25/10/2018 - 24/04/2023
050.0115.290611
ԳՐԱՆՑՎԱԾ Է
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԱՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅԱՆ ԿՈՂՄԻՑ
«29» 06 2011 Թ.
ՊԵՏԱԿԱՆ ԳՐԱՆՑՄԱՆ ԹԻՎ 05011298
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿԻ ԽՈՐՀՈՒՐԴ
ՈՐՈՇՈՒՄ
2 մայիսի 2011 թվականի N 115-Ն
i
«ՆԵՐԴՐՈՒՄԱՅԻՆ ՖՈՆԴԻ ԿԱՌԱՎԱՐԻՉՆԵՐԻ ՂԵԿԱՎԱՐՆԵՐԻ ԵՎ ՆԵՐԴՐՈՒՄԱՅԻՆ ՖՈՆԴԻ ԿԱՌԱՎԱՐՉԻ ԱՆՈՒՆԻՑ ԿԱՄ ԿԱԶՄՈՒՄ ԳՈՐԾՈՒՆԵՈՒԹՅՈՒՆ ԻՐԱԿԱՆԱՑՆՈՂ ՖԻԶԻԿԱԿԱՆ ԱՆՁԱՆՑ ՈՐԱԿԱՎՈՐՄԱՆ ԿԱՐԳԸ, ՂԵԿԱՎԱՐՆԵՐԻ ՄԱՍՆԱԳԻՏԱԿԱՆ ՀԱՄԱՊԱՏԱՍԽԱՆՈՒԹՅԱՆ ՉԱՓԱՆԻՇՆԵՐՆ ՈՒ ԳՐԱՆՑՄԱՆ ԿԱՐԳԸ» ԿԱՆՈՆԱԿԱՐԳ 10/05-Ը ՀԱՍՏԱՏԵԼՈՒ ՄԱՍԻՆ
(1-ին մաս)
Նպատակ ունենալով ապահովել գրագետ և պատշաճ ղեկավարների և աշխատակիցների առկայություն ներդրումային ֆոնդի կառավարիչների և ներդրումային ֆոնդի պահառուների համար, հիմք ընդունելով «Ներդրումային ֆոնդերի մասին» Հայաստանի Հանրապետության օրենքի 54-րդ հոդվածի 2-րդ մասը, 61-րդ հոդվածի 4-րդ մասը, 66-րդ հոդվածի 1-ին մասը և 88-րդ հոդվածի 3-րդ մասը և ղեկավարվելով «Հայաստանի Հանրապետության կենտրոնական բանկի մասին» Հայաստանի Հանրապետության օրենքի 20-րդ հոդվածի «ե» կետով և «Իրավական ակտերի մասին» Հայաստանի Հանրապետության օրենքի 16-րդ հոդվածի 1-ին մասով` Հայաստանի Հանրապետության կենտրոնական բանկի խորհուրդը որոշում է.
i
1. Հաստատել «Ներդրումային ֆոնդի կառավարիչների ղեկավարների և ներդրումային ֆոնդի կառավարչի անունից կամ կազմում գործունեություն իրականացնող ֆիզիկական անձանց որակավորման կարգը, ղեկավարների մասնագիտական համապատասխանության չափանիշներն ու գրանցման կարգը» Կանոնակարգ 10/05-ը` համաձայն սույն որոշման Հավելվածի (այսուհետ` Կանոնակարգ 10/05):
(1-ին կետը փոփ. 14.12.2022 թիվ 225-Ն որոշում)
2. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:
(վերնագիրը փոփ. 14.12.2022 թիվ 225-Ն որոշում)
Հավելված
i
Հայաստանի Հանրապետության
կենտրոնական բանկի խորհրդի
2022 թվականի դեկտեմբերի 14-ի
թիվ 225-Ն որոշման
ԿԱՆՈՆԱԿԱՐԳ 10/05 ՆԵՐԴՐՈՒՄԱՅԻՆ ՖՈՆԴԻ ԿԱՌԱՎԱՐԻՉՆԵՐԻ ՂԵԿԱՎԱՐՆԵՐԻ ԵՎ ՆԵՐԴՐՈՒՄԱՅԻՆ ՖՈՆԴԻ ԿԱՌԱՎԱՐՉԻ ԱՆՈՒՆԻՑ ԿԱՄ ԿԱԶՄՈՒՄ ԳՈՐԾՈՒՆԵՈՒԹՅՈՒՆ ԻՐԱԿԱՆԱՑՆՈՂ ՖԻԶԻԿԱԿԱՆ ԱՆՁԱՆՑ ՈՐԱԿԱՎՈՐՄԱՆ ԿԱՐԳԸ, ՂԵԿԱՎԱՐՆԵՐԻ ՄԱՍՆԱԳԻՏԱԿԱՆ ՀԱՄԱՊԱՏԱՍԽԱՆՈՒԹՅԱՆ ՉԱՓԱՆԻՇՆԵՐՆ ՈՒ ԳՐԱՆՑՄԱՆ ԿԱՐԳԸ
ԳԼՈՒԽ 1.
ԸՆԴՀԱՆՈՒՐ ԴՐՈՒՅԹՆԵՐ
1. Սույն կանոնակարգը սահմանում է Հայաստանի Հանրապետության տարածքում հիմնադրվող կամ գործող ներդրումային ֆոնդի կառավարիչների ղեկավարների և ներդրումային ֆոնդի կառավարչի կազմում կամ անունից ֆոնդի կառավարման գործունեություն իրականացնող ֆիզիկական անձանց որակավորումը, ինչպես նաև ղեկավարների մասնագիտական համապատասխանության չափանիշները և գրանցման կարգը:
2. Սույն կանոնակարգով սահմանված ղեկավարների ցանկում չներառված և «Ներդրումային ֆոնդերի մասին» Հայաստանի Հանրապետության օրենքով ղեկավար համարվող անձանց, ինչպես նաև ներդրումային ֆոնդի կառավարչի կազմում կամ անունից ֆոնդի կառավարման գործունեություն իրականացնող ֆիզիկական անձանց որակավորման և մասնագիտական չափանիշներին համապատասխանության ստուգումն իրականացվում է ներդրումային ֆոնդի կառավարչի ներքին կանոնակարգերի համաձայն` ինքնուրույն կամ պատվիրակում է որակավորող կազմակերպությանը: Ընդ որում, սույն կետով նախատեսված անձինք ներդրումային ֆոնդի կառավարչի ներքին կանոնակարգերի համաձայն որակավորման չափանիշներին բավարարելու դեպքում համարվում են «Ներդրումային ֆոնդերի մասին» Հայաստանի Հանրապետության օրենքով նախատեսված մասնագիտական որակավորում ունեցող:
3. Ներդրումային ֆոնդի կառավարչի, օտարերկրյա ներդրումային ֆոնդի կառավարչի մասնաճյուղի (այսուհետ` ֆոնդի կառավարիչ) ղեկավարների կամ նրանց կազմի փոփոխությունների գրանցման վերաբերյալ սույն կանոնակարգով սահմանված տեղեկանքները Կենտրոնական բանկ են ներկայացվում Կենտրոնական բանկի կողմից սահմանված ինտերնետային կայքում նախատեսված համակարգի միջոցով` առցանց ռեժիմով տվյալները հայերենով մուտքագրելով և սույն կանոնակարգով պահանջվող մյուս փաստաթղթերը ամրակցելով համակարգում նշված դաշտում` տվյալ կառավարչի, ղեկավարների միջնորդագրերը հաստատելու իրավասություն ունեցող պատասխանատու աշխատակցին Կենտրոնական բանկի կողմից տրամադրված մուտքի տվյալների (անվան և ծածկագրի) միջոցով:
4. Նոր ստեղծվող ֆոնդի կառավարչի ղեկավարների գրանցման վերաբերյալ միջնորդագրերը և տվյալ գործընթացի շրջանակներում սույն կանոնակարգով պահանջվող մյուս փաստաթղթերը ներկայացվում են էլեկտրոնային կրիչով, ընդ որում` ղեկավարների վերաբերյալ տեղեկանքները ներկայացվում են էքսել (excel) ֆորմատով, իսկ սույն կետում նշված մյուս փաստաթղթերը` «Փի Դի Էֆ» ֆորմատով:
5. Ոչ հայերեն փաստաթղթերը ներկայացվում են իրավասու մարմնի կողմից հաստատված կամ նոտարական կարգով վավերացված հայերեն թարգմանության հետ, ընդ որում` հայերեն և ոչ հայերեն փաստաթղթերի միջև հակասության կամ անհամապատասխանության դեպքում առաջնությունը տրվում է հայերեն տարբերակին:
6. Սույն կանոնակարգով սահմանված փաստաթղթերը, ինչպես նաև ի լրումն ներկայացվող փաստաթղթերն ու տեղեկությունները Կենտրոնական բանկ են ներկայացվում կից միջնորդագրերով (դիմումներով)` ստորագրված կառավարման իրավասու մարմնի կողմից: Ընդ որում` սույն կետում նշված միջնորդագրերը (դիմումները) էլեկտրոնային եղանակով Կենտրոնական բանկ ներկայացնելու դեպքում դրանք պետք է ներկայացվեն «Փի-ԴԻ-Էֆ» ֆորմատով, իսկ ֆայլի անվանումը պետք է ունենա հետևյալ կառուցվածքը.
._____________________________________________________________________.
|Դիմող |գծիկ|Փաստաթղթի|գծիկ|Փաստաթղթի |գծիկ|ամսաթիվ`|կետ|ֆայլի |
|ընկերության| |տեսակը | |բովանդակու-| |օօաատտ | |ընդլայ-|
|անվանումը | | | |թյունը | |ֆորմատով| |նումը |
| | | | |(12 նիշի | | | | |
| | | | |սահմաննե- | | | | |
| | | | |րում) | | | | |
._____________________________________________________________________.
Օրինակ.
._____________________________________________________________________.
|ԱԲԳ | _ |միջնորդա-| _ |Ղեկ. գրան- | - |250922 | . |pdf |
| | |գիր | |ցում | | | | |
._____________________________________________________________________.
ԳԼՈՒԽ 2.
ՀԻՄՆԱԿԱՆ ՀԱՍԿԱՑՈՒԹՅՈՒՆՆԵՐ
7. Սույն կանոնակարգում օգտագործված հասկացություններն ունեն հետևյալ նշանակությունը.
1) «Կենտրոնական բանկ». Հայաստանի Հանրապետության կենտրոնական բանկ,
2) «Հանձնաժողով». Կենտրոնական բանկի լիցենզավորման և վերահսկողության հանձնաժողով,
3) «ղեկավար». Կենտրոնական բանկում գրանցվող ղեկավար, մասնավորապես` ֆոնդի կառավարչի խորհրդի նախագահը և անդամները, գործադիր տնօրենը (գործադիր մարմնի ղեկավարը) և անդամները, գործադիր տնօրենի տեղակալը, գլխավոր հաշվապահը, ներքին աուդիտի ղեկավարը,
4) «հանրային ծառայությունների համարանիշ». Հայաստանի Հանրապետության կողմից անձին տրամադրված հանրային ծառայությունների համարանիշ, սոցիալական ապահովության քարտի համար, հանրային ծառայության համարանիշ չստանալու վերաբերյալ տեղեկանքի համար,
5) «անձնագրի տվյալներ». անձնագրի սերիան և համարը, իսկ անձնագրի բացակայության դեպքում` անձը հաստատող այլ փաստաթղթի համարը,
6) «Օրենք». «Ներդրումային ֆոնդերի մասին» Հայաստանի Հանրապետության օրենք,
7) «ղեկավարի ժամանակավոր պաշտոնակատար». անձ, որն առանց համապատասխան ղեկավար պաշտոնում Կենտրոնական բանկում գրանցման իրականացնում է այդ ղեկավարի պարտականությունները և որի վրա տարածվում են Օրենքի 65-րդ հոդվածի 2-րդ մասով սահմանված պահանջները, բացառությամբ նույն հոդվածի 2-րդ մասի 2-րդ կետով սահմանված պահանջի,
8) «որակավորման չափանիշներ». ղեկավարի մասնագիտական գիտելիքը հավաստող չափանիշներ,
9) «մասնագիտական համապատասխանության չափանիշներ». Օրենքով և սույն կանոնակարգով սահմանված` ղեկավարի կրթությունը, հմտությունը, փորձառությունն ու բարեվարքությունը բնութագրող չափանիշներ,
10) «որակավորող կազմակերպություն». ներդրումային ֆոնդի կառավարչի կողմից ընտրված` որակավորման չափանիշների ստուգում իրականացնող կազմակերպություն:
8. Սույն կանոնակարգում օգտագործված այլ հասկացություններն ունեն Օրենքում կիրառվող նշանակությունը:
ԳԼՈՒԽ 3.
ՂԵԿԱՎԱՐՆԵՐԻ ՎԵՐԱԲԵՐՅԱԼ ԸՆԴՀԱՆՈՒՐ ԴՐՈՒՅԹՆԵՐ
9. Ղեկավարները պետք է բավարարեն իրենց համար Օրենքի 65-րդ հոդվածով սահմանված պահանջներին, սույն կանոնակարգով սահմանված մասնագիտական համապատասխանության չափանիշներին ունենան ֆոնդի կառավարչի կողմից սահմանված որակավորման չափանիշներին համապատասխանության վերաբերյալ հավաստիացում և գրանցվեն Կենտրոնական բանկում:
10. Ղեկավարների որակավորման չափանիշներին համապատասխանության ստուգման գործընթացը կազմակերպում է ֆոնդի կառավարիչը` համաձայն ներքին կանոնակարգերի:
11. Ֆոնդի կառավարիչը պետք է ունենա և Կենտրոնական բանկ ներկայացնի կառավարման իրավասու մարմնի կողմից հաստատված ներքին կանոնակարգ, որով առնվազն պետք է սահմանվեն ղեկավարների, ինչպես նաև սույն կանոնակարգի 2-րդ կետով նախատեսված անձանց որակավորման չափանիշները, ղեկավարների մասնագիտական համապատասխանության չափանիշները, դրանց համապատասխանության գնահատման սկզբունքները և ընթացակարգերը, որակավորման չափանիշներին համապատասխանության ստուգման գործընթացը պատվիրակելու դեպքում` որակավորող կազմակերպության նկատմամբ չափանիշները և ընտրության կարգը, ինչպես նաև ղեկավարների գրանցման մերժման հիմքերը ստուգելու գործընթացները և վերջիններիս նկատմամբ սահմանված պահանջների պահպանման մեխանիզմները:
12. Ֆոնդի կառավարիչը ղեկավարների որակավորման չափանիշներին համապատասխանության ստուգման գործընթացը կազմակերպում է ինքնուրույն կամ պատվիրակում է որակավորող կազմակերպությանը:
13. Նոր ստեղծվող ֆոնդի կառավարչի ղեկավարների և սույն կանոնակարգի 2-րդ կետով նախատեսված անձանց որակավորման չափանիշների համապատասխանության ստուգման գործընթացն իրականացվում է հիմնադիրների կամ հիմնադիրների որոշմամբ` որակավորող կազմակերպության կողմից:
14. Ներդրումային ֆոնդի կառավարչի խորհրդի անդամը պետք է ունենա ռազմավարական մտածողություն, իսկ խորհրդի կազմը պետք է բավարարի խորհրդի անդամների միջև գիտելիքի, փորձառության, հմտությունների փոխլրացման և կոլեկտիվ համապատասխանության սկզբունքին:
15. Կենտրոնական բանկը կարող է ներդրումային ֆոնդի կառավարչի ղեկավարների համար սահմանել տվյալ պաշտոնին համապատասխան միջազգային որակավորում ունենալու պահանջ, եթե Կենտրոնական բանկի հիմնավոր կարծիքով ընկերության կառավարումը տվյալ ոլորտում արդյունավետ չի իրականացվում:
ԳԼՈՒԽ 4.
ՂԵԿԱՎԱՐՆԵՐԻ ՄԱՍՆԱԳԻՏԱԿԱՆ ՀԱՄԱՊԱՏԱՍԽԱՆՈՒԹՅԱՆ ՉԱՓԱՆԻՇՆԵՐԸ
16. Ֆոնդի կառավարչի ղեկավարը պետք է ունենա`
1) ունենա բարի համբավ, ազնվություն, անաղարտություն,
2) ունենա բավարար կրթություն, հմտություններ և փորձառություն, առողջ դատելու և անկախ որոշումներ կայացնելու ունակություն, պատկերացնի ընկերության գործունեության բիզնես մոդելը, միջավայրը, իր դերն ու պարտականությունները` տվյալ պաշտոնին համապատասխանելու համար:
ԳԼՈՒԽ 5.
ՂԵԿԱՎԱՐՆԵՐԻ ԳՐԱՆՑՈՒՄԸ
17. Ղեկավարների գրանցումը ներառում է`
1) թեկնածուի մասնագիտական համապատասխանության գնահատում` սույն կանոնակարգով պահանջվող փաստաթղթերով ներկայացվող տեղեկատվության (ներառյալ` ֆոնդի կառավարչի կողմից սահմանված որակավորման չափանիշներին համապատասխանության վերաբերյալ հավաստիացում), ինչպես նաև Օրենքով սահմանված մերժման հիմքերի ուսումնասիրության միջոցով,
2) թեկնածուի հետ հարցազրույցի անցկացում` սույն կանոնակարգով սահմանված մասնագիտական համապատասխանության չափանիշներին վերջինիս համապատասխանությունը ստուգելու նպատակով, բացառությամբ սույն կանոնակարգի 22-րդ կետով սահմանված դեպքերի:
18. Անձին որպես ղեկավար գրանցելու կամ ղեկավարների կազմում փոփոխությունները գրանցելու համար ֆոնդի կառավարիչը Կենտրոնական բանկ է ներկայացնում հետևյալ փաստաթղթերը.
1) անձին որպես ղեկավար գրանցելու կամ ղեկավարների կազմում փոփոխություն կատարելու մասին միջնորդագիրը` համաձայն Հավելված 1-ի,
2) ղեկավարի և նրա գործունեության վերաբերյալ տեղեկանքը` համաձայն Հավելված 2-ի,
3) ոչ ռեզիդենտ ղեկավարի դեպքում` նաև անձը հաստատող փաստաթղթի պատճենը և իր ռեզիդենտության երկրի համապատասխան մարմնի կողմից տրված հավաստում առ այն, որ տվյալ անձը դիտավորությամբ կատարված հանցագործության համար չունի օրենքով սահմանված կարգով չմարված կամ չհանված դատվածություն, ճանաչված չէ սնանկ,
4) կառավարման իրավասու մարմնի որոշումը ղեկավարի նշանակման կամ ղեկավարների կազմում փոփոխություն կատարելու մասին,
5) հիմնավորումներ և (կամ) վերլուծություններ ղեկավարի կողմից համապատասխան պարտականությունները կատարելու ունակության, արդյունավետ գործունեություն իրականացնելու հնարավորության, ինչպես նաև որակավորման և մասնագիտական չափանիշներին ղեկավարի համապատասխանության մասին: Հիմնավորումները և վերլուծությունները պետք է հնարավորություն տան Կենտրոնական բանկին համակողմանի կերպով գնահատել ղեկավարի` որակավորման և մասնագիտական սահմանված պահանջներին համապատասխանությունը:
19. Կենտրոնական բանկը սույն կանոնակարգի 17-րդ կետով սահմանված հարցազրույցի անցկացման օրվա վերաբերյալ նախապես տեղեկացնում է թեկնածուին:
20. Ղեկավարների կազմում կատարված փոփոխությունները գրանցվում են Կենտրոնական բանկի որոշմամբ: Ընդ որում, ղեկավարների գրանցման որոշման ընդունմամբ ղեկավարը միաժամանակ համարվում է Օրենքով նախատեսված մասնագիտական որակավորում ունեցող:
21. Կենտրոնական բանկի կողմից պահանջվող որոշակի փաստեր պարզաբանելու նպատակով, ինչպես նաև ղեկավարի թեկնածուի կողմից պահանջվող փաստաթղթերը թերի ներկայացնելու դեպքում ղեկավարների գրանցման` Օրենքով սահմանված ժամկետը կարող է կասեցվել առավելագույնը երեք ամիս ժամկետով: Ընդ որում` գրանցման` Օրենքով սահմանված ժամկետի կասեցման դեպքում կասեցվում է նաև սույն կանոնակարգի 30-րդ կետով սահմանված 90 օրյա ժամկետը: Կասեցումը դադարեցնելուց հետո ղեկավարի ժամանակավոր պաշտոնակատարի պաշտոնավարման ժամկետը չի կարող գերազանցել 90 օրյա ժամկետի և ժամանակավոր պաշտոնավարման` մինչև կասեցումն ընկած օրերի տարբերությամբ առաջացող օրերի քանակը:
22. Սույն կանոնակարգի համաձայն ղեկավարներին գրանցելիս ղեկավարների թեկնածուները հարցազրույցի կարող են չհրավիրվել Կենտրոնական բանկի կարծիքով հիմնավորված դեպքերում:
23. Ֆոնդի կառավարչի խորհրդի նախագահ ընտրված խորհրդի անդամը լրացուցիչ որակավորման ստուգման և գրանցման ենթակա չէ, և ֆոնդի կառավարիչը Կենտրոնական բանկին տեղեկացնում է նրա` որպես խորհրդի նախագահ ընտրվելու մասին համապատասխան փոփոխությունը տեղի ունենալուց հետո` հինգ աշխատանքային օրվա ընթացքում` կից ներկայացնելով կառավարման իրավասու մարմնի որոշումը:
24. Անձի` որպես ղեկավարի գրանցումը մերժվում է Կենտրոնական բանկի որոշմամբ, եթե
1) ներկայացված փաստաթղթերը թերի են, անարժանահավատ կամ չեն համապատասխանում Օրենքի, այլ իրավական ակտերի, այդ թվում` Կենտրոնական բանկի կողմից սահմանված պահանջներին,
2) անձը չի համապատասխանում Օրենքով և սույն կանոնակարգով ղեկավարի համար սահմանված պահանջներին:
25. Ղեկավարները գրանցված և որակավորված են համարվում մինչև տվյալ ֆոնդի կառավարչի կազմում համապատասխան պաշտոնում գրանցումից հանելու մասին Կենտրոնական բանկի որոշման ուժի մեջ մտնելը:
ԳԼՈՒԽ 6.
ՂԵԿԱՎԱՐՆԵՐԻՆ ԳՐԱՆՑՈՒՄԻՑ ՀԱՆԵԼԸ ԵՎ ԴՐԱ ՀԱՄԱՐ ՆԵՐԿԱՅԱՑՎՈՂ ՓԱՍՏԱԹՂԹԵՐԸ
26. Կենտրոնական բանկի որոշմամբ ղեկավարը հանվում է գրանցումից հետևյալ դեպքերում`
1) ֆոնդի կառավարիչը դիմել է համապատասխան միջնորդությամբ,
2) ֆոնդի կառավարչի լուծարային հանձնաժողովի նախագահի և անդամների գրանցման պահից,
3) խախտվել են օրենքներով և այլ իրավական ակտերով ղեկավարների նկատմամբ սահմանված պահանջները,
4) եթե անձը Կենտրոնական բանկի խորհրդի 2003 թվականի մարտի 25-ի ««Ֆինանսական կազմակերպությունում ղեկավար լինելու կամ նշանակալից մասնակցություն ձեռք բերելու ուղեցույցը» հաստատելու մասին» թիվ 114-Ն որոշման համաձայն չի կարող զբաղեցնել այդ պաշտոնը,
5) ղեկավարը զրկվել է որակավորումից:
27. Ֆոնդի կառավարչի միջնորդությամբ ղեկավարին Կենտրոնական բանկում գրանցումից հանելու համար ֆոնդի կառավարիչը ղեկավարների կազմում փոփոխություն տեղի ունենալուց հետո 10 աշխատանքային օրվա ընթացքում Կենտրոնական բանկ է ներկայացնում հետևյալ փաստաթղթերը.
1) ղեկավարին գրանցումից հանելու վերաբերյալ միջնորդագիր (գրանցումից հանելու պատճառների հիմնավորումներով)` ֆոնդի կառավարչի կառավարման իրավասու մարմնի կողմից լիազորված անձի ստորագրությամբ,
2) ֆոնդի կառավարչի կառավարման իրավասու մարմնի որոշումը կամ արձանագրությունից քաղվածք փոփոխություն կատարելու, առկայության դեպքում` ժամանակավոր պաշտոնակատարի նշանակման վերաբերյալ:
28. Եթե ֆոնդի կառավարչի ղեկավարը հանվել է գրանցումից սույն կանոնակարգի 27-րդ կետի 5-րդ ենթակետի հիման վրա, ապա ղեկավարին գրանցումից հանելու մասին Կենտրոնական բանկի որոշման ընդունման պահից երեք տարվա ընթացքում նա չի կարող գրանցվել սույն կանոնակարգի Հավելված 2-ի 1.2-րդ ենթակետում նշված կազմակերպությունների ղեկավար:
ԳԼՈՒԽ 7.
ՂԵԿԱՎԱՐԻ ԺԱՄԱՆԱԿԱՎՈՐ ՊԱՇՏՈՆԱԿԱՏԱՐՆԵՐԻ ՊԱՇՏՈՆԱՎԱՐՄԱՆ ԵՎ ՆՇԱՆԱԿՄԱՆ ԿԱՐԳԸ
29. Ֆոնդի կառավարչի ղեկավարի պաշտոնը կարող է թափուր մնալ ոչ ավելի քան 90 օր` սկսած ֆոնդի կառավարչի կողմից ղեկավարին պաշտոնից ազատելու պահից:
30. Ղեկավարի պաշտոնը թափուր մնալու դեպքում կարող է նշանակվել ղեկավարի ժամանակավոր պաշտոնակատար` մինչև 90 օր ժամկետով: Ընդ որում, 90 օրյա ժամկետը սահմանվում է տվյալ ղեկավարի պաշտոնում նշանակվող բոլոր ժամանակավոր պաշտոնակատարների համար (միևնույն պաշտոնի նոր ժամանակավոր պաշտոնակատարի նշանակումը, ինչպես նաև տվյալ պաշտոնի թափուր մնալը չի ընդհատում կամ վերսկսում 90 օրյա ժամկետը):
31. Սույն կանոնակարգի 31-րդ կետով նախատեսված` ղեկավարի ժամանակավոր պաշտոնակատար նշանակելու դեպքում ֆոնդի կառավարիչը նախապես գրավոր տեղեկացնում է Կենտրոնական բանկին տվյալ ժամանակավոր պաշտոնակատարի մասին` ներկայացնելով ժամանակավոր պաշտոնակատարի անունը, ազգանունը, անձնագրի տվյալները, հանրային ծառայության համարանիշը (հանրային ծառայության համարանիշ չստանալու վերաբերյալ տեղեկանքի համարը), կրթության և վերջին 10 տարվա աշխատանքային փորձի վերաբերյալ տեղեկություններ (եթե ժամանակավոր պաշտոնակատար է նշանակվում Կենտրոնական բանկի կողմից արդեն իսկ գրանցված անձը, ապա կրթության և աշխատանքային փորձի վերաբերյալ տեղեկությունները չեն ներկայացվում):
32. Կենտրոնական բանկը իրավասու է չընդունել սույն կանոնակարգի 31-րդ կետի համաձայն ժամանակավոր պաշտոնակատարի նշանակումը` այդ մասին գրավոր ձևով տեղեկացնելով կազմակերպությանը, եթե Կենտրոնական բանկի հիմնավոր կարծիքով անձը` որպես ղեկավարի ժամանակավոր պաշտոնակատար, չի կարող պատշաճ կերպով իրականացնել իր պարտականությունները: Այդ դեպքում ֆոնդի կառավարիչը պարտավոր է Կենտրոնական բանկի գրավոր տեղեկացումը ստանալու պահից եռօրյա ժամկետում տվյալ անձին ազատել այդ պաշտոնում ժամանակավոր պաշտոնակատարի պարտականություններից:
33. Ֆոնդի կառավարչի խորհրդի նախագահի և անդամների ժամանակավոր պաշտոնակատար չի նախատեսվում:
Հավելված 1
Հայաստանի Հանրապետության
կենտրոնական բանկի խորհրդի
2022 թվականի դեկտեմբերի 14-ի
թիվ 225-Ն որոշման
«Հավելված 1
«Ներդրումային ֆոնդի կառավարիչների
ղեկավարների և ներդրումային ֆոնդի
կառավարչի անունից կամ կազմում
գործունեություն իրականացնող ֆիզիկական
անձանց որակավորման կարգը, ղեկավարների
մասնագիտական համապատասխանության
չափանիշներն ու գրանցման կարգը»
Կանոնակարգ 10/05-ի
Միջնորդագիր
Ղեկավարի գրանցման վերաբերյալ
Հայաստանի Հանրապետության
կենտրոնական բանկի նախագահ
-----------------------ին
Հարգելի ______________________________
Խնդրում ենք ____________________________ (անուն, ազգանուն, հայրանուն)
գրանցել որպես __________________________________________________:
(կազմակերպության անվանումը, ղեկավարի պաշտոնը)
Կից ներկայացնում ենք Հայաստանի Հանրապետության օրենսդրությամբ պահանջվող տեղեկությունները:
Հավաստիացնում ենք, որ վերոնշյալ անձը համապատասխանում է Հայաստանի Հանրապետության օրենսդրությամբ սահմանված պահանջներին, ինչպես նաև կազմակերպության կողմից սահմանված մասնագիտական որակավորման չափանիշներին, և վերջինիս ստորագրությունը, որն ամրակցվում է ղեկավարի վերաբերյալ ներկայացվող տեղեկանքին, համապատասխանում է իսկականի հետ:
Ֆոնդի կառավարչի կառավարման իրավասու մարմին`
(անուն, ազգանուն, ստորագրություն)
«» --------- 20 թ.:»:
Հավելված 2
Հայաստանի Հանրապետության
կենտրոնական բանկի խորհրդի
2022 թվականի դեկտեմբերի 14-ի
թիվ 225-Ն որոշման
«Հավելված 2
«Ներդրումային ֆոնդի կառավարիչների
ղեկավարների և ներդրումային ֆոնդի
կառավարչի անունից կամ կազմում
գործունեություն իրականացնող ֆիզիկական
անձանց որակավորման կարգը, ղեկավարների
մասնագիտական համապատասխանության
չափանիշներն ու գրանցման կարգը»
Կանոնակարգ 10/05-ի
ՏԵՂԵԿԱՆՔ
Ղեկավարի և նրա գործունեության վերաբերյալ
._____________________________________________________________________.
|Ամրակցեք | |
|այստեղ | |
|Ձեր | |
|լուսանկարը:| |
|_____________________________________________________________________|
|[] Այս վանդակում նշում է կատարվում, եթե միջնորդագրում ներկայացվում են|
|միայն փոփոխությունները |
|_____________________________________________________________________|
|1. Կազմակերպության վերաբերյալ տվյալները |
|(այս բաժնում նշվում են այն կազմակերպության տվյալները, որի ղեկավար |
|դուք պետք է հանդիսանաք:) |
|_____________________________________________________________________|
|1.1. Կազմակերպության անվանումը և կոդը (առկայության դեպքում) |
|_____________________________________________________________________|
|1.2. Կազմակերպության տեսակ |
|. բանկ |
|. օտարերկրյա բանկի մասնաճյուղ |
|. վարկային կազմակերպություն |
|. ապահովագրական ընկերություն |
|. օտարերկրյա ապահովագրական ընկերության մասնաճյուղ |
|. ապահովագրական բրոքեր |
|. ներդրումային ընկերություն |
|. օտարերկրյա ներդրումային ընկերության մասնաճյուղ |
|. կարգավորվող շուկայի օպերատոր |
|. Կենտրոնական դեպոզիտարիա |
|. ֆոնդի կառավարիչ |
|. օտարերկրյա ֆոնդի կառավարչի մասնաճյուղ |
|. Բյուրո |
|. վճարահաշվարկային կազմակերպություն |
|_____________________________________________________________________|
|2. Ղեկավար պաշտոն |
|_____________________________________________________________________|
|2.1 Ղեկավար պաշտոն, որը Դուք պետք է զբաղեցնեք 1.1 ենթակետում նշված |
|կազմակերպությունում |
|. տնօրենների (դիտորդ) խորհրդի անդամ (խորհրդի անդամ), |
|. գործադիր տնօրեն (վարչության նախագահ, տնօրինության ղեկավար, գործադիր|
|մարմնի ղեկավար) |
|. գործադիր տնօրենի (վարչության նախագահի) տեղակալ |
|. տնօրինության (վարչության, գործադիր մարմնի) անդամ |
|. գլխավոր հաշվապահ |
|. ներքին աուդիտի ղեկավար |
|. ռիսկերի կառավարման գործառույթների իրականացման համար պատասխանատու |
|անձ |
