Սեղմել Esc փակելու համար:
ՀՀ ԱՌՈՂՋԱՊԱՀՈՒԹՅԱՆ ՊԵՏԱԿԱՆ ՀԱՄԱԿԱՐԳՈՒ...
Քարտային տվյալներ

Տեսակ
Գործում է
Ընդունման ամսաթիվ
Համար

ՈՒժի մեջ մտնելու ամսաթիվ
ՈՒժը կորցնելու ամսաթիվ
Ընդունման վայր
Սկզբնաղբյուր

Ժամանակագրական տարբերակ Փոփոխություն կատարող ակտ

Որոնում:
Բովանդակություն

ՀՀ ԱՌՈՂՋԱՊԱՀՈՒԹՅԱՆ ՊԵՏԱԿԱՆ ՀԱՄԱԿԱՐԳՈՒՄ ՓՈՐՁԱՐԱՐԱԿԱՆ ԿԱՐԳՈՎ ԿԱԶՄԱԿԵՐՊԱԿԱՆ-ԻՐԱՎԱԿԱ ...

 

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ՈՐՈՇՈՒՄ

 

4 նոյեմբերի 1992 թ. թիվ 548

 

i

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՌՈՂՋԱՊԱՀՈՒԹՅԱՆ ՊԵՏԱԿԱՆ ՀԱՄԱԿԱՐԳՈՒՄ ՓՈՐՁԱՐԱՐԱԿԱՆ ԿԱՐԳՈՎ ԿԱԶՄԱԿԵՐՊԱԿԱՆ-ԻՐԱՎԱԿԱՆ ԵՎ ՏՆՏԵՍԱԿԱՆ ԲԱՐԵՓՈԽՈՒՄՆԵՐԻ ԻՐԱԿԱՆԱՑՄԱՆ ՄԱՍԻՆ

 

Հայաստանի Հանրապետության տարածքում բնակչության բուժօգնության և բուժսպասարկման որակի բարձրացման, առողջապահության պետական համակարգում կազմակերպական-իրավական և տնտեսական բարեփոխումների արդյունավետ կազմակերպման նպատակով Հայաստանի Հանրապետության կառավարությունը որոշում  է`

1. Թույլատրել Հայաստանի Հանրապետության առողջապահության նախարարությանը 1993 թվականի հունվարի 1-ից համակարգի մի քանի պետական առողջապահական հիմնարկներում փորձարարական կարգով իրականացնել կազմակերպական-իրավական և տնտեսական բարեփոխումներ` այդ առողջապահական հիմնարկների կազմակերպական-իրավական տեսակը և կարգավիճակը համապատասխանեցնելով «Ձեռնարկությունների և ձեռնարկատիրական գործունեության մասին» Հայաստանի Հանրապետության օրենքի պահանջներին:

2. Հաստատել Հայաստանի Հանրապետության առողջապահական պետական հիմնարկների այն ցանկը, որոնց վրա տարածվում է սույն որոշման 1-ին կետի գործողությունը (կցվում է):

3. Սահմանել, որ փորձարարական կարգով իրենց գործունեությունն իրականացնող առողջապահական հիմնարկները պետք է վերակազմավորվեն որպես պետական (իշխանության տեղական մարմնի) ձեռնարկություններ և «Ձեռնարկությունների և ձեռնարկատիրական գործունեության մասին» Հայաստանի Հանրապետության օրենքով սահմանված կարգով մինչև 1993 թվականի հունվարի 1-ը ստանան համապատասխան կարգավիճակ` ելնելով առողջապահության բնագավառի առանձնահատկություններից:

4. Փորձարարական կարգով իրենց գործունեությունն իրականացնող առողջապահական պետական ձեռնարկությունները սահմանված կարգով շարունակում են իրականացնել բնակչության անվճար բուժօգնությունը և բուժսպասարկումը` համապատասխան ֆինանսավորումը ստանալով պետական բյուջեից, պետական պատվերի սկզբունքով:

5. Սահմանել, որ փորձարարական կարգով իրենց գործունեությունն իրականացնող առողջապահական պետական ձեռնարկությունները պետական պատվերից դուրս կարող են իրականացնել վճարովի բուժօգնություն և այլ բնույթի բժշկական վճարովի ծառայություններ:

6. Հայաստանի Հանրապետության առողջապահության նախարարությանը` մինչև 1993 թվականի հունվարի 1-ը մշակել և, Հայաստանի Հանրապետության կառավարության տնտեսական բարեփոխումների վարչության հետ համաձայնեցնելուց հետո, հաստատել փորձարարական կարգով իրենց գործունեությունն իրականացնող առողջապահական պետական ձեռնարկությունների կանոնադրությունները:

7. Հայաստանի Հանրապետության էկոնոմիկայի նախարարությանը, ֆինանսների նախարարությանը և առողջապահության նախարարությանը` մինչև 1993 թվականի հունվարի 1-ը մշակել և հաստատել փորձարարական կարգով իրենց գործունեությունն իրականացնող ձեռնարկությունների պետական պատվերները:

8. Հայաստանի Հանրապետության կառավարության տնտեսական բարեփոխումների վարչությանը`

ա) վերահսկողություն սահմանել Հայաստանի Հանրապետության առողջապահության պետական համակարգում փորձարարական կարգով կազմակերպական-իրավական և տնտեսական բարեփոխումների իրականացման վրա.

բ) Հայաստանի Հանրապետության էկոնոմիկայի նախարարության, ֆինանսների նախարարության և առողջապահության նախարարության հետ համատեղ մինչև 1994 թվականի հունվարի 1-ը ամփոփել փորձարարության արդյունքները և Հայաստանի Հանրապետության կառավարություն ներկայացնել առաջարկություններ Հայաստանի Հանրապետության առողջապահության պետական համակարգում կազմակերպական-իրավական և տնտեսական բնույթի բարեփոխումների իրականացման վերաբերյալ.

i

գ) Հայաստանի Հանրապետության առողջապահության պետական համակարգում իրականացվող փորձարարության հիման վրա մշակել և մինչև 1993 թվականի ապրիլի 1-ը Հայաստանի Հանրապետության կառավարության քննարկմանը ներկայացնել առաջարկություններ` բյուջետային կազմակերպությունների կազմակերպական-իրավական տեսակը և կարգավիճակը սահմանող օրենսդրության մեջ փոփոխություններ և լրացումներ կատարելու վերաբերյալ:

 

ՀԱՍՏԱՏՎԱԾ Է

Հայաստանի Հանրապետության կառավարության

1992 թ. նոյեմբերի 4-ի թիվ 548 որոշմամբ

 

Ց Ա Ն Կ

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՌՈՂՋԱՊԱՀՈՒԹՅԱՆ ՊԵՏԱԿԱՆ ԱՅՆ ՀԻՄՆԱՐԿՆԵՐԻ, ՈՐՈՆՑ ՎՐԱ ՏԱՐԱԾՎՈՒՄ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ՍՈՒՅՆ ՈՐՈՇՄԱՆ 1-ԻՆ ԿԵՏԻ ԳՈՐԾՈՂՈՒԹՅՈՒՆԸ

 

Ուսումնագիտաբուժական համալիր

Հանրապետական մանկական կլինիկական հիվանդանոց

Ա. Միքայելյանի անվան վիրաբուժության ինստիտուտ

 

 

pin
ՀՀ կառավարություն
04.11.1992
N 548
Որոշում