Սեղմել Esc փակելու համար:
«ՀՀ ՏԱՐԱԾՔՈՒՄ ԳՈՐԾՈՂ ԲԱՆԿԵՐԻ, ՎԱՐԿԱՅԻ...
Քարտային տվյալներ

Տեսակ
Գործում է
Ընդունող մարմին
Ընդունման ամսաթիվ
Համար

Գրանցման ամսաթիվ
ՈՒժի մեջ մտնելու ամսաթիվ
ՈՒժը կորցնելու ամսաթիվ
Ընդունման վայր
Սկզբնաղբյուր

Ժամանակագրական տարբերակ Փոփոխություն կատարող ակտ

Որոնում:
Բովանդակություն

Հղում իրավական ակտի ընտրված դրույթին X
irtek_logo

«ՀՀ ՏԱՐԱԾՔՈՒՄ ԳՈՐԾՈՂ ԲԱՆԿԵՐԻ, ՎԱՐԿԱՅԻՆ ԿԱԶՄԱԿԵՐՊՈՒԹՅՈՒՆՆԵՐԻ, ՆԵՐԴՐՈՒՄԱՅԻՆ ԸՆԿԵՐՈ ...

 

 

050.0322.211211

ԳՐԱՆՑՎԱԾ Է
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԱՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅԱՆ ԿՈՂՄԻՑ

                                      «21»         12           2011 Թ.

                                        ՊԵՏԱԿԱՆ ԳՐԱՆՑՄԱՆ ԹԻՎ 05011560

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿԻ ԽՈՐՀՈՒՐԴ

ՈՐՈՇՈՒՄ

 

30 նոյեմբերի 2011 թվականի թիվ 322-Ն

 

«ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՏԱՐԱԾՔՈՒՄ ԳՈՐԾՈՂ ԲԱՆԿԵՐԻ, ՎԱՐԿԱՅԻՆ ԿԱԶՄԱԿԵՐՊՈՒԹՅՈՒՆՆԵՐԻ, ՆԵՐԴՐՈՒՄԱՅԻՆ ԸՆԿԵՐՈՒԹՅՈՒՆՆԵՐԻ, ՆԵՐԴՐՈՒՄԱՅԻՆ ՖՈՆԴԵՐԻ ԵՎ ՆԵՐԴՐՈՒՄԱՅԻՆ ՖՈՆԴԵՐԻ ԿԱՌԱՎԱՐԻՉՆԵՐԻ ՀԱՇՎԱՊԱՀԱԿԱՆ ՀԱՇՎԱՌՄԱՆ ՀԱՇՎԱՅԻՆ ՊԼԱՆԸ» ԵՎ «ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՏԱՐԱԾՔՈՒՄ ԳՈՐԾՈՂ ԲԱՆԿԵՐԻ, ՎԱՐԿԱՅԻՆ ԿԱԶՄԱԿԵՐՊՈՒԹՅՈՒՆՆԵՐԻ ԵՎ ՆԵՐԴՐՈՒՄԱՅԻՆ ԸՆԿԵՐՈՒԹՅՈՒՆՆԵՐԻ, ՆԵՐԴՐՈՒՄԱՅԻՆ ՖՈՆԴԵՐԻ ԵՎ ՆԵՐԴՐՈՒՄԱՅԻՆ ՖՈՆԴԵՐԻ ԿԱՌԱՎԱՐԻՉՆԵՐԻ ՀԱՇՎԱՊԱՀԱԿԱՆ ՀԱՇՎԱՌՄԱՆ ՀԱՇՎԱՅԻՆ ՊԼԱՆԻ ԿԻՐԱՌՄԱՆ ՀՐԱՀԱՆԳԸ» ՀԱՍՏԱՏԵԼՈՒ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿԻ ԽՈՐՀՐԴԻ ՄԻ ՇԱՐՔ ՈՐՈՇՈՒՄՆԵՐ ՈՒԺԸ ԿՈՐՑՐԱԾ ՃԱՆԱՉԵԼՈՒ ՄԱՍԻՆ

(13-րդ մաս)

 

ԿԱՐԳ 5 ՍԵՓԱԿԱՆ ԿԱՊԻՏԱԼ

 

ԲԱԺԻՆ 50
«ԿԱՆՈՆԱԴՐԱԿԱՆ ՀԻՄՆԱԴՐԱՄ»

 

Բաժին 50-ը ներառում է հետևյալ ենթաբաժինները` 500 «Բաժնետոմսեր», 501 «Բաժնեմասեր և փայամասնակցություններ»:

 

Ենթաբաժին 500
«Բաժնետոմսեր»

 

1-ին կարգի հաշիվ 5000

«Սովորական բաժնետոմսեր»

 

50000 «Սովորական բաժնետոմսեր-անվանական արժեք» - հաշիվը նախատեսված է կազմակերպության կողմից տեղաբաշխված սովորական բաժնետոմսերի հաշվառման համար: Հաշվառումը տարվում է բաժնետոմսերի անվանական արժեքով: Հաշիվը կրեդիտագրվում է սովորական բաժնետոմսերի յուրաքանչյուր տեղաբաշխման արդյունքում կանոնադրական կապիտալի համապատասխան փոփոխության գրանցման դեպքում: Հաշիվը դեբետագրվում է սովորական բաժնետոմսերի ձեռքբերումից կամ հետգնումից հետո դրանց մարելու դեպքում` կանոնադրական կապիտալի համապատասխան փոփոխության գրանցումից հետո:

 

50001 «Սովորական բաժնետոմսեր-էմիսիոն եկամուտ» - այս հաշվում հաշվառվում է ներդրողների կողմից սովորական բաժնետոմսերի ձեռքբերման համար վճարված գնի և անվանական արժեքի միջև եղած դրական տարբերությունը:

 

50002 «Սովորական բաժնետոմսեր-զեղչ» - այս հաշվում հաշվառվում է ներդրողների կողմից սովորական բաժնետոմսերի ձեռքբերման համար վճարված գնի և անվանական արժեքի միջև եղած բացասական տարբերությունը:

 

1-ին կարգի հաշիվ 5001

«Արտոնյալ բաժնետոմսեր»

 

50010 «Արտոնյալ բաժնետոմսեր-անվանական արժեք» - հաշիվը նախատեսված է բանկի կողմից տեղաբաշխված արտոնյալ բաժնետոմսերի հաշվառման համար: Հաշվառումը տարվում է նույն սկզբունքով, ինչ որ 2-րդ կարգի հաշիվ 50000-ի դեպքում:

 

50011 «Արտոնյալ բաժնետոմսեր-էմիսիոն եկամուտ» - այս հաշվում հաշվառվում է ներդրողների կողմից արտոնյալ բաժնետոմսերի ձեռքբերման համար վճարված գնի և անվանական արժեքի միջև եղած դրական տարբերությունը:

 

50012 «Արտոնյալ բաժնետոմսեր-զեղչ» - այս հաշվում հաշվառվում է ներդրողների կողմից արտոնյալ բաժնետոմսերի ձեռքբերման համար վճարված գնի և անվանական արժեքի միջև եղած բացասական տարբերությունը»:

 

Ենթաբաժին 501
«Բաժնեմասեր և փայամասնակցություններ»

 

1-ին կարգի հաշիվ 5010

«Բաժնեմասեր և փայամասնակցություններ»

 

50100 «Բաժնեմասեր» - հաշիվը նախատեսված է ՍՊԸ հանդիսացող կազմակերպությունների կանոնադրական հիմնադրամի միջոցների հաշվառման համար:

 

50101 «Փայամասնակցություններ» - հաշիվը նախատեսված է կոոպերատիվ հանդիսացող կազմակերպությունների կանոնադրական հիմնադրամի միջոցների հաշվառման համար:

 

ԲԱԺԻՆ 51
«ՀԵՏ ԳՆՎԱԾ ԵՎ ՉՎՃԱՐՎԱԾ ԿԱՊԻՏԱԼ»

 

Բաժին 51-ը ներառում է հետևյալ ենթաբաժինները` 510 «Հետ գնված կապիտալ», 511 «Չվճարված կապիտալ»:

Բաժին 51-ում ընդգրկված հաշիվները նախատեսված են կազմակերպության կողմից հետ գնված կամ ձեռք բերված բաժնային արժեթղթերի ընդհանրացման համար: Հաշիվներն ակտիվային են, կարգավորող: Հաշվի դեբետում արտացոլվում են կազմակերպության կողմից տեղաբաշխված բաժնային արժեթղթերի այն մասը, որի դիմաց մասնակիցների (հիմնադիրների) կողմից չի իրականացվել վճարում (ամբողջովին կամ մասամբ), ինչպես նաև կազմակերպության կողմից հետ գնված կամ ձեռք բերված և դեռևս չտեղաբաշխված կամ չմարված բաժնային արժեթղթերի անվանական արժեքը, իսկ կրեդիտում` տեղաբաշխված բաժնետոմսերի դիմաց պարտքի մարումը կամ հետ գնված կամ ձեռքբերված բաժնային արժեթղթերի մարումը կամ տեղաբաշխումը:

 

Ենթաբաժին 511
«Չվճարված կապիտալ»

 

Ենթաբաժին 511-ում ընդգրկված հաշիվները նախատեսված են կազմակերպության կողմից տեղաբաշխված բաժնային արժեթղթերի այն մասի հաշվառման համար, որի դիմաց մասնակիցների (հիմնադիրների) կողմից չի իրականացվել վճարում (ամբողջովին կամ մասամբ):

Ենթաբաժին 511-ը ներառում է հետևյալ 1-ին կարգի հաշիվները` 5110 «Չվճարված բաժնետոմսեր», 5111 «Չվճարված բաժնեմասեր և փայամասնակցություններ»:

 

1-ին կարգի հաշիվ 5100

«Չվճարված բաժնետոմսեր»

 

51100 «Չվճարված սովորական բաժնետոմսեր` անվանական արժեքով» - հաշիվը նախատեսված է կազմակերպության կողմից տեղաբաշխված բաժնետոմսերի անվանական արժեքի այն մասի հաշվառման համար, որի դիմաց մասնակիցների (հիմնադիրների) կողմից չի իրականացվել վճարում (ամբողջովին կամ մասամբ):

Հաշիվը դեբետագրվում է տեղաբաշխված սովորական բաժնետոմսերի անվանական արժեքի դիմաց պակաս վճարած գումարի չափով

Դտ - 51100

Կտ - Դրամական միջոցներ, 39240

Հաշիվը դեբետագրվում է տեղաբաշխված սովորական բաժնետոմսերի անվանական արժեքի դիմաց կատարված վճարի գումարի չափով:

 

51101 «Չվճարված սովորական բաժնետոմսեր` անվանական արժեքը գերազանցող չափով» - հաշիվը նախատեսված է կազմակերպության կողմից տեղաբաշխված բաժնետոմսերի անվանական արժեքը գերազանցող գումարի այն մասի հաշվառման համար, որի դիմաց մասնակիցների (հիմնադիրների) կողմից չի իրականացվել վճարում (ամբողջովին կամ մասամբ):

Հաշիվը դեբետագրվում է տեղաբաշխված սովորական բաժնետոմսերի անվանական արժեքը գերազանցող գումարի պակաս վճարած մասով

Դտ - 51101

Կտ - Դրամական միջոցներ, 39240

Հաշիվը դեբետագրվում է տեղաբաշխված սովորական բաժնետոմսերի անվանական արժեքը գերազանցող գումարի դիմաց կատարված վճարի գումարի չափով:

Ենթաբաժին 511-ում ընդգրկված մնացած հաշիվների հաշվառումը տարվում է նույն սկզբունքով, ինչ որ 51100 և 51101 հաշիվների դեպքում:

 

ԲԱԺԻՆ 52
«ՀԱՄԱՊԱՐՓԱԿ ԵԿԱՄՈՒՏ»

 

Բաժին 52-ը ներառում է հետևյալ ենթաբաժինները` 520 «Չբաշխված շահույթ», 521 «Այլ համապարփակ եկամուտ»:

Բաժին 52-ում ընդգրկված հաշիվները նախատեսված են կազմակերպության հաշվետու ժամանակաշրջանի համապարփակ եկամուտի հաշվառման:

 

Ենթաբաժին 520
«Չբաշխված շահույթ»

 

1-ին կարգի հաշիվ 5200

«Չբաշխված շահույթ»

 

52000 «Ընթացիկ ժամանակաշրջանի չբաշխված շահույթ կամ վնաս» - հաշիվը նախատեսված է կազմակերպության ընթացիկ տարվա գործունեության ֆինանսական արդյունքի (շահույթի կամ վնասի) վերաբերյալ տեղեկատվության ընդհանրացման համար: Յուրաքանչյուր նոր ֆինանսական տարվա սկզբին այս հաշվի մնացորդը (նախորդ տարվա զուտ շահույթը/զուտ վնասը) տեղափոխվում է 52001 «Նախորդ ժամանակաշրջանի չբաշխված շահույթ կամ վնաս» հաշվին:

 

52001 «Նախորդ ժամանակաշրջանների չբաշխված շահույթ կամ վնաս» - այս հաշիվը նախատեսված է նախորդ ֆինանսական տարիների չբաշխված շահույթի (չծածկված վնասի) վերաբերյալ տեղեկատվության ընդհանրացման համար: Հաշվի կրեդիտում արտացոլվում է նախորդ տարվա զուտ շահույթը, նախորդ տարիների վնասների ծածկումը գլխավոր պահուստի հաշվին, հիմնական միջոցների և ոչ նյութական ակտիվների վերագնահատումից արժեքի աճի չբաշխված շահույթին վերագրումը, իսկ դեբետում` չբաշխված շահույթի օգտագործումը, նախորդ տարվա զուտ վնասը:

 

Ենթաբաժին 521
«Այլ համապարփակ եկամուտ»

 

1-ին կարգի հաշիվ 5210

«Այլ համապարփակ եկամուտ»

 

52100 «Շենքերի և շինությունների վերագնահատման պահուստ» - հաշիվը նախատեսված է շենքերի և շինությունների վերագնահատումից առաջացած տարբերությունների ամփոփման համար, սկզբնական արժեքը գերազանցող գումարի սահմաններում:

Հաշիվը դեբետագրվում է`

Դտ - 52100

Կտ - 77001

Հաշիվը կրեդիտագրվում է`

Դտ - 66001

Կտ - 52100

Հաշիվ 5210-ում ընդգրկված մնացած հաշիվների հաշվառումը իրականացվում է նույն սկզբունքով, ինչ որ հաշիվ 52100-ի դեպքում:

 

ԲԱԺԻՆ 53
«ԳԼԽԱՎՈՐ ՊԱՀՈՒՍՏ»

 

Բաժին 53-ում ընդգրկված հաշիվը նախատեսված է այն պահուստների համար, որոնք ստեղծվում են կազմակերպության տրամադրության տակ մնացած շահույթից: Պահուստն օգտագործվում է համաձայն ՀՀ կենտրոնական բանկի և կազմակերպության կանոնադրությամբ սահմանված կարգերի:

 

ԲԱԺԻՆ 54
«ԿԱՊԻՏԱԼԻ ԱՅԼ ՀՈԴՎԱԾՆԵՐ»

 

Բաժին 54-ում ընդգրկված հաշիվները նախատեսված են սեփական կապիտալի այն հոդվածների հաշվառման համար, որոնց համար հատուկ հոդվածներ առանձնացված չեն:

 

ԿԱՐԳ 6 ՀԱՄԱՊԱՐՓԱԿ ԵԿԱՄՈՒՏՆԵՐ

 

ԲԱԺԻՆ 60
«ՏՈԿՈՍԱՅԻՆ ԵԿԱՄՈՒՏՆԵՐ»

 

Բաժին 60-ը նախատեսված է կազմակերպության կողմից իրականացված տարբեր գործառնություններից ստացված տոկոսային եկամտի հաշվառման համար:

Բաժին 60-ը ներառված են հետևյալ ենթաբաժինները` 600 «Տոկոսային եկամուտներ թղթակցային հաշիվներից և ներդրված ավանդներից», 601 «Տոկոսային եկամուտներ տրված վարկերից և փոխառություններից», 602 «Տոկոսային եկամուտներ ռեպո համաձայնագրերից», 603 «Տոկոսային եկամուտներ ակրեդիտիվներից», 604 «Տոկոսային եկամուտներ շահույթով կամ վնասով վերաչափվող իրական արժեքով հաշվառվող արժեթղթերից», 605 «Տոկոսային եկամուտներ վաճառքի համար մատչելի արժեթղթերից», 606 «Տոկոսային եկամուտներ մինչև մարման ժամկետը պահվող արժեթղթերից», 607 «Տոկոսային եկամուտներ ֆինանսական վարձակալությունից», 608 «Այլ տոկոսային եկամուտներ»:

 

ԲԱԺԻՆ 61
«ՈՉ ՏՈԿՈՍԱՅԻՆ ԵԿԱՄՈՒՏՆԵՐ»

 

Բաժին 61-ը նախատեսված է կազմակերպության կողմից իրականացված տարբեր գործառնություններից ստացված ոչ տոկոսային եկամտի հաշվառման համար:

Բաժին 61-ը ներառված են հետևյալ ենթաբաժինները` 610 «Բաժնեմասնակցություններից և փայամասնակցություններից ստացվող եկամուտներ», 611 «Եկամուտներ ֆակտորինգային գործառնությունների գծով», 612 «Երաշխիքների և երաշխավորությունների գծով ստացվելիք գումարներ», 613 «Եկամուտներ արժեթղթերի փաթեթի կառավարման գծով», 614 «Եկամուտներ արժեթղթերով գործարքների գծով», 615 «Եկամուտներ խորհրդատվական ծառայությունների գծով», 616 «Եկամուտներ արժեթղթերի տեղաբաշխումից», 617 «Եկամուտներ պահառության գործունեությունից», 618 «Եկամուտներ այլ ներդրումային ծառայություններից»: Եկամուտ ճանաչելիս այս հաշիվները կրեդիտագրվում են` թղթակցելով ստացվելիք տոկոսների հաշիվների հետ:

 

ԲԱԺԻՆ 62
«ՄԻՋՆՈՐԴԱՎՃԱՐՆԵՐ»

 

Բաժին 62-ը նախատեսված է կազմակերպության կողմից մատուցված ծառայությունների դիմաց ստացված միջնորդավճարների հաշվառման համար:

Բաժին 62-ում ներառված են հետևյալ ենթաբաժինները` 620 «Միջնորդավճարներ պլաստիկ քարտերի սպասարկումից», 621 «Այլ միջնորդավճարներ», 622 «Եկամուտներ պետական և տեղական ինքնակառավարման բյուջեների սպասարկման և այլ ծառայությունների մատուցման գծով»: Եկամուտ ճանաչելիս այս հաշիվները կրեդիտագրվում են` թղթակցելով ստացվելիք տոկոսների հաշիվների հետ:

 

ԲԱԺԻՆ 63
«ԿՈՐՈՒՍՏՆԵՐԻ ՎԵՐԱԿԱՆԳՆՈՒՄԻՑ (ՓՈԽՀԱՏՈՒՑՈՒՄԻՑ) ԵԿԱՄՈՒՏՆԵՐ»

 

Բաժին 63-ը նախատեսված է նախորդ ժամանակաշրջաններում կրած կորուստների վերականգնման արդյունքում առաջացած եկամուտների հաշվառման համար:

Բաժին 63-ում ներառված են հետևյալ ենթաբաժինները` 630 «Վարկերի գծով կորուստների վերականգնումից (փոխհատուցումից) եկամուտներ», 631 «Կորուստների վերականգնումից եկամուտներ դեբիտորական պարտքերի և այլ հոդվածների գծով», 632 «Ապահովագրության գծով փոխհատուցում»,

 

ԲԱԺԻՆ 64
«ՆԱԽՈՐԴ ԺԱՄԱՆԱԿԱՇՐՋԱՆՆԵՐԻ ԵԿԱՄՈՒՏՆԵՐ»

 

Բաժին 64-ը նախատեսված է նախորդ ժամանակաշրջաններին վերաբերող գործառնությունների գծով հաշվետու ժամանակաշրջանում հայտնաբերված էական սխալների ուղղումների և հաշվապահական հաշվառման քաղաքականության փոփոխությունների արդյունքում առաջացած նախորդ տարիների եկամուտների վերաբերյալ տեղեկատվության ընդհանրացման համար (եթե բանկը ընտրել է այնպիսի քաղաքականություն, ըստ որի` էական սխալների ուղղումների և հաշվապահական հաշվառման քաղաքականության փոփոխությունների արդյունքները ներառվում են հաշվետու ժամանակաշրջանի ֆինանսական արդյունքներում): Նախորդ ժամանակաշրջանների ֆինանսական արդյունքների ճշգրտման մոտեցումները նկարագրված են ՀՀՄՍ 8 ստանդարտում:

 

ԲԱԺԻՆ 65
«ՆԵՐԲԱՆԿԱՅԻՆ (ՄԻՋՄԱՍՆԱՃՅՈՒՂԱՅԻՆ) ԵԿԱՄՈՒՏՆԵՐ»

 

Բաժին 65-ը նախատեսված է ներբանկային գործառնությունների արդյունքում առաջացած եկամուտների և ծախսերի հաշվառման համար: Մասնաճյուղերի հաշվեկշիռները միավորելիս հաշիվը զրոյացվում է:

 

ԲԱԺԻՆ 66
«ԱՅԼ ԵԿԱՄՈՒՏՆԵՐ»

 

Բաժին 66-ը նախատեսված է կազմակերպության կողմից մատուցված ծառայությունների դիմաց ստացված միջնորդավճարների հաշվառման համար: Բաժին 66-ում ներառված են հետևյալ ենթաբաժինները` 660 «Ձեռքբերումներից և/կամ օտարումներից ստացված օգուտներ», 661 «Վերագնահատումներից/վերաչափումներից ստացված օգուտներ», 662 «Արժեզրկման հակադարձումից ստացված օգուտներ», 663 «Այլ եկամուտներ»: Եկամուտ ճանաչելիս այս հաշիվները կրեդիտագրվում են` թղթակցելով ստացվելիք եկամուտների հաշիվների հետ:

 

ԲԱԺԻՆ 67
«ԱՅԼ ՀԱՄԱՊԱՐՓԱԿ ԵԿԱՄՈՒՏՆԵՐ»

 

Բաժին 67-ը նախատեսված է կազմակերպության մոտ առաջացած համապարփակ եկամուտների հաշվառման համար:

Բաժին 67-ում ներառված են հետևյալ ենթաբաժինները` 670 «Վերագնահատումներից/վերաչափումներից համապարփակ եկամուտներ»: Եկամուտ ճանաչելիս այս հաշիվները կրեդիտագրվում են` թղթակցելով ստացվելիք եկամուտների հաշիվների հետ:

 

ԿԱՐԳ 7 ՀԱՄԱՊԱՐՓԱԿ ԾԱԽՍԵՐ

 

ԲԱԺԻՆ 70
«ՏՈԿՈՍԱՅԻՆ ԾԱԽՍԵՐ»

 

Բաժին 70-ը նախատեսված է կազմակերպության կողմից իրականացված տարբեր գործառնություններից կրած տոկոսային ծախսերի հաշվառման համար:

Բաժին 70-ում ներառված են հետևյալ ենթաբաժինները` 700 «Տոկոսային ծախսեր ֆինանսական կազմակերպությունների թղթակցային հաշիվների և ներգրավված ավանդների դիմաց», 701 «Տոկոսային ծախսեր ֆինանսական կազմակերպություններից ստացված վարկերի և փոխառությունների դիմաց», 702 «Տոկոսային ծախսեր ֆինանսական կազմակերպություն չհանդիսացող անձանց բանկային հաշիվների և ներգրավված ավանդների դիմաց», 703 «Տոկոսային ծախսեր ֆինանսական կազմակերպություն չհանդիսացող անձանցից ներգրավված փոխառությունների դիմաց», 704 «Տոկոսային ծախսեր ռեպո համաձայնագրերի դիմաց», 705 «Տոկոսային ծախսեր կազմակերպության կողմից թողարկված արժեթղթերի դիմաց», 706 «Տոկոսային ծախսեր կառավարության, տեղական ինքնակառավարման մարմինների և սոցիալական ապահովության հիմնադրամի գծով», 707 «Այլ տոկոսային ծախսեր»: Ծախս ճանաչելիս այս հաշիվները դեբետագրվում են` թղթակցելով հաշվեգրված տոկոսների հաշիվների հետ:

 

ԲԱԺԻՆ 71
«ՈՉ ՏՈԿՈՍԱՅԻՆ ԾԱԽՍԵՐ»

 

Բաժին 71-ը նախատեսված է կազմակերպության մատուցված ծառայությունների դիմաց տրված միջնորդավճարների և նմանատիպ այլ ծախսերի, ինչպես նաև ապահովագրության գծով փոխհատուցումների հաշվառման համար:

Բաժին 71-ում ներառված են հետևյալ ենթաբաժինները` 710 «Միջնորդավճարներ, տույժեր ու տուգանքներ և այլ գործառնական ծախսեր», 711 «Վարչական ծախսեր», 712 «Ապահովագրության գծով ծախսեր», 713 «Ֆինանսական հաշտարարի գրասենյակի գծով ծախսեր», «714 «Բաժնեմասնակցություններից և փայամասնակցություններից ստացվող վնասներ»: Ծախս ճանաչելիս այս հաշիվները դեբետագրվում են` թղթակցելով հաշվեգրված տոկոսների հաշիվների հետ:

 

ԲԱԺԻՆ 72
«ԿՈՐՈՒՍՏՆԵՐ»

 

Բաժին 72-ը նախատեսված է կազմակերպության կողմից իրականացված տարբեր գործառնություններից կրած կորուստների հաշվառման համար:

Բաժին 72-ում ներառված են հետևյալ ենթաբաժինները` 720 «Ձեռքբերումներից և/կամ օտարումներից (վաճառքից) առաջացած կորուստներ», 721 «Վերագնահատումներից/վերաչափումներից առաջացած կորուստներ», 722 «Արժեզրկումից առաջացած կորուստներ»: Ծախս ճանաչելիս այս հաշիվները դեբետագրվում են` թղթակցելով հաշվեգրված ծախսերի հաշիվների հետ:

 

ԲԱԺԻՆ 73
«ՀԱՏԿԱՑՈՒՄՆԵՐ ՊԱՀՈՒՍՏՆԵՐԻՆ»

 

Բաժին 73-ը նախատեսված է վարկերի ու դեբիտորական պարտքերի ընդհանուր ու հատուկ պահուստներին, բանկային երաշխիքների և այլ պարտավորությունների պահուստներին, ինվեստիցիոն արժեթղթերի հնարավոր կորուստների պահուստին կատարվող հատկացումների, ինչպես նաև չաշխատող ակտիվների` նախորդ ժամանակաշրջանում հաշվեգրված տոկոսների գծով կատարված ծախսերի գումարների հաշվառման համար:

Բաժին 73-ում ներառված են հետևյալ ենթաբաժինները` 730 «Հատկացումներ վարկերի ու դեբիտորական պարտքերի հնարավոր կորուստների պահուստներին»:

 

ԲԱԺԻՆ 74
«ՇԱՀՈՒԹԱՀԱՐԿԻ ԳԾՈՎ ԾԱԽՍ (ՓՈԽՀԱՏՈՒՑՈՒՄ)»

 

Բաժին 74-ը նախատեսված է շահութահարկի գծով ընթացիկ և հետաձգված ծախսերի (փոխհատուցումները) հաշվառման համար: Շահութահարկի հաշվառումը նկարագրված է ՀՀՄՍ 12 «Շահութահարկ» ստանդարտում:

 

ԲԱԺԻՆ 75
«ՆԱԽՈՐԴ ԺԱՄԱՆԱԿԱՇՐՋԱՆՆԵՐԻ ԾԱԽՍԵՐ»

 

Բաժին 75-ը նախատեսված է նախորդ ժամանակաշրջաններին վերաբերող գործառնությունների գծով հաշվետու ժամանակաշրջանում հայտնաբերված էական սխալների ուղղումների և հաշվապահական հաշվառման քաղաքականության փոփոխությունների արդյունքում առաջացած նախորդ տարիների ծախսերի վերաբերյալ տեղեկատվության ընդհանրացման համար (եթե բանկը ընտրել է այնպիսի քաղաքականություն, ըստ որի` էական սխալների ուղղումների և հաշվապահական հաշվառման քաղաքականության փոփոխությունների արդյունքները ներառվում են հաշվետու ժամանակաշրջանի ֆինանսական արդյունքներում): Նախորդ ժամանակաշրջանների ֆինանսական արդյունքների ճշգրտման մոտեցումները նկարագրված են ՀՀՄՍ 8-ում:

 

ԲԱԺԻՆ 76
«ՆԵՐԲԱՆԿԱՅԻՆ (ՄԻՋՄԱՍՆԱՃՅՈՒՂԱՅԻՆ) ԾԱԽՍԵՐ»

 

Բաժին 76-ը նախատեսված է ներբանկային գործառնությունների արդյունքում առաջացած ծախսերի հաշվառման համար: Մասնաճյուղերի հաշվեկշիռները միավորելիս հաշիվը զրոյացվում է:

 

ԲԱԺԻՆ 77
«ԱՅԼ ՀԱՄԱՊԱՐՓԱԿ ԿՈՐՈՒՍՏՆԵՐ»

 

Բաժին 77-ը նախատեսված է կազմակերպության մոտ առաջացած համապարփակ կորուստների հաշվառման համար:

Բաժին 77-ում ներառված են հետևյալ ենթաբաժինները` 770 «Վերագնահատումներից/վերաչափումներից համապարփակ կորուստներ»:

 

ԲԱԺԻՆ 78
«ԱՅԼ ԾԱԽՍԵՐ/ԿՈՐՈՒՍՏՆԵՐ»

 

Բաժին 78-ը նախատեսված է կազմակերպության մոտ այլ գործառնություններից առաջացած ծախսերի/կորուստների հաշվառման համար:

Բաժին 78-ում ներառված է հետևյալ ենթաբաժինը` 780 «Այլ ծախսեր/կորուստներ»:

 

ԿԱՐԳ 8 ՀԵՏՀԱՇՎԵԿՇՌԱՅԻՆ ՀԱՇԻՎՆԵՐ

 

ԲԱԺԻՆ 80
«ՊԱՀԱՆՋՆԵՐ ԵՎ ՊԱՐՏԱՎՈՐՈՒԹՅՈՒՆՆԵՐ ՎՃԱՐՄԱՆ ՓԱՍՏԱԹՂԹԵՐԻ ԵՎ ԱԾԱՆՑՅԱԼ ԳՈՐԾԻՔՆԵՐԻ ԳԾՈՎ»

 

Բաժին 80-ում ներառված են հետևյալ ենթաբաժինները` 800 «Վարկային գծեր, քարտեր և օվերդրաֆտներ», 801 «Ակրեդիտիվներ և վճարման փաստաթղթեր», 802 «Ածանցյալ գործիքներ»:

 

Ենթաբաժին 800
«Վարկային գծեր, քարտեր և օվերդրաֆտներ»

 

Ենթաբաժին 800-ը նախատեսված է վարկային գծերի, քարտերի և օվերդրաֆտների առավելագույն սահմանաչափերի և չօգտագործված մասերի հաշվառման համար: Այս գործիքներից յուրաքանչյուրի գծով միջոցների օգտագործման դեպքում նվազեցվում են չօգտագործված մասերի հաշվառման հաշիվները:

 

Ենթաբաժին 801
«Ակրեդիտիվներ և վճարման փաստաթղթեր»

 

Ենթաբաժին 801-ը նախատեսված է ակրեդիտիվների, վճարային հանձնարարականների և այլ վճարային փաստաթղթերի գծով պայմանական պարտավորությունների հաշվառման համար:

 

Ենթաբաժին 802
«Ածանցյալ գործիքներ»

 

Ենթաբաժին 802-ը նախատեսված է արժութային, արժեթղթերի և այլ ածանցյալ գործիքների պայմանագրային արժեքի հաշվառման համար: Արժութային ածանցյալների դեպքում արտարժութային միջոցների գրանցումը կատարվում է գործարքի կնքման օրը ՀՀ կենտրոնական բանկի սահմանած հաշվարկային փոխարժեքով:

 

ԲԱԺԻՆ 81
«ԳՐԱՎ, ԵՐԱՇԽԻՔՆԵՐ ԵՎ ԵՐԱՇԽԱՎՈՐՈՒԹՅՈՒՆՆԵՐ, ԱՅԼ ՊԱՅՄԱՆԱԿԱՆ ԱԿՏԻՎՆԵՐ ԵՎ ՊԱՐՏԱՎՈՐՈՒԹՅՈՒՆՆԵՐ»

 

Բաժին 81-ում ներառված են հետևյալ ենթաբաժինները` 810 «Գրավ», 811 «Երաշխիքներ», 812 «Երաշխավորություններ», 813 «Պայմանական ակտիվներ և պարտավորություններ», 814 «Ապահովագրության պայմանագրերով նախատեսված ապահովագրական գումարներ»:

 

Ենթաբաժին 810
«Գրավ»

 

Ենթաբաժին 810-ում հաշվառվում են ինչպես վարկերի և այլ փոխատվությունների դիմաց ստացված, այնպես էլ կազմակերպության կողմից այլ անձանց տրամադրված միջոցները: Ստացված գրավի դեպքում, գրավի առարկաներն ենթաբաժնի հաշիվներից դուրս են գրվում գրավատուին գրավի հետ վերադարձման կամ գրավի իրացման ժամանակ: Տրամադրված գրավի դեպքում` գրավի հետ վերադարձման կամ նրա նկատմամբ սեփականության իրավունքի կորստի ժամանակ:

 

Ենթաբաժին 811
«Երաշխիքներ»

 

Ենթաբաժին 811-ում հաշվառում են վարկերի և այլ փոխատվությունների դիմաց ստացված, ինչպես նաև այլ անձանց տրված երաշխիքները: Ստացված երաշխիքների հաշվառվող գումարները դուրս են գրվում երաշխիքներով տրված վարկերի և այլ փոխատվությունների մարման կամ դրանց դիմաց վճարում ստանալիս: Տրամադրված երաշխիքների դեպքում` ժամկետի մարման կամ երաշխիքի դիմաց վճարում կատարելու օրը:

 

Ենթաբաժին 812
«Երաշխավորություններ»

 

Ենթաբաժին 812-ում հաշվառում են վարկերի և այլ փոխատվությունների դիմաց ստացված, ինչպես նաև այլ անձանց տրված երաշխավորությունները: Ստացված երաշխավորությունների հաշվառվող գումարները դուրս են գրվում երաշխավորությամբ տրված վարկերի և այլ փոխատվությունների մարման կամ դրանց դիմաց վճարում ստանալիս: Տրամադրված երաշխիքների և երաշխավորությունների դեպքում` ժամկետի մարման կամ երաշխավորության դիմաց վճարում կատարելու օրը:

 

Ենթաբաժին 813
«Այլ պայմանական ակտիվներ և պարտավորություններ»

 

Ենթաբաժին 813-ը նախատեսված է պայմանական ակտիվների և պարտավորությունների հաշվառման համար:

 

Ենթաբաժին 814
«Ապահովագրության պայմանագրերով նախատեսված ապահովագրական գումարներ»

 

Ենթաբաժին 814-ում ներառված հաշիվները նախատեսված են կազմակերպության կողմից կնքված ապահովագրական պայմանագրերով սահմանված վնասների փոխհատուցման առավելագույն գումարների արտացոլման համար, ինչպես նաև հաճախորդների կողմից կնքված այն ապահովագրական պայմանագրերով սահմանված վնասների փոխհատուցման առավելագույն գումարների արտացոլման համար, որոնց դեպքում կազմակերպությունը հանդիսանում է շահառու:

 

ԲԱԺԻՆ 82
«ՌԵՊՈ ՀԱՄԱՁԱՅՆԱԳՐԵՐՈՎ ՁԵՌՔ ԲԵՐՎԱԾ ԵՎ ՓՈԽԱՌՈՒԹՅԱՄԲ ՍՏԱՑՎԱԾ ԱՐԺԵԹՂԹԵՐ»

 

Բաժին 82-ը ներառում է հետևյալ ենթաբաժինները` 820 «Ռեպո համաձայնագրերով ձեռք բերված արժեթղթեր», 821 «Փոխառությամբ ստացված արժեթղթեր»: Սույն բաժնի հաշիվներում ռեպո համաձայնագրերի շրջանակներում ձեռք բերված արժեթղթերը հաշվառվում են այնքան ժամանակ, քանի դեռ դրանք չեն վերավաճառվել կազմակերպության կողմից երրորդ անձին կամ մինչև ռեպք համաձայնագրի ժամկետի ավարտը: Հաշվառումն իրականացվում է ՖՀՄՍ 9-ի համաձայն:

 

ԲԱԺԻՆ 83
«ԱՐԺԵԹՂԹԵՐԻ ՓԱԹԵԹԻ ԿԱՌԱՎԱՐՈՒՄ»

 

Բաժին 83-ը բաղկացած է հետևյալ ենթաբաժիններից` 830 «Արժեթղթերի փաթեթի կառավարման պայմանագրի համաձայն կառավարվող արժեթղթեր», 831 «Արժեթղթերի փաթեթի կառավարման պայմանագրի համաձայն կառավարվող այլ ակտիվներ», 832 «Արժեթղթերի փաթեթի կառավարման պայմանագրի համաձայն կառավարվող ակտիվների գծով պարտավորություններ հիմնադիրների (հաճախորդների) նկատմամբ», 833 «Արժեթղթերի փաթեթի կառավարման ներքո առաջացած պարտավորություններ», 834 «Եկամուտներ արժեթղթերի փաթեթի կառավարման պայմանագրի համաձայն կառավարվող ֆինանսական ակտիվներից», 835 «Վնասներ արժեթղթերի փաթեթի կառավարման պայմանագրի համաձայն կառավարվող ֆինանսական ակտիվներից», 836 «Հիմնադրի (հաճախորդի) ֆինանսական արդյունք արժեթղթերի փաթեթի կառավարման շրջանակներում»: Այն բոլոր դեպքերում, երբ կազմակերպության կողմից ներդրումային ծառայության համար ստացվելիք եկամտի չափը որոշվում է կախված հաճախորդի ակտիվների արժեքից, կազմակերպությունը պետք է վերագնահատի հաճախորդի ակտիվներն առնվազն ներդրումային ծառայության դիմաց եկամուտը հաշվեգրելու օրը: Արժեթղթերի վերաչափումը պետք է կատարվի համաձայն ՖՀՄՍ 9-ի, արտարժույթի վերագնահատումը համաձայն ՀՀՄՍ 21-ի` հիմք ընդունելով ՀՀ կենտրոնական բանկի կողմից հայտարարված ֆինանսական շուկայում ձևավորված փոխարժեքը: Արժեթղթերի փաթեթի կառավարման պայմանագրի ներքո ստացված ակտիվները պետք է արտացոլվեն ընթացիկ (վերականգնման) արժեքով, այսինքն դրամական միջոցների այն գումարի չափով, որը կվճարվեր, եթե ներկա պահին միևնույն կամ համանման ակտիվ ձեռք բերվեր, իսկ ծառայության մատուցման ընթացքում ձեռքբերված ակտիվները պետք է արտացոլվեն սկզբնական (փաստացի) արժեքով, այսինքն`ձեռքբերման պահի դրությամբ դրանց ձեռքբերման համար վճարված կամ վճարվելիք դրամական միջոցների գումարով, այլ ձևով հատուցելու դեպքում հատուցման իրական արժեքի չափով: Արտարժույթով արտահայտված ակտիվները վերագնահատվում են ՀՀ կենտրոնական բանկի կողմից հայտարարված ֆինանսական շուկայում ձևավորված փոխարժեքով` համաձայն ՀՀՄՍ 21-ի:

 

Ենթաբաժին 830
«Արժեթղթերի փաթեթի կառավարման պայմանագրի համաձայն կառավարվող արժեթղթեր»

 

Ենթաբաժին 830-ում ընդգրկված հաշիվները նախատեսված են բանկի կողմից արժեթղթերի փաթեթի կառավարման պայմանագրերի համաձայն իրենց հաճախորդներից կառավարման նպատակով վերցված, ինչպես նաև գործունեության ընթացքում ձեռք բերված և գործարքների առարկա հանդիսացող արժեթղթերը: Սույն հրահանգի իմաստով «Արժեթղթերի փաթեթի կառավարումը»` «Արժեթղթերի շուկայի մասին» Հայաստանի Հանրապետության օրենքի 25-րդ հոդվածի 1-ին մասի 5-րդ կետով սահմանված ծառայություններ են:

 

1-ին կարգի հաշիվ 8300

«Արժեթղթերի փաթեթի կառավարման պայմանագրի համաձայն կառավարվող

շահույթով կամ վնասով վերաչափվող իրական արժեքով հաշվառվող

արժեթղթեր»

 

1-ին կարգի հաշիվ 8300-ում ընդգրկված 2-րդ կարգի հաշիվներն ակտիվային են` դեբետում արտացոլվում են արժեթղթերի կառավարման պայմանագրի համաձայն հիմնադրից ստացված և որպես շահույթով կամ վնասով վերաչափվող իրական արժեքով հաշվառվող դասակարգված արժեթղթերը, նրանց վերաչափումից արժեքի աճը, իսկ կրեդիտում` հետ վերադարձված, վաճառված միջոցները, վերաչափումից արժեքի նվազումը:

 

83000 «Կենտրոնական բանկերի կողմից թողարկված արժեթղթեր» - հաշիվը նախատեսված է կազմակերպության կողմից արժեթղթերի կառավարման պայմանագրի համաձայն կենտրոնական բանկերի կողմից թողարկված այն արժեթղթերի առկայության ու շարժի վերաբերյալ տեղեկատվության ընդհանրացման համար, որոնք ի շահ հաճախորդի դասակարգված են որպես շահույթով կամ վնասով վերաչափվող իրական արժեքով հաշվառվող:

Արժեթղթերի փաթեթի կառավարման պայմանագրի համաձայն հիմնադրից ստացված արժեթղթերն արտացոլելիս ձևակերպվում է.

Դտ - 83000

Կտ - 83200:

Արժեթղթերի փաթեթի կառավարման պայմանագրի համաձայն կենտրոնական բանկերի կողմից թողարկված արժեթղթեր ձեռք բերելիս.

Դտ - 83000

Կտ - 83100:

Արժեթղթերի փաթեթի կառավարման պայմանագրի համաձայն կենտրոնական բանկերի կողմից թողարկված արժեթղթերը վերագնահատելիս.

Դտ - 83000

Կտ - 83430:

Արժեթղթերի փաթեթի կառավարման պայմանագրի համաձայն կենտրոնական բանկերի կողմից թողարկված արժեթղթերը վերաչափելիս (դրական վերաչափման դեպքում)

Դտ - 83000

Կտ - 83430:

Արժեթղթերի փաթեթի կառավարման պայմանագրի համաձայն կենտրոնական բանկերի կողմից թողարկված արժեթղթերը վաճառելիս, եթե վաճառքի գինը բարձր է արժեթղթի հաշվեկշռային արժեքից.

Դտ - 83100

Կտ - 83000

Կտ - 83420,

եթե վաճառքի գինը ցածր է արժեթղթի հաշվեկշռային արժեքից, ապա ձևակերպվում է.

Դտ - 83100

Դտ - 83500

Կտ - 83000

1-ին կարգի հաշիվ 8300-ում և 8301-ում ընդգրկված մնացած հաշիվների հաշվառումը տարվում է նույն սկզբունքով, ինչ որ հաշիվներ 83000-ի դեպքում:

 

1-ին կարգի հաշիվ 8302

«Արժեթղթերի փաթեթի կառավարման պայմանագրի համաձայն կառավարվող

վաճառքի համար մատչելի արժեթղթեր»

 

1-ին կարգի հաշիվ 8302-ում ընդգրկված 2-րդ կարգի հաշիվներն ակտիվային են` դեբետում արտացոլվում են արժեթղթերի կառավարման պայմանագրի համաձայն հիմնադրից ստացված և որպես վաճառքի համար մատչելի դասակարգված արժեթղթերը, նրանց վերաչափումից արժեքի աճը, իսկ կրեդիտում` հետ վերադարձված, վաճառված միջոցները, վերաչափումից արժեքի նվազումը:

 

83020 «Կենտրոնական բանկերի կողմից թողարկված արժեթղթեր» - հաշիվը նախատեսված է կազմակերպության կողմից արժեթղթերի կառավարման պայմանագրի համաձայն կենտրոնական բանկերի կողմից թողարկված այն արժեթղթերի առկայության ու շարժի վերաբերյալ տեղեկատվության ընդհանրացման համար, որոնք ի շահ հաճախորդի դասակարգված են որպես վաճառքի համար մատչելի:

Արժեթղթերի փաթեթի կառավարման պայմանագրի համաձայն հիմնադրից ստացված արժեթղթերն արտացոլելիս ձևակերպվում է.

Դտ - 83020

Կտ - 83200:

Արժեթղթերի փաթեթի կառավարման պայմանագրի համաձայն կենտրոնական բանկերի կողմից թողարկված արժեթղթեր ձեռք բերելիս.

Դտ - 83020

Կտ - 83100:

Արժեթղթերի փաթեթի կառավարման պայմանագրի համաձայն կենտրոնական բանկերի կողմից թողարկված արժեթղթերը վերագնահատելիս.

Դտ - 83000

Կտ - 83450:

Արժեթղթերի փաթեթի կառավարման պայմանագրի համաձայն կենտրոնական բանկերի կողմից թողարկված արժեթղթերը վերաչափելիս (դրական վերաչափման դեպքում)

Դտ - 83020

Կտ - 83430:

Արժեթղթերի փաթեթի կառավարման պայմանագրի համաձայն կենտրոնական բանկերի կողմից թողարկված արժեթղթերը վաճառելիս, եթե վաճառքի գինը բարձր է արժեթղթի հաշվեկշռային արժեքից.

Դտ - 83100

Կտ - 83020

Կտ - 83420,

եթե վաճառքի գինը ցածր է արժեթղթի հաշվեկշռային արժեքից, ապա ձևակերպվում է.

Դտ - 83100

Դտ - 83500

Կտ - 83020

 

1-ին կարգի հաշիվ 8304

«Արժեթղթերի փաթեթի կառավարման պայմանագրի համաձայն կառավարվող

մինչև մարման ժամկետը պահվող արժեթղթեր»

 

1-ին կարգի հաշիվ 8302-ում ընդգրկված 2-րդ կարգի հաշիվներն ակտիվային են` դեբետում արտացոլվում են արժեթղթերի կառավարման պայմանագրի համաձայն հիմնադրից ստացված և որպես մինչև մարման ժամկետը պահվող դասակարգված արժեթղթերը, իսկ կրեդիտում` հետ վերադարձված, վաճառված միջոցները: Ընդգրկված հաշիվների հաշվառումը իրականացվում է ամորտիզացված արժեքով` արդյունավետ տոկոսադրույքի մեթոդի կիրառմամբ:

 

Ենթաբաժին 831
«Արժեթղթերի փաթեթի կառավարման պայմանագրի համաձայն կառավարվող այլ ակտիվներ»

 

Ենթաբաժին 831-ում ընդգրկված հաշիվները նախատեսված են բանկի կողմից արժեթղթերի փաթեթի կառավարման պայմանագրերի համաձայն իրենց հաճախորդներից կառավարման նպատակով վերցված, ինչպես նաև գործունեության ընթացքում ձեռք բերված և գործարքների առարկա հանդիսացող ակտիվները:

 

1-ին կարգի հաշիվ 8310

«Արժեթղթերի փաթեթի կառավարման պայմանագրի համաձայն կառավարվող

արժույթ»

 

1-ին կարգի հաշիվ 8310-ում ընդգրկված 2-րդ կարգի հաշիվներն ակտիվային են` դեբետում արտացոլվում են արժեթղթերի կառավարման պայմանագրի համաձայն հիմնադրից ստացված և որպես շահույթով կամ վնասով վերաչափվող իրական արժեքով հաշվառվող դասակարգված արժեթղթերը, նրանց վերաչափումից արժեքի աճը, իսկ կրեդիտում` հետ վերադարձված, վաճառված միջոցները, վերաչափումից արժեքի նվազումը:

 

83100 «Արժեթղթերի փաթեթի կառավարման պայմանագրի համաձայն կառավարվող արժույթ» - հաշիվը նախատեսված է կազմակերպության կողմից արժեթղթերի կառավարման պայմանագրի համաձայն հիմնադիրներից/հաճախորդներից ստացած գումարների հաշվառման համար:

Արժեթղթերի փաթեթի կառավարման պայմանագրի համաձայն հիմնադրից ստացված կամ գործունեության արդյունքում ստացած գումարներն արտացոլելիս ձևակերպվում է.

