(ուժը կորցրել է 09.08.17 թիվ 344-Ն որոշում)
i
600.0128.100614
ԳՐԱՆՑՎԱԾ Է
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԱՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅԱՆ ԿՈՂՄԻՑ
«10» 06 2014 Թ.
ՊԵՏԱԿԱՆ ԳՐԱՆՑՄԱՆ ԹԻՎ 60014236
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՀԱՆՐԱՅԻՆ ԾԱՌԱՅՈՒԹՅՈՒՆՆԵՐԸ ԿԱՐԳԱՎՈՐՈՂ ՀԱՆՁՆԱԺՈՂՈՎ
ՈՐՈՇՈՒՄ
21 մայիսի 2014 թվականի N 128-Ն
ԻՐԱՆԻ ԻՍԼԱՄԱԿԱՆ ՀԱՆՐԱՊԵՏՈՒԹՅԱՆ ՀԵՏ ԻՐԱԿԱՆԱՑՎՈՂ ԳԱԶ` ԷԼԵԿՏՐԱԿԱՆ ԷՆԵՐԳԻԱՅԻ ԴԻՄԱՑ ԳՈՐԾԱՐՔԻ ՇՐՋԱՆԱԿՈՒՄ ԻՐԱՆԻ ԻՍԼԱՄԱԿԱՆ ՀԱՆՐԱՊԵՏՈՒԹՅՈՒՆ ԱՐՏԱՀԱՆՎՈՂ ԷԼԵԿՏՐԱԿԱՆ ԷՆԵՐԳԻԱՅԻ ՀԱՇՎԱՌՄԱՆ ԿԱՐԳԸ ՀԱՍՏԱՏԵԼՈՒ ՄԱՍԻՆ
Հիմք ընդունելով «Էներգետիկայի մասին» Հայաստանի Հանրապետության օրենքի 17-րդ հոդվածի 1-ին մասի «զ» ենթակետը` Հայաստանի Հանրապետության հանրային ծառայությունները կարգավորող հանձնաժողովը որոշում է.
1. Հաստատել Իրանի Իսլամական Հանրապետության հետ իրականացվող գազ` էլեկտրական էներգիայի դիմաց գործարքի շրջանակում Իրանի Իսլամական Հանրապետություն արտահանվող էլեկտրական էներգիայի հաշվառման կարգը` համաձայն հավելվածի:
2. Սույն որոշումն ուժի մեջ է մտնում 2014 թվականի հուլիսի 1-ից:
Հավելված
Հաստատված է ՀՀ հանրային
ծառայությունները կարգավորող
հանձնաժողովի
2014 թվականի մայիսի 21-ի
N 128-Ն որոշմամբ
ԿԱՐԳ
ԻՐԱՆԻ ԻՍԼԱՄԱԿԱՆ ՀԱՆՐԱՊԵՏՈՒԹՅԱՆ ՀԵՏ ԻՐԱԿԱՆԱՑՎՈՂ ԳԱԶ` ԷԼԵԿՏՐԱԿԱՆ ԷՆԵՐԳԻԱՅԻ ԴԻՄԱՑ ԳՈՐԾԱՐՔԻ ՇՐՋԱՆԱԿՈՒՄ ԻՐԱՆԻ ԻՍԼԱՄԱԿԱՆ ՀԱՆՐԱՊԵՏՈՒԹՅՈՒՆ ԱՐՏԱՀԱՆՎՈՂ ԷԼԵԿՏՐԱԿԱՆ ԷՆԵՐԳԻԱՅԻ ՀԱՇՎԱՌՄԱՆ
1. Սույն կարգը սահմանում է Իրանի Իսլամական Հանրապետության հետ իրականացվող գազ` էլեկտրական էներգիայի դիմաց գործարքի (այսուհետ` Գործարք) շրջանակում էլեկտրական էներգիա արտահանողի կողմից Իրանի Իսլամական Հանրապետություն արտահանվող էլեկտրական էներգիայի հաշվառման գործընթացը:
2. Սույն կարգում օգտագործված հասկացություններն են`
1) Հանձնաժողով` Հայաստանի Հանրապետության հանրային ծառայությունները կարգավորող հանձնաժողով.
2) Արտահանող` Գործարքի շրջանակում էլեկտրական էներգիա արտահանող ընկերություն («Երևանի ջերմաէլեկտրակենտրոն» փակ բաժնետիրական ընկերություն).
3) Համակարգի օպերատոր` էլեկտրաէներգետիկական համակարգի օպերատորի լիցենզիա ունեցող անձ.
4) Հաղորդող` էլեկտրական էներգիայի (հզորության) հաղորդման լիցենզիա ունեցող անձ.
5) Հաշվարկային կենտրոն` էլեկտրաէներգետիկական շուկային հաշվարկային կենտրոնի ծառայության մատուցման լիցենզիա ունեցող անձ.
6) Բաշխող` էլեկտրական էներգիայի (հզորության) բաշխման լիցենզիա ունեցող անձ.
7) Արտադրող` ջերմային էլեկտրակայանում էլեկտրական էներգիայի (հզորության) արտադրության լիցենզիա ունեցող անձ.
8) Ներկրող` էլեկտրական էներգիայի ներկրման լիցենզիա ունեցող անձ.
9) Հաշվարկային ժամանակահատված` ժամանակահատված, որի գործողությունը սկսվում է օրացուցային ամսվա առաջին օրվա ժամը 00:00-ին և ավարտվում է վերջին օրվա ժամը 24:00-ին:
3. Արտահանողը իրավասու է Գործարքի շրջանակում արտահանել ինչպես իր կողմից արտադրված, այնպես էլ այլ ջերմային էլեկտրակայանում արտադրված կամ էլեկտրական էներգիայի ներկրման լիցենզիա ունեցող անձից գնված կամ տարանցման նպատակով իր կողմից ներկրված էլեկտրական էներգիան:
4. Գործարքի շրջանակում Իրանի Իսլամական Հանրապետություն էլեկտրական էներգիայի արտահանման նպատակով Արտահանողը Հանձնաժողովի սահմանած օրինակելի ձևերին համապատասխան պայմանագրեր է կնքում Հաղորդողի, Հաշվարկային կենտրոնի և Համակարգի օպերատորի հետ:
5. Այն դեպքում, երբ Արտահանողն արտահանում է ոչ իր կողմից արտադրված էլեկտրական էներգիան, ապա կնքում է պայմանագրեր համապատասխանաբար` Արտադրողի կամ Ներկրողի հետ կամ սահմանված կարգով կնքում է տարանցման նպատակով էլեկտրական էներգիայի ներկրման կամ տարանցման պայմանագիր:
6. Սույն կարգի 4-րդ և 5-րդ կետերում նշված պայմանագրերն ուժի մեջ են մտնում Հանձնաժողովում գրանցվելու պահից:
7. Արտահանման համար էլեկտրաէներգետիկական շուկային հաշվարկային կենտրոնի, համակարգի օպերատորի և հաղորդման ծառայությունների մատուցման սակագները սահմանում է Հանձնաժողովը:
8. Համակարգի օպերատորը հաշվարկային ժամանակահատվածում էլեկտրական էներգիայի արտահանման ռեժիմները պլանավորելիս առաջնորդվում է էլեկտրական էներգիայի գործող սակագների հաշվարկների հիմքում դրված էլեկտրական էներգիայի արտադրության և արտահանման հաշվեկշռով:
9. Սույն կարգի շրջանակում Հաշվարկային ժամանակահատվածի ընթացքում Արտահանողի կողմից արտահանվող էլեկտրական էներգիայի մեծությունը որոշվում է հետևյալ բանաձևով`
WԱ = WԱ1+ WԱ2 + WԱ3 +WԱ4,
որտեղ`
WԱ1-ը տարանցման նպատակով Արտահանողի կողմից ներկրված և արտահանման կետում Արտահանողին հանձնված էլեկտրական էներգիայի քանակն է Հաշվարկային ժամանակահատվածում,
WԱ2-ը Արտահանողի կողմից Ներկրողից գնված և արտահանման կետում Արտահանողին հանձնված էլեկտրական էներգիայի քանակն է Հաշվարկային ժամանակահատվածում,
WԱ3-ը Արտահանողի կողմից Արտադրողից գնված և արտահանման կետում Արտահանողին հանձնված էլեկտրական էներգիայի քանակն է Հաշվարկային ժամանակահատվածում,
WԱ4-ը Արտահանողի կողմից առաքված և արտահանման կետում Արտահանողին հանձնված էլեկտրական էներգիայի քանակն է Հաշվարկային ժամանակահատվածում:
10. WԱ1-ը որոշվում է հետևյալ բանաձևով`
WԱ1 = Wներկ1 - /\Wկոր,
որտեղ`
Wներկ1-ը տարանցման նպատակով Արտահանողի կողմից ներկրված և ներկրման կետում Հաղորդողին հանձնված էլեկտրական էներգիայի քանակն է Հաշվարկային ժամանակահատվածում,
/\Wկոր-ը հաղորդման ցանցում էլեկտրական էներգիայի կորուստների մեծությունն է Հաշվարկային ժամանակահատվածում, որն ընդունվում է Հաշվարկային ժամանակահատվածում հաղորդման ցանցերի փաստացի կորուստների տեսակարար (տոկոսային) մեծության հիման վրա:
11. WԱ2-ը որոշվում է հետևյալ բանաձևով`
WԱ2 = Wներկ2 - /\Wկոր,
որտեղ`
Wներկ2-ը Արտահանողի կողմից Ներկրողից գնված և ներկրման կետում Հաղորդողին հանձնված էլեկտրական էներգիայի քանակն է Հաշվարկային ժամանակահատվածում:
12. WԱ3-ը որոշվում է հետևյալ բանաձևով`
WԱ3 = WԱՌ1 - Wներքին1 - /\Wկոր,
որտեղ`
WԱՌ1-ը Արտադրող-Հաղորդող, Արտադրող-Բաշխող, Արտադրող-սպառող սահմանազատման կետերում Արտադրողի կողմից առաքված էլեկտրական էներգիայի գումարային քանակն է Հաշվարկային ժամանակահատվածում,
Wներքին1-ը Արտադրող-Հաղորդող, Արտադրող-Բաշխող, Արտադրող-սպառող սահմանազատման կետերում Արտադրողի կողմից ներքին շուկա առաքված էլեկտրական էներգիայի գումարային քանակն է Հաշվարկային ժամանակահատվածում: Սույն կարգի 13-15-րդ կետերով ամրագրված պահանջները բավարարելուց հետո Wներքին1-ը որոշվում է որպես ներքին շուկայում էլեկտրական էներգիայի հաշվեկշիռը փակող էլեկտրական էներգիայի քանակ:
13. WԱ4-ը որոշվում է հետևյալ բանաձևով`
WԱ4 = WԱՌ2 - Wներքին2 - /\Wկոր,
որտեղ`
WԱՌ2-ը Արտահանող-Հաղորդող, Արտահանող-Բաշխող և Արտահանող-սպառող սահմանազատման կետերում Արտահանողի կողմից առաքված էլեկտրական էներգիայի գումարային քանակն է Հաշվարկային ժամանակահատվածում,
Wներքին2-ը Արտահանող-Հաղորդող, Արտահանող-Բաշխող և Արտահանող-սպառող սահմանազատման կետերում Արտահանողի կողմից ներքին շուկա առաքված էլեկտրական էներգիայի գումարային քանակն է Հաշվարկային ժամանակահատվածում, որն ընդունվում է էլեկտրական էներգիայի գործող սակագնի հաշվարկում տվյալ ժամանակահատվածի համար նախատեսված Արտահանողի կողմից ներքին շուկա էլեկտրական էներգիայի առաքմանը հավասար, բացառությամբ սույն կարգի 14-րդ և 15-րդ կետերում նշված դեպքերի:
14. Սույն կարգի 13-րդ կետում նշված Wներքին2-ը կարող է ընդունվել էլեկտրական էներգիայի գործող սակագնի հաշվարկում տվյալ ժամանակահատվածի համար նախատեսված` Արտահանողի կողմից ներքին շուկա էլեկտրական էներգիայի առաքումից ավելի քիչ, երբ`
1) Հաշվարկային ժամանակահատվածում Wներքին1 -ն ընդունվել է զրո և, գետերի բնական ելքերով պայմանավորված` հիդրոէլեկտրակայանները և ատոմային էլեկտրակայանը ապահովել են էլեկտրական էներգիայի առավելագույն արտադրությունը: Այդ դեպքում Wներքին2-ը որոշվում է որպես ներքին շուկայում էլեկտրական էներգիայի հաշվեկշիռը փակող էլեկտրական էներգիայի քանակ: Էլեկտրական էներգիայի գործող սակագնի հաշվարկում տվյալ ժամանակահատվածի համար նախատեսված` Արտահանողի կողմից ներքին շուկա էլեկտրական էներգիայի առաքման և տվյալ Հաշվարկային ժամանակահատվածում Wներքին2-ի տարբերությունը պետք է ավելացնել տվյալ Հաշվարկային ժամանակահատվածին հաջորդող Հաշվարկային ժամանակահատվածներում Արտահանող-Հաղորդող, Արտահանող-Բաշխող և Արտահանող-սպառող սահմանազատման կետերում Արտահանողի կողմից ներքին շուկա առաքված էլեկտրական էներգիայի գումարային քանակին.
2) Հաշվարկային ժամանակահատվածում WԱՌ2-ը փոքր է էլեկտրական էներգիայի գործող սակագնի հաշվարկում տվյալ ժամանակահատվածի համար նախատեսված` Արտահանողի կողմից ներքին շուկա էլեկտրական էներգիայի առաքումից: Այդ դեպքում Wներքին2 -ն ընդունվում է հավասար WԱՌ2-ին: Էլեկտրական էներգիայի գործող սակագնի հաշվարկում տվյալ ժամանակահատվածի համար նախատեսված` Արտահանողի կողմից ներքին շուկա էլեկտրական էներգիայի առաքման և տվյալ Հաշվարկային ժամանակահատվածում Wներքին2-ի տարբերությունը պետք է ավելացնել տվյալ Հաշվարկային ժամանակահատվածին հաջորդող Հաշվարկային ժամանակահատվածներում Արտահանող-Հաղորդող, Արտահանող-Բաշխող և Արտահանող-սպառող սահմանազատման կետերում Արտահանողի կողմից ներքին շուկա առաքված էլեկտրական էներգիայի գումարային քանակին.