|. համապատասխանության ապահովման գործառույթի իրականացման համար |
|պատասխանատու |
|. վերստուգիչ (վերստուգող) հանձնաժողովի նախագահ (ղեկավար) |
|. օպերատորի կարգապահական հանձնաժողովի նախագահ |
|. օպերատորի վերահսկող ծառայության ղեկավար |
|. պատասխանատու ակտուար |
|. բանկի ներքին դիտարկումների մարմնի ղեկավար |
|_____________________________________________________________________|
|2.2 Նկարագրեք Ձեր առանցքային իրավասություններն ու պատասխանատվության |
|ոլորտները որպես ղեկավար` ըստ Ձեր աշխատատեղի նկարագրի, աշխատանքային |
|պայմանագրի: |
|_____________________________________________________________________|
|3. Անձնական տվյալներ |
|_____________________________________________________________________|
|3.1 Անուն, ազգանուն, հայրանուն |
|_____________________________________________________________________|
|3.2 Սեռ` |
|. արական |
|. իգական |
|_____________________________________________________________________|
|3.3 Ծննդյան ամսաթիվ (օր/ամիս/տարի) |
|_____________________________________________________________________|
|3.4 Ծննդավայր (երկիր, մարզ, համայնք) |
|_____________________________________________________________________|
|3.5 Նշեք` |
|. Հաշվառման հասցե |
|. Փաստացի բնակության հասցե |
|_____________________________________________________________________|
|3.6 Քաղաքացիություն |
|_____________________________________________________________________|
|3.7 Նշեք` |
|. Անձնագրի տվյալները |
|. Գործող այլ անձնագրի տվյալները (առկայության դեպքում) |
|_____________________________________________________________________|
|3.8 Նշեք` |
|. Հանրային ծառայությունների համարանիշը (հանրային ծառայությունների |
|համարանիշ չստանալու վերաբերյալ տեղեկանքի համարը) |
|. Կիրառելի չէ |
|_____________________________________________________________________|
|3.9 Նշեք հեռախոսահամար |
|. բջջային |
|. այլ |
|_____________________________________________________________________|
|3.10 Էլեկտրոնային փոստի հասցե |
|_____________________________________________________________________|
|3.11 Նշեք նախկինում Ձեր ունեցած մյուս բոլոր անունները, ազգանունները, |
|հայրանունները, դրանք կրելու ժամանակաշրջանները, |
|Անուն, ազգանուն, հայրանուն |
|Կրելու ժամանակաշրջան (օր/ամիս/տարի) |
|_____________________________________________________________________|
|4. Կրթություն, որակավորում, աշխատանքային գործունեություն |
|_____________________________________________________________________|
|4.1 |
|_____________________________________________________________________|
|Բարձրագույն |Բարձրագույն |Բարձրագույն |Մասնագի- |Գիտական աստիճանը |
|ուսումնական |ուսումնական |ուսումնական |տությունը | |
|հաստատության|հաստատության|հաստատության | | |
|անվանումը, |գտնվելու |սովորելու | | |
|միջազգային |վայրը |ժամանակաշրջանը| | |
|որակավորման | |(_թ-ից | | |
|անվանումը | |մինչև _թ.) | | |
|____________|____________|______________|__________|_________________|
|____________|____________|______________|__________|_________________|
|____________|____________|______________|__________|_________________|
|_____________________________________________________________________|
|_____________________________________________________________________|
|4.2 Նշեք գիտելիքը հիմնավորող տեղեկությունները/փաստաթղթերը |
|_____________________________________________________________________|
|Որակավորումներ |Վերապատրաստումներ|Դասընթացներ |Նախագծեր |
|___________________|_________________|_____________|_________________|
|___________________|_________________|_____________|_________________|
|___________________|_________________|_____________|_________________|
|_____________________________________________________________________|
|_____________________________________________________________________|
|4.3 Ի՞նչ լեզուների եք տիրապետում |
|. հայերեն |
|. անգլերեն |
|. ռուսերեն |
|. այլ (նշել լեզուն) |
|_____________________________________________________________________|
|4.4 Նշել վերջին առնվազն 10 տարվա ընթացքում աշխատանքային |
|գործունեության վերաբերյալ հետևյալ տվյալները (ընդ որում, պետք է նշել |
|փաստացի աշխատանքային գործունեության վերաբերյալ տվյալները` անկախ |
|դրանց` աշխատանքային գրքույկում ներառված լինելու կամ չլինելու |
|հանգամանքից): |
|_____________________________________________________________________|
|Աշխատանքի |Կազմա- |Կազմա- |Գըտն-|Հեռա-|Պաշ-|Հիմնական |Ազատման|Նշա- |
|ընդունման |կերպու-|կերպու-|վելու|խոսա-|տոնը|պարտակա- |հիմքերը|գրում |
|և ազատման|թյան |թյան |վայր |համար| |նություն-| |կատարեք|
|ժամկետներ |անվա- |գործու-| | | |ները | |եթե |
| |նում |նեու- | | | | | |աշխատան|
| | |թյան | | | | | |քային |
| | |ոլորտը | | | | | |գրքույ-|
| | | | | | | | |կում |
| | | | | | | | |տվյալ- |
| | | | | | | | |ները |
| | | | | | | | |ներառ- |
| | | | | | | | |ված չեն|
|__________|_______|_______|_____|_____|____|_________|_______|_______|
|__________|_______|_______|_____|_____|____|_________|_______|_______|
|__________|_______|_______|_____|_____|____|_________|_______|_______|
|__________|_______|_______|_____|_____|____|_________|_______|_______|
|_____________________________________________________________________|
|4.5 Նշեք |
|. Ձեզ անձամբ ճանաչող առավելագույնը 3 անձանց վերաբերյալ տվյալներ |
|(ներկայացման պահի դրությամբ), որոնք անհրաժեշտության դեպքում կարող են |
|տրամադրել երաշխավորություն Ձեր անձի վերաբերյալ: Ընդ որում, այդ |
|անձանցից մեկը պետք է լինի Ձեր վերջին աշխատատեղից (վերջին աշխատատեղ |