Դտ - 83100

Կտ - 83200:

Բանկերը, միևնույն ժամանակ կատարվում է հետևյալ ձևակերպում

Դտ - 10000

Կտ - 38200:

Սույն բաժնի մնացած հոդվածների հաշվառումը իրականացվում է նույն սկզբունքով, ինչ որ նմանատիպ հաշվեկշռային հոդվածների հաշվառումը:

 

ԲԱԺԻՆ 84
«ԲՐՈՔԵՐԱՅԻՆ ԾԱՌԱՅՈՒԹՅՈՒՆ»

 

Բաժին 84-ը բաղկացած է հետևյալ ենթաբաժիններից` 840 «Բրոքերային ծառայության շրջանակներում կառավարվող արժեթղթեր», 841 «Բրոքերային ծառայության շրջանակներում կառավարվող այլ ակտիվներ», 842 «Բրոքերային ծառայության շրջանակներում կառավարվող ակտիվների գծով պարտավորություններ հիմնադիրների (հաճախորդների) նկատմամբ», 843 «Բրոքերային ծառայության շրջանակներում առաջացած պարտավորություններ», 844 «Եկամուտներ բրոքերային ծառայության շրջանակներում կառավարվող ֆինանսական ակտիվներից», 845 «Վնասներ բրոքերային ծառայության շրջանակներում կառավարվող ֆինանսական ակտիվներից», 846 «Հիմնադրի (հաճախորդի) ֆինանսական արդյունք բրոքերային ծառայության շրջանակներում», Սույն հրահանգի իմաստով բրոքերային գործունեությունը «Արժեթղթերի շուկայի մասին» Հայաստանի Հանրապետության օրենքի 25-րդ հոդվածի 1-ին մասի 1-ին և 2-րդ կետերով սահմանված ծառայություններ են: Այս բաժնի հաշիվների հաշվառման սկզբունքները նույն են, ինչ-որ բաժին 83-ում ընդգրկված, ինչպես նաև համապատասխան հաշվեկշռային հաշիվներինը:

 

ԲԱԺԻՆ 85
«ՆԵՐԴՐՈՒՄԱՅԻՆ ՖՈՆԴԻ ԿԱՌԱՎԱՐՈՒՄ»

 

Բաժին 85-ը բաղկացած է հետևյալ ենթաբաժիններից` 850 «Ներդրումային ֆոնդի կառավարման պայմանագրի համաձայն կառավարվող արժեթղթեր», 851 «Ներդրումային ֆոնդի կառավարման պայմանագրի համաձայն կառավարվող այլ ակտիվներ», 852 «Ներդրումային ֆոնդի կառավարման պայմանագրի համաձայն կառավարվող ակտիվների գծով պարտավորություններ մասնակիցների նկատմամբ», 853 «Ներդրումային ֆոնդի կառավարման ներքո առաջացած պարտավորություններ», 854 «Եկամուտներ ներդրումային ֆոնդի կառավարման պայմանագրի համաձայն կառավարվող ֆինանսական ակտիվներից», 855 «Վնասներ ներդրումային ֆոնդի կառավարման պայմանագրի համաձայն կառավարվող ֆինանսական ակտիվներից», 856 «Մասնակիցների ֆինանսական արդյունք ներդրումային ֆոնդի կառավարման պայմանագրի շրջանակներում», Սույն հրահանգի իմաստով բրոքերային գործունեությունը «Արժեթղթերի շուկայի մասին» Հայաստանի Հանրապետության օրենքի 25-րդ հոդվածի 1-ին մասի 1-ին և 2-րդ կետերով սահմանված ծառայություններ են: Այս բաժնի հաշիվների հաշվառման սկզբունքները նույն են, ինչ-որ բաժին 83-ում ընդգրկված, ինչպես նաև համապատասխան հաշվեկշռային հաշիվներինը:

 

ԲԱԺԻՆ 86
«ԱՅԼ ՀԵՏՀԱՇՎԵԿՇՌԱՅԻՆ ՀՈԴՎԱԾՆԵՐ»

 

Ենթաբաժին 860
«Դուրսգրումներ»

 

Այս բաժնում հաշվառում են հաշվեկշռից դուրս գրված վարկերը, դեբիտորական պարտքերն ու այլ ակտիվները: Դուրս գրված գումարները կամ դրանց մի մասը այս բաժնից նվազեցվում են ակտիվների վերադարձման դեպքում: Չվերադարձված ակտիվներն այս բաժնից դուրս են գրվում գրանցման պահից հինգ տարի անց:

 

Ենթաբաժին 861
«Գործառնական վարձակալությամբ օգտագործվող միջոցներ»

 

Ենթաբաժին 861-ը նախատեսված է կազմակերպության կողմից գործառնական վարձակալությամբ ստացված ակտիվների հաշվառման համար: Սույն ենթաբաժնում ընդգրկվող միջոցները անհրաժեշտ է հաշվառել պայմանագրով սահմանված տվյալ տարվա վարձակալության գումարի չափով:

 

Ենթաբաժին 862
«Ֆինանսական վարձակալությամբ տրամադրված ակտիվներ»

 

Ենթաբաժին 862-ը նախատեսված է բանկի կողմից գործառնական վարձակալությամբ օգտագործվող և ֆինանսական վարձակալությամբ տրամադրված ակտիվների հաշվառման համար:

 

Ենթաբաժին 863
«Ֆակտորինգ»

 

Ենթաբաժին 863-ը նախատեսված է բանկի կողմից այլ անձանց ֆակտորինգային պայմանագրերի փաթեթների առավելագույն սահմանաչափերի, ինչպես նաև դրանց չօգտագործված մասերի հաշվառման համար:

 

Ենթաբաժին 864
«Արժեքների պահպանում»

 

Ենթաբաժին 864-ը նախատեսված է ի պահ ընդունված ի պահ տրված ակտիվների հաշվառման համար: Այն դեպքում, երբ բանկին հայտնի չէ ի պահ ընդունված արժեքների արժեքը, դրանք գրանցվում են 1 դրամ պայմանական արժեքով:

 

Ենթաբաժին 865
«Տեղաբաշխման ենթակա արժեթղթեր»

 

Ենթաբաժին 865-ը նախատեսված է հաճախորդի միջոցներով կնքված ածանցյալ գործիքներն ու նրա կողմից թողարկված և տեղաբաշխման ենթակա արժեթղթերի հաշվառման համար:

 

Ենթաբաժին 866
«Այլ հոդվածներ»

 

Ենթաբաժին 866-ը նախատեսված է հետհաշվառում հաշվառման ենթակա այն հոդվածների հաշվառման համար, որոնց համար հատուկ հաշիվներ նախատեսված չեն:

 

(հավելված 2-ը փոփ. 26.12.97 292-Ն որոշում)

(2-րդ հավելվածը փոփ. 26.12.17 292-Ն որոշում և 19.01.18 թիվ 14-Ն հրաման)

 

 

pin
Կենտրոնական բանկի խորհուրդ
30.11.2011
N 322-Ն
Որոշում