«ՕՇԱԿԱՆ» ՄԱՆԿԱԿԱՆ ՎԵՐԱԿԱՆԳՆՈՂԱԿԱՆ ԿԵՆՏՐՈՆ» ԵՎ «ՀԱՏ ...

040.0940.080817

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ՈՐՈՇՈՒՄ

3 օգոստոսի 2017 թվականի N 940-Ա

«ՕՇԱԿԱՆ» ՄԱՆԿԱԿԱՆ ՎԵՐԱԿԱՆԳՆՈՂԱԿԱՆ ԿԵՆՏՐՈՆ» ԵՎ «ՀԱՏՈՒԿ ՊՈԼԻԿԼԻՆԻԿԱ» ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅՈՒՆՆԵՐԸ ԼՈՒԾԱՐԵԼՈՒ ՄԱՍԻՆ

Հիմք ընդունելով «Բաժնետիրական ընկերությունների մասին» Հայաստանի Հանրապետության օրենքի 27-րդ հոդվածի 2-րդ մասի «ա» կետը, 67-րդ հոդվածի 1-ին մասի «գ» ենթակետը և 68-րդ հոդվածի 7-րդ մասը` Հայաստանի Հանրապետության կառավարությունը որոշում է.

1. Հայաստանի Հանրապետության օրենսդրությամբ սահմանված կարգով լուծարել «Օշական» մանկական վերականգնողական կենտրոն» փակ բաժնետիրական ընկերությունը (գտնվելու վայրը` Հայաստանի Հանրապետության Արագածոտնի մարզ, գ. Օշական, Դպրոցականների 93, պետական գրանցման համարը` 56.140.00056) և «Հատուկ պոլիկլինիկա» փակ բաժնետիրական ընկերությունը (գտնվելու վայրը` Հայաստանի Հանրապետություն, քաղ. Երևան, Կոմիտասի 49/4, պետական գրանցման համարը` 273.120.03076):

2. Հայաստանի Հանրապետության կառավարությանն առընթեր պետական գույքի կառավարման վարչության պետին` լուծարման աշխատանքներն իրականացնելու նպատակով 15-օրյա ժամկետում ստեղծել լուծարման հանձնաժողովներ` դրանց կազմում ընդգրկելով Հայաստանի Հանրապետության առողջապահության նախարարության (մեկ անդամ), Հայաստանի Հանրապետության ֆինանսների նախարարության (մեկ անդամ), Հայաստանի Հանրապետության արդարադատության նախարարության (մեկ անդամ), Հայաստանի Հանրապետության կառավարությանն առընթեր պետական գույքի կառավարման վարչության (երկու անդամ` հանձնաժողովի նախագահ և անդամ-քարտուղար), Հայաստանի Հանրապետության կառավարությանն առընթեր պետական եկամուտների կոմիտեի (մեկ անդամ) ներկայացուցիչներին, իսկ «Օշական» մանկական վերականգնողական կենտրոն» փակ բաժնետիրական ընկերության դեպքում` նաև Հայաստանի Հանրապետության Արագածոտնի մարզպետարանի (մեկ անդամ) ներկայացուցչին:

3. Հայաստանի Հանրապետության առողջապահության նախարարին` լուծարման հանձնաժողովների ստեղծումից հետո մեկամսյա ժամկետում ապահովել ընկերությունների համապատասխան փաստաթղթերի և գույքի, այդ թվում` դրամական միջոցների, արժեթղթերի և գույքային իրավունքների հանձնումը լուծարման հանձնաժողովներին:

4. Սահմանել, որ`

1) պարտատերերի հետ հաշվարկներն ավարտելուց հետո դեբիտորական պարտքերի ստացման և այլ պահանջների իրավունքները վերապահվում են Հայաստանի Հանրապետության ֆինանսների նախարարությանը.

2) պարտատերերի պահանջների բավարարումից հետո մնացած գույքի առկայության դեպքում «Օշական» մանկական վերականգնողական կենտրոն» փակ բաժնետիրական ընկերության գույքն ամրացվում է Հայաստանի Հանրապետության պաշտպանության նախարարությանը` գույքային իրավունքների գրանցումն իրականացնելով Հայաստանի Հանրապետության պաշտպանության նախարարության միջոցների հաշվին» իսկ «Հատուկ պոլիկլինիկա» փակ բաժնետիրական ընկերության գույքն անհատույց հանձնվում է Հայաստանի Հանրապետության առողջապահության նախարարությանը:

(4-րդ կետը փոփ. 02.08.18 թիվ 851-Ա, 12.12.2019 թիվ 1813-Ն որոշումներ)

5. Հայաստանի Հանրապետության առողջապահության նախարարին`

1) սույն որոշման 4-րդ կետի 2-րդ ենթակետով սահմանված գույքը Հայաստանի Հանրապետության առողջապահության նախարարությանը հանձնելուց հետո եռամսյա ժամկետում առանձնացնել և խոտանել ոչ պիտանի գույքը.

2) սույն կետի 1-ին ենթակետով սահմանված աշխատանքների ավարտից հետո երկշաբաթյա ժամկետում` մնացած գույքն անհատույց` նվիրատվության պայմանագրի հիման վրա հանձնել «Հոգեկան առողջության պահպանման ազգային կենտրոն» փակ բաժնետիրական ընկերությանը:

(5-րդ կետը լրաց. 02.08.18 թիվ 851-Ա որոշում)

ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ

2017 ԹՎԱԿԱՆԻ ՕԳՈՍՏՈՍԻ 8-ԻՆ