Սեղմել Esc փակելու համար:
ՀՀ-ՈՒՄ ՄԻԱՍՆԱԿԱՆ ԵՐԹՈՒՂԱՅԻՆ ՑԱՆՑԻ ՍՏԵ...
Քարտային տվյալներ

Տեսակ
Գործում է
Ընդունող մարմին
Ընդունման ամսաթիվ
Համար

ՈՒժի մեջ մտնելու ամսաթիվ
ՈՒժը կորցնելու ամսաթիվ
Ընդունման վայր
Սկզբնաղբյուր

Ժամանակագրական տարբերակ Փոփոխություն կատարող ակտ

Որոնում:
Բովանդակություն

Հղում իրավական ակտի ընտրված դրույթին X
irtek_logo

ՀՀ-ՈՒՄ ՄԻԱՍՆԱԿԱՆ ԵՐԹՈՒՂԱՅԻՆ ՑԱՆՑԻ ՍՏԵՂԾՄԱՆ ՏԵԽՆԻԿԱԿԱՆ ԱՌԱՋԱԴՐԱՆՔԻՆ ՀԱՎԱՆՈՒԹՅՈՒՆ ...

 

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ՆԻՍՏԻ
ԱՐՁԱՆԱԳՐՈՒԹՅՈՒՆԻՑ ՔԱՂՎԱԾՔ

 

20 հուլիսի 2017 թվականի N 31

 

32. ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆՈՒՄ ՄԻԱՍՆԱԿԱՆ ԵՐԹՈՒՂԱՅԻՆ ՑԱՆՑԻ ՍՏԵՂԾՄԱՆ ՏԵԽՆԻԿԱԿԱՆ ԱՌԱՋԱԴՐԱՆՔԻՆ ՀԱՎԱՆՈՒԹՅՈՒՆ ՏԱԼՈՒ ՄԱՍԻՆ

 

Հավանություն տալ Հայաստանի Հանրապետությունում միասնական երթուղային ցանցի ստեղծման տեխնիկական առաջադրանքին` համաձայն հավելվածի:

 

ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ 2017 ԹՎԱԿԱՆԻ ՀՈՒԼԻՍԻ 21-ԻՆ

 

Հավելված

ՀՀ կառավարության

2017 թ. հուլիսի 20-ի նիստի

N 31 արձանագրային որոշման

 

ՏԵԽՆԻԿԱԿԱՆ ԱՌԱՋԱԴՐԱՆՔ ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆՈՒՄ ՄԻԱՍՆԱԿԱՆ ԵՐԹՈՒՂԱՅԻՆ ՑԱՆՑԻ ՍՏԵՂԾՄԱՆ

 

ՆԵՐԱԾՈՒԹՅՈՒՆ

 

1. Հայաստանի Հանրապետությունում ներկայումս կանոնավոր ուղևորափոխադրումներն իրականացվում են «Ավտոմոբիլային տրանսպորտի մասին» ՀՀ օրենքի (այսուհետ` օրենք) պահանջներին համապատասխան, որի 10-րդ հոդվածով սահմանված է, որ միջմարզային ավտոբուսային կանոնավոր փոխադրումների երթուղային ցանցը կազմակերպում է լիազոր մարմինը` համագործակցելով տարածքային կառավարման մարմինների հետ, Երևան քաղաքի վարչական տարածքով անցնող երթուղիների ուղեգծերը համաձայնեցնելով Երևանի քաղաքապետի հետ: Ներմարզային ավտոբուսային կանոնավոր փոխադրումների երթուղային ցանցը կազմակերպում է համապատասխան տարածքային կառավարման մարմինը` նախապես համաձայնեցնելով լիազոր մարմնի հետ: Երևան քաղաքի ներքաղաքային ավտոբուսային կանոնավոր փոխադրումների երթուղային ցանցը կազմակերպում է Երևանի քաղաքապետը` քաղաքի վարչական տարածքից դուրս եկող երթուղիների ուղեգիծը նախապես համաձայնեցնելով համապատասխան տարածքային կառավարման մարմնի և լիազոր մարմնի հետ: Հայաստանի Հանրապետության այլ քաղաքների ավտոբուսային կանոնավոր փոխադրումների երթուղային ցանցերը կազմակերպում է համապատասխան քաղաքային համայնքի ղեկավարը` քաղաքի վարչական տարածքից դուրս եկող երթուղիների ուղեգիծը նախապես համաձայնեցնելով համապատասխան տարածքային կառավարման մարմնի և լիազոր մարմնի հետ:

2. Իսկ օրենքի 10-րդ հոդվածի 1-ին մասի համաձայն` կանոնավոր ուղևորափոխադրումների երթուղիների սպասարկումն իրականացվում է չվացուցակի և երթուղու սխեմայի հիման վրա:

3. Կանոնավոր ուղևորափոխադրումներ իրականացնող կազմակերպություններն ընտրվում են օրենքի 11-րդ հոդվածի 1-ին մասի պահանջներին համապատասխան` մրցութային եղանակով, որի կարգը սահմանված է ՀՀ կառավարության 2001 թվականի օգոստոսի 16-ի թիվ 762 որոշմամբ:

4. Հայաստանի Հանրապետության տրանսպորտի, կապի և տեղեկատվական տեխնոլոգիաների նախարարության կողմից` որպես լիազոր մարմին ձևավորված են միջմարզային 47 ավտոբուսային և 106 միկրոավտոբուսային երթուղիներ, որոնք սպասարկվում են համապատասխանաբար 170 ավտոբուսներով և 533 միկրոավտոբուսներով` 75 փոխադրողների կողմից:

5. ՀՀ մարզպետարանների կողմից, որպես տարածքային կառավարման մարմիններ, ձևավորված են ներմարզային 120 ավտոբուսային և 143 միկրոավտոբուսային երթուղիներ, որոնք սպասարկվում են համապատասխանաբար 211 ավտոբուսներով և 333 միկրոավտոբուսներով` 70 փոխադրողների կողմից:

6. Հանրապետությունում 231 համայնքներ ապահովված չեն տրանսպորտային սպասարկմամբ` համաձայն հավելված 1-ի:

7. Կանոնավոր փոխադրումները հիմնականում սպասարկվում են ավտոկայարաններից, ավտոկայաններից և երթակարգավական կետերից, որոնք «Հայավտոկայարան» ՓԲԸ-ի ենթակայության են (հավելված 2):

 

ԱՌԿԱ ԽՆԴԻՐՆԵՐԸ

 

8. Համաձայն «Ավտոմոբիլային տրանսպորտի մասին» ՀՀ օրենքի` հանրապետությունում տարբեր պետական և տեղական ինքնակառավարման մարմիններ են ձևավորում երթուղային ցանցեր, որոնք չեն ապահովում փոխադրումների արդյունավետությունը: Չվացուցակները կազմվում են այնպես, որ հնարավոր չի լինում ապահովել գյուղերից մինչև մարզկենտրոն կամ մարզի խոշոր քաղաք, այնուհետև դեպի Երևան կամ այլ մարզի խոշոր քաղաք ուղևորների արդյունավետ փոխադրումը:

9. Որոշ երթուղիներ տնտեսապես հիմնավորված են (շահութաբեր են) կախված բնակավայրերի մեծությունից և ուղևորահոսքի ծավալներից, իսկ որոշները` ոչ: Արդյունքում ոչ շահութաբեր երթուղիների համար բազմիցս հայտարարվում են մրցույթներ, որոնք սակայն չեն կայանում հայտերի բացակայության պատճառով:

10. Հանրապետությունում առկա են որոշ ավտոկայաններ, որոնք տեղակայված են այնպիսի վայրերում, որտեղից արդեն ուղևորափոխադրումներ չեն իրականացվում, կամ իրականացվում են տվյալ ավտոկայանի թերբեռնվածությամբ (օրինակ Հրազդանի ավտոկայանը): Իսկ որոշ ավտոկայաններ չեն կարող ապահովել ուղևորների պատշաճ սպասարկում, քանի որ տեխնիկական վերազինման ու վերանորոգման կարիք ունեն:

11. Չկա միասնական տոմսավորման համակարգ, որը խոչընդոտում է ուղևորահոսքի իրական ցուցանիշների որոշմանը և փոխադրումներում համապատասխան տեղատարողության տրանսպորտային միջոցների ներգրավմանը:

12. Կանոնավոր փոխադրումներում բացակայում է շահագործվող տրանսպորտային միջոցների տեղորոշման համակարգը, ինչը թույլ չի տալիս ուղևորներին արդյունավետ կազմակերպելու ուղևորությունը, կրճատելու ուղևորափոխադրման ժամանակը, ինչպես նաև իրականացնելու փոխադրումների արդյունավետ վերահսկողություն:

13. Որոշ համայնքներ չունեն անցանելի ավտոճանապարհներ կամ դրանք անբարեկարգ վիճակում են:

14. ՀՀ-ում տաքսամոտորային փոխադրումները բավականին ազատականացված են, որի արդյունքում կանոնավոր փոխադրումներ իրականացնողները գտնվում են ոչ մրցակցային պայմաններում:

 

ՏԵԽՆԻԿԱԿԱՆ ԱՌԱՋԱԴՐԱՆՔԻ ԱՊԱՀՈՎՄԱՆՆ ՈՒՂՂՎԱԾ ՄԻՋՈՑԱՌՈՒՄՆԵՐԸ

 

15. Տեխնիկական առաջադրանքի ապահովման նպատակով ըստ մարզերի հավաքագրվել են տվյալներ, համաձայն որոնց մարզերն ըստ խոշոր քաղաքների բաժանվել են տարածաշրջանների: Սահմանվել են օպտիմալ երթուղիներ, դրանց սկզբնակետը, վերջնակետը, միջանկյալ համայնքները, ուղևորահոսքը սկզբնակետից` ըստ երթուղում ներառված համայնքների, երթերի նախընտրելի ժամերը սկզբնակետից (հետադարձը` վերջնակետից).

1) Արագածոտնի մարզ - բաժանվել է 4 տարածաշրջանների` Թալինի, Աշտարակի, Ապարանի, Արագածի: Մարզում կձևավորվի 27 երթուղի, որոնցից` 9-ը Թալինի տարածաշրջանում, 9-ը Աշտարակի տարածաշրջանում, 5-ը Ապարանի տարածաշրջանում, 4-ը Արագածի տարածաշրջանում (հավելված 3):

2) Արարատի մարզ - բաժանվել է 4 տարածաշրջանների` Արարատի, Արտաշատի, Վեդիի, Մասիսի: Մարզում կձևավորվի 27 երթուղի, որոնցից 2-ը` Արարատի տարածաշրջանում, 14-ը` Արտաշատի տարածաշրջանում, 4-ը` Վեդիի տարածաշրջանում, 7-ը` Մասիսի տարածաշրջանում (հավելված 4):

3) Արմավիրի մարզ - բաժանվել է 2 տարածաշրջանների` Արմավիրի և Վաղարշապատի: Մարզում կձևավորվի 25 երթուղի, որոնցից 17-ը` Արմավիրի տարածաշրջանում, 8-ը` Վաղարշապատի տարածաշրջանում (հավելված 5):

4) Գեղարքունիքի մարզ - բաժանվել է 5 տարածաշրջանների` Գավառի, Սևանի, Մարտունու, Վարդենիսի, Ճամբարակի: Մարզում կձևավորվի 38 երթուղի, որոնցից 7-ը` Գավառի տարածաշրջանում, 7-ը` Սևանի տարածաշրջանում, 11-ը` Մարտունու տարածաշրջանում, 9-ը` Վարդենիսի տարածաշրջանում, 4-ը` Ճամբարակի տարածաշրջանում` (հավելված 6):

5) Լոռու մարզ - բաժանվել է 4 տարածաշրջանների` Վանաձորի, Ալավերդու, Ստեփանավանի, Տաշիրի: Մարզում կձևավորվի 86 երթուղի, որոնցից 55-ը` Վանաձորի տարածաշրջանում, 16-ը` Ալավերդու տարածաշրջանում, 7-ը` Ստեփանավանի տարածաշրջանում, 8-ը` Տաշիրի տարածաշրջանում (հավելված 7):

6) Կոտայքի մարզ - բաժանվել է 4 տարածաշրջանների` Հրազդանի, Չարենցավանի, Աբովյանի, Եղվարդի: Մարզում կձևավորվի 37 երթուղի, որոնցից 14-ը` Հրազդանի տարածաշրջանում, 12-ը` Աբովյանի տարածաշրջանում, 7-ը` Չարենցավանի տարածաշրջանում, 2-ը` Եղվարդի տարածաշրջանում, 2-ը` մարզի խոշոր քաղաքների միջև (հավելված 8):

7) Շիրակի մարզ - բաժանվել է 2 տարածաշրջանների` Գյումրիի և Արթիկի: Մարզում կձևավորվի 54 երթուղի, որոնցից 42-ը` Գյումրիի տարածաշրջանում, 12-ը` Արթիկի տարածաշրջանում (հավելված 9):

8) Սյունիքի մարզ - բաժանվել է 3 տարածաշրջանների` Սիսիանի, Գորիսի, Կապանի: Մարզում կձևավորվի 26 երթուղի, որոնցից 11-ը` Սիսիանի տարածաշրջանում, 5-ը` Գորիսի տարածաշրջանում, 10-ը` Կապանի տարածաշրջանում (հավելված 10):

9) Վայոց Ձորի մարզ - բաժանվել է 2 տարածաշրջանների` Եղեգնաձորի և Վայքի: Մարզում կձևավորվի 26 երթուղի, որոնցից 15-ը` Եղեգնաձորի տարածաշրջանում, 10-ը` Վայքի տարածաշրջանում, 1-ը` մարզի խոշոր քաղաքների միջև (հավելված 11):

10) Տավուշի մարզ - բաժանվել է 4 տարածաշրջանների` Իջևանի, Դիլիջանի, Նոյեմբերյանի, Բերդի: Մարզում կձևավորվի 31 երթուղի, որոնցից 17-ը` Իջևանի տարածաշրջանում, 3-ը` Դիլիջանի տարածաշրջանում, 4-ը Նոյեմբերյանի տարածաշրջանում, 7-ը` Բերդի տարածաշրջանում (հավելված 12):

16. Ըստ ուղևորահոսքի գյուղերից դեպի մարզկենտրոն կամ մարզի խոշոր քաղաքներ, այնուհետև դեպի Երևան քաղաք սահմանվել են տրանսպորտային միջոցի տեղատարողությունը` ավտոբուս կամ միկրոավտոբուս, դրանց քանակը, ինչպես նաև ուղևորափոխադրումների երթուղիների օպտիմալ ժամերը, այսինքն բնակչության փոխադրումը գյուղերից դեպի մարզկենտրոն կամ մարզի խոշոր քաղաքներ, այնուհետև դեպի Երևան և հակառակ ուղղությամբ:

 

ՏԵԽՆԻԿԱԿԱՆ ԱՌԱՋԱԴՐԱՆՔԻ ՆՊԱՏԱԿԸ

 

17. Տեխնիկական առաջադրանքի հիմնական նպատակն է ստեղծել արդյունավետ ուղևորափոխադրում գյուղերից դեպի մարզկենտրոն կամ մարզի խոշոր քաղաք, այնուհետև դեպի Երևան:

18. Ըստ հավաքագրված տեղեկատվության`

1) Հաշվարկել գյուղերից դեպի մարզկենտրոն կամ մարզի խոշոր քաղաքներ երթուղիներում տրանսպորտային միջոցի տեսակը` ըստ տեղատարողության, ելնելով ուղևորահոսքի ծավալներից:

