Սեղմել Esc փակելու համար:
«ՀՀ ԿԱՌԱՎԱՐՈՒԹՅԱՆ «ԲՆԱՊԱՀՊԱՆԱԿԱՆ ՎՃԱՐ...
Քարտային տվյալներ

Տեսակ
Գործում է
Ընդունման ամսաթիվ
Համար

Գրանցման ամսաթիվ
ՈՒժի մեջ մտնելու ամսաթիվ
ՈՒժը կորցնելու ամսաթիվ
Ընդունման վայր
Սկզբնաղբյուր

Ժամանակագրական տարբերակ Փոփոխություն կատարող ակտ

Որոնում:
Բովանդակություն

«ՀՀ ԿԱՌԱՎԱՐՈՒԹՅԱՆ «ԲՆԱՊԱՀՊԱՆԱԿԱՆ ՎՃԱՐԻ ԴՐՈՒՅՔԱՉԱՓԵՐԻ ՄԱՍԻՆ» ՕՐԵՆՔԻ ՈՒԺ ՈՒՆԵՑՈՂ Ո ...

 

 

118.0077.230299

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՖԻՆԱՆՍՆԵՐԻ ԵՎ ԷԿՈՆՈՄԻԿԱՅԻ ՆԱԽԱՐԱՐՈՒԹՅՈՒՆ
ՀՐԱՄԱՆ

 

23 փետրվարի 1999 թվական թիվ 77

 

i

«ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ «ԲՆԱՊԱՀՊԱՆԱԿԱՆ ՎՃԱՐԻ ԴՐՈՒՅՔԱՉԱՓԵՐԻ ՄԱՍԻՆ» ՕՐԵՆՔԻ ՈՒԺ ՈՒՆԵՑՈՂ ՈՐՈՇՄԱՆ 1-ԻՆ ԿԵՏԻ «Գ» ԵՆԹԱԿԵՏՈՎ ՍԱՀՄԱՆՎԱԾ ԴՐՈՒՅՔԱՉԱՓԵՐԻՆ ՀԱՄԱՊԱՏԱՍԽԱՆ ՎՃԱՐԻ ԳԱՆՁՄԱՆ ՄԱՍԻՆ» ՀՐԱՀԱՆԳՉԱԿԱՆ ՆԱՄԱԿԸ ՀԱՍՏԱՏԵԼՈՒ ՄԱՍԻՆ

 

Հայաստանի Հանրապետության կառավարության «Բնապահպանական վճարի դրույքաչափերի մասին» օրենքի ուժ ունեցող որոշմամբ սահմանված ֆիզիկական անձանց սեփականության իրավունքով պատկանող և Հայաստանի Հանրապետությունում գրանցված ավտոմեքենաներից և մեխանիզմներից օդային ավազան վնասակար նյութերի արտանետման համար վճարի հաշվարկման և գանձման աշխատանքների կանոնակարգման նպատակով, և համաձայնեցնելով Հայաստանի Հանրապետության բնապահպանության նախարարության և Հայաստանի Հանրապետության արդյունաբերության և առևտրի նախարարության հետ

 

ՀՐԱՄԱՅՈՒՄ ԵՄ

 

Հաստատել «Հայաստանի Հանրապետության կառավարության «Բնապահպանական վճարի դրույքաչափերի մասին» օրենքի ուժ ունեցող որոշման 1-ին կետի «գ» ենթակետով սահմանված դրույքաչափերին համապատասխան վճարի գանձման մասին» հրահանգչական նամակը (կցվում է):

 

Հաստատված է

 

ՀՀ ֆինանսների և էկոնոմիկայի

նախարարի 1999 թ. _______ -ի _____ -ի

թիվ ________ հրամանով

 

ՀՐԱՀԱՆԳՉԱԿԱՆ ՆԱՄԱԿ

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ «ԲՆԱՊԱՀՊԱՆԱԿԱՆ ՎՃԱՐԻ ԴՐՈՒՅՔԱՉԱՓԵՐԻ ՄԱՍԻՆ» ՕՐԵՆՔԻ ՈՒԺ ՈՒՆԵՑՈՂ ՈՐՈՇՄԱՆ 1-ԻՆ ԿԵՏԻ «Գ» ԵՆԹԱԿԵՏՈՎ ՍԱՀՄԱՆՎԱԾ ԴՐՈՒՅՔԱՉԱՓԵՐԻՆ ՀԱՄԱՊԱՏԱՍԽԱՆ ՎՃԱՐԻ ԳԱՆՁՄԱՆ ՄԱՍԻՆ

 

Սույն հրահանգչական նամակը կարգավորում է Հայաստանի Հանրապետության կառավարության «Բնապահպանական վճարի դրույքաչափերի մասին» օրենքի ուժ ունեցող որոշման 1-ին կետի «գ» ենթակետի համաձայն` ֆիզիկական անձանց սեփականության իրավունքով պատկանող և Հայաստանի Հանրապետությունում գրանցված ավտոմեքենաներից և մեխանիզմներից օդային ավազան վնասակար նյութերի արտանետման համար վճարի հաշվարկման և գանձնման հետ կապված որոշ հարցեր:

1. Այն ավտոմեքենաների համար, որոնց մակնիշները նշված չեն վերոնշյալ ենթակետում (այսուհետ` ենթակետում), վճարը պետք է գանձվի «այլ ավտոմեքենաներ և մեխանիզմներ» տողին համապատասխան:

Օրինակ: BMW մակնիշի մեքենայի համար պետք է գանձվի 50 x Ձ դրամ (որտեղ Ձ-ն BMW ավտոմեքենայի շարժիչի հզորությունն է` արտահայտված ձիաուժով) ենթակետում «այլ ավտոմեքենաներ և մեխանիզմներ» տողին համապատասխան, քանի որ ենթակետում բացակայում է BMW մակնիշը:

2. Այն ավտոմեքենաների համար, որոնց մակնիշը համապատասխանում է ենթակետում նշված մակնիշին, իսկ մոդելը ենթակետում նշված չէ` գանձվում է տվյալ մակնիշի տողին համապատասխան:

3. Այն ավտոմեքենաների համար, որոնց մակնիշը համապատասխանում է ենթակետում նշված մակնիշին, մոդելը` մոդելին, իսկ մոդիֆիկացիան ենթակետում նշված չէ կամ չի համապատասխանում` գանձվում է տվյալ մակնիշի և մոդելի տողին համապատասխան:

Օրինակ: ԵրԱԶ մակնիշի 762 մոդելի մոդիֆիկացիաներ հանդիսացող ԵրԱԶ 762Վ, ԵրԱԶ 762ՎԳ ավտոմեքենաների համար վճարը պետք է գանձվի «ԵրԱԶ 762» տողին համապատասխան` 2,610 դրամ:

 

ԳՐԱՆՑՎԱԾ Է ՀԱՅԱՍՏԱՆԻ  ՀԱՆՐԱՊԵՏՈՒԹՅԱՆ ԱՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅՈՒՆ ԿՈՂՄԻՑ

04.  03. 1999թ.

ՊԵՏԱԿԱՆ ԳՐԱՆՑՄԱՆ ԹԻՎ 20990034

 

 

pin
Ֆինանսների (նախկին Ֆինանս. եւ էկոն.
23.02.1999
N 77
Հրաման