041.0514.080800
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ
ՈՐՈՇՈՒՄ
8 օգոստոսի 2000 թվականի N 514
2001 ԹՎԱԿԱՆԻՆ ՆՇՎԵԼԻՔ ՀՈԲԵԼՅԱՆՆԵՐԻ ՄԱՍԻՆ
2001 թվականին հայ մշակույթի և հասարակական-քաղաքական գործիչների հոբելյանների նշումը պատշաճորեն նախապատրաստելու նպատակով`
1. Հաստատել 2001 թվականին նշվելիք հոբելյարների ցանկը (կցվում է):
i
2. Հայաստանի Հանրապետության մշակույթի, երիտասարդության հարցերի և սպորտի նախարարությանը`
ա) 10-օրյա ժամկետում սահմանված կարգով Հայաստանի Հանրապետության կառավարություն ներկայացնել առաջարկություն 2001 թվականին նշվելիք հոբելյանների կապակցությամբ ստեղծվելիք կառավարական հանձնաժողովների անհատական կազմերի վերաբերյալ.
բ) Հայաստանի Հանրապետության համապատասխան նախարարություններին, գերատեսչություններին և հասարակական կազմակերպություններին ցույց տալ աջակցություն սույն որոշմամբ հաստատված ցանկում չընդգրկված մշակույթի, գիտության, հասարակական-քաղաքական գործիչների հոբելյանները պատշաճորեն նշելու հարցում:
3. Հայաստանի Հանրապետության ֆինանսների և էկոնոմիկայի նախարարությանը` Հայաստանի Հանրապետության մշակույթի, երիտասարդության հարցերի և սպորտի նախարարության հետ ճշտել նշվող հոբելյանների համար պահանջվող ծախսերի նախահաշիվները և դրանք հաշվի առնել «Հայաստանի Հանրապետության 2001 թվականի պետական բյուջեի մասին» Հայաստանի Հանրապետության օրենքի նախագիծը կազմելիս:
Հաստատված է
ՀՀ վարչապետի 2000 թ.
օգոստոսի 8-ի N 514 որոշմամբ
ՑԱՆԿ
2001 թվականին նշվելիք հոբելյանների
____________________________________________
Հոբելյարների անունները, Նշվելիք
ազգանունները տարելիցը
____________________________________________
Հրաչյա Աճառյան 125
Թաթուլ Ալթունյան 100
Առնո Բաբաջանյան 80
Պետրոս Դուրյան 150
Պավել Լիսիցյան 90
Աղասի Խանջյան 100
Էդվարդ Միրզոյան 80
Գրիգոր Նարեկացի 1050
Ներսես Շնորհալի 900
Մետաքսյա Սիմոնյան 75
____________________________________________