ՀՀ ԿԵՆՏՐՈՆԱԿԱՆ ԲԱՆԿԻ ԽՈՐՀՐԴԻ 2008 ԹՎԱԿԱՆԻ ՓԵՏՐՎԱՐԻ 26-Ի ԹԻՎ 50-Ն ՈՐՈՇՄԱՆ ՄԵՋ ՓՈՓ ...

ԳՐԱՆՑՎԱԾ Է
Հայաստանի Հանրապետության
արդարադատության նախարարության կողմից
22 հունվարի 2018 թ.
պետական գրանցման թիվ 05018012

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿԻ ԽՈՐՀՈՒՐԴ

ՈՐՈՇՈՒՄ

26 դեկտեմբերի 2017 թվականի թիվ 294-Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿԻ ԽՈՐՀՐԴԻ 2008 ԹՎԱԿԱՆԻ ՓԵՏՐՎԱՐԻ 26-Ի ԹԻՎ 50-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

Նպատակ ունենալով «Բանկերի հաշվետվությունները, դրանց ներկայացումը և հրապարակումը» Կանոնակարգ 3-ը համապատասխանեցնել Ֆինանսական հաշվետվությունների միջազգային ստանդարտներում իրականացված փոփոխություններին,

հիմք ընդունելով «Հայաստանի Հանրապետության կենտրոնական բանկի մասին» Հայաստանի Հանրապետության օրենքի 20-րդ հոդվածի «ե» և «իա» կետերը, «Բանկերի և բանկային գործունեության մասին» Հայաստանի Հանրապետության օրենքի 55-րդ հոդվածը,

ղեկավարվելով «Իրավական ակտերի մասին» Հայաստանի Հանրապետության օրենքի 16-րդ հոդվածով և 70-րդ հոդվածի 1-ին մասով` Հայաստանի Հանրապետության կենտրոնական բանկի խորհուրդը որոշում է.

1. Հայաստանի Հանրապետության կենտրոնական բանկի խորհրդի 2008 թվականի փետրվարի 26-ի ««Բանկերի հաշվետվությունները, դրանց ներկայացումը և հրապարակումը» կանոնակարգ 3-ը հաստատելու մասին» թիվ 50-Ն որոշմամբ հաստատված «Բանկերի հաշվետվությունները, դրանց ներկայացումը և հրապարակումը» կանոնակարգ 3-ում (այսուհետ` Կանոնակարգ) կատարել հետևյալ փոփոխություններն ու լրացումները.

1) Կանոնակարգի 3-րդ կետը «ապացույցներ:» բառից հետո նոր պարբերությունից լրացնել հետևյալ բովանդակությամբ նոր նախադասությամբ.

«Սույն Կանոնակարգում կիրառվող ամորտիզացված արժեքով հաշվառվող այլ ֆինանսական ակտիվները ներառում են ամորտիզացված արժեքով հաշվառվող ֆինանսական ակտիվները` բացառությամբ ամորտիզացված արժեքով հաշվառվող տրված վարկերի և փոխառությունների:»,

2) Կանոնակարգի 6-րդ կետի 12-րդ պարբերությունում «առևտրային նպատակներով պահվող» և «վաճառքի համար մատչելի» բառերը փոխարինել համապատասխանաբար «շահույթ/վնասով վերաչափվող իրական արժեքով հաշվառվող» և «իրական արժեքով` այլ համապարփակ ֆինանսական արդյունքի միջոցով չափվող» բառերով,

3) Կանոնակարգի Ձև թիվ 1 և Ձև թիվ 2 հաշվետվությունների «վաճառքի համար մատչելի ֆինանսական ակտիվներ» բառերը` դրանց համապատասխան հոլովաձևերով փոխարինել «իրական արժեքով` այլ համապարփակ ֆինանսական արդյունքի միջոցով չափվող ֆինանսական ակտիվներ» բառերով` համապատասխան հոլովաձևերով,

4) Կանոնակարգի Ձև թիվ 1 և Ձև թիվ 2 հաշվետվություններում «մինչև մարման ժամկետը պահվող» բառերը` դրանց համապատասխան հոլովաձևերով փոխարինել «ամորտիզացված արժեքով հաշվառվող» բառերով` համապատասխան հոլովաձևերով,

5) Կանոնակարգի Ձև թիվ 1 և Ձև թիվ 2 հաշվետվությունների 12-րդ բաժինը 12810 տողից հետո լրացնել հետևյալ բովանդակությամբ նոր ենթաբաժիններով.

6) Կանոնակարգի Ձև թիվ 1 և Ձև թիվ 2 հաշվետվությունների 13-րդ բաժինը 13710 տողից հետո լրացնել հետևյալ բովանդակությամբ նոր ենթաբաժիններով.

7) Կանոնակարգի Ձև թիվ 1 և Ձև թիվ 2 հաշվետվությունների 14-րդ բաժնի անվանումը շարադրել հետևյալ խմբագրությամբ.

8) Կանոնակարգի Ձև թիվ 1 և Ձև թիվ 2 հաշվետվությունների 186-րդ ենթաբաժինը շարադրել հետևյալ խմբագրությամբ.

9) Կանոնակարգի Ձև թիվ 1 և Ձև թիվ 2 հաշվետվություններից հանել 19116-րդ «Կանխավճարներ պարտադիր սոցիալական ապահովագրության վճարումների գծով» տողը և 19117-րդ «Գերավճարներ պարտադիր սոցիալական ապահովագրության վճարումների գծով» տողը,

10) Կանոնակարգի Ձև թիվ 1 և Ձև թիվ 2 հաշվետվությունների 192-րդ ենթաբաժնի անվանումից հանել «ինքնարժեքի մեթոդով հաշվառվող ներդրումներից» բառերը,

11) Կանոնակարգի Ձև թիվ 1 և Ձև թիվ 2 հաշվետվությունների 192-րդ ենթաբաժինը 19220 տողից հետո լրացնել հետևյալ բովանդակությամբ նոր ենթաբաժիններով.

12) Կանոնակարգի Ձև թիվ 1 և Ձև թիվ 2 հաշվետվությունների 20-րդ բաժնի անվանման մեջ «Ինքնարժեքի մեթոդով հաշվառվող ներդրումներ» բառերը փոխարինել «Ներդրումներ» բառով,

13) Կանոնակարգի Ձև թիվ 1 և Ձև թիվ 2 հաշվետվությունների 20-րդ բաժինը 20105 տողից հետո լրացնել հետևյալ բովանդակությամբ նոր ենթաբաժիններով.

14) Կանոնակարգի Ձև թիվ 1 և Ձև թիվ 2 հաշվետվությունների 22-րդ բաժինը 22313 տողից հետո լրացնել հետևյալ բովանդակությամբ 224-րդ «Գուդվիլ» ենթաբաժնով.

15) Կանոնակարգի Ձև թիվ 1 և Ձև թիվ 2 հաշվետվությունների 23-րդ բաժինը շարադրել հետևյալ խմբագրությամբ.

16) Կանոնակարգի Ձև թիվ 1 և Ձև թիվ 2 հաշվետվությունների 250-րդ ենթաբաժինը շարադրել հետևյալ խմբագրությամբ.

17) Կանոնակարգի Ձև թիվ 1 և Ձև թիվ 2 հաշվետվություններից հանել 253-րդ «Բռնագանձված գրավ» ենթաբաժինը` իր համապատասխան տողերով,

18) Կանոնակարգի Ձև թիվ 1 և Ձև թիվ 2 հաշվետվությունների 3700-րդ տողում «ավանդային սերտիֆիկատներ» բառերը փոխարինել «արժեթղթեր» բառով,

19) Կանոնակարգի Ձև թիվ 1 և Ձև թիվ 2 հաշվետվությունների 392-րդ «Ներքին և արտաքին կրեդիտորական պարտքեր» ենթաբաժինը 39230 տողից հետո լրացնել հետևյալ բովանդակությամբ նոր տողերով.

20) Կանոնակարգի Ձև թիվ 1 և Ձև թիվ 2 հաշվետվությունների 420-րդ «Պահուստներ» ենթաբաժինը 42000 տողից հետո լրացնել հետևյալ բովանդակությամբ նոր տողերով.

21) Կանոնակարգի Ձև թիվ 1 և Ձև թիվ 2 հաշվետվությունների 511-րդ «Չվճարված կապիտալ» ենթաբաժինը շարադրել հետևյալ խմբագրությամբ.

22) Կանոնակարգի Ձև թիվ 1 և Ձև թիվ 2 հաշվետվությունների 81-րդ բաժինը 81301 տողից հետո լրացնել հետևյալ բովանդակությամբ նոր տողերով.

23) Ձև թիվ 3 հաշվետվությունում «Առևտրական նպատակներով պահվող» և «վաճառքի համար մատչելի» բառերը փոխարինել համապատասխանաբար «Շահույթ/վնասով վերաչափվող իրական արժեքով հաշվառվող» և «իրական արժեքով` այլ համապարփակ ֆինանսական արդյունքի միջոցով չափվող» բառերով,

24) Ձև թիվ 5 հաշվետվության 3.13-րդ կետում «Առևտրային նպատակներով պահվող և վաճառքի համար մատչելի ֆինանսական ակտիվների» բառերը փոխարինել «Շահույթ/վնասով վերաչափվող իրական արժեքով հաշվառվող և իրական արժեքով` այլ համապարփակ ֆինանսական արդյունքի միջոցով չափվող ֆինանսական ակտիվների» բառերով:

2. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը: