040.0142.310300
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«31» մարտի 2000 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
31 մարտի 2000 թվականի N 142
ԳԵՐՄԱՆԻԱՅԻ ԴԱՇՆԱՅԻՆ ՀԱՆՐԱՊԵՏՈՒԹՅԱՆ ՀԱՆՆՈՎԵՐ ՔԱՂԱՔՈՒՄ ԿԱՅԱՆԱԼԻՔ «EXPO-2000» ՀԱՄԱՇԽԱՐՀԱՅԻՆ ՑՈՒՑԱՀԱՆԴԵՍԻՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՄԱՍՆԱԿՑՈՒԹՅԱՆ ՆԱԽԱՊԱՏՐԱՍՏԱԿԱՆ ԱՇԽԱՏԱՆՔՆԵՐԸ ՖԻՆԱՆՍԱՎՈՐԵԼՈՒ ՄԱՍԻՆ
2000 թվականի հունիսի 1-ից մինչև հոկտեմբերի 31-ը Գերմանիայի Դաշնային Հանրապետության Հաննովեր քաղաքում կայանալիք «EXPO-2000» համաշխարհային ցուցահանդեսին Հայաստանի Հանրապետության պատշաճ մասնակցությունն ապահովելու նպատակով` Հայաստանի Հանրապետության կառավարությունը որոշում է.
1. Հայաստանի Հանրապետության ֆինանսների և էկոնոմիկայի նախարարությանը`
ա) «EXPO-2000» ցուցահանդեսին մասնակցության և դրա կազմակերպման հետ կապված առաջնահերթ ծախսերն ապահովելու համար Հայաստանի Հանրապետության արդյունաբերության և առևտրի նախարարությանը հատկացնել 40 մլն դրամ Հայաստանի Հանրապետության 2000 թվականի պետական բյուջեով նախատեսված Հայաստանի Հանրապետության կառավարության պահուստային ֆոնդի հաշվին.
բ) ցուցահանդեսի կազմակերպման հետ կապված աշխատանքների ֆինանսավորումն իրականացնել Հայաստանի Հանրապետության արդյունաբերության և առևտրի նախարարության կողմից կնքված պայմանագրերի հիման վրա:
2. Սույն որոշումն ուժի մեջ է մտնում 2000 թվականի մարտի 31-ից: