040.0444.240501
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«24» մայիսի 2001 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
24 մայիսի 2001 թվականի N 444
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՅՈՑ ՁՈՐԻ ՄԱՐԶԻ ԹԱՌԱԹՈՒՄԲ ԳՅՈՒՂԻ ՈՒԹԱՄՅԱ ԴՊՐՈՑԸ ՎԵՐԱՆՎԱՆԵԼՈՒ ՄԱՍԻՆ
Հայաստանի Հանրապետության կառավարությունը որոշում է.
1. Հայաստանի Հանրապետության Վայոց ձորի մարզի Թառաթումբ գյուղի ութամյա դպրոցը վերանվանել միջնակարգ դպրոց` 2001 թվականին դրա պահպանման ծախսերը կատարելով «Հայաստանի Հանրապետության 2001 թվականի պետական բյուջեի մասին» Հայաստանի Հանրապետության օրենքի N 1 հավելվածի 04 («Կրթություն և գիտություն») խմբի 03 (»Տարրական, հիմնական և միջնակարգ ընդհանուր կրթություն») ենթախմբի «11. Ըստ աշակերտների թվի ֆինանսավորման համակարգի անցած դպրոցների պահպանում» ծրագրի գծով Վայոց ձորի մարզպետարանին նախատեսված միջոցների սահմաններում:
2. Հայաստանի Հանրապետության կառավարության 1996 թվականի օգոստոսի 22-ի «Հայաստանի Հանրապետության Վայոց ձորի մարզային ենթակայության ձեռնարկությունների և կազմակերպությունների ցանկը հաստատելու մասին» N 268 որոշման մեջ կատարել հետևյալ փոփոխությունը`
i
որոշման N 1 հավելվածի` Թառաթումբ գյուղի մարզային ենթակայության ձեռնարկությունների և կազմակերպությունների ցանկում «ութամյա դպրոց» բառերը փոխարինել «միջնակարգ դպրոց» բառերով:
3. Սույն որոշումն ուժի մեջ է մտնում 2001 թվականի մայիսի 24-ից: