09/02/2018 - 10/10/2019
041.0325.100412
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ
ՈՐՈՇՈՒՄ
10 ապրիլի 2012 թվականի N 325-Ա
i
ԱՐՏԱԿԱՐԳ ԻՐԱՎԻՃԱԿՆԵՐԻ ՀԵՏԵՎԱՆՔՈՎ ՖԻԶԻԿԱԿԱՆ ԵՎ ԻՐԱՎԱԲԱՆԱԿԱՆ ԱՆՁԱՆՑ ՊԱՏՃԱՌՎԱԾ ՎՆԱՍՆԵՐԸ ԳՆԱՀԱՏՈՂ ՀԱՆՐԱՊԵՏԱԿԱՆ ՀԱՆՁՆԱԺՈՂՈՎԻ ԱՆՀԱՏԱԿԱՆ ԿԱԶՄՆ ՈՒ ԱՇԽԱՏԱԿԱՐԳԸ ՀԱՍՏԱՏԵԼՈՒ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ 2007 ԹՎԱԿԱՆԻ ՓԵՏՐՎԱՐԻ 8-Ի N 97-Ա ՈՐՈՇՈՒՄՆ ՈՒԺԸ ԿՈՐՑՐԱԾ ՃԱՆԱՉԵԼՈՒ ՄԱՍԻՆ
Հայաստանի Հանրապետության կառավարության 2011 թվականի նոյեմբերի 10-ի N 1582-Ն որոշման 2-րդ կետին համապատասխան`
1. Հաստատել`
1) արտակարգ իրավիճակների հետևանքով ֆիզիկական և իրավաբանական անձանց պատճառված վնասները գնահատող հանրապետական հանձնաժողովի անհատական կազմը` համաձայն N 1 հավելվածի.
2) արտակարգ իրավիճակների հետևանքով ֆիզիկական և իրավաբանական անձանց պատճառված վնասները գնահատող հանրապետական հանձնաժողովի աշխատակարգը` համաձայն N 2 հավելվածի:
i
2. ՈՒժը կորցրած ճանաչել Հայաստանի Հանրապետության վարչապետի 2007 թվականի փետրվարի 8-ի «Հանձնաժողով ստեղծելու մասին» N 97-Ա որոշումը:
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2012 ԹՎԱԿԱՆԻ ԱՊՐԻԼԻ 10-ԻՆ
Հավելված N 1
i
ՀՀ վարչապետի
2012 թվականի ապրիլի 10-ի
N 325-Ա որոշման
i
ԱՆՀԱՏԱԿԱՆ ԿԱԶՄ ԱՐՏԱԿԱՐԳ ԻՐԱՎԻՃԱԿՆԵՐԻ ՀԵՏԵՎԱՆՔՈՎ ՖԻԶԻԿԱԿԱՆ ԵՎ ԻՐԱՎԱԲԱՆԱԿԱՆ ԱՆՁԱՆՑ ՊԱՏՃԱՌՎԱԾ ՎՆԱՍՆԵՐԸ ԳՆԱՀԱՏՈՂ ՀԱՆՐԱՊԵՏԱԿԱՆ ՀԱՆՁՆԱԺՈՂՈՎԻ
Ֆ. Ցոլակյան - ՀՀ արտակարգ իրավիճակների նախարար (հանձնաժողովի
նախագահ)
Կ. Իսախանյան, - ՀՀ տարածքային կառավարման և ենթակառուցվածքների
Բ. Բադալյան, նախարարի տեղակալներ
Հ. Վարդանյան
Լ. Հակոբյան - ՀՀ առողջապահության նախարարի տեղակալ
Ա. Քամալյան - ՀՀ էկոնոմիկայի նախարարի տեղակալ
Ա. Անափիոսյան - ՀՀ կրթության, գիտության, մշակույթի և սպորտի
նախարարի տեղակալ
Գ. Գասպարյան - ՀՀ աշխատանքի և սոցիալական հարցերի նախարարի առաջին
տեղակալ
Ա. Նահապետյան - ՀՀ արտակարգ իրավիճակների նախարարության փրկարար
ծառայության տնօրեն
Ա. Դավթյան - ՀՀ արտակարգ իրավիճակների նախարարության փրկարար
ծառայության տնօրենի տեղակալ
Ս. Աթանեսյան - ՀՀ տարածքային կառավարման և ենթակառուցվածքների
նախարարության պետական գույքի կառավարման կոմիտեի
նախագահի տեղակալ
Լ. Միրզոյան - ՀՀ վիճակագրական կոմիտեի նախագահի խորհրդական
Լ. Ավետիսյան - ՀՀ շրջակա միջավայրի նախարարության բնապահպանական
ռազմավարական ծրագրերի ու մոնիթորինգի վարչության
պետ
Մ. Սարիբեկյան - ՀՀ քաղաքաշինության կոմիտեի շինարարության և
գիտատեխնիկական նորմավորման վարչության
շինարարության քաղաքականության և գնագոյացման
մեթոդաբանության բաժնի պետ
Հ. Հովհաննիսյան - ՀՀ կադաստրի կոմիտեի անշարժ գույքի կադաստրային
գնահատման բաժնի պետ
Կ. Ավանեսյան - ՀՀ տարածքային կառավարման և ենթակառուցվածքների
նախարարության քաղաքացիական ավիացիայի կոմիտեի
արտակարգ իրավիճակների և զորահավաքային
աշխատանքների գծով գլխավոր մասնագետ
Տ. Գիդաչյան - ՀՀ արտակարգ իրավիճակների նախարարության փրկարար
ծառայության բնակչության պաշտպանության և աղետների
հետևանքների վերացման կազմակերպման վարչության պետ
(հանձնաժողովի քարտուղար)
(1-ին հավելվածը փոփ. 21.10.13 թիվ 957-Ա, 19.11.14 թիվ 1158-Ա, 21.03.17 թիվ 283-Ա, 08.02.18 թիվ 101-Ա, 10.10.2019 թիվ 1458-Ա որոշումներ)
Հավելված N 2
ՀՀ վարչապետի
2012 թվականի ապրիլի 10-ի
N 325-Ա որոշման
ԱՇԽԱՏԱԿԱՐԳ ԱՐՏԱԿԱՐԳ ԻՐԱՎԻՃԱԿՆԵՐԻ ՀԵՏԵՎԱՆՔՈՎ ՖԻԶԻԿԱԿԱՆ ԵՎ ԻՐԱՎԱԲԱՆԱԿԱՆ ԱՆՁԱՆՑ ՊԱՏՃԱՌՎԱԾ ՎՆԱՍՆԵՐԸ ԳՆԱՀԱՏՈՂ ՀԱՆՐԱՊԵՏԱԿԱՆ ՀԱՆՁՆԱԺՈՂՈՎԻ
I. ԸՆԴՀԱՆՈՒՐ ԴՐՈՒՅԹՆԵՐ
1. Արտակարգ իրավիճակների հետևանքով ֆիզիկական և իրավաբանական անձանց պատճառված վնասները գնահատող հանրապետական հանձնաժողովին (այսուհետ` հանձնաժողով) հաշվետու են Հայաստանի Հանրապետության կառավարության 2011 թվականի նոյեմբերի 10-ի «Արտակարգ իրավիճակների հետևանքով ֆիզիկական և իրավաբանական անձանց պատճառված վնասի գնահատման կարգը հաստատելու մասին» N 1582-Ն որոշմամբ սահմանված կարգով ստեղծված` Հայաստանի Հանրապետության մարզային և Երևան քաղաքի` համապատասխան ոլորտում իրականացվող աշխատանքները համակարգող հանձնաժողովները:
2. Հանձնաժողովն իր գործունեության ընթացքում ղեկավարվում է Հայաստանի Հանրապետության օրենսդրությամբ, սույն աշխատակարգով և այլ իրավական ակտերով:
3. Հանձնաժողովին կից կարող են ստեղծվել աշխատանքային խմբեր, որոնք նախատեսվում են առանձին հարցերի վերաբերյալ վնասի գնահատման նեղ մասնագիտական ակտերի կազմման, ինչպես նաև Հայաստանի Հանրապետության մարզային և Երևան քաղաքի` համապատասխան ոլորտում իրականացվող աշխատանքները համակարգող հանձնաժողովների ակտերի ճշգրտման համար: Աշխատանքային խմբերի կազմը ձևավորվում է հանձնաժողովի անդամների կողմից ներկայացված թեկնածուներից և հաստատվում հանձնաժողովի կամ հանձնաժողովի նախագահի կողմից` հանձնաժողովի նիստերի միջև ընկած ժամանակահատվածում:
II. ՀԱՆՁՆԱԺՈՂՈՎԻ ՀԻՄՆԱԿԱՆ ԽՆԴԻՐՆԵՐԸ
4. Հանձնաժողովի խնդիրներն են`
i
1) արտակարգ իրավիճակների հետևանքով ֆիզիկական և իրավաբանական անձանց պատճառված վնասների գնահատման վերաբերյալ ակտերի ուսումնասիրումը, ընդհանրացումն ու սահմանված կարգով Հայաստանի Հանրապետության վարչապետի քննարկմանն առաջարկություններ ներկայացնելը.