2) Սահմանել մարզկենտրոնից կամ մարզի խոշոր քաղաքներից դեպի Երևան փոխադրման արդյունավետ ժամերը (նվազագույնի հասցնելով ուղևորի սպասելու ժամանակը)` հաշվի առնելով գյուղերից մարզկենտրոն կամ մարզի խոշոր քաղաք ժամանած ուղևորների, ինչպես նաև դեպի Երևան ուղևորվող տվյալ քաղաքի կամ մարզկենտրոնի ուղևորների թվաքանակը` ըստ ժամերի:

3) Սահմանել մարզկենտրոնից կամ մարզի խոշոր քաղաքներից դեպի Երևան կամ այլ մարզի խոշոր քաղաքներ տրանսպորտային միջոցների տեսակը` ավտոբուս կամ միկրոավտոբուս, ըստ ժամերի, հիմք ընդունելով փոխադրվող ուղևորների քանակը: Այն պետք է ապահովի ուղևորների ըստ նստատեղերի քանակի փոխադրումը:

4) Մարզկենտրոնից կամ մարզի խոշոր քաղաքներից դեպի Երևան փոխադրման արդյունավետ ժամերը սահմանելուց հաշվի առնել տվյալ քաղաքի ավտոկայարանների, կամ ավտոկայանների, կամ երթակարգավարական կետերի թողունակությունը և դրանց աշխատանքի արդյունավետ կազմակերպումը:

 

ԱԿՆԿԱԼՎՈՂ ԱՐԴՅՈՒՆՔԸ

 

19. Կհայտարարվեն մարզի խոշոր քաղաքներից կամ մարզկենտրոնից դեպի Երևան, կամ այլ մարզի խոշոր քաղաքներ և դրա հետ միասին տվյալ խոշոր քաղաքը կամ մարզկենտրոնը իրեն հարող բոլոր բնակավայրերին կապող երթուղիների սպասարկման համար մրցույթներ մեկ փաթեթով: Արդյունքում հնարավոր կլինի ընտրել մեկ փոխադրող, որը կսպասարկի մարզի ինչպես շահութաբեր, այնպես էլ ոչ շահութաբեր երթուղիները ամբողջովին: Փոխադրողը պատասխանատվություն կկրի ամբողջ փաթեթի սպասարկման համար:

20. Միջոցառումը կապահովի հանրապետության բոլոր համայնքների տրանսպորտային սպասարկումը:

21. Կկրճատվի ուղևորության համար ծախսվող ժամանակահատվածը:

22.Կանոնավոր ուղևորափոխադրումներում ներգրավված տրանսպորտային միջոցները կհամապատասխանեցվեն փաստացի ուղևորահոսքի ծավալներին: Կբացառվի տրանսպորտային միջոցի թերծանրաբեռնվածությունը, ինչը երթուղին կդարձնի տնտեսապես հիմնավորված, իսկ ուղևորի համար կբացառվի տրանսպորտային միջոցի գերծանրաբեռնվածությունը, որը կապահովի սպասարկման որակի և անվտանգության բարձր մակարդակ:

23.Քանի որ ըստ տարածաշրջանների կընտրվի մեկ փոխադրող, այն հնարավորություն կընձեռնի ներդնելու միասնական տոմսային համակարգ:

24.Փոխադրողի կողմից սպասարկվող երթուղային ցանցում ընդգրկված տրանսպորտային միջոցներում կներդրվի տեղորոշման համակարգ, որը ուղևորափոխադրման արդյունավետությունը, ինչպես փոխադրողի այնպես էլ ուղևորի համար: Փոխադրումների նկատմամբ վերահսկողությունը հնարավոր կլինի իրականացնել էլեկտրոնային եղանակով:

25.Կբարձրանա ավտոկայանների շահագործման արդյունավետությունը, ինչը կավելացնի ավտոկայանների ֆինանսական հոսքերը, որի արդյունքում հնարավորություն կստեղծվի բարելավել ավտոկայարանային համակարգի տեխնիկական հագեցվածությունը և դրանց կողմից ուղևորների սպասարկման որակը:

 

Հավելված 1

 

ՑԱՆԿ

Տրանսպորտային սպասարկում չունեցող համայնքների թիվը ըստ մարզերի

 

._________________________________________________.

|N  |              Մարզը             |Չսպասարկվող |

|   |                                |բնակավայրերի|

|   |                                |թիվը        |

|___|________________________________|____________|

|1  |Արագածոտնի մարզ                 |      37    |

|___|________________________________|____________|

|2  |Արարատի մարզ                    |      7     |

|___|________________________________|____________|

|3  |Արմավիրի մարզ                   |      6     |

|___|________________________________|____________|

|4  |Գեղարքունիքի մարզ               |     18     |

|___|________________________________|____________|

|5  |Լոռու մարզ                      |      6     |

|___|________________________________|____________|

|6  |Կոտայքի մարզ                    |      4     |

|___|________________________________|____________|

|7  |Շիրակի մարզ                     |     21     |

|___|________________________________|____________|

|8  |Սյունիքի մարզ                   |     74     |

|___|________________________________|____________|

|9  |Վայոց Ձորի մարզ                 |     19     |

|___|________________________________|____________|

|10 |Տավուշի մարզ                    |     39     |

|___|________________________________|____________|

|   |ԸՆԴԱՄԵՆԸ                        |    231     |

._________________________________________________.

 

Հավելված 2

 

ՑՈՒՑԱԿ

«Հայավտոկայարան» ՓԲԸ-ի ավտոկայարանների և ավտոկայանների

 

.______________________________________________________________.

|հ/հ|Ա/Կ-ների անվանումը           |Շենքի վիճակը |Իրավունքի     |

|   |                             |             |տեսակը        |

|___|_____________________________|_____________|______________|

|1  |            2                |     3       |       4      |

|___|_____________________________|_____________|______________|

|   |Ավտոկայարաններ               |             |              |

|___|_____________________________|_____________|______________|

|1  |Երևանի  «Կենտրոնական» ա/կ    |             |Սեփական       |

|___|_____________________________|_____________|______________|

|2  |Երևանի  «Հյուսիսային» ա/կ    |             |Սեփական       |

|___|_____________________________|_____________|______________|

|3  |Գյումրիի ա/կ                 |             |Սեփական       |

|___|_____________________________|_____________|______________|

|4  |Վանաձորի ա/կ                 |             |Սեփական       |

|___|_____________________________|_____________|______________|

|   |Ավտոկայաններ                 |             |              |

|___|_____________________________|_____________|______________|

|1  |Երևանի  «Հարավային» ա/կ      |             |Վարձակալած    |

|___|_____________________________|_____________|______________|

|2  |Աբովյանի ա/կ                 |             |Սեփական       |

|___|_____________________________|_____________|______________|

|3  |Չարենցավանի ա/կ              |             |Սեփական       |

|___|_____________________________|_____________|______________|

|4  |Սևանի  ա/կ                   |Շենք չունի   |Վարձակալված   |

|___|_____________________________|_____________|______________|

|5  |Մարտունու ա/կ                |             |Սեփական       |

|___|_____________________________|_____________|______________|

|6  |Վարդենիսի ա/կ                |Վթարային     |Սեփական       |

|___|_____________________________|_____________|______________|

|7  |Ճամբարակի ա/կ                |Վթարային     |Սեփական       |

|___|_____________________________|_____________|______________|

|8  |Դիլիջանի ա/կ                 |             |Սեփական       |

|___|_____________________________|_____________|______________|

|9  |Նոյեմբերյանի ա/կ             |             |Սեփական       |

|___|_____________________________|_____________|______________|

|10 |Բերդի ա/կ                    |             |Սեփական       |

|___|_____________________________|_____________|______________|

|11 |Ալավերդու ա/կ                |Վթարային     |Սեփական       |

|___|_____________________________|_____________|______________|

|12 |Ստեփանավանի ա/կ              |Վթարային     |Վարձակալված   |

|___|_____________________________|_____________|______________|

|13 |Տաշիրի ա/կ                   |             |Սեփական       |

|___|_____________________________|_____________|______________|

|14 |Արթիկի ա/կ                   |             |Սեփական       |

|___|_____________________________|_____________|______________|

|15 |Մարալիկի ա/կ                 |             |Սեփական       |

|___|_____________________________|_____________|______________|

|16 |Թալինի ա/կ                   |             |Սեփական       |

|___|_____________________________|_____________|______________|

|17 |Ծաղկահովիտի (Արագած) ա/կ     |             |Սեփական       |

|___|_____________________________|_____________|______________|

|18 |Ապարանի ա/կ                  |             |Սեփական       |

|___|_____________________________|_____________|______________|

|19 |Աշտարակի ա/կ                 |Վթարային     |Սեփական       |

|___|_____________________________|_____________|______________|

|20 |Արմավիրի ա/կ                 |Վթարային     |Սեփական       |

|___|_____________________________|_____________|______________|

|21 |Վեդիի ա/կ                    |             |Սեփական       |

|___|_____________________________|_____________|______________|

|22 |Եղեգնաձորի ա/կ               |             |Սեփական       |

|___|_____________________________|_____________|______________|

|23 |Վայքի ա/կ                    |             |Սեփական       |

|___|_____________________________|_____________|______________|

|24 |Գորիսի ա/կ                   |             |Սեփական       |

|___|_____________________________|_____________|______________|

|   |Երթակարգավարական կետեր       |             |              |

|___|_____________________________|_____________|______________|

|1  |Կիլիկիա ե/կ                  |Երևան        | *            |

|___|_____________________________|_____________|______________|

|2  |Ռելեի գործարան ե/կ           |«-»          |Վարձակալված   |

|___|_____________________________|_____________|______________|

|3  |Նոր Նորք ե/կ                 |«-»          |Վարձակալված   |

|___|_____________________________|_____________|______________|

|4  |Շիրակի հ/խանութ ե/կ          |«-»          |Վարձակալված   |

|___|_____________________________|_____________|______________|

|5  |Ֆիզիկայի ինստիտուտ ե/կ       |«-»          |*             |

|___|_____________________________|_____________|______________|

|6  |Երկաթգծի կայարան ե/կ         |«-»          |*             |

|___|_____________________________|_____________|______________|

|7  |Աշխատավորի հրապարակ ե/կ      |«-»          |*             |

|___|_____________________________|_____________|______________|

|8  |Մասիսի ե/կ                   |Ք.Մասիս      |*             |

|___|_____________________________|_____________|______________|

|9  |Էջմիածնի ե/կ                 |Ք. Էջմիածին  |*             |

|___|_____________________________|_____________|______________|

|10 |Արտաշատի ե/կ                 |Ք. Արտաշատ   |*             |

|___|_____________________________|_____________|______________|

|11 |Արարատի ե/կ                  |Ք. Արարատ    |Վարձակալված   |

|___|_____________________________|_____________|______________|

|12 |Սիսիանի ե/կ                  |Ք. Սիսիան    |*             |

|___|_____________________________|_____________|______________|

|13 |Կապանի ե/կ                   |Ք. Կապան     |Վարձակալված   |

|___|_____________________________|_____________|______________|

|14 |Ջերմուկի ե/կ                 |Ք. Ջերմուկ   |Վարձակալված   |

|___|_____________________________|_____________|______________|

|15 |Իջևանի  ե/կ                  |Ք. Իջևան     |*             |

|___|_____________________________|_____________|______________|

|16 |Սպիտակի ե/կ                  |Ք. Սպիտակ    |Վարձակալված   |

|___|_____________________________|_____________|______________|

|17 |Գավառի ե/կ                   |Ք. Գավառ     |Վարձակալված   |

.______________________________________________________________.

_____________________

Ծանոթություն. *) - երթակարգավարական կետերը «Հայավտոկայարան» ՓԲԸ-ին չեն պատկանում սեփականության իրավունքով և չեն վարձակալվել:

 

_____________________________________

ԻՐՏԵԿ - NN 3-12 հավելվածները չեն բերվում

 

 

pin
ՀՀ կառավարություն
20.07.2017
N 31
Արձանագրային որոշում