Սեղմել Esc փակելու համար:
ՀԱՂՈՐԴՄԱՆ ԵՎ ԲԱՇԽՄԱՆ ՑԱՆՑԵՐՈՒՄ ԷԼԵԿՏՐ...
Քարտային տվյալներ

Տեսակ
Գործում է
Ընդունող մարմին
Ընդունման ամսաթիվ
Համար

Գրանցման ամսաթիվ
ՈՒժի մեջ մտնելու ամսաթիվ
ՈՒժը կորցնելու ամսաթիվ
Ընդունման վայր
Սկզբնաղբյուր

Ժամանակագրական տարբերակ Փոփոխություն կատարող ակտ

Որոնում:
Բովանդակություն

Հղում իրավական ակտի ընտրված դրույթին X
irtek_logo

ՀԱՂՈՐԴՄԱՆ ԵՎ ԲԱՇԽՄԱՆ ՑԱՆՑԵՐՈՒՄ ԷԼԵԿՏՐԱԿԱՆ ԷՆԵՐԳԻԱՅԻ ԱՆԽՈՒՍԱՓԵԼԻ ՏԵԽՆՈԼՈԳԻԱԿԱՆ ԿՈ ...

 

 

600.0224.240715

ԳՐԱՆՑՎԱԾ Է
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԱՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅԱՆ ԿՈՂՄԻՑ

                                      «24»        07            2015 Թ.

                                        ՊԵՏԱԿԱՆ ԳՐԱՆՑՄԱՆ ԹԻՎ 60015297

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՀԱՆՐԱՅԻՆ ԾԱՌԱՅՈՒԹՅՈՒՆՆԵՐԸ ԿԱՐԳԱՎՈՐՈՂ ՀԱՆՁՆԱԺՈՂՈՎ

ՈՐՈՇՈՒՄ

 

8 հուլիսի 2015 թվականի N 224-Ն

 

ՀԱՂՈՐԴՄԱՆ ԵՎ ԲԱՇԽՄԱՆ ՑԱՆՑԵՐՈՒՄ ԷԼԵԿՏՐԱԿԱՆ ԷՆԵՐԳԻԱՅԻ ԱՆԽՈՒՍԱՓԵԼԻ ՏԵԽՆՈԼՈԳԻԱԿԱՆ ԿՈՐՈՒՍՏՆԵՐԻ ՄԵԾՈՒԹՅՈՒՆՆԵՐԻ ՀԱՇՎԱՐԿՄԱՆ ԿԱՐԳԸ ՀԱՍՏԱՏԵԼՈՒ ՄԱՍԻՆ

 

Հիմք ընդունելով «Էներգետիկայի մասին» Հայաստանի Հանրապետության օրենքի 17-րդ հոդվածի «զ» ենթակետը` Հայաստանի Հանրապետության հանրային ծառայությունները կարգավորող հանձնաժողովը որոշում է.

1. Հաստատել հաղորդման և բաշխման ցանցերում էլեկտրական էներգիայի անխուսափելի տեխնոլոգիական կորուստների մեծությունների հաշվարկման կարգը` համաձայն հավելվածի:

2. «Հաշվարկային կենտրոն» փակ բաժնետիրական ընկերությանը` սույն որոշումն ուժի մեջ մտնելուց հետո երկամսյա ժամկետում «Բարձրավոլտ էլեկտրական ցանցեր» և «Հայաստանի էլեկտրական ցանցեր» փակ բաժնետիրական ընկերությունների հետ համաձայնեցնել սույն որոշման 1-ին կետով հաստատված կարգի 4-րդ և 7-րդ կետերով նախատեսված տեղեկատվությունների և 5-րդ և 8-րդ կետերով նախատեսված հաշվարկի արդյունքների տրամադրման ձևաչափը:

2.1 Սահմանել, որ սույն որոշման 1-ին կետով հաստատված կարգի համաձայն էլեկտրական էներգիայի բաշխման ցանցում էլեկտրական էներգիայի անխուսափելի տեխնոլոգիական կորուստների հաշվարկ 2018 և 2019 թվականների համար չի իրականացվում:

(2.1-ին կետը լրաց. 27.12.17 թիվ 580-Ն որոշում)

