Սեղմել Esc փակելու համար:
ԲՆՈՒԹՅԱՆ ՀԱՏՈՒԿ ՊԱՀՊԱՆՎՈՂ ՏԱՐԱԾՔՆԵՐԻ ...
Քարտային տվյալներ

Տեսակ
Գործում է
Ընդունող մարմին
Ընդունման ամսաթիվ
Համար

Ստորագրման ամսաթիվ
ՈՒժի մեջ մտնելու ամսաթիվ
ՈՒժը կորցնելու ամսաթիվ
Ընդունման վայր
Սկզբնաղբյուր

Ժամանակագրական տարբերակ Փոփոխություն կատարող ակտ

Որոնում:
Բովանդակություն

Հղում իրավական ակտի ընտրված դրույթին X
irtek_logo

ԲՆՈՒԹՅԱՆ ՀԱՏՈՒԿ ՊԱՀՊԱՆՎՈՂ ՏԱՐԱԾՔՆԵՐԻ ՍՏԵՂԾՄԱՆ ԿԱՐԳԸ ՍԱՀՄԱՆԵԼՈՒ ՄԱՍԻՆ

 

 

040.0072.290109

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ՈՐՈՇՈՒՄ

 

22 հունվարի 2009 թվականի N 72-Ն

 

ԲՆՈՒԹՅԱՆ ՀԱՏՈՒԿ ՊԱՀՊԱՆՎՈՂ ՏԱՐԱԾՔՆԵՐԻ ՍՏԵՂԾՄԱՆ ԿԱՐԳԸ ՍԱՀՄԱՆԵԼՈՒ ՄԱՍԻՆ

 

«Բնության հատուկ պահպանվող տարածքների մասին» Հայաստանի Հանրապետության օրենքի 8-րդ հոդվածի «դ» կետին համապատասխան` Հայաստանի Հանրապետության կառավարությունը որոշում է.

1. Սահմանել բնության հատուկ պահպանվող տարածքների ստեղծման կարգը` համաձայն հավելվածի:

2. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:

 

ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ

2009 ԹՎԱԿԱՆԻ ՀՈՒՆՎԱՐԻ 29-ԻՆ

 

Հավելված

ՀՀ կառավարության

2008 թվականի հունվարի 22-ի

N 72-Ն որոշման

 

ԿԱՐԳ

ԲՆՈՒԹՅԱՆ ՀԱՏՈՒԿ ՊԱՀՊԱՆՎՈՂ ՏԱՐԱԾՔՆԵՐԻ ՍՏԵՂԾՄԱՆ

 

I. ԸՆԴՀԱՆՈՒՐ ԴՐՈՒՅԹՆԵՐ

 

1. Սույն կարգով սահմանվում է բոլոր կատեգորիաների` բնության հատուկ պահպանվող տարածքների (այսուհետ` ԲՀՊՏ-ներ) ստեղծման ընթացակարգը:

2. Տարբեր կատեգորիաների և նշանակության ԲՀՊՏ-ներն ստեղծվում են` հիմք ընդունելով ստեղծման համար նախատեսված տարածքի հետևյալ բնապահպանական արժեքները`

1) գլոբալ, տարածաշրջանային կամ ազգային մակարդակով վտանգված էկոհամակարգերի առկայությունը.

2) գլոբալ, տարածաշրջանային կամ ազգային մակարդակով հազվագյուտ, անհետացող կամ վտանգված բուսական և (կամ) կենդանական տեսակների առկայությունը.

3) Հայաստանի կարմիր գրքում և (կամ) Բնության պահպանության միջազգային միության կարմիր ցուցակում գրանցված բուսական և (կամ) կենդանական տեսակների առկայությունը.

4) կենդանիների բնակավայրերի, միգրացիոն ուղիների, տեսակների գոյության համար առանձնահատուկ դեր խաղացող էկոհամակարգերի առկայությունը.

5) կարևոր թռչնաբանական և բուսաբանական տարածքների առկայությունը.

6) հարուստ կենսաբազմազանության առկայությունը.

7) էնդեմիկ և ռելիկտ տեսակների առկայությունը.

8) մարդածին ազդեցության չենթարկված` անխաթար (կուսական) էկոհամակարգերի առկայությունը:

3. ԲՀՊՏ-ների ստեղծման ընթացքում հաշվի են առնվում տարածքի գեղագիտական նշանակությունը (յուրօրինակ լանդշաֆտները, տաք և հանքային ջրերի աղբյուրները, բնական և պատմամշակութային ժառանգության օբյեկտները), ռեկրեացիոն հնարավորությունները, գիտության և (կամ) կրթության համար դրանց կարևորությունը, ԲՀՊՏ-ների համակարգում չընդգրկված կամ մասամբ ընդգրկված էկոհամակարգերի և տեսակների ներկայացուցչության ապահովման անհրաժեշտությունը:

4. Բոլոր կատեգորիաների ԲՀՊՏ-ներն ստեղծվում են նախատեսվող տարածքի հետազոտման և սույն կարգի 2-րդ ու 3-րդ կետերում նշված չափորոշիչների գնահատման միջոցով` ըստ Բնության պահպանության միջազգային միության ուղեցույցների: Կախված հետազոտվող տարածքում չափորոշիչների միասնական կամ մասնակի առկայությունից և բնության ու մարդկանց բարեկեցության պահպանության համար գլոբալ, տարածաշրջանային կամ ազգային մակարդակով դրանց կարևորությունից` ստեղծվում են տարբեր կատեգորիաների և նշանակության ԲՀՊՏ-ներ:

 

II. ԲՆՈՒԹՅԱՆ ՀԱՏՈՒԿ ՊԱՀՊԱՆՎՈՂ ՏԱՐԱԾՔՆԵՐԻ ՍՏԵՂԾՄԱՆ ԸՆԹԱՑԱԿԱՐԳԸ

 

5. ԲՀՊՏ-ների ստեղծման համար նախատեսված տարածքների հետազոտումը կազմակերպվում և համակարգվում է Հայաստանի Հանրապետության շրջակա միջավայրի նախարարության կողմից (այսուհետ` լիազորված մարմին): Համայնքային սեփականության համարվող հողերում տեղական նշանակության ԲՀՊՏ-ների ստեղծման դեպքում տարածքների գիտական ուսումնասիրությունները կարող են կազմակերպել նաև տեղական ինքանակառավարման մարմինները:

(5-րդ կետը փոփ. 10.10.2019 թիվ 1442-Ն որոշում)

6. ԲՀՊՏ-ների ստեղծման համար տարածքները հետազոտվում են Հայաստանի Հանրապետության պետական բյուջեից, միջազգային դոնորների կողմից տրամադրված, ինչպես նաև Հայաստանի Հանրապետության օրենսդրությամբ չարգելված այլ ֆինանսական միջոցներով: Համայնքային սեփականություն համարվող հողերում տեղական նշանակության ԲՀՊՏ-ների ստեղծման դեպքում տարածքների հետազոտումը կարող է կազմակերպվել համայնքային բյուջեի միջոցներով:

7. Միջազգային և հանրապետական նշանակության պետական արգելոցների և ազգային պարկերի ստեղծման դեպքում հողատարածքները, որոնք նախատեսվում է ընդգրկել ԲՀՊՏ-ներում, օտարվում են հօգուտ պետության` օրենքով սահմանված կարգով:

8. Միջազգային և հանրապետական նշանակության ազգային պարկերի ստեղծման դեպքում ազգային պարկի ստեղծման համար նախատեսված տարածքի տնտեսական և ռեկրեացիոն գոտում առկա սեփականատերերի իրավունքները կարգավորվում են օրենքով սահմանված կարգով:

9. Համայնքային սեփականություն համարվող հողերում տեղական նշանակության ԲՀՊՏ-ների ստեղծման համար հիմք է հանդիսանում լիազորված մարմին տեղական ինքնակառավարման մարմնի կողմից ներկայացված առաջարկությունը:

10. Բոլոր կատեգորիաների և նշանակության ԲՀՊՏ-ների ստեղծման մասին Հայաստանի Հանրապետության կառավարության որոշման նախագիծը Հայաստանի Հանրապետության օրենսդրությամբ սահմանված կարգով Հայաստանի Հանրապետության կառավարության հաստատմանն է ներկայացնում լիազորված մարմինը:

 

 

pin
ՀՀ կառավարություն
22.01.2009
N 72-Ն
Որոշում