041.0892.261009
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ
ՈՐՈՇՈՒՄ
26 հոկտեմբերի 2009 թվականի N 892-Ա
i
ՀՅՈՒՍԻՍ-ՀԱՐԱՎ ՃԱՆԱՊԱՐՀԱՅԻՆ ՄԻՋԱՆՑՔԻ, ՔԱՂԱՔԱՅԻՆ ԿԱՅՈՒՆ ԶԱՐԳԱՑՄԱՆ ՆԵՐԴՐՈՒՄԱՅԻՆ ԵՎ ՀՅՈՒՍԻՍԱՅԻՆ ՄԻՋԱՆՑՔԻ ԱՐԴԻԱԿԱՆԱՑՄԱՆ ԾՐԱԳՐԵՐԻ ԿԱՌԱՎԱՐՄԱՆ ԽՈՐՀՈՒՐԴ ՍՏԵՂԾԵԼՈՒ ԵՎ ՆՐԱ ԿԱՆՈՆԱԴՐՈՒԹՅՈՒՆՆ ՈՒ ԱՆՀԱՏԱԿԱՆ ԿԱԶՄԸ ՀԱՍՏԱՏԵԼՈՒ ՄԱՍԻՆ
Հայաստանի Հանրապետության կառավարության 1999 թվականի դեկտեմբերի 22-ի N 765 որոշմամբ հաստատված` օտարերկրյա պետությունների և միջազգային վարկատու կազմակերպությունների կողմից Հայաստանի Հանրապետությանը տրամադրվող միջոցների հաշվին ծրագրեր իրականացնող գրասենյակների գործունեության կազմակերպման կանոնակարգի 10-րդ և 11-րդ կետին համապատասխան և Հյուսիս-Հարավ ճանապարհային միջանցքի, քաղաքային կայուն զարգացման ներդրումային և Հյուսիսային միջանցքի արդիականացման ծրագրերի իրականացման աշխատանքներն արդյունավետ իրականացնելու և համակարգելու նպատակով`
1. Ստեղծել Հյուսիս-Հարավ ճանապարհային միջանցքի, քաղաքային կայուն զարգացման ներդրումային և Հյուսիսային միջանցքի արդիականացման ծրագրերի (այսուհետ` Ծրագրերի) կառավարման խորհուրդ (այսուհետ` խորհուրդ) և հաստատել դրա կանոնադրությունն ու անհատական կազմը` համաձայն NN 1 և 2 հավելվածների:
2. Խորհրդին`
i
1) մեկամսյա ժամկետում Հայաստանի Հանրապետության կառավարություն ներկայացնել առաջարկություններ Ծրագրերի իրականացման մեխանիզմների վերաբերյալ.
2) Հայաստանի Հանրապետության տրանսպորտի և կապի նախարարության «Հյուսիս-հարավ ճանապարհային միջանցքի ներդրումային ծրագրի իրականացման կազմակերպություն» պետական ոչ առևտրային կազմակերպության (ԾԻԿ) միջոցով ապահովել Հյուսիս-հարավ ճանապարհային միջանցքի ներդրումային ծրագրի`
ա. առաջին փուլի մանրամասն ինժեներական նախագծի պատրաստման նպատակով խորհրդատվական ընկերության և ճանապարհային ծածկի միջազգային մասնագետի ընտրության մրցութային գործընթացները,
բ. առաջին փուլի շինարարական աշխատանքների տեխնիկական վերահսկողության, ինչպես նաև երկրորդ և երրորդ փուլերի մանրամասն ինժեներական նախագծերի պատրաստման աշխատանքներն իրականացնող խորհրդատվական ընկերության ընտրության մրցութային գործընթացը,
գ. առաջին փուլի ճանապարհահատվածների շինարարական աշխատանքների իրականացման նպատակով շինարարական աշխատանքների ձեռքբերման միջազգային բաց մրցույթի գործընթացը.
