայտնում եմ, որ գործունեության իրականացման հետևյալ վայրում (հասցեում)`
______________________________________________________________________
օգտագործվող համակարգիչները, որոնց փակցված են հարկային մարմնի կողմից
տրամադրված ստորև նշված հաշվառման կտրոնները, ____________
(տարեթիվը)
թվականի ___________ ________-ից օգտագործելու եմ գործունեության
(ամիսը) (օրը)
իրականացման այլ (նոր) վայրում` հետևյալ հասցեով`
_______________________________________________________________________
_____________________________:
._____________________________________________________________________.
|NN|Հաշվառման կտրոնի սերիան և համարը |Հաշվառման կտրոնը տալու օրը, |
| | |ամիսը, տարեթիվը |
|__|__________________________________|_______________________________|
| | | |
|__|__________________________________|_______________________________|
| | | |
|__|__________________________________|_______________________________|
| | | |
|__|__________________________________|_______________________________|
| | | |
._____________________________________________________________________.
Տնօրենի (պաշտոնատար անձի) _________________ _______________________
(ստորագրությունը) (անունը, ազգանունը)
(3-րդ հավելվածը լրաց. 26.11.15 թիվ 1496-Ն որոշում)
Հավելված N 4
i
ՀՀ կառավարության
2007 թվականի մարտի 22-ի
N 386-Ն որոշման
Ձև
_____________________ հարկային
տեսչության պետ _______________
ԾԱՆՈՒՑՈՒՄ ՀԱՐԿԱՅԻՆ ՄԱՐՄՆԻ ԿՈՂՄԻՑ ԴՐՈՇՄԱՎՈՐՎԱԾ, ԿՆՔՎԱԾ ՈՒ ՀԱՇՎԱՌՎԱԾ ՀԱՄԱԿԱՐԳԻՉՆԵՐԸ ԿԻՐԱՌՈՒՄԻՑ ՀԱՆԵԼՈՒ ՎԵՐԱԲԵՐՅԱԼ
._____________________________________________________________________.
|1. Կազմակերպչի անվանումը | |
|_____________________________|_______________________________________|
| | |
|_____________________________|_______________________________________|
|2. Կազմակերպչի ՀՎՀՀ-ն | | | | | | | | |
|_____________________________|_______________________________________|
|3. Գործունեության տեսակը | |
|_____________________________________________________________________|
|4. Լիցենզիայի ________ _________ ____________________________ |
| (սերիան) (համարը) (տալու օրը, ամիսը, տարեթիվը) |
|_____________________________________________________________________|
|5. Հեռախոսահամարը | |
._____________________________________________________________________.
Հայտնում եմ, որ գործունեության իրականացման հետևյալ վայրում (հասցեում)`
______________________________________________________________________
օգտագործվող համակարգիչները, որոնց փակցված են հարկային մարմնի կողմից
տրամադրված ստորև նշված հաշվառման կտրոնները, ____________
(տարեթիվը)
թվականի ___________ ________ ից կիրառումից հանվում են:
(ամիսը) (օրը)
._____________________________________________________________________.
|NN|Հաշվառման կտրոնի սերիան և համարը |Հաշվառման կտրոնը տալու օրը, |
| | |ամիսը, տարեթիվը |
|__|__________________________________|_______________________________|
| | | |
|__|__________________________________|_______________________________|
| | | |
|__|__________________________________|_______________________________|
| | | |
|__|__________________________________|_______________________________|
| | | |
._____________________________________________________________________.
Տնօրենի (պաշտոնատար անձի) _________________ _______________________
(ստորագրությունը) (անունը, ազգանունը)
(4-րդ հավելվածը լրաց. 26.11.15 թիվ 1496-Ն որոշում)