0124.1624.130201
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԵՏԱԿԱՆ ԵԿԱՄՈՒՏՆԵՐԻ ՆԱԽԱՐԱՐՈՒԹՅՈՒՆ
ՀՐԱՄԱՆ
28 դեկտեմբերի 2000 թվականի թիվ 02/1624
i
ՄԱՔՍԱՅԻՆ ՊԱՀԵՍՏՆԵՐՈՒՄ ԱՊՐԱՆՔՆԵՐԻ ՇԱՐԺԻ ՀԱՇՎԱՌՄԱՆ ԵՎ ԴՐԱ ՎԵՐԱԲԵՐՅԱԼ ՄԱՔՍԱՅԻՆ ՄԱՐՄԻՆՆԵՐԻՆ ՏԵՂԵԿՈՒԹՅՈՒՆՆԵՐԻ ՆԵՐԿԱՅԱՑՄԱՆ ԿԱՐԳԸ ՀԱՍՏԱՏԵԼՈՒ ՄԱՍԻՆ
Ի կատարումն Հայաստանի Հանրապետության մաքսային օրենսգրքի 62 հոդվածի 2-րդ կետի «դ» ենթակետի
ՀՐԱՄԱՅՈՒՄ ԵՄ
Հաստատել «Մաքսային պահեստներում ապրանքների շարժի հաշվառման դրա վերաբերյալ մաքսային մարմիններին տեղեկությունների ներկայացման կարգը» (կցվում է):
«ՀԱՍՏԱՏՈՒՄ ԵՄ»`
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱՐԱՐ
ՊԵՏԱԿԱՆ ԵԿԱՄՈՒՏՆԵՐԻ ՆԱԽԱՐԱՐ
Ա. ՄԱՆՈՒԿՅԱՆ
«28» դեկտեմբերի 2000 Թ.
թիվ 02/1624
ԿԱՐԳ
ՄԱՔՍԱՅԻՆ ՊԱՀԵՍՏՆԵՐՈՒՄ ԱՊՐԱՆՔՆԵՐԻ ՇԱՐԺԻ ՀԱՇՎԱՌՄԱՆ ԵՎ ԴՐԱ ՎԵՐԱԲԵՐՅԱԼ ՄԱՔՍԱՅԻՆ ՄԱՐՄԻՆՆԵՐԻՆ ՏԵՂԵԿՈՒԹՅՈՒՆՆԵՐԻ ՆԵՐԿԱՅԱՑՄԱՆ
1. Սույն կարգը կարգավորում է մաքսային պահեստում մաքսային հսկողության ներքո ապրանքների պահպանության գործունեության լիցենզիա ստացած անձանց (այսուհետև` կազմակերպություն) կողմից մաքսային պահեստներում ապրանքների շարժի հաշվառման և մաքսային մարմիններին այդ շարժի վերաբերյալ տեղեկությունների ներկայացման հարցերը:
2. Սույն կարգում օգտագործվող հասկացությունները մեկնաբանվում են մաքսային օրենսգրքին համապատասխան:
3. Մաքսային պահեստներում կարող են պահպանել միայն «մաքսային պահեստ» ռեժիմով բաց թողնված ապրանքները: Ապրանքները կարող են պահպանվել միայն այն կազմակերպության մաքսային պահեստում, որի մասին կան համապատասխան նշումներ ապրանքները տեղափոխող անձի կողմից մաքսային մարմիններին ներկայացված հայտարարագրերի համապատասխան սյունակում:
4. Կազմակերպությունները պարտավոր են վարել մաքսային պահեստում պահպանվող ապրանքների հաշվառման գրանցամատյաններ (այսուհետև` գրանցամատյան) (գրանցամատյանի էջի ձևը կցվում է` հավելված 1), որի բոլոր էջերը համարակալվում, կարվում և կազմվում են, որից հետո գրանցամատյանը ներկայացվում է կազմակերպության գրանցման վայրի մաքսատուն` կնքման և համարակալման: Կնքված և համարակալված գրանցամատյանները խիստ հաշվառման փաստաթղթեր են և հերթական համարներով հաշվառվում են մաքսատներում: Մաքսային պահեստի յուրաքանչյուր հասցեի համար վարվում է առանձին գրանցամատյան: Գրանցամատյանի կազմի վրա նշվում է գրանցամատյանի հերթական համարը, կազմակերպության լրիվ անվանումը, կազմակերպական - իրավական ձևը, հարկ վճարողի հաշվառման համարը:
5. Լրացված-ավարտված գրանցամատյանները պահպանվում են կազմակերպության մոտ մինչև գրանցամատյանում կատարված վերջին նշումը կատարվելու օրից սկսած երեք տարին լրանալը և ներկայացվում են Հայաստանի Հանրապետության պետական եկամուտների նախարարություն` վերջիններիս պահանջով: Գրանցամատյանը լրանալուց-ավարտվելուց հետո կազմակերպությունը սույն կարգին համապատասխան մաքսային մարմիններին, կնքման և համարակալման նպատակով, ներկայացնում է նոր գրանցամատյան: Լրացված ավարտված գրանցամատյանները պահպանվում են կազմակերպության մոտ` մինչև գրանցամատյանում ամենավերջին գրանցման օրվանից սկսած 3 տարին լրանալը և ներկայացվում Հայաստանի Հանրապետության մաքսային մարմիններին` նրանց գրավոր պահանջի դեպքում: Գրանցամատյանի լրացվելուց-ավարտվելուց հետո կազմակերպությունը նոր գրանցամատյան է ներկայացնում մաքսային մարմիններ` կնքման և համարակալման:
6. Մինչև ապրանքները «մաքսային պահեստ» ռեժիմով բաց թողնելը դրանք մաքսային ձևակերպումներից հետո տեղավորվում են կազմակերպության կողմից ապրանքների պահպանման համար առանձնացված շինություններում` ապրանքները բաց թողող տեսուչը, ապրանքը տեղափոխող անձի և կազմակերպության համապատասխան աշխատակցի հետ միասին ապրանքը ուղեկցում է կազմակերպության համապատասխան շինություն և հայտարարագրում կատարում համապատասխան նշումներ «մաքսային պահեստ» ռեժիմով ապրանքները բաց թողնելու մասին:
7. Ապրանքները տեղավորելուց անմիջապես հետո կազմակերպությունը պարտավոր է համապատասխան նշումներ կատարել գրանցամատյանում: Ապրանքը բաց թողող տեսուչը գրանցամատյանի համապատասխան սյունակում նույնպես կատարում է նշում` ապրանքները տեղավորելու մասին և դնում իր անձնական կնիքը:
8. Մաքսային պահեստներում պահպանվող ապրանքների նկատմամբ ցանկացած գործողություն, այդ թվում ապրանքները ապրանքը տեղափոխող անձին հանձնելը, կարող է կատարվել միայն մաքսային մարմինների գրավոր թույլտվությամբ:
9. Առանց մաքսային մարմինների թույլտվության մաքսային պահեստներում պահպանվող ապրանքները այլ անձանց հանձնելը առաջացնում է պատասխանատվություն` Հայաստանի Հանրապետության օրենսդրությամբ սահմանված կարգով:
10. Մաքսային ռեժիմի փոփոխության դեպքում, մաքսային ձևակերպումների ավարտից հետո, ապրանքները ըստ համապատասխան փոփոխված ռեժիմի բաց են թողնվում տեսուչի կողմից: Բաց թողնող տեսուչը հայտարարագրում կատարվում է համապատասխան նշում, ապրանքը տեղափոխող անձի և կազմակերպության համապատասխան աշխատակցի ներկայությամբ ապրանքը դուրս է հանվում այդ ապրանքների պահպանման համար նախատեսված տարածքից (շինությունից):
11. Կազմակերպությունը պարտավոր է համապատասխան նշումներ կատարել գրանցամատյանում` ապրանքները մաքսային պահեստի տարածքից դուրս հանելու մասին: Ապրանքը բաց թողող տեսուչը գրանցամատյանի համապատասխան սյունակում նույնպես կատարում է նշում` ապրանքները բաց թողնելու մասին և դնում իր անձնական կնիքը:
12. Մաքսային հսկողություն իրականացնելու համար կազմակերպությունը, մաքսային պահեստում մաքսային հսկողության ներքո ապրանքների պահպանության գործունեության լիցենզիա ստանալուց հետո, յուրաքանչյուր ամիս, մինչև տվյալ ամսվան հաջորդող ամսվա ամսի 10-ը պարտավոր է Հայաստանի Հանրապետության պետական եկամուտների նախարարություն ներկայացնել հաշվետվություն` (հավելված 2) հաշվետու ամսվա ընթացքում մաքսային պահեստում պահպանվող ապրանքների շարժի, այդ թվում` ապրանքների մուտքի, ելքի, մնացորդների վերաբերյալ:
13. Սահմանված ժամկետում Հայաստանի Հանրապետության պետական եկամուտների նախարարություն հաշվետվության և (կամ) գրանցամատյանի չներկայացնելը առաջացնում է պատասխանատվություն` Հայաստանի Հանրապետության օրենսդրությամբ սահմանված կարգով:
14. Մաքսային մարմինները` Հայաստանի Հանրապետության պետական եկամուտների նախարարի կամ համապատասխան մաքսատան պետի հրամանի հիման վրա, կազմակերպության աշխատակիցների մասնակցությամբ կարող են կատարել մաքսային պահեստում պահպանվող ապրանքների գույքագրում` կազմելով համապատասխան ակտ:
ՀԱՎԵԼՎԱԾ 1
ՄԱՔՍԱՅԻՆ ՊԱՀԵՍՏՆԵՐՈՒՄ ԱՊՐԱՆՔՆԵՐԻ
ՇԱՐԺԻ ՀԱՇՎԱՌՄԱՆ ԵՎ ԴՐԱ
ՎԵՐԱԲԵՐՅԱԼ ՄԱՔՍԱՅԻՆ ՄԱՐՄԻՆՆԵՐԻՆ
ՏԵՂԵԿԱՏՎՈՒԹՅՈՒՆՆԵՐԻ ՆԵՐԿԱՅԱՑՄԱՆ
ԿԱՐԳԻ
ԳՐԱՆՑՄԱՆ ԷՋԻ ՁԵՎԸ
ԷՋ ԹԻՎ-------
._________________________________________________________________________.
