040.0910.290901
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«29 սեպտեմբերի 2001 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
29 սեպտեմբերի 2001 թվականի N 910
ՄԻ ՇԱՐՔ ԸՆԿԵՐՈՒԹՅՈՒՆՆԵՐԻ (ՁԵՌՆԱՐԿՈՒԹՅԱՆ) ԼՈՒԾԱՐՄԱՆ ԳՈՐԾԸՆԹԱՑԸ ԿԱՆՈՆԱԿԱՐԳԵԼՈՒ ՄԱՍԻՆ
Լուծարվող` Ախուրյանի «Բնակկոմունտնտ» պետական փակ բաժնետիրական ընկերության, «Բերդ հյուրանոց» պետական փակ բաժնետիրական ընկերության և «Հայդեղագործություն» պետական ձեռնարկության Վարդենիսի դուստր ձեռնարկության լուծարման գործընթացը կանոնակարգելու նպատակով Հայաստանի Հանրապետության կառավարությունը որոշում է.
i
1. Ախուրյանի «Բնակկոմունտնտ» պետական փակ բաժնետիրական ընկերության լուծարման հանձնաժողովին` Հայաստանի Հանրապետության կառավարության 1999 թվականի նոյեմբերի 20-ի «Մի շարք բաժնետիրական ընկերություններ և ձեռնարկություններ լուծարելու մասին» N 688 որոշմամբ լուծարվող Ախուրյանի «Բնակկոմունտնտ» պետական փակ բաժնետիրական ընկերության գույքը` սեփականության իրավունքով, և պարտավորությունները Ախուրյանի գյուղական համայնքին հանձնելուց հետո` Հայաստանի Հանրապետության օրենսդրությամբ սահմանված կարգով ավարտել ընկերության լուծարման աշխատանքները:
i
2. «Բերդ հյուրանոց» պետական փակ բաժնետիրական ընկերության լուծարման հանձնաժողովին` Հայաստանի Հանրապետության կառավարության 2000 թվականի մարտի 13-ի «Մի շարք բաժնետիրական ընկերություններ (ձեռնարկություններ) լուծարելու, Հայաստանի Հանրապետության կառավարության մի շարք որոշումներ մասնակի ուժը կորցրած ճանաչելու մասին» N 110 որոշմամբ լուծարվող «Բերդ հյուրանոց» պետական փակ բաժնետիրական ընկերության գույքը` սեփականության իրավունքով, և պարտավորությունները Բերդի քաղաքային համայնքին հանձնելուց հետո` Հայաստանի Հանրապետության օրենսդրությամբ սահմանված կարգով ավարտել ընկերության լուծարման աշխատանքները:
i
3. «Հայդեղագործություն» պետական ձեռնարկության Վարդենիսի դուստր ձեռնարկության լուծարման հանձնաժողովին` Հայաստանի Հանրապետության կառավարության 2000 թվականի նոյեմբերի 25-ի «Մի շարք ձեռնարկություններ լուծարելու մասին» N 770 որոշմամբ լուծարվող «Հայդեղագործություն» պետական ձեռնարկության Վարդենիսի դուստր ձեռնարկության գույքը` սեփականության իրավունքով, և պարտավորությունները Վարդենիսի քաղաքային համայնքին հանձնելուց հետո` Հայաստանի Հանրապետության օրենսդրությամբ սահմանված կարգով ավարտել ձեռնարկության լուծարման աշխատանքները:
4. Սույն որոշումն ուժի մեջ է մտնում 2001 թվականի սեպտեմբերի 29-ից: