{11.07.2019 - 21.11.2019} ՀՀ ՏՈՆԵՐԻ ԵՎ ՀԻՇԱՏԱԿԻ ՕՐԵՐԻ ՄԱՍԻՆ

11.07.2019 - 21.11.2019

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՕՐԵՆՔԸ

Ընդունված է Հայաստանի Հանրապետության

Նախագահի առարկությամբ 2001 թվականի հունիսի 24-ին

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՏՈՆԵՐԻ ԵՎ ՀԻՇԱՏԱԿԻ ՕՐԵՐԻ ՄԱՍԻՆ

Հոդված 1. Ամանոր և Ծննդյան տոներ` նշվում են դեկտեմբերի 31-ից հունվարի 2-ը ներառյալ (Ամանոր), հունվարի 3-ին, 4-ին և 5-ին (նախածննդյան տոներ) և հունվարի 6-ին (Սուրբ Ծնունդ և Հայտնություն), ոչ աշխատանքային օրեր:

 (1-ին հոդվածը փոփ. 10.12.09 ՀՕ-221-Ն օրենք)

Հոդված 1.1. Սուրբ Ծննդյան և Հայտնության տոնին հաջորդող` Մեռելոց հիշատակի օր` նշվում է հունվարի 7-ին, ոչ աշխատանքային օր:

 (1.1-րդ հոդվածը լրաց. 10.12.09 ՀՕ-221-Ն օրենք)

Հոդված 2. Բանակի օր` նշվում է հունվարի 28-ին, ոչ աշխատանքային օր:

 (2-րդ հոդվածը փոփ. 20.11.02 ՀՕ-466-Ն օրենք)

Հոդված 2.1. Մայրենի լեզվի օր` նշվում է փետրվարի 21-ին:

 (2.1-րդ հոդվածը լրաց. 11.04.05 ՀՕ-80-Ն օրենք)

Հոդված 2.2. Ադրբեջանական ԽՍՀ-ում կազմակերպված ջարդերի զոհերի հիշատակի և բռնագաղթված հայ բնակչության իրավունքների պաշտպանության օր` նշվում է փետրվարի 28-ին:

 (2.2-րդ հոդվածը լրաց. 25.05.05 ՀՕ-105-Ն օրենք)

Հոդված 3. Կանանց տոն` նշվում է մարտի 8-ին, ոչ աշխատանքային օր:

Հոդված 4. Մայրության և գեղեցկության տոն` նշվում է ապրիլի 7-ին:

 (4-րդ հոդվածը  փոփ. 07.05.02  ՀՕ-335 օրենք)

Հոդված 4.1. Հայաստանի Հանրապետության քաղաքացու օր` նշվում է ապրիլի վերջին շաբաթ օրը: Մայիսի 1-ը շաբաթ օրվա հետ համընկնելու դեպքում Հայաստանի Հանրապետության քաղաքացու օրը նշվում է ապրիլի վերջին կիրակի օրը:

(4.1-ին հոդ. լրաց. 09.04.19 ՀՕ-14-Ն օրենք)

Հոդված 4.2. Հայ կինոյի օր` նշվում է ապրիլի 16-ին:

(4.2-րդ հոդ. լրաց. 19.06.19 ՀՕ-83-Ն օրենք)

Հոդված 5. Հայոց ցեղասպանության զոհերի հիշատակի օր` նշվում է ապրիլի 24-ին, ոչ աշխատանքային օր:

 (5-րդ հոդվածը փոփ. 07.04.15 ՀՕ-15-Ն օրենք)

Հոդված 6. Աշխատանքի օր` նշվում է մայիսի 1-ին, ոչ աշխատանքային օր:

Հոդված 7. Երկրապահի օր` նշվում է մայիսի 8-ին:

Հոդված 8. Հաղթանակի և խաղաղության տոն` նշվում է մայիսի 9-ին, ոչ աշխատանքային օր:

Հոդված 8.1. Ընտանիքի օր` նշվում է մայիսի 15-ին:

 (8.1-րդ հոդվածը լրաց. 11.05.11 ՀՕ-142-Ն օրենք)

Հոդված 8.2. ՈՒսանողների և երիտասարդների օր` նշվում է մայիսի 16-ին:

(8.2-րդ հոդ. լրաց. 21.12.15 ՀՕ-187-Ն օրենք)

Հոդված 9. Հանրապետության տոն` նշվում է մայիսի 28-ին, ոչ աշխատանքային օր:

Հոդված 10. Երեխաների իրավունքների պաշտպանության օր` նշվում է հունիսի 1-ին:

Հոդված 10.1. Բռնադատվածների հիշատակի օր` նշվում է հունիսի 14-ին:

 (10.1-րդ հոդվածը լրաց. 31.05.06 ՀՕ-100-Ն օրենք)

Հոդված 11. Սահմանադրության օր` նշվում է հուլիսի 5-ին, ոչ աշխատանքային օր: Նույն օրը նշվում է նաև որպես պետական խորհրդանիշների օր:

(11-րդ հոդ. փոփ. 01.03.17 ՀՕ-67-Ն օրենք)                   

Հոդված 12. Գիտելիքի և դպրության օր` նշվում է սեպտեմբերի 1-ին:

 (12-րդ հոդվածը փոփ. 11.04.05 ՀՕ-80-Ն օրենք)

Հոդված 13. Անկախության տոն` նշվում է սեպտեմբերի 21-ին, ոչ աշխատանքային օր:

Հոդված 13.1. ՈՒսուցչի օր` նշվում է հոկտեմբերի 5-ին:

 (13.1-րդ հոդվածը լրաց. 05.10.10 ՀՕ-134-Ն օրենք)                      

Հոդված 14. Թարգմանչաց տոն` նշվում է հոկտեմբերի երկրորդ շաբաթ օրը:

Հոդված 14.1. Տեղական ինքնակառավարման օր` նշվում է նոյեմբերի 10-ին:

 (14.1-րդ հոդվածը լրաց. 14.04.11 ՀՕ-127-Ն օրենք)

Հոդված 15. Երկրաշարժի զոհերի հիշատակի օր` նշվում է դեկտեմբերի 7-ին:

Հոդված 15.1. Ցեղասպանությունների դատապարտման և կանխարգելման օր` նշվում է դեկտեմբերի 9-ին:

 (15.1-րդ հոդվածը լրաց. 07.04.15 ՀՕ-15-Ն օրենք)

Հոդված 16. Սուրբ Վարդանանց տոն` բարի գործի և ազգային տուրքի օր` նշվում է Սուրբ Զատիկից 8 շաբաթ առաջ` հինգշաբթի օրը:

Հոդված 17. Սուրբ Էջմիածնի տոն` նշվում է Սուրբ Զատիկից 64 օր հետո` կիրակի օրը:

 (17-րդ հոդ. լրաց. 26.09.01 ՀՕ-228 օրենք)

Հոդված 18. Հայաստանի Հանրապետությունում կարող են նշվել նաև ավանդական և եկեղեցական տոներ, միջազգային օրեր, իսկ կառավարության որոշմամբ` մասնագիտական և այլ տոներ ու հիշատակի օրեր:

 (18-րդ հոդ. (նախկին 17-րդ հոդված) փոփ. 26.09.01 ՀՕ-228, 10.06.09 ՀՕ-148-Ն օրենքներ )

Հոդված 19. Հայաստանի Հանրապետության տոների և հիշատակի օրերի հետ կապված, ինչպես նաև բացառիկ նշանակության իրադարձությունների կապակցությամբ` կառավարությունը կարող է աշխատանքային օրերը տեղափոխել:

 (19-րդ հոդ. (նախկին 18-րդ հոդված) փոփ. 26.09.01 ՀՕ-228, 05.10.18 ՀՕ-394-Ն օրենքներ)

Հոդված 20. Ազգային փոքրամասնություններին պատկանող` Հայաստանի Հանրապետության քաղաքացիները կարող են նշել իրենց ազգային տոները և հիշատակի օրերը, եթե դրանք չեն հակասում Հայաստանի Հանրապետության օրենսդրությանը:

 (20-րդ հոդ. (նախկին 19-րդ հոդված) փոփ. 26.09.01 ՀՕ-228 օրենք)

Հոդված 21. Սույն օրենքն ուժի մեջ մտնելու պահից ուժը կորցրած ճանաչել 1996 թվականի մարտի 16-ի` «Հայաստանի Հանրապետության տոների և հիշատակի օրերի մասին» Հայաստանի Հանրապետության օրենքը` հետագա փոփոխություններով և լրացումներով հանդերձ:

 (21-րդ հոդ. (նախկին 20-րդ հոդված) փոփ. 26.09.01 ՀՕ-228 օրենք)

Հոդված 22. Սույն օրենքն ուժի մեջ է մտնում պաշտոնական հրապարակման պահից:

 (22-րդ հոդ. (նախկին 21-րդ հոդված) փոփ. 26.09.01 ՀՕ-228 օրենք)