2.1) Երևանի քաղաքապետարանի «Երևանի կառուցապատման ներդրումային ծրագրերի իրականացման գրասենյակ» համայնքային ոչ առևտրային կազմակերպության (ԾԻԳ) միջոցով ապահովել քաղաքային կայուն զարգացման ներդրումային ծրագրի`
ա. առաջին փուլի մանրամասն ինժեներական նախագծի, շինարարական աշխատանքների տեխնիկական վերահսկողության, ինչպես նաև երկրորդ փուլի մանրամասն ինժեներական նախագծերի պատրաստման աշխատանքներն իրականացնող խորհրդատվական ընկերության ընտրության մրցութային գործընթացը.
բ. առաջին փուլի ճանապարհահատվածների շինարարական աշխատանքների իրականացման նպատակով հնարավոր կապալառուների ընտրության մրցութային գործընթացը,
գ. առաջին փուլի ծրագրի կառավարման և ինստիտուցիոնալ կարողությունների հզորացման աշխատանքներն իրականացնող խորհրդատվական ընկերության ընտրության մրցութային գործընթացը:
(2-րդ կետը փոփ. 17.08.11 թիվ 646-Ն, 01.07.11 թիվ 619-Ա, 04.03.14 թիվ 159-Ա որոշումներ)
i
2.2. Հայաստանի Հանրապետության տրանսպորտի և կապի նախարարության «Հյուսիս-հարավ ճանապարհային միջանցքի ներդրումային ծրագրի իրականացման կազմակերպություն» պետական ոչ առևտրային կազմակերպության (ԾԻԿ) միջոցով ապահովել Հյուսիսային միջանցքի արդիականացման ծրագրի շրջանակներում Հայաստանի և Վրաստանի միջև գտնվող Բագրատաշենի սահմանային հսկողության անցակետի տարածքում նոր կամրջի կառուցման բաղադրիչի իրականացման աշխատանքների կատարումը, այդ թվում` ապրանքների, ծառայությունների գնումներն իրականացնելու, կառավարելու, վերահսկելու և գնահատելու գործառույթները:
(2.2-րդ կետը լրաց. 04.03.14 թիվ 159-Ա որոշում)
(որոշման վերնագիրը և որոշումը փոփ. 01.07.11 թիվ 619-Ա, 04.03.14 թիվ 159-Ա որոշումներ)
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2009 ԹՎԱԿԱՆԻ ՀՈԿՏԵՄԲԵՐԻ 26-ԻՆ
Հավելված N 1
i
ՀՀ վարչապետի
2009 թվականի հոկտեմբերի 26-ի
N 892-Ա որոշման
ԿԱՆՈՆԱԴՐՈՒԹՅՈՒՆ ՀՅՈՒՍԻՍ-ՀԱՐԱՎ ՃԱՆԱՊԱՐՀԱՅԻՆ ՄԻՋԱՆՑՔԻ, ՔԱՂԱՔԱՅԻՆ ԿԱՅՈՒՆ ԶԱՐԳԱՑՄԱՆ ՆԵՐԴՐՈՒՄԱՅԻՆ ԵՎ ՀՅՈՒՍԻՍԱՅԻՆ ՄԻՋԱՆՑՔԻ ԱՐԴԻԱԿԱՆԱՑՄԱՆ ԾՐԱԳՐԵՐԻ ԿԱՌԱՎԱՐՄԱՆ ԽՈՐՀՐԴԻ
I. ԸՆԴՀԱՆՈՒՐ ԴՐՈՒՅԹՆԵՐ
1. Հյուսիս-Հարավ ճանապարհային միջանցքի, քաղաքային կայուն զարգացման ներդրումային և Հյուսիսային միջանցքի արդիականացման ծրագրերի (այսուհետ` Ծրագրեր) կառավարման խորհուրդը (այսուհետ` խորհուրդ) հասարակական հիմունքներով աշխատող մարմին է: Խորհուրդն ստեղծվել է Հայաստանի Հանրապետության վարչապետի 2009 թվականի հոկտեմբերի 26-ի N 892-Ա որոշման համաձայն:
i
2. Խորհուրդն իր գործունեության ընթացքում ղեկավարվում է Հայաստանի Հանրապետության օրենքներով, Հայաստանի Հանրապետության Նախագահի հրամանագրով, Հայաստանի Հանրապետության կառավարության որոշումներով, Հայաստանի Հանրապետության կառավարության ու Ասիական զարգացման բանկի միջև ստորագրված «Հյուսիս-Հարավ ճանապարհային միջանցքի, քաղաքային կայուն զարգացման ներդրումային և Հյուսիսային միջանցքի արդիականացման ծրագրերի» և «Քաղաքային կայուն զարգացման ներդրումային ծրագիր», «Հյուսիսային միջանցքի արդիականացման ծրագիր» վարկային համաձայնագրերով» և սույն կանոնադրությամբ:
(2-րդ կետը փոփ. 01.07.11 թիվ 619-Ա, 04.03.14 թիվ 159-Ա որոշումներ)
i
3. Խորհրդի և Ծրագրերի բոլոր մասնակիցների միջև հարաբերությունները կարգավորվում են Հայաստանի Հանրապետության օրենսդրությամբ, Ծրագրերի վարկային համաձայնագրերով ու սույն կանոնադրությամբ:
(3-րդ կետը փոփ. 01.07.11 թիվ 619-Ա որոշում)
4. Խորհրդի լրիվ անվանումն է Հյուսիս-Հարավ ճանապարհային միջանցքի, քաղաքային կայուն զարգացման ներդրումային և Հյուսիսային միջանցքի արդիականացման ծրագրերի կառավարման խորհուրդ:
II. ԽՈՐՀՐԴԻ ԳՈՐԾՈՒՆԵՈՒԹՅԱՆ ՈԼՈՐՏՆ ՈՒ ՆՊԱՏԱԿԸ
5. Խորհրդի գործունեության հիմնական նպատակը Ծրագրերի իրականացման համար Ասիական զարգացման բանկի և այլ միջազգային ֆինանսական կազմակերպությունների կողմից Հայաստանի Հանրապետությանը համապատասխան համաձայնագրերի շրջանակներում տրամադրված միջոցների կառավարումն է:
6. Խորհուրդը կառավարման ընթացքում հանդես է գալիս որպես համակարգող և վերահսկող մարմին:
7. Խորհրդի խնդիրներն են`
i
1) Ծրագրերի իրականացման ընթացքում 100,0 հազ. ԱՄՆ-ի դոլար գումարից ավելի փոփոխություններ կատարելու անհրաժեշտության դեպքում առաջարկվող փոփոխությունները համապատասխան հիմնավորումներով հաստատելը` նախապես համաձայնեցնելով վարկատուի հետ.
2) Հայաստանի Հանրապետության տրանսպորտի և կապի նախարարության «Հյուսիս-հարավ ճանապարհային միջանցքի ներդրումային ծրագրի իրականացման կազմակերպություն» պետական ոչ առևտրային կազմակերպության (ԾԻԿ) և Երևանի քաղաքապետարանի «Երևանի կառուցապատման ներդրումային ծրագրերի իրականացման գրասենյակ» համայնքային ոչ առևտրային կազմակերպության (ԾԻԳ) գործունեության նկատմամբ վերահսկողությունը.
3) Ծրագրերի նախապատրաստական փուլում կանխավճարի կամ դրամաշնորհի առկայության դեպքում այդ միջոցների ծախսման նկատմամբ վերահսկողությունը.
4) վարկային կամ դրամաշնորհային համաձայնագիրն ստորագրվելուց և Հայաստանի Հանրապետության Ազգային ժողովի կողմից վավերացվելուց հետո ԾԻԿ-ի և ԾԻԳ-ի մշակած Ծրագրերի շրջանակներում իրականացվող աշխատանքների գնումների պլանի և Ծրագրերի բյուջեի քննարկումն ու հաստատումը, եթե դրա իրավասությունը վերապահված չէ երրորդ անձի.
5) Ծրագրերով նախատեսված և կառավարման խորհրդի կողմից հաստատված Ծրագրերի շրջանակներում աշխատանքների իրականացման գնումների պլանին ու Ծրագրերի բյուջեին համապատասխան` խորհրդի սահմանած կարգով և ձևով հաշվետվությունների հաստատումը.
6) Ծրագրերի` հաստատված գնումների պլանի և բյուջեի հիման վրա ապրանքների, սարքավորումների, խորհրդատվական ծառայությունների, նախագծային, շինարարական ու վերահսկման աշխատանքների ձեռքբերման նպատակով անցկացվող մրցութային փաստաթղթերի, մրցույթների արդյունքների և կնքվող համաձայնագրերի հաստատումը` բացառությամբ Ծրագրի շրջանակներում մինչև 100 հազ. ԱՄՆ-ի դոլարին կամ դրան համարժեք այլ արժույթի չափով կնքվող պայմանագրերի.
7) Ծրագրերի շրջանակներում տնտեսված միջոցների օգտագործման, ինչպես նաև միջոցների վերաբաշխման վերաբերյալ Հայաստանի Հանրապետության կառավարություն առաջարկություններ ներկայացնելը` համաձայնեցնելով համապատասխան վարկատու կազմակերպության հետ.
8) ԾԻԿ-ի և ԾԻԳ-ի կողմից ներկայացվող հաշվետվություններում հայտնաբերված խախտումների և թերությունների վերացման ուղղությամբ համապատասխան միջոցների ձեռնարկման վերաբերյալ որոշումների ընդունումը և դրանց կատարման նկատմամբ վերահսկողությունը.
9) Ծրագրերի` հաստատված գնումների պլանից և բյուջեից առկա շեղումների վերացման վերաբերյալ որոշումների ընդունումը և դրանց կատարման նկատմամբ վերահսկողությունը.
10) միջազգային վարկատու կազմակերպության մասնագետների յուրաքանչյուր այցի ժամանակ արտահերթ նիստ հրավիրելը և պատվիրակության հետ իրականացվող Ծրագրերի արդյունքները քննարկելը: Արդյունքների մասին Հայաստանի Հանրապետության կառավարություն զեկուցագիր ներկայացնելը.
11) Ծրագրերի իրականացման շրջանակներում պետություն-մասնավոր հատվածի արդյունավետ գործընկերության ապահովելը.
12) Ծրագրերի ավարտից հետո Ծրագրերի արդյունքներն ամփոփելը և Ծրագրերի արդյունքների մասին Հայաստանի Հանրապետության կառավարություն զեկուցագիր ներկայացնելը:
(7-րդ կետը փոփ. 01.07.11 թիվ 619-Ա, 19.09.15 թիվ 850-Ա որոշումներ)
i
8. ԾԻԿ-ը և ԾԻԳ-ը Ծրագրերի իրականացման ընթացքում առաջնորդվում են Հայաստանի Հանրապետության օրենսդրությամբ, վարկային կամ դրամաշնորհային պայմանագրի դրույթներով և խորհրդի որոշումներով:
(8-րդ կետը փոփ. 01.07.11 թիվ 619-Ա որոշում)
9. Ծրագրերի շրջանակներում առաջացող հարցերը, ԾԻԿ-ի և ԾԻԳ-ի ներկայացմամբ, քննարկվում են խորհրդի նիստերում` մեկ շաբաթվա ընթացքում:
III. ԽՈՐՀՐԴԻ ԱՇԽԱՏԱՆՔՆԵՐԻ ԿԱԶՄԱԿԵՐՊՈՒՄԸ
i
10. Խորհուրդն իր աշխատանքները կազմակերպում է նիստերի միջոցով, որոնք գումարվում են առնվազն ամիսը մեկ անգամ` Ծրագրերի իրականացման ընթացքի և հաստատված գնումների պլանի կատարման մասին ԾԻԿ-ի և ԾԻԳ-ի ղեկավարի զեկույցը լսելու և քննարկելու նպատակով, ինչպես նաև արտահերթ` այդ թվում հեռակա` գրավոր հարցման կարգով անցկացված նիստերի` սույն կանոնադրությամբ սահմանված կարգով: Խորհրդի նիստերն արձանագրվում են:
(10-րդ կետը փոփ. 19.09.15 թիվ 850-Ա որոշում)
11. Խորհուրդն իր արտահերթ նիստերը գումարում է Ծրագրերի իրականացման ընթացքում առաջացած հարցերի և խնդիրների լուծման համար` խորհրդի նախագահի նախաձեռնությամբ, խորհրդի անդամների առնվազն 1/3-ի կամ ԾԻԿ-ի և ԾԻԳ-ի ղեկավարի առաջարկությամբ:
i
11.1 Ծրագրի ընթացքի մասին զեկույցներն ու հաշվետվությունները և Խորհրդի հաստատում չպահանջող ընթացիկ այլ հարցերը կարող են Խորհրդի քննարկմանը ներկայացվել հեռակա` գրավոր հարցման կարգով, ԾԻԿ-ի կամ ԾԻԳ-ի ղեկավարի առաջարկությամբ:
(1.1-ին կետը լրաց. 19.09.15 թիվ 850-Ա որոշում)
12. Խորհրդի նիստն իրավազոր է, եթե դրան մասնակցում է խորհրդի անդամների կեսից ավելին:
13. Խորհրդի նիստը վարում են խորհրդի նախագահը, իսկ նախագահի բացակայության դեպքում` նրանց հանձնարարությամբ խորհրդի անդամներից մեկը: Խորհրդի որոշումներն ընդունվում են ձայների պարզ մեծամասնությամբ: Ձայների հավասարության դեպքում խորհրդի նախագահի ձայնը վճռորոշ է:
14. Խորհրդի նիստի օրակարգը կազմվում և համապատասխան փաստաթղթերով տրամադրվում է խորհրդի անդամներին` գումարվող խորհրդի նիստից 5 օր առաջ:
15. Հարցի քննարկման ընթացքում լրացուցիչ նյութեր կամ տեղեկատվություն պահանջվելու դեպքում հարցի քննարկումը տեղափոխվում է խորհրդի հաջորդ նիստ: ԾԻԿ-ի և ԾԻԳ-ի ղեկավարը պարտավոր է ապահովել պահանջվող նյութերի տրամադրումը:
16. Խորհրդի նիստերը տեղի են ունենում խորհրդի նախագահի մոտ, եթե խորհրդի նախագահը նիստի կայացման տեղի վերաբերյալ այլ որոշում չի ընդունում:
17. Յուրաքանչյուր նիստ սկսվում է նիստի օրակարգի հաստատումով և նախորդ նիստում ընդունված որոշումների կատարման ընթացքի մասին զեկուցմամբ:
18. Խորհրդի որոշումներն ստորագրում են խորհրդի նախագահը և քարտուղարը:
19. Խորհրդի նիստերին խորհրդատվական ձայնի իրավունքով կարող են մասնակցել հրավիրված պետական պաշտոնյաներ:
20. Խորհրդի հաստատմանն են ներկայացվում ԾԻԿ-ի և ԾԻԳ-ի կողմից կազմված մրցույթի հայտահրավերը, մրցութային փաստաթղթերի մասին ամփոփ տեղեկանքը, ներկայացված մրցութային առաջարկների ամփոփ տեղեկանքը, անվավեր ճանաչված առաջարկների հիմնավորումները, մրցութային հանձնաժողովի` հաղթող ճանաչելու մասին որոշումը, նախատեսվող գնի հիմնավորումը (շինարարության նախահաշիվը, ապրանքների տվյալ օրվա մոտավոր միջին գները և այլն), նախատեսվող գնից բարձր գնառաջարկի հիմնավորումը:
21. Առանձնահատուկ դեպքերում (ելնելով աշխատանքների կարևորությունից` խորհրդի որոշմամբ) մրցութային առաջարկների փաթեթներ կարող են բացվել հատուկ հրավիրված խորհրդի նիստում` պահպանելով մրցույթի անցկացման համար սահմանված բոլոր կանոնները:
22. Անհրաժեշտության դեպքում խորհրդի նիստերին կարող են հրավիրվել օրակարգի հարցերին առնչվող համապատասխան կազմակերպության ներկայացուցիչներ:
23. (23-րդ կետն ուժը կորցրել է 23.08.13 թիվ 736-Ա որոշում)
i
IV. ԽՈՐՀՐԴԻ ՆԱԽԱԳԱՀԸ
24. Խորհրդի նախագահը Հայաստանի Հանրապետության փոխվարչապետն է:
i
(24-րդ կետը փոփ. 30.08.18 թիվ 1145-Ա որոշում)
25. Խորհրդի նախագահը`
1) պատասխանատու են խորհրդի աշխատանքների արդյունավետ իրականացումը կազմակերպելու համար.
