ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿՐԹՈՒԹՅԱՆ ԵՎ ԳԻՏՈՒԹՅԱՆ ՆԱԽԱՐԱՐ
ՀՐԱՄԱՆ
18 հունիսի 2018 թվականի N 612-Ա/2
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿՐԹՈՒԹՅԱՆ ԵՎ ԳԻՏՈՒԹՅԱՆ ՆԱԽԱՐԱՐԻ 2018 ԹՎԱԿԱՆԻ N 464-Ա/2 ՀՐԱՄԱՆՈՒՄ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄ ԿԱՏԱՐԵԼՈՒ ՄԱՍԻՆ
i
Ղեկավարվելով «Նորմատիվ իրավական ակտերի մասին» Հայաստանի Հանրապետության օրենքի 34-րդ հոդվածով և ՀՀ կառավարության 2018 թվականի ապրիլի 12-ի N 451-Ն որոշման 2-րդ կետի 1-ին ենթակետով`
ՀՐԱՄԱՅՈՒՄ ԵՄ`
1. Հայաստանի Հանրապետության կրթության և գիտության նախարարի 2018 թվականի մայիսի 11-ի «Գիտության և կրթության բնագավառներում նշանակալի նվաճումներ ունեցող քաղաքացիներին պարտադիր զինվորական ծառայության զորակոչից տարկետում տալու վերաբերյալ եզրակացություն տվող հանձնաժողովի գործունեության կարգը հաստատելու մասին» N 464-Ա/2 հրամանի հավելվածում`
1) 9-րդ կետում «հունիսի 1-ը» բառերը փոխարինել «հունիսի 25-ը» բառերով.
i
2) լրացնել հետևյալ բովանդակությամբ նոր` 13.1 կետ.
i
«13.1 Գերակայություն ճանաչված յուրաքանչյուր ոլորտի մասնագիտություններով նշանակալի նվաճում է համարվում քաղաքացու` աշխարհի լավագույն բարձրագույն ուսումնական հաստատությունների ակադեմիական վարկանիշավորման http://www.shanghairanking.eom/# կայքի տվյալ տարվա ցանկերի առաջին հինգ տասնյակում ընդգրկված հաստատություններ բակալավրի (դիպլոմավորված մասնագետի, ինտեգրացված), մագիստրատուրայի և ասպիրանտուրայի կրթական ծրագրերով սովորելու կամ դիմորդ հանդիսանալու հանգամանքը` ուսման և կացության համար անհրաժեշտ ֆինանսական աղբյուրների (scholarship) վերաբերյալ փաստաթղթերի առկայությամբ:».
3) 15-րդ կետը շարադրել նոր խմբագրությամբ.
i
«15. Սույն կարգի 14-րդ կետով սահմանված նշանակալի նվաճումները հանձնաժողովի կողմից հաշվարկվում են բալային միավորների համակարգով` առավելագույնը 100 բալային միավորի սահմանաչափով, նշանակալի նվաճումների ցուցանիշների հաշվարկման մեթոդաբանության հիման վրա` համաձայն Ձևի: Հարցազրույցի արդյունքում հանձնաժողովի վերջնական գնահատականը ձևավորվում է բոլոր անդամների գնահատականների միջին թվաբանական գումարով: Հարցազրույցին քաղաքացին մոտիվացիոն ելույթ է ունենում, որի ընթացքում ներկայացնում է մասնագիտական հետաքրքրություններն ու հեռանկարները, ինչպես նաև ուսումը շարունակելու նպատակահարմարությունը, մասնագիտական գործունեության օգտավետությունը, որի վերաբերյալ հանձնաժողովի անդամները կարող են հարցեր տալ: Մոտիվացիոն ելույթը չպետք է գերազանցի 5 րոպեն` հանձնաժողովի անդամները հնարավորություն կունենան ծանոթանալ քաղաքացու փաստաթղթերի փաթեթին:
Հարցազրույցի գնահատում
Հարցազրույցի արդյունքները գնահատվում են հանձնաժողովի անդամների կողմից` հետևյալ չափանիշներով` վերլուծական կարողություններ, մոտիվացիա:
._____________________________________________.
| Չափանիշ |Առավելագույն միավոր|
| |___________________|
| | Մագ. | Ասպ. |
|_________________________|_________|_________|
|Վերլուծական կարողություն | 10 | 10 |
|_________________________|_________|_________|
|Մոտիվացիա | 10 | 10 |
|_________________________|_________|_________|
|Ընդհանուր | 20 | 20 |
._____________________________________________.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԿՐԹՈՒԹՅԱՆ ԵՎ ԳԻՏՈՒԹՅԱՆ
ՆԱԽԱՐԱՐ Ա. ՀԱՐՈՒԹՅՈՒՆՅԱՆ