2) արտակարգ իրավիճակների հետևանքով ֆիզիկական և իրավաբանական անձանց պատճառված վնասների գնահատման միջոցառումների համակարգման և դրանց օպերատիվ ապահովման վերաբերյալ առաջարկություններ ներկայացնելը:
3) (3-րդ ենթակետն ուժը կորցրել է 08.02.18 թիվ 101-Ա որոշում)
(4-րդ կետը փոփ. 08.02.18 թիվ 101-Ա որոշում)
III. ՀԱՆՁՆԱԺՈՂՈՎԻ ԱՇԽԱՏԱՆՔՆԵՐԻ ԿԱԶՄԱԿԵՐՊՈՒՄԸ
5. Հանձնաժողովն իր աշխատանքները կազմակերպում է նիստերի միջոցով:
6. Հանձնաժողովի նիստերն անցկացվում են ըստ անհրաժեշտության:
i
(6-րդ կետը փոփ. 08.02.18 թիվ 101-Ա որոշում)
7. Հանձնաժողովի նիստերն իրավազոր են հանձնաժողովի անդամների առնվազն կեսից ավելիի մասնակցության դեպքում:
8. Հանձնաժողովի աշխատանքները կազմակերպում և նիստերը վարում է հանձնաժողովի նախագահը:
9. Հանձնաժողովն իր նիստերի ընթացքում ընդունում է որոշումներ:
10. Հանձնաժողովի որոշումները ներկայացվում են Հայաստանի Հանրապետության արտակարգ իրավիճակների նախարարին: Հայաստանի Հանրապետության արտակարգ իրավիճակների նախարարը որոշումները կարող է ներկայացնել Հայաստանի Հանրապետության վարչապետին կամ Հայաստանի Հանրապետության կառավարություն:
11. Հանձնաժողովի որոշումներն ընդունվում են քվեարկությանը մասնակցած անդամների կեսից ավելիի կողմ ձայներով:
12. Հանձնաժողովի որոշման վերաբերյալ հանձնաժողովի անդամը կարող է ունենալ հատուկ կարծիք, որը կցվում է նիստի արձանագրությանը:
IV. ՀԱՆՁՆԱԺՈՂՈՎԻ ՆԱԽԱԳԱՀԸ
13. Հանձնաժողովի նախագահը`
1) հրավիրում և վարում է հանձնաժողովի նիստերը: Իր բացակայության դեպքում հանձնաժողովի նախագահի լիազորությունների իրականացումը հանձնարարում է հանձնաժողովի անդամներից որևէ մեկին.
2) ապահովում է հանձնաժողովի բնականոն գործունեությունը.
3) հանձնաժողովին է ներկայացնում հանձնաժողովի նիստերի օրակարգերի հարցերը.
4) համակարգում է հանձնաժողովի աշխատանքը:
V. ՀԱՆՁՆԱԺՈՂՈՎԻ ԱՆԴԱՄՆԵՐԸ
14. Հանձնաժողովի անդամները`
1) իրավունք ունեն`
ա. հանձնաժողովի քննարկմանը ներկայացնելու հարցեր,
բ. ներկայացնելու հանձնաժողովի գործունեության, ինչպես նաև նիստի օրակարգում ընդգրկված հարցերի վերաբերյալ առաջարկություններ,
գ. ծանոթանալու հանձնաժողովի նիստերի արձանագրություններին.
2) պարտավոր են`
ա. մասնակցել հանձնաժողովի աշխատանքներին,
բ. կատարել հանձնաժողովի որոշումները:
VI. ՀԱՆՁՆԱԺՈՂՈՎԻ ՔԱՐՏՈՒՂԱՐԸ
15. Հանձնաժողովի քարտուղարը`
1) ապահովում է հանձնաժողովի քննարկմանը ներկայացվող փաստաթղթերի և նյութերի պատրաստումը.
2) կազմակերպում է հանձնաժողովի նիստերի գումարման նախապատրաստական աշխատանքները.
3) կազմում է հանձնաժողովի նիստերի արձանագրությունները.
4) ապահովում է հանձնաժողովի գործունեության մասին տեղեկատվության տարածումը.
5) հանձնաժողովի նախագահին է ներկայացնում հաշվետվություն իրականացված աշխատանքների մասին.
6) կազմակերպում է արտակարգ իրավիճակների հետևանքով ֆիզիկական և իրավաբանական անձանց պատճառված վնասները գնահատող մարզային և Երևան քաղաքի հանձնաժողովներից ստացվող նյութերի հավաքումը, մշակումը և դրանք հանձնաժողովի քննարկմանը ներկայացնելը.
7) ըստ ուղղությունների` ներկայացնում է աշխատանքային խմբերի ստեղծման վերաբերյալ առաջարկություններ` արտակարգ իրավիճակների հետևանքով ֆիզիկական և իրավաբանական անձանց պատճառված վնասների գնահատման ոլորտում ի հայտ եկած հրատապ խնդիրների լուծման, ինչպես նաև հիմնական խնդիրների իրականացման համար.
8) հանձնաժողովի նախագահի հանձնարարությամբ` իրականացնում է այլ լիազորություններ:
VII. ՀԱՆՁՆԱԺՈՂՈՎԻ ԳՈՐԾՈՒՆԵՈՒԹՅԱՆ ԴԱԴԱՐՈՒՄԸ
16. Հանձնաժողովի գործունեությունը դադարում է Հայաստանի Հանրապետության վարչապետի որոշմամբ: