Սեղմել Esc փակելու համար:
ՄԻՋԳԵՐԱՏԵՍՉԱԿԱՆ ՀԱՆՁՆԱԺՈՂՈՎ ՍՏԵՂԾԵԼՈՒ...
Քարտային տվյալներ

Տեսակ
Գործում է
Ընդունող մարմին
Ընդունման ամսաթիվ
Համար

ՈՒժի մեջ մտնելու ամսաթիվ
ՈՒժը կորցնելու ամսաթիվ
Ընդունման վայր
Սկզբնաղբյուր

Ժամանակագրական տարբերակ Փոփոխություն կատարող ակտ

Որոնում:
Բովանդակություն

Հղում իրավական ակտի ընտրված դրույթին X
irtek_logo

ՄԻՋԳԵՐԱՏԵՍՉԱԿԱՆ ՀԱՆՁՆԱԺՈՂՈՎ ՍՏԵՂԾԵԼՈՒ ՄԱՍԻՆ

 

 

041.0836.251008

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

ՈՐՈՇՈՒՄ

 

25 հոկտեմբերի 2008 թվականի N 836-Ա

 

ՄԻՋԳԵՐԱՏԵՍՉԱԿԱՆ ՀԱՆՁՆԱԺՈՂՈՎ ՍՏԵՂԾԵԼՈՒ ՄԱՍԻՆ

 

i

Համաձայն Հայաստանի Հանրապետության Նախագահի 2007 թվականի հուլիսի 18-ի ՆՀ-174-Ն հրամանագրի 121-րդ կետի 2-րդ ենթակետի` միջազգային առողջապահական կանոնակարգերը ներդնելու համար օրենսդրական, իրավական և գործառնական առաջարկներ ներկայացնելու և այդ կանոնների` Հայաստանի Հանրապետությունում ներդրման ծրագիր-ժամանակացույցի մշակման նպատակով`

1. Ստեղծել միջգերատեսչական հանձնաժողով` համաձայն հավելվածի N 1:

1.1. Հաստատել միջգերատեսչական հանձնաժողովի աշխատակարգը` համաձայն` N 2 հավելվածի:

2. Սահմանել, որ միջգերատեսչական հանձնաժողովի նիստերին կարող են մասնակցել Առողջապահական համաշխարհային կազմակերպության երևանյան գրասենյակի ներկայացուցիչները` խորհրդատվական ձայնի իրավունքով:

3. Միջգերատեսչական հանձնաժողովին` մինչև 2009 թվականի դեկտեմբերի 30-ը Հայաստանի Հանրապետության կառավարության քննարկմանը ներկայացնել միջազգային առողջապահական կանոնակարգերը ներդնելու նպատակով օրենսդրական, իրավական և գործառնական առաջարկները և կանոնների` Հայաստանի Հանրապետությունում ներդրման ծրագիր-ժամանակացույցը:

(որոշումը փոփ. 15.06.09 թիվ 486-Ա որոշում)

 

ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ

2008 ԹՎԱԿԱՆԻ ՀՈԿՏԵՄԲԵՐԻ 25-ԻՆ

 

Հավելված N 1

ՀՀ վարչապետի

2008 թվականի հոկտեմբերի 25-ի

N 836-Ա որոշման

 

ԿԱԶՄ

i

ՄԻՋԳԵՐԱՏԵՍՉԱԿԱՆ ՀԱՆՁՆԱԺՈՂՈՎԻ

 

    Հ. Դարբինյան      - ՀՀ առողջապահության նախարարի առաջին տեղակալ

                        (հանձնաժողովի նախագահ)

 

    Ա. Վանյան         - ՀՀ առողջապահության նախարարության աշխատակազմի

                        պետական հիգիենիկ և հակահամաճարակային տեսչության

                        պետ

 

    Ս. Մելքոնյան      - ՀՀ կառավարությանն առընթեր ազգային անվտանգության

                        ծառայության գլխավոր վարչության պետ

 

    Վ. Մովսիսյան      - ՀՀ կառավարությանն առընթեր ՀՀ ոստիկանության

                        բժշկական վարչության պետ

 

    Ա. Փարսադանյան    - ՀՀ պաշտպանության նախարարության աշխատակազմի

                        ռազմաբժշկական վարչության պետ

 

    Ժ. Ասատրյան       - ՀՀ ֆինանսների նախարարության աշխատակազմի

                        բյուջետային ծախսերի ֆինանսական ծրագրավորման

                        վարչության պետ

 

    Հ. Ավետիսյան      - ՀՀ արտակարգ իրավիճակների նախարարության աշխատակազմի  

                        աղետների բժշկության վարչության պետ

 

    Ձ. Աղաջանյան      - ՀՀ արտաքին գործերի նախարարության աշխատակազմի

                        միջազգային կազմակերպությունների վարչության պետ

 

    Ջ. Ղլիչյան        - ՀՀ բնապահպանության նախարարության աշխատակազմի

                        նորմատիվամեթոդական վարչության պետ

 

    Ա. Գևորգյան       - ՀՀ էներգետիկայի և  բնական պաշարների նախարարության

                        աշխատակազմի ատոմային էներգետիկայի վարչության պետ

 

    Ա. Հովսեփյան      - ՀՀ տրանսպորտի և  կապի նախարարության աշխատակազմի

                        իրավաբանական վարչության պետ

 

    Լ. Մաքսուդյան     - ՀՀ էկոնոմիկայի նախարարության աշխատակազմի գիտելիքի

                        տնտեսության, նորարարության և ձեռներեցության

                        խթանման վարչության նորարարության, ստանդարտացման և

                        չափագիտության բաժնի պետ

 

    Կ. Բեգլարյան      - ՀՀ կառավարությանն առընթեր պետական եկամուտների

                        կոմիտեի մաքսային գործի կատարելագործման և

                        միջազգային հարաբերությունների վարչության պետ

 

    Ս. Մաճկալյան      - ՀՀ տարածքային կառավարման նախարարության ջրային

                        տնտեսության պետական կոմիտեի աշխատակազմի

                        իրավաբանական վարչության պետ

 

    Հ. Գաբրիելյան     - ՀՀ կառավարությանն առընթեր քաղաքացիական ավիացիայի

                        գլխավոր վարչության ավիացիոն անվտանգության

                        վարչության պետ

 

    Ա. Գևորգյան       - ՀՀ արդարադատության նախարարության աշխատակազմի

                        իրավական ակտերի փորձաքննության վարչության

                        պետաիրավական բաժնի պետ

 

    Ա. Ավետիսյան      - ՀՀ կառավարությանն առընթեր միջուկային անվտանգության

                        կարգավորման պետական կոմիտեի ճառագայթային

                        անվտանգության և վթարային պլանավորման բաժնի պետ

 

    Ս. Առաքելյան      - ՀՀ գյուղատնտեսության նախարարության աշխատակազմի

                        սննդամթերքի անվտանգության և անասնաբուժական

                        պետական տեսչության պետի տեղակալ

 

    Լ. Ավետիսյան      - ՀՀ առողջապահության նախարարության աշխատակազմի

                        պետական հիգիենիկ և հակահամաճարակային տեսչության

                        վարակիչ և ոչ վարակիչ հիվանդությունների

                        համաճարակաբանության բաժնի պետ (հանձնաժողովի

                        քարտուղար)

 

    Ն. Բակունց        - ՀՀ առողջապահության նախարարության աշխատակազմի

                        պետական հիգիենիկ և հակահամաճարակային տեսչության

                        իրավական ապահովման և փաստաթղթային հոսքերի

                        կառավարման բաժնի պետ

 

    Ռ. Բաբայան        - ՀՀ առողջապահության նախարարության աշխատակազմի

                        իրավական ապահովման բաժնի գլխավոր մասնագետ

 