| | | | | | |«Մաքսային|»Մաքսային պահեստ»|
| | | | | | |պահեստ» | ռեժիմով |
| Հ/Հ| Ապրանքը |Ապրանքի |Տեղերի|Չ/Մ|Քանակը|ռեժիմով | հայտարարագրված |
| |տեղափոխող|անվանումը|քանակը| | |բացթողնման| օրերի քանակը |
| | անձը | | | | |և պահես- | |
| | | | | | |տում տեղա-| |
| | | | | | |վորման | |
| | | | | | |ամսաթիվը | |
|____|_________|_________|______|___|______|__________|___________________|
|____|_________|_________|______|___|______|__________|___________________|
|____|_________|_________|______|___|______|__________|___________________|
._________________________________________________________________________.
._________________________________________________________________________.
| | Մաքսային ռեժիմի| | Մաքսային տեսուչի |
| Մաքսային տեսուչի | փոփոխության և | Բաց թողնված| նշումը պահեստից |
| նշումը` այդ թվում | պահեստից | ապրանքի | ապրանքների ելքի |
| հայտարարագրի | ապրանքների ելքի| քանակը | մասին` այդ թվում |
| համարը | ամսաթիվը | | հայտարարագրի համարը |
|____________________|________________|____________|______________________|
|____________________|________________|____________|______________________|
|____________________|________________|____________|______________________|
._________________________________________________________________________.
ՀԱՎԵԼՎԱԾ 2
ՄԱՔՍԱՅԻՆ ՊԱՀԵՍՏՆԵՐՈՒՄ ԱՊՐԱՆՔՆԵՐԻ
ՇԱՐԺԻ ՀԱՇՎԱՌՄԱՆ ԵՎ ԴՐԱ ՎԵՐԱԲԵՐՅԱԼ
ՄԱՔՍԱՅԻՆ ՄԱՐՄԻՆՆԵՐԻՆ
ՏԵՂԵԿՈՒԹՅՈՒՆՆԵՐԻ ՆԵՐԿԱՅԱՑՄԱՆ ԿԱՐԳԻ
ՀԱՇՎԵՏՎՈՒԹՅՈՒՆ
200 թ. _________ -ի դրությամբ մաքսային պահեստում
ապրանքների շարժի վերաբերյալ
______________________________________
մաքսային պահեստի անվանումը
._______________________________________________________________.
| | | | | Քանակը |
| | | | |____________________|
| Հ/Հ | Ապրանքը տեղափոխող | Ապրանքի | Չ/Մ| մուտք| ելք |մնացորդ|
| | անձը | անվանումը| | | | |
|______|___________________|__________|____|______|_____|_______|
|______|___________________|__________|____|______|_____|_______|
|______|___________________|__________|____|______|_____|_______|
|______|___________________|__________|____|______|_____|_______|
._______________________________________________________________.
._______________________________________________________________.
| Ապրանքների բացթողնման հայտարարագրի մասին տեղեկություններ |
|_______________________________________________________________|
| «մաքսային պահեստ» ռեժիմով փոփոխված ռեժիմով |
|_______________________________________________________________|
| | ամսաթիվ | օրերի | համարը | ամսաթիվը |
|համարը| |քանակը | | |
|______|_________|_________|__________________|_________________|
|______|_________|_________|__________________|_________________|
|______|_________|_________|__________________|_________________|
|______|_________|_________|__________________|_________________|
._______________________________________________________________.
«--» ------- 2000 թ. կազմակերպության տնօրեն --------------------
ազգանուն, անուն
-------------------
ստորագրություն
ԿՏ
ԳՐԱՆՑՎԱԾ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅԱՆ ԿՈՂՄԻՑ «13» 02 2001 Թ. ՊԵՏԱԿԱՆ ԳՐԱՆՑՄԱՆ ԹԻՎ 12401040