|համարվում է նախորդ կազմակերպությունը, որտեղ Դուք աշխատել եք), իսկ |
|մյուս երկուսը չպետք է լինեն այն կազմակերպությունից, որտեղ նախատեսում |
|եք անցնել աշխատանքի, բայց աշխատում են կամ աշխատել են ֆինանսական |
|համակարգում: |
|_____________________________________________________________________|
|Անուն, |Աշխատանքի |Պաշտոնը |Ֆինանսական |Հեռախոսա- |Երաշխավորի|
|ազգանուն |վայրը և | |համակարգում |համար, էլ. |հետ փոխ- |
| |դրա գտնվելու| |աշխատանքային|փոստի հասցե|կապակց- |
| |վայրը | |տարիները | |վածության |
| | | | | |բնույթը |
|__________|____________|_________|____________|___________|__________|
|__________|____________|_________|____________|___________|__________|
|_____________________________________________________________________|
|. Կիրառելի չէ, եթե սույն կետում պահանջվող անձինք չկան: |
|_____________________________________________________________________|
|5. Ղեկավարի (պատասխանատու անձի) վերաբերյալ այլ տեղեկություններ |
|_____________________________________________________________________|
|5.1 Արդյո՞ք Դուք Հայաստանի Հանրապետության կամ այլ պետությունների |
|օրենսդրությամբ սահմանված կարգով ճանաչվել եք անգործունակ կամ |
|սահմանափակ գործունակ: |
|. Ոչ, |
|. Այո, ներկայացնել մանրամասներ (ամսաթիվ (օր/ամիս/տարի), իրավական |
|հիմքեր) |
|_____________________________________________________________________|
|5.2 Արդյո՞ք Դուք ունեցել եք դատվածություն դիտավորությամբ կատարված |
|հանցագործությունների համար: |
|. Ոչ, |
|. Այո, (ներկայացնել մանրամասներ, այդ թվում դատվածությունը օրենքով |
|սահմանված կարգով հանված կամ մարված լինելու վերաբերյալ) |
|_____________________________________________________________________|
|5.3 Արդյո՞ք դատարանի կողմից Դուք զրկված եք ֆինանսական, հարկային, |
|մաքսային, առևտրային, տնտեսական, իրավական ոլորտներում պաշտոններ |
|վարելու իրավունքից: |
|. Ոչ, |
|. Այո, ներկայացնել մանրամասներ (ամսաթիվ (օր/ամիս/տարի), իրավական |
|հիմքեր) |
|_____________________________________________________________________|
|5.4 Արդյո՞ք Դուք ճանաչվել եք սնանկ կամ ունեք չմարված (չներված) |
|պարտավորություններ կամ Ձեր սնանկության վերաբերյալ դիմումը Դատարանը |
|ընդունել է վարույթ: |
|. Ոչ, |
|. Այո, ներկայացնել մանրամասներ (ամսաթիվ (օր/ամիս/տարի), իրավական |
|հիմքեր) |
|_____________________________________________________________________|
|5.5 Արդյո՞ք Դուք ՀՀ կամ այլ պետությունների իրավապահ մարմինների կողմից|
|քրեական գործով ներգրավված եք կամ նախկինում ներգրավված եք եղել որպես |
|կասկածյալ, մեղադրյալ կամ ամբաստանյալ: |
|. Ոչ, |
|. Այո, ներկայացնել մանրամասներ |
|_____________________________________________________________________|
|5.6 Արդյո՞ք Դուք ՀՀ քրեական օրենսգրքով կամ այլ պետությունների քրեական|
|օրենսդրությամբ նախատեսված հանցագործության համար ենթարկվել եք քրեական |
|պատասխանատվության: |
|. Ոչ, |
|. Այո, ներկայացնել մանրամասներ (ամսաթիվ (օր/ամիս/տարի), իրավական |
|հիմքեր) |
|_____________________________________________________________________|
|5.7 Արդյո՞ք Դուք հարկային, մաքսային, ֆինանսական ոլորտներում վերջին 5 |
|տարվա ընթացքում ենթարկվել եք վարչական պատասխանատվության: |
|. Ոչ, |
|. Այո, ներկայացնել մանրամասներ (ամսաթիվ (օր/ամիս/տարի), իրավական |
|հիմքեր) |
|_____________________________________________________________________|
|5.8 Արդյո՞ք սույն միջնորդագրի 1.2 կետում չնշված կազմակերպությունում |
|Ձեր պաշտոնավարման կամ գործունեության ընթացքում (Հայաստանի |
|Հանրապետությունում կամ օտարերկրյա պետությունում) տվյալ |
|կազմակերպությունը ճանաչվել է անվճարունակ կամ սնանկ: |
|. Ոչ, |
|. Այո, ներկայացնել մանրամասներ |
|_____________________________________________________________________|
|5.9 Արդյո՞ք սույն միջնորդագրի 1.2 կետում նշված կազմակերպությունում |
|(այսուհետ` կազմակերպություն) Ձեր պաշտոնավարման կամ գործունեության |
|ընթացքում (Հայաստանի Հանրապետությունում կամ օտարերկրյա պետությունում)|
|տվյալ կազմակերպությունը ճանաչվել է անվճարունակ կամ սնանկ, կամ ՀՀ |
|տարածքում գործող կազմակերպության ֆինանսական վիճակը, համաձայն ՀՀ |
|կենտրոնական բանկի խորհրդի կողմից հաստատված չափանիշների, վատթարացել է:|
|. Ոչ |
|. Այո, ներկայացնել մանրամասներ |
|_____________________________________________________________________|
|5.10 Արդյո՞ք որպես կազմակերպության ղեկավար Ձեր պաշտոնավարման |
|ընթացքում Ձեր նկատմամբ Կենտրոնական բանկի կամ տվյալ կազմակերպության |
|կողմից կիրառվել է որևէ պատասխանատվության միջոց վերջին 5 տարվա |
|ընթացքում: |
|. Ոչ, |
|. Այո, ներկայացնել մանրամասներ |
|_____________________________________________________________________|
|5.11 Արդյո՞ք Դուք զրկվել եք որակավորման վկայականից (որակավորումից) |
|կամ կարգապահական այլ պատժամիջոցներ են կիրառվել Ձեր նկատմամբ |
|կազմակերպության, նաև` 1.2-րդ ենթակետում չնշված, գործունեությունը |
|կարգավորող համապատասխան օրենսդրությամբ սահմանված կարգով և հիմքերով: |
|. Ոչ, |
|. Այո, ներկայացնել մանրամասներ (այդ թվում` որակավորման վկայականից |
|զրկվելու կամ կարգապահական պատժամիջոցների կիրառման հիմքերը) |
|_____________________________________________________________________|
|5.12 Արդյո՞ք ՀՀ տարածքում կամ այլ պետություններում գործող |
|կազմակերպություններում Ձեր պաշտոնավարման կամ գործունեության ընթացքում|
|տվյալ կազմակերպությունը ունեցել է գրանցման, լիցենզավորման, |
|թույլտվության մերժման դեպքեր, կամ կազմակերպության նկատմամբ կիրառվել |
|է պատասխանատվության միջոց: |
|. Ոչ, |
|. Այո, ներկայացնել մանրամասներ (ամսաթիվ (օր/ամիս/տարի), իրավական |
|հիմքեր, մերժած կամ պատասխանատվության միջոց կիրառած մարմնի անվանումը) |
