Սեղմել Esc փակելու համար:
ՀՀ ՎԱՅՈՑ ՁՈՐԻ ՄԱՐԶՊԵՏԱՐԱՆԻՆ ԳՈՒՄԱՐ ՀԱ...
Քարտային տվյալներ

Տեսակ
Գործում է
Ընդունող մարմին
Ընդունման ամսաթիվ
Համար

Ստորագրման ամսաթիվ
ՈՒժի մեջ մտնելու ամսաթիվ
ՈՒժը կորցնելու ամսաթիվ
Ընդունման վայր
Սկզբնաղբյուր

Ժամանակագրական տարբերակ Փոփոխություն կատարող ակտ

Որոնում:
Բովանդակություն

Հղում իրավական ակտի ընտրված դրույթին X
irtek_logo

ՀՀ ՎԱՅՈՑ ՁՈՐԻ ՄԱՐԶՊԵՏԱՐԱՆԻՆ ԳՈՒՄԱՐ ՀԱՏԿԱՑՆԵԼՈՒ ՄԱՍԻՆ

 

 

040.0802.300708

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ՈՐՈՇՈՒՄ

 

3 հուլիսի 2008 թվականի N 802-Ա

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՅՈՑ ՁՈՐԻ ՄԱՐԶՊԵՏԱՐԱՆԻՆ ԳՈՒՄԱՐ ՀԱՏԿԱՑՆԵԼՈՒ ՄԱՍԻՆ

 

«Հայաստանի Հանրապետության բյուջետային համակարգի մասին» Հայաստանի Հանրապետության օրենքի 19-րդ հոդվածի 3-րդ կետին համապատասխան` Հայաստանի Հանրապետության կառավարությունը որոշում է.

1. Հայաստանի Հանրապետության 2008 թվականի պետական բյուջեով նախատեսված Հայաստանի Հանրապետության կառավարության պահուստային ֆոնդից Հայաստանի Հանրապետության Վայոց ձորի մարզպետարանին 2008 թվականի ինն ամսում հատկացնել 287,013.4 հազ. դրամ, որից`

1) 130,000.0 հազ. դրամը` Հայաստանի Հանրապետության Վայոց ձորի մարզի Ջերմուկ քաղաքի N 2 լճակի հատակի կառուցման, նավակների կայանատեղիի կառուցման և N 3 լճակի պատվարի հիմնանորոգման աշխատանքների ավարտը ֆինանսավորելու համար (բյուջետային ծախսերի տնտեսագիտական դասակարգման «Շենքերի և շինությունների շինարարություն» հոդվածով).

2) 157,013.4 հազ. դրամը` Հայաստանի Հանրապետության Վայոց ձորի մարզի Ջերմուկ քաղաքի Աջափնյա թաղամասի 15 բազմաբնակարան շենքերի տանիքները հիմնանորոգելու համար (բյուջետային ծախսերի տնտեսագիտական դասակարգման «Շենքերի և շինությունների կապիտալ վերանորոգում» հոդվածով):

2. Հայաստանի Հանրապետության 2008 թվականի պետական բյուջեով նախատեսված Հայաստանի Հանրապետության կառավարության պահուստային ֆոնդից Հայաստանի Հանրապետության տրանսպորտի և կապի նախարարությանը 2008 թվականի ինն ամսում հատկացնել 460,000.0 հազ. դրամ, որից`

1) 320,000.0 հազ. դրամը` Հայաստանի Հանրապետության Վայոց ձորի մարզի Ջերմուկ քաղաքի Կեչուտ թաղամասը քաղաքի ձախափնյա թաղամասի հետ կապող Կեչուտ-Ջերմուկ 3.7 կիլոմետր երկարությամբ Ճանապարհի կառուցման համար, այդ թվում`

ա. նախագծահետազոտական փաստաթղթերի մշակման համար` 9,600.0 հազ. դրամ (բյուջետային ծախսերի տնտեսագիտական դասակարգման «Նախագծահետազոտական ծախսեր» հոդվածով),

բ. կառուցման աշխատանքների իրականացման համար` 310,400.0 հազ. դրամ (բյուջետային ծախսերի տնտեսագիտական «Շենքերի և շինությունների շինարարություն» հոդվածով).

2) 140,000.0 հազ. դրամը` Հայաստանի Հանրապետության Վայոց ձորի մարզի Ջերմուկ քաղաքում կայանատեղերի հրապարակներով 0.6 կիլոմետր երկարությամբ երկու ուղի կառուցելու համար, որից`

ա. նախագծահետազոտական փաստաթղթերի մշակման համար` 4,200.0 հազ. դրամ (բյուջետային ծախսերի տնտեսագիտական դասակարգման «Նախագծահետազոտական ծախսեր» հոդվածով),

բ. կառուցման աշխատանքների իրականացման համար` 135,800.0 հազ. դրամ (բյուջետային ծախսերի տնտեսագիտական դասակարգման «Շենքերի և շինությունների շինարարություն» հոդվածով):

3. Հայաստանի Հանրապետության տրանսպորտի և կապի նախարարին` 10-օրյա ժամկետում Հայաստանի Հանրապետության կառավարություն ներկայացնել առաջարկություն «Հայաստանի Հանրապետության 2008 թվականի պետական բյուջեի մասին» Հայաստանի Հանրապետության օրենքի և Հայաստանի Հանրապետության կառավարության 2008 թվականի դեկտեմբերի 20-ի «Հայաստանի Հանրապետության 2008 թվականի պետական բյուջեի կատարումն ապահովող միջոցառումների մասին» N 1540-Ն որոշման համապատասխան հավելվածներում Հայաստանի Հանրապետության տրանսպորտի և կապի նախարարության պատվիրակությամբ իրականացվող աշխատանքների մրցույթների արդյունքում տնտեսված գումարների չափով` ծրագրերի և օբյեկտների գծով սահմանված հատկացումների նվազեցման և նույն գումարի չափով Հայաստանի Հանրապետության 2008 թվականի պետական բյուջեով նախատեսված Հայաստանի Հանրապետության կառավարության պահուստային ֆոնդի գումարի ավելացման վերաբերյալ:

 

ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ

2008 ԹՎԱԿԱՆԻ ՀՈՒԼԻՍԻ 30-ԻՆ

 

 

pin
ՀՀ կառավարություն
03.07.2008
N 802-Ա
Որոշում