2) ներկայացնում են խորհուրդը Հայաստանի Հանրապետության կառավարությունում և այլ կազմակերպություններում:
V. ԽՈՐՀՐԴԻ ԱՆԴԱՄՆԵՐԸ
26. Խորհրդի անդամների թիվը սահմանվում է 18-ից ոչ ավելի:
i
(26-րդ կետը փոփ. 01.07.11 թիվ 619-Ա, 04.03.14 թիվ 159-Ա որոշումներ)
27. Խորհրդի այն անդամը, որը համաձայն չէ խորհրդի ընդունած որոշմանը, ներկայացնում է իր գրավոր հատուկ կարծիքը, որը կցվում է որոշմանը և գրառվում խորհրդի նիստի արձանագրության մեջ:
28. Խորհրդի անդամը, եթե համաձայն չէ խորհրդի որոշմանը, խորհրդի նիստի արդյունքների վերաբերյալ գրավոր զեկուցում է իր վերադասին:
29. Խորհրդի անդամների թեկնածություններն առաջարկում է համապատասխան պետական մարմնի ղեկավարը:
30. Խորհրդի անդամը հիմնական աշխատանքից ազատվելու պահից դադարում է հանդիսանալ խորհրդի անդամ:
31. Խորհրդի անդամի պարտականությունները կարող են դադարեցվել համապատասխան պետական մարմնի ղեկավարի առաջարկությամբ` Հայաստանի Հանրապետության վարչապետի որոշմամբ:
32. Խորհրդի անհատական կազմը հաստատվում է Հայաստանի Հանրապետության վարչապետի որոշմամբ:
VI. ԽՈՐՀՐԴԻ ՔԱՐՏՈՒՂԱՐԸ
33. Խորհրդի քարտուղարին նշանակում է նախագահը` խորհրդի կազմից:
34. Խորհրդի քարտուղարը`
i
1) արձանագրում է խորհրդի նիստի, այդ թվում հեռակա` գրավոր հարցման միջոցով իրականացվող նիստերի, քննարկումները և դրանց հիման վրա կազմում որոշման նախագծերը.
2) նախապատրաստում է նիստի օրակարգին վերաբերող համապատասխան նյութերը և կազմակերպում նյութերի տրամադրումը խորհրդի անդամներին.
2.1 նախապատրաստում է հեռակա` գրավոր հարցման միջոցով իրականացվող նիստի օրակարգին վերաբերող համապատասխան նյութերը, կազմակերպում է նյութերի տրամադրումը Խորհրդի անդամներին, Խորհրդի անդամներից դիրքորոշումների ստացումը.
3) հետևում է խորհրդի որոշումների կատարմանը և խորհրդի նիստում զեկուցում դրանց կատարման ընթացքի մասին.
4) վարում է խորհրդի աշխատանքների հետ կապված գործավարությունը.
5) գրանցում է խորհրդի անդամների ներկայացրած գրավոր հատուկ կարծիքները.
6) կազմակերպում է խորհրդի որոշումների համարակալումը և որոշումների պատճենները տրամադրում խորհրդի անդամներին.
7) խորհրդի որոշումները և նիստի արձանագրություններն ուղարկում է համապատասխան պետական մարմիններ:
(34-րդ կետը փոփ. 19.09.15 թիվ 850-Ա որոշում)
VII. ԽՈՐՀՐԴԻ ԿԱՆՈՆԱԴՐՈՒԹՅԱՆ ՄԵՋ ՓՈՓՈԽՈՒԹՅՈՒՆՆԵՐԻ ԵՎ ԼՐԱՑՈՒՄՆԵՐԻ ԿԱՏԱՐՄԱՆ ԿԱՐԳԸ
35. Խորհրդի կանոնադրության մեջ փոփոխությունները և (կամ) լրացումները կատարելու մասին առաջարկությունները` համապատասխան հիմնավորումներով, խորհրդի որոշմամբ ներկայացվում են Հայաստանի Հանրապետության վարչապետին:
VIII. ԽՈՐՀՐԴԻ ԳՈՐԾՈՒՆԵՈՒԹՅԱՆ ԴԱԴԱՐՈՒՄԸ
36. Ծրագրերի կառավարման խորհրդի գործունեությունը դադարում է Հայաստանի Հանրապետության վարչապետի որոշմամբ:
(1-ին հավելվածը փոփ. 01.07.11 թիվ 619-Ա, 04.03.14 թիվ 159-Ա որոշումներ)
Հավելված N 2
i
ՀՀ վարչապետի
2009 թվականի հոկտեմբերի 26-ի
N 892-Ա որոշման
i
ԱՆՀԱՏԱԿԱՆ ԿԱԶՄ ՀՅՈՒՍԻՍ-ՀԱՐԱՎ ՃԱՆԱՊԱՐՀԱՅԻՆ ՄԻՋԱՆՑՔԻ, ՔԱՂԱՔԱՅԻՆ ԿԱՅՈՒՆ ԶԱՐԳԱՑՄԱՆ ՆԵՐԴՐՈՒՄԱՅԻՆ ԵՎ ՀՅՈՒՍԻՍԱՅԻՆ ՄԻՋԱՆՑՔԻ ԱՐԴԻԱԿԱՆԱՑՄԱՆ ԾՐԱԳՐԵՐԻ ԿԱՌԱՎԱՐՄԱՆ ԽՈՐՀՐԴԻ
Տ. Ավինյան - ՀՀ փոխվարչապետ (խորհրդի նախագահ)
Տ. Խաչատրյան - ՀՀ տնտեսական զարգացման և ներդրումների նախարար
Ա. Զեյնալյան - ՀՀ արդարադատության նախարար
Գ. Բաղրամյան - ՀՀ էներգետիկ ենթակառուցվածքների և բնական
պաշարների նախարարի պարտականությունները կատարող
Հ. Արշակյան - ՀՀ տրանսպորտի, կապի և տեղեկատվական տեխնոլոգիաների
նախարար
Ս. Պապիկյան - ՀՀ տարածքային կառավարման և զարգացման նախարար
Ս. Պետրոսյան - ՀՀ անշարժ գույքի կադաստրի կոմիտեի ղեկավար
Բ. Բադալյան - ՀՀ տրանսպորտի, կապի և տեղեկատվական
տեխնոլոգիաների նախարարի տեղակալ
Ն. Երիցյան - ՀՀ կենտրոնական բանկի նախագահի տեղակալ
(համաձայնությամբ)
Հ. Սարգսյան - Երևանի քաղաքապետի առաջին տեղակալ
(համաձայնությամբ` Քաղաքային կայուն զարգացման
ներդրումային ծրագրի շրջանակներում)
Հ. Սարգսյան - Երևանի քաղաքապետի տեղակալ (համաձայնությամբ`
Քաղաքային կայուն զարգացման ներդրումային ծրագրի
շրջանակներում)
Ն. Մարտիրոսյան - «Երևանի կառուցապատման ներդրումային ծրագրերի
իրականացման գրասենյակ» համայնքային ոչ առևտրային
կազմակերպությունների տնօրենի տեղակալ-ծրագրի
ղեկավար (համաձայնությամբ)
Ք. Ղալեչյան - «Տրանսպորտային ծրագրերի իրականացման
կազմակերպություն» պետական ոչ առևտրային
կազմակերպության գլխավոր տնօրենի պաշտոնակատար
(համաձայնությամբ)»:
(կազմը փոփ. 30.03.10 թիվ 214-Ա, 13.05.10 թիվ 334-Ա,
14.04.11 թիվ 324-Ա, 01.07.11 թիվ 619-Ա, 07.11.12 թիվ 1080-Ա,
14.02.13 թիվ 124-Ա, 23.08.13 թիվ 736-Ա, 04.03.14 թիվ 159-Ա,
14.05.14 թիվ 422-Ա, 19.09.15 թիվ 850-Ա, 03.05.16 թիվ 367-Ա,
16.12.16 թիվ 1207-Ա, 18.08.17 թիվ 921-Ա, 30.08.18 թիվ 1145-Ա,
14.04.2019 թիվ 404-Ա
որոշումներ)