Սեղմել Esc փակելու համար:
ՆՈՏԱՐԱԿԱՆ ԳՐԱՆՑԱՄԱՏՅԱՆՈՒՄ ԳՐԱՆՑՈՒՄՆԵՐ...
Քարտային տվյալներ

Տեսակ
Գործում է
Ընդունող մարմին
Ընդունման ամսաթիվ
Համար

Գրանցման ամսաթիվ
ՈՒժի մեջ մտնելու ամսաթիվ
ՈՒժը կորցնելու ամսաթիվ
Ընդունման վայր
Սկզբնաղբյուր

Ժամանակագրական տարբերակ Փոփոխություն կատարող ակտ

Որոնում:
Բովանդակություն

Հղում իրավական ակտի ընտրված դրույթին X
irtek_logo

ՆՈՏԱՐԱԿԱՆ ԳՐԱՆՑԱՄԱՏՅԱՆՈՒՄ ԳՐԱՆՑՈՒՄՆԵՐ ԿԱՏԱՐԵԼՈՒ ԿԱՐԳԸ ԵՎ ՆՈՏԱՐԱԿԱՆ ԳՐԱՆՑԱՄԱՏՅԱՆԻ ...

 

 

102.0223.251208

ԳՐԱՆՑՎԱԾ Է
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԱՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅԱՆ ԿՈՂՄԻՑ

                                      «25»        12            2008 Թ.

                                        ՊԵՏԱԿԱՆ ԳՐԱՆՑՄԱՆ ԹԻՎ 10208396

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՐԴԱՐԱԴԱՏՈՒԹՅԱՆ ՆԱԽԱՐԱՐ ՀՐԱՄԱՆ

 

23 դեկտեմբերի 2008 թվականի N 223-Ն

 

i

ՆՈՏԱՐԱԿԱՆ ԳՐԱՆՑԱՄԱՏՅԱՆՈՒՄ ԳՐԱՆՑՈՒՄՆԵՐ ԿԱՏԱՐԵԼՈՒ ԿԱՐԳԸ ԵՎ ՆՈՏԱՐԱԿԱՆ ԳՐԱՆՑԱՄԱՏՅԱՆԻ ՁԵՎԸ ՀԱՍՏԱՏԵԼՈՒ ՄԱՍԻՆ

 

Ղեկավարվելով «Նոտարիատի մասին» Հայաստանի Հանրապետության օրենքի 50-րդ հոդվածի 3-րդ մասի պահանջներով`

 

ՀՐԱՄԱՅՈՒՄ ԵՄ`

 

1. Հաստատել նոտարական գրանցամատյանում գրանցումներ կատարելու կարգը և նոտարական գրանցամատյանի ձևը (հավելվածներ N N 1, 2 կցվում են):

i

2. ՈՒժը կորցրած ճանաչել Հայաստանի Հանրապետության արդարադատության նախարարի 2002 թվականի դեկտեմբերի 5-ի «Նոտարական գրանցամատյանի ձևը և գրանցամատյանում գրանցումներ կատարելու կարգը հաստատելու մասին» N 670-Ն հրամանը:

 

Հավելված N 1

Հաստատված է

ՀՀ արդարադատության նախարարի

2008 թվականի դեկտեմբերի 23-ի

N 223-Ն հրամանով

 

ԿԱՐԳ

ՆՈՏԱՐԱԿԱՆ ԳՐԱՆՑԱՄԱՏՅԱՆՈՒՄ ԳՐԱՆՑՈՒՄՆԵՐ ԿԱՏԱՐԵԼՈՒ

 

I. ԸՆԴՀԱՆՈՒՐ ԴՐՈՒՅԹՆԵՐ

 

1. Սույն կարգը կարգավորում է «Նոտարիատի մասին» Հայաստանի Հանրապետության օրենքի 50-րդ հոդվածի 3-րդ կետին համապատասխան նոտարների կողմից նոտարական գրանցամատյաններում գրանցումներ կատարելու կարգը և պայմանները:

2. Նոտարները նոտարական գործողությունները գրանցում են նոտարական գրանցամատյանում (այսուհետ` գրանցամատյան):

i

3. Գրանցամատյանը պետք է լինի ամուր կազմված, թերթերը` համարակալված: Թերթերի քանակը պետք է հաստատվի և կնքվի Հայաստանի Հանրապետության արդարադատության նախարարության կողմից: Գրանցամատյանի համարակալման սխալներ հայտնաբերելիս, այդ մասին նշում է կատարվում գրանցամատյանի վերջում, այնուհետև` ստորագրվում և կնքվում նոտարի կողմից:

Գրանցամատյանի կազմի վրա նշվում է նոտարական տարածքը, նոտարի անունը և ազգանունը, հարկ վճարողի հաշվառման համարը /ՀՎՀՀ/ և գրանցամատյանի հերթական համարը:

(3-րդ կետը փոփ. 17.05.18 թիվ 205-Ն հրաման)

4. Յուրաքանչյուր տարվա սկզբից բացվում է նոր գրանցամատյան:

i

Գրանցամատյանի լրանալուց-ավարտվելուց հետո նոտարները ստանում են նոր գրանցամատյան:

Գրանցամատյանները նոտարները ստանում են նոտարական պալատից: Գրանցամատյանի համար նոտարը վճարում կատարում է նոտարական պալատի կողմից ձեռքբերված գնով: Գրանցամատյանների տրամադրումը կատարվում է սույն կարգի 3-րդ կետին համապատասխան:

(4-րդ կետը փոփ. 17.05.18 թիվ 205-Ն հրաման)

5. Գրանցամատյանները պահվում են նոտարների մոտ մինչև այդ գրանցամատյանում ամենավերջին գրանցման օրվանից սկսած յոթանասունհինգ տարին լրանալը:

 

II. ԳՐԱՆՑԱՄԱՏՅԱՆՈՒՄ ԳՐԱՆՑՄԱՆ ԿԱՐԳԸ

 

i

6. Նոտարական գրանցամատյանում գրանցումները պետք է կատարվեն հայերենով: Գրանցումները պետք է լինեն պարզ և ընթեռնելի: Գրանցամատյանում մատիտով գրանցումներ, ինչպես նաև ջնջումներ կատարել չի թույլատրվում, իսկ ուղղումները պետք է ծանոթագրված լինեն գրանցման վերջում` /որտեղ կատարվել է ուղղումը/ նոտարի ստորագրությունից առաջ:

Գրանցամատյանում չլրացված սյունակները պետք է ընդգծվեն:

Եթե նոտարը գործարքի կողմերի տվյալները գրանցել է գրանցամատյանում, սակայն նրանք նույն պահին հրաժարվել են գործարքից, ապա նոտարը համապատասխան գրառում է կատարում գրանցամատյանի 8-րդ սյունակում, որը հավաստում են նաև կողմերը` իրենց ստորագրությամբ: Նշված գրառումը ծանոթագրվում, ստորագրվում և կնքվում է նոտարի կողմից գրանցամատյանի վերջում` նշելով գործարքի հերթական համարը: Եթե նոտարը գործարքի կողմերի տվյալները գրանցել է գրանցամատյանում, նրանք նույն պահին հրաժարվել են գործարքից, սակայն հրաժարվում են դրա վերաբերյալ նոտարի կատարած գրառումը հավաստել իրենց ստորագրություններով, ապա նոտարը գրառում է կատարում և միաժամանակ նշում, որ կողմերը հրաժարվել են ստորագրել գրանցամատյանը: Նշված գրառումը ծանոթագրվում, ստորագրվում և կնքվում է նոտարի կողմից գրանցամատյանի վերջում` նշելով գործարքի հերթական համարը:

(6-րդ կետը փոփ. 17.05.18 թիվ 205-Ն հրաման)

7. Գրանցամատյաններում գրանցման ենթակա են նոտարների կողմից կատարվող բոլոր նոտարական գործողություններն ու գանձված պետական տուրքի և ծառայության վճարները:

8. Յուրաքանչյուր նոտարական գործողություն կրում է առանձին հերթական համար: Գրանցամատյանում գրանցված նոտարական գործողության հերթական համարը ցույց է տրվում նոտարի կողմից վավերացված կամ հաստատված փաստաթղթի վավերացման մակագրությունում:

Եթե նոտարական գործողությունները կատարվում են նոտարական գրասենյակի շենքից դուրս, ապա գրանցամատյանում պետք է նշվի նոտարական գործողության կատարման վայրը:

9. (9-րդ կետն ուժը կորցրել է 17.05.18 թիվ 205-Ն հրաման)

i

10. Գրանցամատյանում գրանցումները կատարվում են հետևյալ կերպ`

i

1) 1-ին սյունակում ցույց է տրվում տարվա սկզբի նոտարական գործողության հերթական համարը: Ընդ որում, հերթական համարները նշվում են հաջորդաբար` առանց բաց տողերի:

2) 2-րդ սյունակում ցույց է տրվում նոտարական գործողության կատարման ամսաթիվը, որը պետք է համընկնի նոտարի կողմից վավերացված կամ հաստատված փաստաթղթի վրա եղած վավերացման մակագրության ամսաթվին:

3) 3-րդ սյունակում ցույց է տրվում այն ֆիզիկական անձանց ազգանունը, անունը, հայրանունը (անձը հաստատող փաստաթղթում դրա առկայության դեպքում) կամ կազմակերպությունների լրիվ անվանումը և նրանց ներկայացուցիչների ազգանունը, անունը, հայրանունը (անձը հաստատող փաստաթղթում դրա առկայության դեպքում), որոնց համար կամ որոնց դիմումով կատարվում է նոտարական գործողությունը:

Եթե նոտարական գործողություն կատարելու համար չի ներկայացել այն անձը կամ նրա օրինական ներկայացուցիչը, որի անունով տրված է փաստաթուղթը, այլ նրա խնդրանքով ներկայացել է մեկ ուրիշ քաղաքացի, ապա նշվում է ներկայացող քաղաքացու ազգանունը, անունը, հայրանունը (անձը հաստատող փաստաթղթում դրա առկայության դեպքում) և նրա բնակության վայրը: Այն դեպքում, երբ նոտարի կողմից հաստատված կամ վավերացված փաստաթղթի մեկ օրինակը մնում է նոտարի գործերում, ապա կողմերի գտնվելու կամ բնակության վայրը կարող է չնշվել:

Ստորագրել չկարողացող անձի անունից նոտարի կողմից վավերացվող կամ հաստատվող փաստաթղթում` 3-րդ սյունակում նշվում է նաև ստորագրող անձի անունը, ազգանունը, հայրանունը (անձը հաստատող փաստաթղթում դրա առկայության դեպքում) և նրա բնակության վայրը:

Եթե նոտարական գործողություն կատարելու համար դիմում է կազմակերպություն, կամ նրա առանձնացված ստորաբաժանումը, ինչպես նաև պետական կամ համայնքի հիմնարկը, ապա 3-րդ սյունակում նշվում է նրանց լրիվ անվանումը և ՀՎՀՀ-ը, գտնվելու վայրը, ներկայացուցիչների անունը, ազգանունը:

Եթե գործարքին մասնակցում է թարգմանիչ կամ վկա, ապա նշվում է նաև նրա անունը, ազգանունը, հայրանունը և նրա բնակության վայրը: Նոտարի կողմից վստահված թարգմանչի ստորագրության իսկությունը վավերացնելիս 3-րդ սյունակում նշվում է նրա անունը, ազգանունը:

Նոտարական գործողության համար դիմած միևնույն անձանց միջև իրար անմիջապես հաջորդող մի քանի գործարքներ կնքվելու դեպքում նոտարը կարող է նրանց ամբողջական տվյալները գրանցել մեկ անգամ, այնուհետ նշել միայն անուն, ազգանուն, հայրանունը` նշում կատարելով, որ տվյալները կարող են դիտվել նախորդ համարում:

4) 4-րդ սյունակում նշվում է նոտարական գործողություն կատարելու համար ներկայացողի անձնագրի կամ նրա ինքնությունը հաստատող այլ փաստաթղթի համարը, տրման ժամանակը և ում կողմից է տրված, ինչպես նաև գործարքի մասնակիցների գործունակությունը ստուգելու համար նրանց ծննդյան թվերը:

5) 5-րդ սյունակում նշվում է կատարվող նոտարական գործողության տեսակը, իսկ գործարքների վավերացման ժամանակ նշվում է միայն այդ գործարքների տեսակը:

Փաստաթղթի պատճենի ճշտության վավերացման ժամանակ այս սյունակում նշվում է փաստաթղթի անվանումը:

6) 6-րդ սյունակում նշվում է նոտարական գործողությունների համար գանձված պետական տուրքի գումարը:

Եթե օրենքով տվյալ նոտարական գործողության համար պետական տուրք չի գանձվելու, ապա 6-րդ սյունակում նշվում է «Ազատված է ՊՏ», որը հավաստվում է գրանցամատյանի 9-րդ սյունակում պետական տուրքից ազատված անձի ստորագրությամբ:

7) 7-րդ սյունակում նշվում է նոտարի կողմից նոտարական գործողության կատարման համար գանձված ծառայության գումարը:

8) 8-րդ սյունակում դրվում է այն անձանց ստորագրությունը, որոնց համար կամ որոնց դիմումով կատարվել է նոտարական գործողությունը:

(10-րդ կետը փոփ. 17.05.18 թիվ 205-Ն հրաման)

11. Հայաստանի Հանրապետության հարկային մարմինների կողմից սույն կարգի պահանջների խախտումներ հայտնաբերելու դեպքում նոտարը ճշգրտումներ /գրանցումներ/ է կատարում գրանցամատյանում և հաշվառմանը վերաբերող այլ փաստաթղթերում:

 

Հավելված N 2

i

Հաստատված է

ՀՀ արդարադատության նախարարի

2008 թվականի դեկտեմբերի 23-ի

N 223-Ն հրամանով

 

ԳՐԱՆՑԱՄԱՏՅԱՆ ՆՈՏԱՐԱԿԱՆ ԳՈՐԾՈՂՈՒԹՅՈՒՆՆԵՐԻ ԳՐԱՆՑՄԱՆ

 

ՆՈՏԱՐ ________________________________________

____________________________________ թվականի N

 

._________________________________________________________________________.

|N |Նոտա- |Անձանց կամ |Նոտարա-|Նոտա- |Գանձված|Նոտարա-|Այն      |Անձանց    |

|  |րական |նրանց      |կան    |րական |է պետա-|կան    |անձանց   |ստորագրու-|

|  |գործո-|ներկայացու-|գործո- |գործո-|կան    |գործո- |ստորա-   |թյունները`|

|  |ղու-  |ցիչների    |ղու-   |ղու-  |տուրք  |ղության|գրու-    |ի հավաս-  |

|  |թյան  |ազգանունը, |թյանը  |թյան  |կամ    |կատար- |թյունը,  |տումը     |

|  |կատար-|անունը,    |ներկա- |տեսակը|նշում  |ման    |որոնց    |տվյալ     |

|  |ման   |հայրանունը |յացած  |      |պետական|համար  |համար    |նոտարական |

|  |ամսա- |և  բնակու- |անձի   |      |գույքի |գանձված|կամ      |գործողու- |

|  |թիվը, |թյան վայրը,|ինքնու-|      |վճարու-|ծառա-  |որոնց    |թյան համար|

|  |ամիսը,|որոնց համար|թյունը |      |մից    |յության|դիմումով |պետական   |

|  |տարե- |կատարված է |հաստա- |      |ազատված|գումարը|կատարվել |տուրքից   |

|  |թիվը  |նոտարական  |տող    |      |լինելու|/ՀՀ    |է նոտա-  |ազատված   |

|  |      |գործողու-  |փաստա- |      |մասին  |դրամ/  |րական    |լինելու   |

|  |      |թյունը,    |թուղթը |      |/ՀՀ    |       |գործողու-|          |

|  |      |ինչպես նաև |       |      |դրամ/  |       |թյունը   |          |

|  |      |թարգմանչի  |       |      |       |       |         |          |

|  |      |կամ վկայի  |       |      |       |       |         |          |

|  |      |անունը,    |       |      |       |       |         |          |

|  |      |ազգանունը, |       |      |       |       |         |          |

|  |      |հայրանունը |       |      |       |       |         |          |

|  |      |և  նրա     |       |      |       |       |         |          |

|  |      |բնակության |       |      |       |       |         |          |

|  |      |վայրը      |       |      |       |       |         |          |

|__|______|___________|_______|______|_______|_______|_________|__________|

|1 |   2  |   3       |   4   |   5  |   6   |   7   |     8   |    9     |

|__|______|___________|_______|______|_______|_______|_________|__________|

|1 |      |           |       |      |       |       |         |          |

|__|______|___________|_______|______|_______|_______|_________|__________|

|2 |      |           |       |      |       |       |         |          |

|__|______|___________|_______|______|_______|_______|_________|__________|

|3 |      |           |       |      |       |       |         |          |

|__|______|___________|_______|______|_______|_______|_________|__________|

|4 |      |           |       |      |       |       |         |          |

|__|______|___________|_______|______|_______|_______|_________|__________|

|5 |      |           |       |      |       |       |         |          |

|__|______|___________|_______|______|_______|_______|_________|__________|

|6 |      |           |       |      |       |       |         |          |

|__|______|___________|_______|______|_______|_______|_________|__________|

|7 |      |           |       |      |       |       |         |          |

|__|______|___________|_______|______|_______|_______|_________|__________|

|8 |      |           |       |      |       |       |         |          |

|__|______|___________|_______|______|_______|_______|_________|__________|

|9 |      |           |       |      |       |       |         |          |

|__|______|___________|_______|______|_______|_______|_________|__________|

|10|      |           |       |      |       |       |         |          |

._________________________________________________________________________.

 

(2-րդ հավելվածը փոփ. 17.05.18 թիվ 205-Ն հրաման)

 

 

pin
Արդարադատության նախարարություն
23.12.2008
N 223-Ն
Հրաման