Սեղմել Esc փակելու համար:
ՄԱՍՆԱՎՈՐ ՄՈՒԼՏԻՊԼԵՔՍՈՐԻ ԳՈՐԾՈՒՆԵՈՒԹՅԱ...
Քարտային տվյալներ

Տեսակ
Գործում է
Ընդունող մարմին
Ընդունման ամսաթիվ
Համար

Գրանցման ամսաթիվ
ՈՒժի մեջ մտնելու ամսաթիվ
ՈՒժը կորցնելու ամսաթիվ
Ընդունման վայր
Սկզբնաղբյուր

Ժամանակագրական տարբերակ Փոփոխություն կատարող ակտ

Որոնում:
Բովանդակություն

Հղում իրավական ակտի ընտրված դրույթին X
irtek_logo

ՄԱՍՆԱՎՈՐ ՄՈՒԼՏԻՊԼԵՔՍՈՐԻ ԳՈՐԾՈՒՆԵՈՒԹՅԱՆ ԼԻՑԵՆԶԱՎՈՐՄԱՆ ՄՐՑՈՒՅԹԻ ԱՆՑԿԱՑՄԱՆ ԿԱՐԳԸ ԵՎ ...

 

 

602.0029.160516

ԳՐԱՆՑՎԱԾ Է
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԱՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅԱՆ ԿՈՂՄԻՑ

                                      «16»        05            2016 Թ.

                                        ՊԵՏԱԿԱՆ ԳՐԱՆՑՄԱՆ ԹԻՎ 60016153

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՀԵՌՈՒՍՏԱՏԵՍՈՒԹՅԱՆ ԵՎ ՌԱԴԻՈՅԻ ԱԶԳԱՅԻՆ ՀԱՆՁՆԱԺՈՂՈՎ

ՈՐՈՇՈՒՄ

 

13 ապրիլի 2016 թվականի թիվ 29-Ն

 

ՄԱՍՆԱՎՈՐ ՄՈՒԼՏԻՊԼԵՔՍՈՐԻ ԳՈՐԾՈՒՆԵՈՒԹՅԱՆ ԼԻՑԵՆԶԱՎՈՐՄԱՆ ՄՐՑՈՒՅԹԻ ԱՆՑԿԱՑՄԱՆ ԿԱՐԳԸ ԵՎ ԼԻՑԵՆԶԻԱՅԻ ՁԵՎԸ ՀԱՍՏԱՏԵԼՈՒ ՄԱՍԻՆ

 

Ղեկավարվելով «Հեռուստատեսության և ռադիոյի մասին» ՀՀ օրենքի 36-րդ հոդվածի 1-ին մասի 4-րդ կետի, 55.2-րդ հոդվածի 8-րդ մասի և «Լիցենզավորման մասին» ՀՀ օրենքի 10-րդ հոդվածի 7-րդ մասի դրույթներով` Հեռուստատեսության և ռադիոյի ազգային հանձնաժողովը որոշեց.

1. Հաստատել մասնավոր մուլտիպլեքսորի գործունեության լիցենզավորման մրցույթի անցկացման կարգը` համաձայն N 1 հավելվածի:

2. Հաստատել մասնավոր մուլտիպլեքսորի գործունեության լիցենզիայի ձևը` համաձայն N 2 հավելվածի:

3. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:

 

Հավելված N 1

Հաստատված է

Հեռուստատեսության և ռադիոյի

ազգային հանձնաժողովի

2016 թվականի ապրիլի 13-ի

թիվ 29-Ն որոշմամբ

 

ԿԱՐԳ

ՄԱՍՆԱՎՈՐ ՄՈՒԼՏԻՊԼԵՔՍՈՐԻ ԳՈՐԾՈՒՆԵՈՒԹՅԱՆ ԼԻՑԵՆԶԱՎՈՐՄԱՆ ՄՐՑՈՒՅԹԻ ԱՆՑԿԱՑՄԱՆ

 

I. ԸՆԴՀԱՆՈՒՐ ԴՐՈՒՅԹՆԵՐ

 

1. Սույն կարգով սահմանվում է մասնավոր մուլտիպլեքսորի գործունեության լիցենզավորման նպատակով կազմակերպվող և անցկացվող մրցույթի իրականացման ընթացակարգը:

2. Մասնավոր մուլտիպլեքսորի գործունեության լիցենզավորման մրցույթն (այսուհետ` մրցույթ) անցկացնում է Հեռուստատեսության և ռադիոյի հանձնաժողովը (այսուհետ` Հանձնաժողով)` Հայաստանի Հանրապետության օրենսդրության և սույն կարգի համաձայն:

(2-րդ կետը փոփ. 11.05.18 թիվ 39-Ն որոշում)

3. Մրցույթին մասնակցում են միայն Հայաստանի Հանրապետությունում հիմնադրված իրավաբանական անձինք:

4. Մրցույթն անցկացվում է հրապարակային կարգով:

 

II. ՄՐՑՈՒՅԹԻ ՄԱՍԻՆ ՏԵՂԵԿԱՏՎՈՒԹՅԱՆ ՀՐԱՊԱՐԱԿՈՒՄԸ

 

5. Հանձնաժողովը հայտարարում է մրցույթ Հայաստանի Հանրապետությունում հրատարակվող առնվազն երեք հազար տպաքանակ ունեցող մամուլում` հրապարակելով հետևյալ տեղեկատվությունը`

1) լիցենզավորման ենթակա գործունեության տեսակը,

2) մրցույթի մասնակցին ներկայացվող պարտադիր պահանջները` համաձայն «Հեռուստատեսության և ռադիոյի մասին» ՀՀ օրենքի 55.1-րդ հոդվածի,

3) դիմումի ձևը,

4) անհրաժեշտ փաստաթղթերի ցանկը,

5) դիմումների ընդունման ժամանակահատվածը և վայրը,

6) լրացուցիչ տեղեկություններ ստանալու աղբյուրը` հեռախոս, էլ. փոստ:

 

III. ԴԻՄՈՒՄՆԵՐԻ ԸՆԴՈՒՆՈՒՄԸ

 

6. Մրցույթի մասնակից է համարվում այն իրավաբանական անձը, որը համապատասխանում է «Հեռուստատեսության և ռադիոյի մասին» ՀՀ օրենքի 55.1-րդ հոդվածի պայմաններին և մրցույթը հայտարարելուց հետո վեց ամսվա ընթացքում սահմանված կարգով Հանձնաժողով է ներկայացրել մասնավոր մուլտիպլեքսորի գործունեության լիցենզիա ստանալու դիմում (այսուհետ` դիմում)` համաձայն N 1 ձևի և անհրաժեշտ փաստաթղթեր:

(6-րդ կետը փոփ. 11.05.18 թիվ 39-Ն որոշում)

7. Դիմումում պետք է նշվեն հետևյալ տեղեկությունները`

1) իրավաբանական անձի անվանումը,

2) գտնվելու վայրը,

3) գործունեության իրականացման վայրը,

4) պետական գրանցման համարը,

5) հարկ վճարողի հաշվառման համարը,

6) մուլտիպլեքսի կառուցման և գործարկման համար անհրաժեշտ ռադիոհաճախականությունների մասին, ընդ որում, դրանք պետք է ներառված լինեն Հանձնաժողովի կառավարման ներքո տրամադրված հաճախականություններում,

7) դիմումի ներկայացման ամիսը, ամսաթիվը, տարեթիվը:

8. Դիմումին կից ներկայացվում են`

1) ապացույցներ հեռարձակման թվային ցանցը ստեղծելու և շահագործելու համար անհրաժեշտ տեխնիկական միջոցների վերաբերյալ,

2) ֆինանսական կարողությունները հիմնավորող փաստաթղթերը,

3) հեռարձակման թվային ցանցի ստեղծման նախագիծը, ներառյալ ցանցի գործարկման ժամանակացույցը:

9. Դիմումին կից փաստաթղթերը ներկայացվում են երկու նույնական փաթեթով` ստորագրված և կնքված (կնիքի առկայության դեպքում) փակ ծրարով: Փաթեթներից մեկը պետք է կազմված լինի փաստաթղթերի բնօրինակներից, մյուսը` կրկնօրինակներից: Փաթեթները պետք է լինեն կարված, համարակալված, «Բաղկացած է ... թերթից» գրառմամբ, ստորագրված և կնքված (կնիքի առկայության դեպքում), ընդ որում փաթեթներում ներառված հեռարձակման թվային ցանցի ստեղծման նախագիծը և ցանցի գործարկման ժամանակացույցը պետք է ներկայացվեն առանձին թելակարված:

10. Դիմումը և անհրաժեշտ փաստաթղթերը Հանձնաժողովն ընդունում է մրցույթը հայտարարելուց հետո վեց ամսվա ընթացքում` առձեռն կամ փոստով:

(10-րդ կետը փոփ. 11.05.18 թիվ 39-Ն որոշում)

 

IV. ԴԻՄՈՒՄՆԵՐԻ ՔՆՆԱՐԿՈՒՄԸ ԵՎ ՈՐՈՇՄԱՆ ԸՆԴՈՒՆՈՒՄԸ

 

11. Դիմումների ընդունման ժամկետի ավարտից հետո երեք օրվա ընթացքում Հանձնաժողովը իր պաշտոնական կայքում (www.tvradiօ.am) հրապարակում է մրցույթի մասնակիցների ցանկը և հրավիրում ծրարների բացման նիստ: Մրցույթի մասնակիցները և նրանց ներկայացուցիչները կարող են ներկա գտնվել ծրարների բացման նիստին: Նիստում անցկացվում է նաև փորձագետների ընտրություն` ցանցի ստեղծման նախագծի և ժամանակացույցի տեխնիկական փորձաքննություն իրականացնելու համար:

12. Հեռարձակման թվային ցանցի ստեղծման նախագծի և ժամանակացույցի տեխնիկական փորձաքննությունը պետք է իրականացվի առավելագույնը երեք ամսվա ընթացքում: Եթե երեք ամսվա ընթացքում չի տրվում տեխնիկական եզրակացությունը, ապա համարվում է, որ այն համապատասխանում է անհրաժեշտ պահանջներին:

(12-րդ կետը փոփ. 11.05.18 թիվ 39-Ն որոշում)

13. Տեխնիկական փորձաքննության եզրակացությունը ստանալուց հետո` առավելագույնը 15-օրյա ժամկետում, Հանձնաժողովը կազմակերպում է հանրային լսումներ, որի անցկացման վայրի և ժամի մասին հայտարարություն է հրապարակում Հայաստանի Հանրապետության հրապարակային ծանուցումների պաշտոնական կայքում (www.azdarar.am):

14. Տեխնիկական փորձաքննության եզրակացությունը ստանալուց հետո` առավելագույնը երկու ամսվա ընթացքում Հանձնաժողովը հրավիրում է նիստ և բաց քվեարկության արդյունքում որոշում է ընդունում լիցենզիա տրամադրելու կամ դիմումը մերժելու մասին: Մինչև քվեարկությունը հանձնաժողովի անդամները դիմումների և կից փաստաթղթերի քննարկում չեն իրականացնում և չեն հրապարակում իրենց դիրքորոշումները դրանց վերաբերյալ, սակայն կարող են հանդես գալ հայտարարությամբ, միջնորդությամբ:

15. Հանձնաժողովը լիցենզավորված անձի ընտրության ժամանակ հիմք է ընդունում`

1) հանրային լսումների արդյունքները,

2) տեխնիկական փորձաքննության եզրակացությունը:

16. Քվեարկությունն իրականացվում է ըստ մասնակիցների դիմումների գրանցման հերթականության: Քվեարկությունը կազմակերպվում է մասնակիցներից յուրաքանչյուրի համար առանձին` Հանձնաժողովի անդամների համաժամանակյա բաց քվեարկությամբ` հաշվի առնելով հետևյալ չափանիշները`

1) հեռարձակման թվային ցանցի ստեղծման նախագծով ներկայացված հեռարձակման ցանցի առաջարկվող սփռման տարածքի չափը,

2) մասնակցի կողմից առաջարկվող ծառայությունների որակը,

3) հեռարձակման թվային ցանցը ստեղծելու և շահագործելու համար անհրաժեշտ տեխնիկական միջոցները,

4) ֆինանսական կարողությունների չափը:

17. Լիցենզիա տրամադրելու կամ դիմումը մերժելու մասին որոշումն ընդունվում է Հանձնաժողովի նիստին ներկա անդամների ձայների պարզ մեծամասնությամբ: Ձայների հավասարության դեպքում Հանձնաժողովի նախագահի ձայնը վճռորոշ է:

(17-րդ կետը փոփ. 11.05.18 թիվ 39-Ն որոշում)

18. Հանձնաժողովի որոշումը` մրցույթում հաղթող ճանաչելու և մասնավոր մուլտիպլեքսորի գործունեության լիցենզիա տրամադրելու մասին, հրապարակվում է այն ընդունելուց անմիջապես հետո: Մասնավոր մուլտիպլեքսորի գործունեության լիցենզիա տրամադրելու մասին որոշմամբ Հանձնաժողովը սահմանում է նաև մասնավոր մուլտիպլեքսորի գործունեության իրականացման համար նախատեսված պարտադիր պահանջները և պայմանները` համաձայն «Լիցենզավորման մասին» ՀՀ օրենքի 12-րդ հոդվածի:

19. Հանձնաժողովի որոշումն ընդունելուց հետո երեք օրվա ընթացքում ուղարկվում է մրցույթի մասնակիցներին:

20. Մրցույթի մասին ամբողջական տեղեկատվությունը Հանձնաժողովը հրապարակում է իր պաշտոնական կայքում` մեկամսյա ժամկետում:

 

V. ՄՐՑՈՒՅԹԸ ՉԿԱՅԱՑԱԾ ՀԱՅՏԱՐԱՐԵԼԸ

 

21. Հանձնաժողովն իր որոշմամբ մրցույթը հայտարարում է չկայացած, եթե`

1) սահմանված ժամկետում ոչ մի դիմում չի ներկայացվել.

2) մրցույթի միակ մասնակցի կամ բոլոր մասնակիցների հեռարձակման թվային ցանցի ստեղծման նախագծի և ժամանակացույցի տեխնիկական փորձաքննության արդյունքում տրվել է բացասական եզրակացություն, ընդ որում այս դեպքում հանրային լսումներ չի անցկացվում.

3) ներկայացված դիմումներից ոչ մեկը չի համապատասխանում ՀՀ օրենսդրության և սույն կարգի պահանջներին.

4) մրցույթի միակ մասնակցի կամ բոլոր մասնակիցների հեռարձակման թվային ցանցի ստեղծման նախագծով ներկայացված հեռարձակման ցանցի առաջարկվող սփռման տարածքի չափը չի համապատասխանում «Հեռուստատեսության և ռադիոյի մասին» ՀՀ օրենքի 55.1-ին հոդվածի 2-րդ մասով սահմանված պահանջին:

(21-րդ կետը փոփ. 11.05.18 թիվ 39-Ն որոշում)

 

Ձև N 1

 

Մասնավոր մուլտիպլեքսորի գործունեության

լիցենզավորման մրցույթի անցկացման կարգի

 

Հեռուստատեսության և ռադիոյի

հանձնաժողովի նախագահ

_________________________-ին

(անուն, ազգանուն)

 

ԴԻՄՈՒՄ

 

Մասնավոր մուլտիպլեքսորի գործունեության լիցենզիա ստանալու

 

Դիմումատուի անվանումը ______________________________________________

Գտնվելու վայրը _____________________________________________________

Գործունեության իրականացման վայրը ____________________________________

Հեռախոսահամարը, ֆաքսը, էլ. հասցեն____________________________________

Պետական գրանցման համարը______________________________________________

Հարկ վճարողի հաշվառման համարը________________________________________

 

Տեղեկություններ մուլտիպլեքսի կառուցման և գործարկման

համար անհրաժեշտ ռադիոհաճախականությունների մասին ______________________

 

Կից փաստաթղթեր.

1. ապացույցներ հեռարձակման թվային ցանցը ստեղծելու և շահագործելու

    համար անհրաժեշտ տեխնիկական միջոցների վերաբերյալ        ________ թերթ,

2. ֆինանսական կարողությունները հիմնավորող փաստաթղթերը  ________ թերթ,

3. հեռարձակման թվային ցանցի ստեղծման նախագիծը,

    ներառյալ ցանցի գործարկման ժամանակացույցը               ________ թերթ,

    Ընդամենը`                                              ________ թերթ:

 

Տնօրեն _________________________  ___________________

             (անուն, ազգանուն)           (ստորագրություն)

 

     ______ _________ __________    Կ.Տ. (կնիքի առկայության դեպքում)

(օրը,   ամիսը,   տարեթիվը)

 

(ձևը փոփ. 11.05.18 թիվ 39-Ն որոշում)

 

Հավելված N 2

Հաստատված է

Հեռուստատեսության և ռադիոյի

ազգային հանձնաժողովի

2016 թվականի ապրիլի 13-ի

թիվ 29-Ն որոշմամբ

 

(ՀՀ զինանշան)

ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ ՀԵՌՈՒՍՏԱՏԵՍՈՒԹՅԱՆ ԵՎ ՌԱԴԻՈՅԻ ՀԱՆՁՆԱԺՈՂՈՎ

 

ԼԻՑԵՆԶԻԱ___________________

(սերիան, համարը)

    ք. __________               ________________________________________

                                 (լիցենզիան տալու օրը, ամիսը, տարեթիվը)

 

տրվում է _____________________________________________________

(իրավաբանական անձի անվանումը)

_____________________________________________________

                            (գտնվելու վայրը)

 

գործունեության _____________________________________________________

տեսակը

 

գործունեության  _____________________________________________________

իրականացման վայրը

 

լիցենզիայի գործողության ______________________________________________

ժամկետը

 

ՀԵՌՈՒՍՏԱՏԵՍՈՒԹՅԱՆ ԵՎ ՌԱԴԻՈՅԻ

    ՀԱՆՁՆԱԺՈՂՈՎԻ ՆԱԽԱԳԱՀ          _________________ Կ.Տ. _________________

                                  (ստորագրություն)      (անուն, ազգանուն)

                                   

(2-րդ հավելվածը փոփ. 11.05.18 թիվ 39-Ն որոշում)

 

 

pin
Հեռուստառադիոհանձնաժողով
13.04.2016
N 29-Ն
Որոշում