(ուժը կորցրել է 10.09.2020 թիվ 1491-Ն որոշում)
i
040.1408.081207
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
8 նոյեմբերի 2007 թվականի N 1408-Ն
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆՆ ԱՌԸՆԹԵՐ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՈՍՏԻԿԱՆՈՒԹՅԱՆ «ՃԱՆԱՊԱՐՀԱՅԻՆ ՈՍՏԻԿԱՆՈՒԹՅՈՒՆ» ԾԱՌԱՅՈՒԹՅԱՆ ԱՐՏԱԲՅՈՒՋԵՏԱՅԻՆ ՖՈՆԴ ՎՃԱՐՄԱՆ ԵՆԹԱԿԱ ՎՃԱՐՆԵՐԻ ՉԱՓԵՐԸ ՍԱՀՄԱՆԵԼՈՒ ՄԱՍԻՆ
Համաձայն «Ճանապարհային երթևեկության անվտանգության ապահովման մասին» Հայաստանի Հանրապետության օրենքի 33.1-ին հոդվածի 6-րդ մասի` Հայաստանի Հանրապետության կառավարությունը որոշում է.
1. Սահմանել Հայաստանի Հանրապետության կառավարությանն առընթեր Հայաստանի Հանրապետության ոստիկանության «Ճանապարհային ոստիկանություն» ծառայության արտաբյուջետային ֆոնդ վճարման ենթակա վճարների չափերը` համաձայն հավելվածի:
2. Ճանապարհը տնօրինող պետական մարմինների ղեկավարներին` որոշման հավելվածի 4-րդ կետով նախատեսված ծառայությունը մատուցելու պայմանները սահմանել Հայաստանի Հանրապետության ոստիկանության պետի հետ համատեղ ստորագրած վարչական ակտի (հրամանի) հիման վրա:
3. Առաջարկել ճանապարհը տնօրինող տեղական ինքնակառավարման մարմինների ղեկավարներին սույն որոշումն ուժի մեջ մտնելուց հետո 10-օրյա ժամկետում` որոշման հավելվածի 4-րդ կետով նախատեսված ծառայությունները մատուցելու համար պայմանագիր կնքել Հայաստանի Հանրապետության կառավարությանն առընթեր Հայաստանի Հանրապետության ոստիկանության «Ճանապարհային ոստիկանություն» ծառայության պետի հետ` ծառայությունը մատուցելու պայմանները սահմանելով պայմանագրով:
4. Սահմանել, որ, բացի որոշման հավելվածի 4-րդ կետով նախատեսված ծառայություններից, մյուս ծառայությունները պետական և տեղական ինքնակառավարման մարմիններին մատուցվում են անվճար:
5. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2007 ԹՎԱԿԱՆԻ ԴԵԿՏԵՄԲԵՐԻ 8-ԻՆ
Հավելված
i
ՀՀ կառավարության
2007 թվականի նոյեմբերի 8-ի
N 1408-Ն որոշման
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆՆ ԱՌԸՆԹԵՐ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՈՍՏԻԿԱՆՈՒԹՅԱՆ «ՃԱՆԱՊԱՐՀԱՅԻՆ ՈՍՏԻԿԱՆՈՒԹՅՈՒՆ» ԾԱՌԱՅՈՒԹՅԱՆ ԱՐՏԱԲՅՈՒՋԵՏԱՅԻՆ ՖՈՆԴ ՎՃԱՐՄԱՆ ԵՆԹԱԿԱ ՎՃԱՐՆԵՐԻ ՉԱՓԵՐԸ
._________________________________________________________________________.
|NN | Վճարի տեսակը | Վճարի չափը |
|ը/կ| | |
|___|___________________________________|_________________________________|
|1. |Մարզական, մշակութային և օրենքով |մեկ կարգախմբի մեկ ժամը (այդ |
| |չարգելված այլ զանգվածային |թվում` ոչ լրիվ)` 5.000 դրամ |
| |միջոցառումների անցկացման ժամանակ, |ուղեկցման դեպքում` մեկ կարգախմբի |
| |բացի բարեգործական և պետական |1 կմ-ը` 500 դրամ լրացուցիչ |
| |մարմինների կողմից իրականացվող | |
| |միջոցառումներից, պայմանագրային | |
| |հիմունքներով ճանապարհային | |
| |երթևեկության անվտանգության | |
| |ապահովում | |
|___|___________________________________|_________________________________|
|2. |Տրանսպորտային միջոցների ցանկալի |36.000 դրամ |
| |համարանիշերի տրամադրում | |
|___|___________________________________|_________________________________|
|2. |տրանսպորտային միջոցների հաշվառման |60.000 դրամ |
|1. |մեծ պահանջարկ ունեցող համարանիշերի |100.000 դրամ |
| |տրամադրում |150.000 դրամ |
| | |250.000 դրամ |
| | |400.000 դրամ |
| | |500.000 դրամ |
| | |600.000 դրամ |
| | |1.000.000 դրամ |
| | |1.500.000 դրամ |
| | |2.000.000 դրամ |
| | |3.000.000 դրամ |
| | |5.000.000 դրամ |
| | |8.000.000 դրամ |
|___|___________________________________|_________________________________|
|3. |Օրենքով չարգելված տեղեկատվության |3.000 դրամ |
| |տրամադրում, բացառությամբ սույն | |
| |հավելվածի 3.1-ին կետում | |
| |նախատեսված դեպքերի | |
|___|___________________________________|_________________________________|
|3. |«Հայաստանի ավտոապահովագրողների |4.000 դրամ |
|1. |բյուրո» իրավաբանական անձանց | |
| |միությանը և դրան անդամակցող | |
| |ապահովագրական ընկերություններին | |
| |ճանապարհատրանսպորտային պատահարի | |
| |ելակետային տվյալների վերաբերյալ | |
| |օրենքով չարգելված տեղեկատվության | |
| |տրամադրում | |
|___|___________________________________|_________________________________|
|4. |Լուսացույցների խափանման դեպքում |մեկ ժամը (այդ թվում` ոչ լրիվ)` |
| |ճանապարհային երթևեկության |5.000 դրամ |
| |կարգավորում | |
|___|___________________________________|_________________________________|
|5. |Ճանապարհային երթևեկության |ոչ գունավոր մեկ էջը` մինչև |
| |կանոնների ուսուցման, ինչպես նաև |20 դրամ |
| |իրավական իրազեկման նպատակով |գունավոր մեկ էջը` մինչև 200 դրամ|
| |ճանապարհային երթևեկության | |
| |անվտանգության ապահովման մասին | |
| |իրավական ակտերի և (կամ) դրանց | |
| |մեկնաբանությունների վերաբերյալ | |
| |հրատարակվող նյութերի վաճառք | |
|___|___________________________________|_________________________________|
|6. |Պետական և տեղական ինքնակառավարման |0 |
| |մարմիններին, ինչպես նաև Հայաստանի | |
| |Հանրապետության նոտարներին | |
| |տրամադրվող տեղեկություն | |
._________________________________________________________________________.
(հավելվածը փոփ. 16.02.12 թիվ 233-Ն, 31.01.13 թիվ 61-Ն, 22.08.13 թիվ 874-Ն, 27.10.16 թիվ 1089-Ն որոշումներ)