Սեղմել Esc փակելու համար:
ԱՐԳԵՆՏԻՆԱՅԻ ՀԱՆՐԱՊԵՏՈՒԹՅԱՆ ՆԱԽԱԳԱՀ ԿԱ...
Քարտային տվյալներ

Տեսակ
Գործում է
Ընդունման ամսաթիվ
Համար

ՈՒժի մեջ մտնելու ամսաթիվ
ՈՒժը կորցնելու ամսաթիվ
Ընդունման վայր
Սկզբնաղբյուր

Ժամանակագրական տարբերակ Փոփոխություն կատարող ակտ

Որոնում:
Բովանդակություն

ԱՐԳԵՆՏԻՆԱՅԻ ՀԱՆՐԱՊԵՏՈՒԹՅԱՆ ՆԱԽԱԳԱՀ ԿԱՐԼՈՍ ՄԵՆԵՄԻ ՀՀ ԱՅՑԻ ՄԱՍԻՆ

 

 

041.0355.190698

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

ՈՐՈՇՈՒՄ

 

19 հունիսի 1998 թվականի թիվ 355

 

ԱՐԳԵՆՏԻՆԱՅԻ ՀԱՆՐԱՊԵՏՈՒԹՅԱՆ ՆԱԽԱԳԱՀ ԿԱՐԼՈՍ ՄԵՆԵՄԻ ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ ԱՅՑԻ ՄԱՍԻՆ

 

Արգենտինայի Հանրապետության նախագահ Կարլոս Մենեմի և նրան ուղեկցող անձանց 1998 թվականի հունիսի 30-ից մինչև հուլիսի 1-ը Հայաստանի Հանրապետություն այցի կապակցությամբ`

1. Հայաստանի Հանրապետության արտաքին գործերի նախարարությանը` նախապատրաստել այցելության ծրագիրը և ապահովել հյուրերի Հայաստանում գտնվելու ընթացքում միջոցառումների իրականացումն ըստ արարողակարգի:

2. Հայաստանի Հանրապետության կառավարության աշխատակազմին` պատվիրակության ղեկավարությանը տեղավորել Հայաստանի Հանրապետության կառավարության ընդունելությունների տանը, ապահովել նրանց սնունդը և սպասարկման համար տրամադրել անհրաժեշտ թվով փոխադրամիջոցներ` համաձայն Հայաստանի Հանրապետության արտաքին գործերի նախարարության ներկայացրած հայտի:

3. Հայաստանի Հանրապետության արդյունաբերության և առևտրի նախարարությանը` աշխատանքային նախնական և հիմնական խմբերը, պատվիրակության անդամներին և հյուրերին սպասարկող հատուկ ինքնաթիռի անձնակազմին տեղավորել «Արմենիա» հյուրանոցային համալիրում և ապահովել նրանց սնունդը:

4. Հայաստանի Հանրապետության քաղաքացիական ավիացիայի գլխավոր վարչությանը` ապահովել հյուրերին սպասարկող հատուկ ինքնաթիռի ընդունումը, լցավորումը, ճանապարհումը, պատվիրակության և ինքնաթիռի անձնակազմի ընդունումն ու ճանապարհումը (անվճար) պաշտոնական պատվիրակությունների սրահում, ինչպես նաև հատուկ ինքնաթիռի անձնակազմի սպասարկումը:

5. Հայաստանի Հանրապետության ներքին գործերի և ազգային անվտանգության նախարարությանը` ապահովել հյուրերի և նրանց սպասարկող հատուկ ինքնաթիռի անվտանգությունը Հայաստանում գործելու ընթացքում, հատկացնել ուղեկցող անձնակազմեր:

6. Հայաստանի Հանրապետության կառավարությանն և գրահրատարակչության վարչությանն ու «Արմենպրես» պետական բաժնետիրական ընկերությանը` լուսաբանել հյուրերի այցը Հայաստանում:

7. Հայաստանի Հանրապետության առողջապահության նախարարությանը` ապահովել պատվիրակության անդամների բուժսպասարկումը:

8. Հայաստանի Հանրապետության պաշտպանության նախարարությանը` հյուրերի ընդունելության և ճանապարհման արարողության ընթացքում ապահովել զինվորական նվագախումբ և պատվո պահակախումբ:

9. Հայաստանի Հանրապետության փոստի և հեռահաղորդակցության նախարարությանը` Հայաստանի Հանրապետության կառավարության ընդունելությունների տանը տեղադրել միջազգային կապի միջոցներ:

10. Երևանի քաղաքապետին բարեկարգել քաղաքի համապատասխան հատվածները` այցելության ծրագիրն իրականացնելու համար:

11. Ընդունել ի գիտություն, որ պատվիրակության Հայաստանի Հանրապետությունում գտնվելու հետ կապված ծախսերը կկատարվեն Հայաստանի Հանրապետության Նախագահի աշխատակազմի միջոցների հաշվին:

 

 

pin
ՀՀ Վարչապետ
19.06.1998
N 355
Որոշում