|_____________________________________________________________________|
|5.13 Արդյո՞ք Դուք նախորդ աշխատանքից ազատվել եք գործատուի |
|նախաձեռնությամբ` ՀՀ աշխատանքային օրենսգրքի 113.3-րդ, 113.5-րդ, |
|113.6-րդ, 113.8-րդ, 113.9-րդ հոդվածներով նախատեսված հիմքերից որևէ |
|մեկով: |
|. Ոչ, |
|. Այո, ներկայացնել մանրամասներ |
|_____________________________________________________________________|
|6. Նշանակալից մասնակցություն և փոխկապակցվածություն |
|_____________________________________________________________________|
|6.1 Նշեք` |
|. այն կազմակերպությունների, ինչպես նաև հաշվետու թողարկող այն |
|ընկերությունների վերաբերյալ աղյուսակում պահանջվող տվյալները, որոնց |
|կանոնադրական հիմնադրամում (կապիտալում) ունեք կամ վերջին 5 տարվա |
|ընթացքում ունեցել եք նշանակալից մասնակցություն. |
|Մասնակցությունները նշել սկսած ներկայումս առկա ամենախոշորներից |
|(Ընդ որում` 6.1-6.3 կետերում հաշվետու թողարկողներին վերաբերող |
|դրույթները լրացվում են միայն ներդրումային ծառայություններ մատուցող |
|անձանց, կարգավորվող շուկայի օպերատորի, Կենտրոնական դեպոզիտարիայի, |
|ֆոնդի պահառուների ղեկավարների, ինչպես նաև ֆոնդի կառավարչի անունից |
|կամ կազմում ֆոնդի կառավարման գործունեություն իրականացնող ֆիզիկական |
|անձանց և ֆոնդի պահառուի աշխատակցի կողմից) |
|_____________________________________________________________________|
|Կազմակերպության|Ժամանակահատվածը |Մասնակ- |Բաժնե- |Ընդհանուր |
|(հաշվետու |(նախկինում ունեցած |ցության |տոմսերի|գումարը |
|թողարկողի) |մասնակցության համար|չափը (%),|քանակը |(դրամով) |
|անվանումը |նշել նշանակալից | | | |
| |մասնակից լինելու | | | |
| |ժամանակահատվածը) | | | |
|_______________|___________________|_________|_______|_______________|
|_______________|___________________|_________|_______|_______________|
|_______________|___________________|_________|_______|_______________|
|_____________________________________________________________________|
|_____________________________________________________________________|
|_____________________________________________________________________|
|. Կիրառելի չէ, եթե սույն կետում նշված մասնակցությունը չունեք կամ չեք |
|ունեցել: |
|_____________________________________________________________________|
|6.2 Նշեք` |
|. այն կազմակերպությունների, ինչպես նաև հաշվետու թողարկող այն |
|ընկերությունների վերաբերյալ աղյուսակում պահանջվող տվյալները, որոնց |
|կանոնադրական հիմնադրամում (կապիտալում) Ձեզ հետ փոխկապակցված անձինք |
|ունեն կամ վերջին 5 տարվա ընթացքում ունեցել են նշանակալից |
|մասնակցություն, |
|(Փոխկապակցվածությունը պետք է դիտարկվի 1.1 կետում նշված |
|կազմակերպության գործունեությունը կարգավորող համապատասխան օրենքի, |
|հաշվետու թողարկողների դեպքում` |
|«Արժեթղթերի շուկայի մասին» Հայաստանի Հանրապետության օրենքի համաձայն: |
|Սույն կետում ընտանիքի անդամների վերաբերյալ տեղեկությունները լրացվում |
|են միայն ծնողների, ամուսնու, երեխաների, քրոջ և եղբոր (եթե համատեղ |
|տնտեսություն են վարում) վերաբերյալ:) |
|Մասնակցությունները նշել սկսած ներկայումս առկա ամենախոշորներից |
|_____________________________________________________________________|
|Կազմակերպության|Ժամանակահատվածը |Մասնակ- |Բաժնե- |Ընդհանուր |
|(հաշվետու |(նախկինում ունեցած |ցության |տոմսերի|գումարը |
|թողարկողի) |մասնակցության համար|չափը (%),|քանակը |(դրամով) |
|անվանումը |նշել նշանակալից | | | |
| |մասնակից լինելու | | | |
| |ժամանակահատվածը) | | | |
|_______________|___________________|_________|_______|_______________|
|_______________|___________________|_________|_______|_______________|
|_______________|___________________|_________|_______|_______________|
|_____________________________________________________________________|
|_____________________________________________________________________|
|. Կիրառելի չէ, եթե սույն կետում նշված փոխկապակցված անձ չկա, |
|. Իրազեկ չեմ, եթե սույն կետում նշված տվյալներին չեք տիրապետում: |
|_____________________________________________________________________|
|6.3 Նշեք` |
|. ֆինանսական համակարգում, ինչպես նաև հաշվետու թողարկող |
|ընկերություններում աշխատող կամ աշխատած հետևյալ անձանց վերաբերյալ |
|տվյալները` ծնողներ, տատ, պապ, 18 տարին լրացած թոռ, 18 տարին լրացած |
|զավակ ու նրա ամուսին, 18 տարին լրացած քույր, եղբայր ու նրանց |
|ամուսիններ և 18 տարին լրացած նրանց զավակներ, ամուսնու ծնողներ, |
|ամուսնու` 18 տարին լրացած զավակ. |
|_____________________________________________________________________|
|Անուն, ազգանուն|Ժամանակահատվածը |Ղեկավարի |Աշխատանքի |Պաշտոն |
| |(նախկինում |հետ կապակց-|վայր | |
| |ֆինանսական |վածության | | |
| |համակարգում |ձև | | |
| |(հաշվետու թողարկող | | | |
| |ընկերություններում)| | | |
| |աշխատած անձանց | | | |
| |համար նշել | | | |
| |համապատասխան | | | |
| |կազմակերպությունում| | | |
| |(հաշվետու թողարկող | | | |
| |ընկերություններում)| | | |
| |աշխատելու | | | |
| |ժամանակահատվածը | | | |
|_____________________________________________________________________|
|_____________________________________________________________________|
|. Կիրառելի չէ, եթե սույն կետում նշված փոխկապակցված անձ չկա: |
|_____________________________________________________________________|
(հավելվածը խմբ. 14.12.2022 թիվ 225-Ն որոշում)
(կանոնակարգը խմբ. 15.07.14 թիվ 196-Ն որոշում)
(կանոնակարգը փոփ. 07.02.12 թիվ 32-Ն, 25.12.12 թիվ 376-Ն, 20.12.11 թիվ 363-Ն որոշումներ)
---------------------------------------------------------
ԻՐՏԵԿ - շարունակությունը հաջորդ մասերում