Սեղմել Esc փակելու համար:
ՀԱՅԱՍՏԱՆԻ ԵՎ ԹՈՒՐՔԻԱՅԻ ՖՈՒՏԲՈԼԻ ԱԶԳԱՅ...
Քարտային տվյալներ

Տեսակ
Գործում է
Ընդունող մարմին
Ընդունման ամսաթիվ
Համար

Ստորագրման ամսաթիվ
ՈՒժի մեջ մտնելու ամսաթիվ
ՈՒժը կորցնելու ամսաթիվ
Ընդունման վայր
Սկզբնաղբյուր

Ժամանակագրական տարբերակ Փոփոխություն կատարող ակտ

Որոնում:
Բովանդակություն

ՀԱՅԱՍՏԱՆԻ ԵՎ ԹՈՒՐՔԻԱՅԻ ՖՈՒՏԲՈԼԻ ԱԶԳԱՅԻՆ ՀԱՎԱՔԱԿԱՆՆԵՐԻ ԽԱՂԻ ԱՆՑԿԱՑՄԱՆ ԿԱՊԱԿՑՈՒԹՅԱ ...

 

 

040.0934.250808

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ՈՐՈՇՈՒՄ

 

21 օգոստոսի 2008 թվականի N 934-Ա

 

ՀԱՅԱՍՏԱՆԻ ԵՎ ԹՈՒՐՔԻԱՅԻ ՖՈՒՏԲՈԼԻ ԱԶԳԱՅԻՆ ՀԱՎԱՔԱԿԱՆՆԵՐԻ ԽԱՂԻ ԱՆՑԿԱՑՄԱՆ ԿԱՊԱԿՑՈՒԹՅԱՄԲ ՈՒԺԵՂԱՑՎԱԾ ԾԱՌԱՅՈՒԹՅՈՒՆ ԿԱԶՄԱԿԵՐՊԵԼՈՒ ՄԱՍԻՆ

 

Հիմք ընդունելով «Իրավական ակտերի մասին» Հայաստանի Հանրապետության օրենքի 14-րդ հոդվածի 3-րդ մասը և նկատի ունենալով Հայաստանի և Թուրքիայի ֆուտբոլի ազգային հավաքականների` 2008 թվականի սեպտեմբերի 6-ին կայանալիք խաղի կապակցությամբ Հայաստանի Հանրապետություն ժամանող թուրք ֆուտբոլասերների աննախադեպ թիվը` Հայաստանի Հանրապետության կառավարությունը որոշում է.

1. Հայաստանի Հանրապետության կառավարությանն առընթեր Հայաստանի Հանրապետության ոստիկանության պետին և Հայաստանի Հանրապետության կառավարությանն առընթեր ազգային անվտանգության ծառայության տնօրենին` 2008 թվականի սեպտեմբերի 1-11-ը կազմակերպել ուժեղացված ծառայություն և ձեռնարկել միջոցներ` հասարակական կարգի պահպանման համար:

2. Երևանի քաղաքապետին`

1) ձեռնարկել անհրաժեշտ միջոցներ` Երևանի Վազգեն Սարգսյանի անվան հանրապետական մարզադաշտին հարող տարածքի բարեկարգման աշխատանքների իրականացման, ֆուտբոլասերներին ժամանակավոր կենցաղային պայմաններով ապահովելու հանրային սննդի ժամանակավոր օբյեկտներ տեղադրելու, ինչպես նաև շտապ օգնության, այլ քաղաքային կազմակերպությունների անխափան աշխատանքը և մայրաքաղաքի բնականոն կենսագործունեությունը կազմակերպելու համար.

2) զանգվածային հրապարակային միջոցառումների մասին իրազեկումները քննարկելիս` հաշվի առնել սույն որոշման 1-ին կետում նշված ժամանակահատվածի ընթացքում հասարակական կարգի առավել խիստ պահպանման անհրաժեշտությունը` պայմանավորված 2008 թվականի սեպտեմբերի 6-ին կայանալիք խաղի նկատմամբ աննախադեպ հետաքրքրությամբ:

3. Հանրապետական գործադիր մարմինների ղեկավարներին` 2008 թվականի սեպտեմբերի 1-11-ը ձեռնարկել անհրաժեշտ միջոցներ` իրենց ղեկավարման ոլորտներում չնախատեսված հնարավոր իրավիճակները կանխելու, բնականոն գործունեությունը և մատուցվող ծառայությունների պատշաճ որակն ապահովելու համար:

 

ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ

2008 ԹՎԱԿԱՆԻ ՕԳՈՍՏՈՍԻ 25-ԻՆ

 

 

pin
ՀՀ կառավարություն
21.08.2008
N 934-Ա
Որոշում