ՊԱՏՎԻՐԱԿՈՒԹՅՈՒՆ ԴՈՀԱ ԳՈՐԾՈՒՂԵԼՈՒ ՄԱՍԻՆ

041.0519.060611

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

ՈՐՈՇՈՒՄ

6 հունիսի 2011 թվականի N 519-Ա

ՊԱՏՎԻՐԱԿՈՒԹՅՈՒՆ ԴՈՀԱ ԳՈՐԾՈՒՂԵԼՈՒ ՄԱՍԻՆ

Համաձայն Հայաստանի Հանրապետության Նախագահի 2007 թվականի հուլիսի 18-ի ՆՀ-174-Ն հրամանագրի 1-ին կետով սահմանված կարգի 121-րդ կետի 3-րդ ենթակետի`

1. «Հայաստանի Հանրապետության կառավարության և Քատարի Պետության կառավարության միջև Քատարի Պետության տարածքում աշխատուժի օգտագործման մասին» համաձայնագրի նախագծի շուրջ բանակցություններ վարելու նպատակով 2011 թվականի հունիսի 5-10-ը Դոհա (Քատարի Պետություն) գործուղել պատվիրակություն` համաձայն հավելվածի:

2. Ընդունել ի գիտություն, որ պատվիրակության` Դոհա գործուղման հետ կապված ծախսերը կատարվելու են Միգրացիայի միջազգային կազմակերպության հայաստանյան գրասենյակի հաշվին:

3. Հայաստանի Հանրապետության աշխատանքի և սոցիալական հարցերի նախարար Ա. Գրիգորյանին` գործուղումից վերադառնալուց հետո եռօրյա ժամկետում Հայաստանի Հանրապետության կառավարության աշխատակազմ ներկայացնել Դոհա գործուղման արդյունքների մասին հաշվետվություն:

ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ

2011 ԹՎԱԿԱՆԻ ՀՈՒՆԻՍԻ 6-ԻՆ

Հավելված

ՀՀ վարչապետի

2011 թվականի հունիսի 6-ի

N 519-Ա որոշման

ԿԱԶՄ

2011 ԹՎԱԿԱՆԻ ՀՈՒՆԻՍԻ 5-10-Ը ԴՈՀԱ ՄԵԿՆՈՂ ՊԱՏՎԻՐԱԿՈՒԹՅԱՆ

    Ա. Գրիգորյան      - ՀՀ աշխատանքի և  սոցիալական հարցերի նախարար

                        (պատվիրակության ղեկավար)

    Գ. Եգանյան        - ՀՀ տարածքային կառավարման նախարարության միգրացիոն

                        պետական ծառայության պետ

Մ. Ալլահվերդյան  - ՀՀ տարածքային կառավարման նախարարության միգրացիոն

պետական ծառայության աշխատակազմի արտաքին կապերի

բաժնի գլխավոր մասնագետ

Հ. Հովհաննիսյան  - ՀՀ արտաքին գործերի նախարարության աշխատակազմի

Մերձավոր և Միջին Արևելքի վարչության Արաբական

թերակղզու երկրների բաժնի խորհրդական