    Ա. Բաբլոյան       - ՀՀ Ազգային ժողովի առողջապահության հարցերի մշտական

                        հանձնաժողովի նախագահ (համաձայնությամբ)

 

    Ա. Պետրոսյան      - ՀՀ կրթության և  գիտության նախարարության աշխատակազմի

                        մարզառազմական և արտաուսումնական դաստիարակության

                        վարչության պետ

 

(կազմը փոփ. 02.12.08 թիվ 977-Ա, 15.06.09 թիվ 486-Ա որոշումներ)

 

Հավելված N 2

ՀՀ վարչապետի

2008 թվականի հոկտեմբերի 25-ի

N 836-Ա որոշման

 

ԱՇԽԱՏԱԿԱՐԳ ՄԻՋԳԵՐԱՏԵՍՉԱԿԱՆ ՀԱՆՁՆԱԺՈՂՈՎԻ

 

I. ԸՆԴՀԱՆՈՒՐ ԴՐՈՒՅԹՆԵՐ

 

1. Սույն աշխատակարգով սահմանվում են միջգերատեսչական հանձնաժողովի (այսուհետ` հանձնաժողով) նիստերի վարման և որոշումների ընդունման կարգն ու պայմանները:

 

II. ՀԱՆՁՆԱԺՈՂՈՎԻ ՆՊԱՏԱԿԸ ԵՎ ՀԻՄՆԱԿԱՆ ԽՆԴԻՐՆԵՐԸ

 

2. Հանձնաժողովը Հայաստանի Հանրապետությունում Միջազգային առողջապահական (բժշկասանիտարական) կանոնների (այսուհետ` կանոններ) ներդրման նպատակով քննարկում է կանոնների ներդրման քաղաքականությանը, ներդրման ռազմավարությանն ու բնագավառին վերաբերող այլ հարցեր:

3. Հանձնաժողովն իր առջև դրված հիմնական խնդիրներին համապատասխան`

1) կազմակերպում է Հայաստանի Հանրապետության նախարարությունների, պետական կառավարման այլ մարմինների կողմից կանոնների մշակումը և օժանդակում կանոնների ներդրման աշխատանքներին.

2) կազմակերպում է կանոնների ներդրման հարցերին վերաբերող խորհրդաժողովներ, հանդիպումներ.

3) սահմանված կարգով Հայաստանի Հանրապետության կառավարություն է ներկայացնում առաջարկություններ կանոնների ներդրման միջոցառումների արդյունավետությունը բարձրացնելու նպատակով Հայաստանի Հանրապետության օրենսդրության մեջ փոփոխություններ և լրացումներ կատարելու վերաբերյալ.

4) քննարկում և հաստատում է հանձնաժողովի աշխատանքային պլանները, փոփոխություններ և լրացումներ է կատարում դրանցում.

5) կազմակերպում է կանոնների ներդրման ռազմավարության մշակման աշխատանքները:

 

III. ՀԱՆՁՆԱԺՈՂՈՎԻ ԱՇԽԱՏԱՆՔՆԵՐԻ ԿԱԶՄԱԿԵՐՊՈՒՄԸ

 

4. Հանձնաժողովն իր գործունեությունն իրականացնում է նիստերի միջոցով: Հանձնաժողովի նիստերը հրավիրվում են ըստ անհրաժեշտության:

5. Հանձնաժողովի նիստն իրավազոր է, եթե նիստին մասնակցում է հանձնաժողովի անդամների ընդհանուր թվի կեսից ավելին: Հերթական նիստն սկսվում է օրակարգի հաստատմամբ:

6. Հանձնաժողովի որոշումներն ընդունվում են բաց քվեարկությամբ` նիստի մասնակիցների ձայների կեսից ավելի ձայներով: Հանձնաժողովի յուրաքանչյուր անդամ քվեարկությունների ժամանակ ունի մեկ ձայնի իրավունք: Ձայների հավասարության դեպքում հանձնաժողովի նախագահի ձայնը վճռորոշ է:

7. Հանձնաժողովի նիստերի արդյունքում կազմված արձանագրություններն ստորագրվում են հանձնաժողովի նախագահի և հանձնաժողովի քարտուղարի կողմից:

8. Հանձնաժողովի նիստերում, բացի հանձնաժողովի անդամներից, իրավունք ունեն ներկա գտնվելու հանձնաժողովի նախագահի կողմից հրավիրված անձինք` խորհրդակցական ձայնի իրավունքով: Հանձնաժողովի նիստերն արձանագրվում են: Հանձնաժողովի նախագահի կամ հանձնաժողովի անդամի պահանջի դեպքում նրա առարկությունը կամ վերապահումն արձանագրվում է:

9. Հանձնաժողովն իր լիազորությունների սահմաններում առանձին խնդիրների լուծման նպատակով կարող է ստեղծել աշխատանքային խումբ (խմբեր)` ներգրավելով համապատասխան մասնագետների, նրանց տալ հանձնարարականներ: Աշխատանքային խումբը (խմբերը) կատարած աշխատանքների մասին հաշվետվություն է ներկայացնում (են ներկայացնում) հանձնաժողովին:

 

IV. ՀԱՆՁՆԱԺՈՂՈՎԻ ՆԱԽԱԳԱՀԸ

 

10. Հանձնաժողովի նախագահը`

1) հրավիրում և վարում է հանձնաժողովի նիստերը: Իր բացակայության դեպքում հանձնաժողովի նախագահի լիազորությունների իրականացումը հանձնարարում է խորհրդի անդամներից որևէ մեկին.

2) ապահովում է հանձնաժողովի բնականոն գործունեությունը.

3) հանձնաժողովին է ներկայացնում հանձնաժողովի նիստերի օրակարգերի նախագծերը.

4) համակարգում է հանձնաժողովի աշխատանքը:

 

V. ՀԱՆՁՆԱԺՈՂՈՎԻ ԱՆԴԱՄՆԵՐԸ

 

11. Հանձնաժողովի անդամները`

1) իրավունք ունեն`

ա. հարցեր ներկայացնելու հանձնաժողովի քննարկմանը,

բ. առաջարկություններ ներկայացնելու հանձնաժողովի գործունեության, ինչպես նաև նիստի օրակարգում ընդգրկված հարցերի վերաբերյալ,

գ. ծանոթանալու հանձնաժողովի նիստերի արձանագրություններին.

2) պարտավոր են`

ա. մասնակցել հանձնաժողովի աշխատանքներին.

բ. կատարել հանձնաժողովի որոշումները և նախագահի հանձնարարականները:

 

VI. ՀԱՆՁՆԱԺՈՂՈՎԻ ՔԱՐՏՈՒՂԱՐԸ

 

12. Հանձնաժողովի քարտուղարը`

1) ապահովում է հանձնաժողովի քննարկմանը ներկայացվող փաստաթղթերի և նյութերի պատրաստումը.

2) ապահովում է հանձնաժողովի նիստերի արձանագրության կազմումը.

3) ապահովում է հանձնաժողովի գործունեության մասին տեղեկատվության տարածումը.

4) հանձնաժողովի նախագահի հանձնարարությամբ` իրականացնում է այլ լիազորություններ.

 

VII. ՀԱՆՁՆԱԺՈՂՈՎԻ ԳՈՐԾՈՒՆԵՈՒԹՅԱՆ ԴԱԴԱՐՈՒՄԸ

 

13. Հանձնաժողովի գործունեությունը դադարում է Հայաստանի Հանրապետության վարչապետի որոշմամբ:

 

 

pin
ՀՀ Վարչապետ
25.10.2008
N 836-Ա
Որոշում