040.0165.210202
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«21» փետրվարի 2002 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
21 փետրվարի 2002 թվականի N 165
«ԴԻԼԻՋԱՆ» ԱԶԳԱՅԻՆ ՊԱՐԿ ԿԱԶՄԱԿԵՐՊԵԼՈՒ ՄԱՍԻՆ
i
Ելնելով «Դիլիջան» պետական արգելոցի տարածքի բնական ռեսուրսների, կենսաբազմազանության, բնության, պատմության և մշակույթի հուշարձանների պահպանության, օգտագործման ու վերարտադրության բարելավման, ինչպես նաև տարածաշրջանում ռեկրեացիոն գործունեության համալիր և արդյունավետ կազմակերպման անհրաժեշտությունից` Հայաստանի Հանրապետության կառավարությունը որոշում է.
1. Հայկական ՍՍՌ Մինիստրների սովետի 1958 թվականի սեպտեմբերի 13-ի «Հայկական ՍՍՌ բնության պահպանության մասին» օրենքի կիրառման մասին» N Պ-341 որոշմամբ կազմակերպված «Դիլիջան» պետական արգելոցի և դրան հարակից տարածքներում կազմակերպել «Դիլիջան» ազգային պարկ:
2. Հայաստանի Հանրապետության բնապահպանության նախարարության ենթակայության «Դիլիջան» պետական արգելոց» բյուջետային հիմնարկը վերակազմավորել «Դիլիջան» ազգային պարկ» պետական ոչ առևտրային կազմակերպության:
3. Հայաստանի Հանրապետության բնապահպանության նախարարությանը`
ա) 1-ամսյա ժամկետում` սահմանված կարգով Հայաստանի Հանրապետության կառավարություն ներկայացնել «Դիլիջան» ազգային պարկի և «Դիլիջան» ազգային պարկ» պետական ոչ առևտրային կազմակերպության կանոնադրությունները.
բ) 6-ամսյա ժամկետում ապահովել «Դիլիջան» ազգային պարկի, դրա գործառնական և պահպանական գոտիների տարածքների ու դրանց սահմանների քարտեզագրման աշխատանքների կատարումը:
4. Սույն որոշումն ուժի մեջ է մտնում 2002 թվականի փետրվարի 21-ից: