Սեղմել Esc փակելու համար:
ՀՀ ԱՐՏԱՔԻՆ ԳՈՐԾԵՐԻ ՆԱԽԱՐԱՐՈՒԹՅԱՆ ԿՈՂՄ...
Քարտային տվյալներ

Տեսակ
Գործում է
Ընդունող մարմին
Ընդունման ամսաթիվ
Համար

Ստորագրման ամսաթիվ
ՈՒժի մեջ մտնելու ամսաթիվ
ՈՒժը կորցնելու ամսաթիվ
Ընդունման վայր
Սկզբնաղբյուր

Ժամանակագրական տարբերակ Փոփոխություն կատարող ակտ

Որոնում:
Բովանդակություն

Հղում իրավական ակտի ընտրված դրույթին X
irtek_logo
 

ՀՀ ԱՐՏԱՔԻՆ ԳՈՐԾԵՐԻ ՆԱԽԱՐԱՐՈՒԹՅԱՆ ԿՈՂՄԻՑ ՓԱՍՏԱԹՂԹԵՐԻ ԻՍԿՈՒԹՅՈՒՆԸ ՊԱՐԶԵԼՈՒ ԿԱՐԳԸ Հ ...

 

 

040.0181.090311

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ՈՐՈՇՈՒՄ

 

3 մարտի 2011 թվականի N 181-Ն

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՐՏԱՔԻՆ ԳՈՐԾԵՐԻ ՆԱԽԱՐԱՐՈՒԹՅԱՆ ԿՈՂՄԻՑ ՓԱՍՏԱԹՂԹԵՐԻ ԻՍԿՈՒԹՅՈՒՆԸ ՊԱՐԶԵԼՈՒ ԿԱՐԳԸ ՀԱՍՏԱՏԵԼՈՒ ՄԱՍԻՆ

 

Ղեկավարվելով «Իրավական ակտերի մասին» Հայաստանի Հանրապետության օրենքի 14-րդ հոդվածով` Հայաստանի Հանրապետության կառավարությունը որոշում է.

1. Հաստատել Հայաստանի Հանրապետության արտաքին գործերի նախարարության կողմից փաստաթղթերի իսկությունը պարզելու կարգը` համաձայն հավելվածի:

2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

 

ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ

2011 ԹՎԱԿԱՆԻ ՄԱՐՏԻ 9-ԻՆ

 

Հավելված

ՀՀ կառավարության

2011 թվականի մարտի 3-ի

N 181-Ն որոշման

 

ԿԱՐԳ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՐՏԱՔԻՆ ԳՈՐԾԵՐԻ ՆԱԽԱՐԱՐՈՒԹՅԱՆ ԿՈՂՄԻՑ ՓԱՍՏԱԹՂԹԵՐԻ ԻՍԿՈՒԹՅՈՒՆԸ ՊԱՐԶԵԼՈՒ

 

1. Սույն կարգի նպատակը Հայաստանի Հանրապետության իրավասու պետական մարմինների կամ կազմակերպությունների կողմից տրվող պաշտոնական փաստաթղթերի իսկության պարզումը և կեղծված փաստաթղթերի շրջանառության կանխումն է:

2. Հայաստանի Հանրապետության արտաքին գործերի նախարարության կողմից Հայաստանի Հանրապետության պաշտոնական փաստաթղթերի իսկությունը պարզվում է փաստաթղթի իրականությանը համապատասխանելու հետ կապված հարցման հիման վրա: Հարցումները կարող են ներկայացվել`

1) օտարերկրյա պետությունում բնակվող կամ գտնվող իրավաբանական և ֆիզիկական անձանցից (միայն իրենց վերաբերյալ փաստաթղթերի իսկությունն ստուգելու խնդրանքով) կամ օտարերկրյա պետության իրավասու մարմինների կողմից` համապատասխան պետությունում Հայաստանի Հանրապետության դիվանագիտական ներկայացուցչությունների կամ հյուպատոսական հիմնարկների միջոցով.

2) Հայաստանի Հանրապետությունում հավատարմագրված օտարերկրյա դիվանագիտական ներկայացուցչությունների կամ հյուպատոսական հիմնարկների կողմից:

3. Սույն կարգը չի տարածվում փաստաթղթերի` ապոստիլով վավերացման կամ հյուպատոսական վավերացման նպատակով փաստաթղթերի իսկությունը (փաստաթուղթն ստորագրած անձի պաշտոնի, ստորագրության, ինչպես նաև այդ փաստաթղթի վրա դրված կնիքի կամ դրոշմակնիքի իսկությունը) պարզելու հետ կապված հարաբերությունների վրա:

4. Հայաստանի Հանրապետության արտաքին գործերի նախարարությունը փաստաթղթերի իսկությունը պարզելու նպատակով համապատասխան հարցումն ստանալուց հետո երեք աշխատանքային օրվա ընթացքում այդ փաստաթղթի բնօրինակը կամ պատճենը կամ փաստաթուղթը բնորոշող տվյալները ներկայացնում է Հայաստանի Հանրապետության համապատասխան իրավասու պետական մարմին կամ կազմակերպություն, որը տրամադրել կամ ենթադրաբար տրամադրել է համապատասխան փաստաթուղթը կամ, որը, համաձայն Հայաստանի Հանրապետության օրենսդրության, ունի անհրաժեշտ տվյալներ տվյալ փաստաթղթի տրամադրման հիմքերի վերաբերյալ կամ վարում է համապատասխան փաստաթղթերի հաշվառումը, կամ վերահսկողություն է իրականացնում այդ փաստաթղթերի տրամադրման նկատմամբ:

5. Սույն կարգի 4-րդ կետում նշված պետական մարմինները կամ կազմակերպությունները Հայաստանի Հանրապետության արտաքին գործերի նախարարության հարցմանը պատասխանում են տասն աշխատանքային օրվա ընթացքում:

6. Սույն կարգի 4-րդ կետում նշված պետական մարմինների կամ կազմակերպությունների կողմից երրորդ պետական մարմնից կամ կազմակերպությունից լրացուցիչ հարցում իրականացնելու անհրաժեշտության դեպքում սույն կարգի 5-րդ կետում նշված ժամկետում տեղեկացնում են Հայաստանի Հանրապետության արտաքին գործերի նախարարությանը` լրացուցիչ ստուգման անհրաժեշտության մասին և հարցմանը պատասխանում են սույն կարգի 5-րդ կետում նշված ժամկետը լրանալուց հետո հինգ աշխատանքային օրվա ընթացքում:

7. Արտաքին գործերի նախարարության կողմից վավերացված փաստաթղթեր կամ օտարերկրյա պետություններում հավատարմագրված Հայաստանի Հանրապետության դիվանագիտական ներկայացուցչությունների կամ հյուպատոսական հիմնարկների` նոտարական կարգով վավերացրած կամ հաստատած փաստաթղթերի իսկությունը Հայաստանի Հանրապետության արտաքին գործերի նախարարությունը երկու աշխատանքային օրվա ընթացքում ստուգում է իր տրամադրության տակ եղած տվյալների, այդ թվում` հաշվառման մատյանների հիման վրա:

8. Սույն կարգի 4-7-րդ կետերում նշված ստուգման արդյունքներն ստանալուց հետո երեք աշխատանքային օրվա ընթացքում Հայաստանի Հանրապետության արտաքին գործերի նախարարությունը պատասխանն ուղարկում է հարցման նախաձեռնողին:

 

 

pin
ՀՀ կառավարություն
03.03.2011
N 181-Ն
Որոշում