3. Սույն որոշումն ուժի մեջ է մտնում 2015 թվականի օգոստոսի 1-ից:

 

------------------------------------------------------------------

ԻՐՏԵԿ - սույն որոշումը հրապարակվել է միայն 2015 թվականի

օգոստոսի 3-ին և չի կարող սույն որոշման 3-րդ կետի համաձայն

ուժի մեջ մտնել 2015 թվականի օգոստոսի 1-ից:

«Իրավական ակտերի մասին» ՀՀ օրենքի 55-րդ հոդվածի համաձայն

սույն որոշումն ուժի մեջ կարող է մտնել միայն պաշտոնական

հրապարակման օրվանը հաջորդող 10-րդ օրը, որը և նշել է ԻՐՏԵԿ-ը:

------------------------------------------------------------------

 

Հավելված

Հաստատված է

ՀՀ հանրային ծառայությունները

կարգավորող հանձնաժողովի

2015 թվականի հուլիսի 8-ի

N 224-Ն որոշմամբ

 

ԿԱՐԳ

ՀԱՂՈՐԴՄԱՆ ԵՎ ԲԱՇԽՄԱՆ ՑԱՆՑԵՐՈՒՄ ԷԼԵԿՏՐԱԿԱՆ ԷՆԵՐԳԻԱՅԻ ԱՆԽՈՒՍԱՓԵԼԻ ՏԵԽՆՈԼՈԳԻԱԿԱՆ ԿՈՐՈՒՍՏՆԵՐԻ ՄԵԾՈՒԹՅՈՒՆՆԵՐԻ ՀԱՇՎԱՐԿՄԱՆ

 

1. ԸՆԴՀԱՆՈՒՐ ԴՐՈՒՅԹՆԵՐ

 

1. Սույն կարգը սահմանում է էլեկտրական էներգիայի հաղորդման և բաշխման ցանցերում (այսուհետ` հաղորդման և բաշխման ցանց) էլեկտրական էներգիայի անխուսափելի տեխնոլոգիական կորուստների մեծությունների հաշվարկման ընթացակարգը:

2. Հաղորդման և բաշխման ցանցերում էլեկտրական էներգիայի կորուստների հաշվարկումն իրականացնում է Շուկայի օպերատորը` համաձայն Հայաստանի Հանրապետության էներգետիկայի կարգավորող հանձնաժողովի 2001 թվականի նոյեմբերի 19-ի «110 կՎ և բարձր լարման ցանցերում էլեկտրաէներգիայի տեխնոլոգիական անխուսափելի կորուստների հաշվարկի մեթոդիկան հաստատելու մասին» N 60 և 2002 թվականի հոկտեմբերի 8-ի «Հայաստանի էլեկտրական ցանցեր» փակ բաժնետիրական ընկերության էլեկտրական ցանցերում էլեկտրաէներգիայի տեխնոլոգիական անխուսափելի կորուստների, սեփական և տնտեսական կարիքների համար օգտագործվող էլեկտրաէներգիայի հաշվարկի մեթոդիկաները հաստատելու մասին» N 65-Ա որոշումների:

(2-րդ կետը փոփ. 27.12.17 թիվ 580-Ն որոշում)

3. Սույն կարգում օգտագործված հիմնական հասկացություններն են`

1) Հանձնաժողով` Հայաստանի Հանրապետության հանրային ծառայությունները կարգավորող հանձնաժողով.

2) Բաշխող` էլեկտրական էներգիայի բաշխման լիցենզիա ունեցող իրավաբանական անձ.

3) Հաղորդող` էլեկտրական էներգիայի հաղորդման լիցենզիա ունեցող իրավաբանական անձ.

4) Շուկայի օպերատոր` էլեկտրաէներգետիկական շուկայի օպերատորի ծառայությունների մատուցման լիցենզիա ունեցող իրավաբանական անձ:

(3-րդ կետը փոփ. 27.12.17 թիվ 580-Ն որոշում)

 

2. ՀԱՂՈՐԴՄԱՆ ՑԱՆՑՈՒՄ ԷԼԵԿՏՐԱԿԱՆ ԷՆԵՐԳԻԱՅԻ ՏԵԽՆՈԼՈԳԻԱԿԱՆ ԱՆԽՈՒՍԱՓԵԼԻ ԿՈՐՈՒՍՏՆԵՐԻ ՀԱՇՎԱՐԿՄԱՆ ԸՆԹԱՑԱԿԱՐԳԸ

 

4. Հաղորդողը պարտավոր է մինչև յուրաքանչյուր ամսվա 5-ը Շուկայի օպերատորին տրամադրել նախորդ ամսվա` հաղորդման ցանցում էլեկտրական էներգիայի տեխնոլոգիական անխուսափելի կորուստների հաշվարկման համար տեղեկատվություն:

(4-րդ կետը փոփ. 27.12.17 թիվ 580-Ն որոշում)

5. Շուկայի օպերատորը պարտավոր է մինչև յուրաքանչյուր ամսվա 15-ը Հաղորդողին տրամադրել նախորդ ամսվա` հաղորդման ցանցում էլեկտրական էներգիայի տեխնոլոգիական անխուսափելի կորուստների հաշվարկի արդյունքները:

(5-րդ կետը փոփ. 27.12.17 թիվ 580-Ն որոշում)

6. Հաղորդողը պարտավոր է իր առևտրային հաշվառման էլեկտրոնային կառավարման համակարգի մուտքի իրավունք տրամադրել Շուկայի օպերատորին:

(6-րդ կետը փոփ. 27.12.17 թիվ 580-Ն որոշում)

 

3. ԲԱՇԽՄԱՆ ՑԱՆՑՈՒՄ ԷԼԵԿՏՐԱԿԱՆ ԷՆԵՐԳԻԱՅԻ ՏԵԽՆՈԼՈԳԻԱԿԱՆ ԱՆԽՈՒՍԱՓԵԼԻ ԿՈՐՈՒՍՏՆԵՐԻ ՀԱՇՎԱՐԿՄԱՆ ԸՆԹԱՑԱԿԱՐԳ

 

7. Բաշխողը պարտավոր է մինչև յուրաքանչյուր ամսվա 10-ը Շուկայի օպերատորին տրամադրել նախորդ ամսվա` բաշխման ցանցում էլեկտրական էներգիայի տեխնոլոգիական անխուսափելի կորուստների հաշվարկման համար տեղեկատվություն:

(7-րդ կետը փոփ. 27.12.17 թիվ 580-Ն որոշում)

8. Շուկայի օպերատորը պարտավոր է մինչև յուրաքանչյուր ամսվա 25-ը Բաշխողին տրամադրել նախորդ ամսվա` բաշխման ցանցում էլեկտրական էներգիայի տեխնոլոգիական անխուսափելի կորուստների հաշվարկի արդյունքները:

(8-րդ կետը փոփ. 27.12.17 թիվ 580-Ն որոշում)

9. Բաշխողը պարտավոր է իր առևտրային հաշվառման էլեկտրոնային կառավարման համակարգի մուտքի իրավունք տրամադրել Շուկայի օպերատորին:

(9-րդ կետը փոփ. 27.12.17 թիվ 580-Ն որոշում)

 

4. ՎԵՃԵՐԻ ԼՈՒԾՈՒՄԸ

 

10. Շուկայի օպերատորի կողմից Հաղորդողին կամ Բաշխողին տրամադրված տեխնոլոգիական անխուսափելի կորուստների հաշվարկի արդյունքների շուրջ վեճի դեպքում իրականացվում է էլեկտրական էներգիայի տեխնոլոգիական անխուսափելի կորուստների հաշվարկի աուդիտ: Աուդիտն իրականացնում են Հաղորդողի կամ Բաշխողի կողմից ընտրված և Շուկայի օպերատորի հետ համաձայնեցված փորձագետները (փորձագիտական խումբը):

(10-րդ կետը փոփ. 27.12.17 թիվ 580-Ն որոշում)

11. Աուդիտի արդյունքի վերաբերյալ կողմերի միջև ծագած վեճերը լուծվում են օրենքով սահմանված կարգով:

 

 

pin
Հանրային ծառայ. կարգ. հանձնաժողով
08.07.2015
N 224-Ն
Որոշում