3) տվյալ Հաշվարկային ժամանակահատվածին նախորդող Հաշվարկային ժամանակահատվածներում Wներքին2-ը եղել է ավելի մեծ, քան էլեկտրական էներգիայի գործող սակագնի հաշվարկում նախատեսված` Արտահանողի կողմից ներքին շուկա էլեկտրական էներգիայի առաքումը, և այդ տարբերությունը սույն կարգի 15-րդ կետի համաձայն նվազեցվել է տվյալ հաշվարկային ժամանակահատվածի Wներքին2-ից:
15. Սույն կարգի 13-րդ կետում նշված Wներքին2-ը կարող է ընդունվել էլեկտրական էներգիայի գործող սակագնի հաշվարկում տվյալ ժամանակահատվածի համար նախատեսված` Արտահանողի կողմից ներքին շուկա էլեկտրական էներգիայի առաքումից ավելի շատ, երբ`
1) Հաշվարկային ժամանակահատվածում WԱՌ1-ը հավասար է զրոյի և Wներքին2-ը որոշվում է որպես ներքին շուկայում էլեկտրական էներգիայի հաշվեկշիռը փակող էլեկտրական էներգիայի քանակ: Էլեկտրական էներգիայի գործող սակագնի հաշվարկում տվյալ ժամանակահատվածի համար նախատեսված` Արտահանողի կողմից ներքին շուկա էլեկտրական էներգիայի առաքման և տվյալ Հաշվարկային ժամանակահատվածի ընթացքում Wներքին2-ի տարբերությունը բացարձակ արժեքով պետք է նվազեցնել տվյալ Հաշվարկային ժամանակահատվածին հաջորդող Հաշվարկային ժամանակահատվածներում Արտահանող-Հաղորդող, Արտահանող-Բաշխող և Արտահանող-սպառող սահմանազատման կետերում Արտահանողի կողմից ներքին շուկա առաքված էլեկտրական էներգիայի գումարային քանակից.
2) Հաշվարկային ժամանակահատվածում WԱՌ1-ը ամբողջությամբ ուղղվել է ներքին շուկայի պահանջարկի բավարարմանը, և ներքին շուկայի հաշվեկշիռը փակելու համար էլեկտրական էներգիայի գործող սակագնի հաշվարկում տվյալ ժամանակահատվածի համար նախատեսված` Արտահանողի կողմից ներքին շուկայում էլեկտրական էներգիայի առաքումը բավարար չէ: Wներքին2-ը որոշվում է որպես ներքին շուկայում էլեկտրական էներգիայի հաշվեկշիռը փակող էլեկտրական էներգիայի քանակ: Էլեկտրական էներգիայի գործող սակագնի հաշվարկում տվյալ ժամանակահատվածի համար նախատեսված` Արտահանողի կողմից ներքին շուկա էլեկտրական էներգիայի առաքման և տվյալ Հաշվարկային ժամանակահատվածում Wներքին2-ի տարբերությունը բացարձակ արժեքով պետք է նվազեցնել տվյալ Հաշվարկային ժամանակահատվածին հաջորդող Հաշվարկային ժամանակահատվածներում Արտահանող-Հաղորդող, Արտահանող-Բաշխող և Արտահանող-սպառող սահմանազատման կետերում Արտահանողի կողմից ներքին շուկա առաքված էլեկտրական էներգիայի գումարային քանակից.
3) տվյալ Հաշվարկային ժամանակահատվածին նախորդող Հաշվարկային ժամանակահատվածներում Wներքին2-ը եղել է ավելի փոքր, քան էլեկտրական էներգիայի գործող սակագնի հաշվարկում նախատեսված` Արտահանողի կողմից ներքին շուկա էլեկտրական էներգիայի առաքումը, և այդ տարբերությունը սույն կարգի 14-րդ կետի համաձայն ավելացվել է տվյալ Հաշվարկային ժամանակահատվածի Wներքին2-ին:
16. Wներքին2-ը հաշվարկային տարվա արդյունքով պետք է հաշվառվի էլեկտրական էներգիայի գործող սակագնի հաշվարկում նախատեսված` Արտահանողի կողմից տարեկան արդյունքով էլեկտրական էներգիայի ընդհանուր առաքման նկատմամբ ներքին շուկա էլեկտրական էներգիայի առաքման մասնաբաժնին համապատասխան չափով: