(ուժը կորցրել է 19.11.2019 թիվ 1714-Ն որոշում)
i
030.1114.170602
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱԳԱՀԻ
ՀՐԱՄԱՆԱԳԻՐԸ
i
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆՆ ԱՌԸՆԹԵՐ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՈՍՏԻԿԱՆՈՒԹՅԱՆ ԶՈՐՔԵՐԻ ԴՐՈՇԻ ՄԱՍԻՆ
Հայաստանի Հանրապետության կառավարությանն առընթեր Հայաստանի Հանրապետության ոստիկանության զորքերի (այսուհետ` Հայաստանի Հանրապետության ոստիկանության զորքեր) ավանդույթների զարգացման, ինչպես նաև ծառայողական պարտքի կատարման հանդեպ ոստիկանության զորքերի զինծառայողների պատասխանատվությունն ավելի բարձրացնելու նպատակով` որոշում եմ.
1. Հիմնել Հայաստանի Հանրապետության ոստիկանության զորքեր դրոշ:
2. Հաստատել Հայաստանի Հանրապետության ոստիկանության զորքեր դրոշի մասին կանոնադրությունը և դրոշի նկարագրությունը (կցվում են):
3. Սույն հրամանագիրն ուժի մեջ է մտնում պաշտոնական հրապարակման պահից:
(հրամանագիրը փոփ. 18.05.05 ՆՀ-88 հրամանագիր)
17 հունիսի 2002 թ.
ՆՀ-1114-Ն
Հաստատված է
Հայաստանի Հանրապետության
Նախագահի 2002 թվականի
հունիսի 17-ի ՆՀ-1114-Ն
հրամանագրով
ԿԱՆՈՆԱԴՐՈՒԹՅՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՈՍՏԻԿԱՆՈՒԹՅԱՆ ԶՈՐՔԵՐԻ ԴՐՈՇԻ ՄԱՍԻՆ
1. Հայաստանի Հանրապետության ոստիկանության զորքերի դրոշը (այսուհետ` դրոշ) պատվի, փառքի և արիության խորհրդանիշ է: Դրոշը ոստիկանության զորքերի յուրաքանչյուր զինծառայողի սրբազան պարտքի հիշեցումն է` Հայրենիքին անձնուրաց ծառայելու, հասարակական կարգը պահպանելու և հասարակական անվտանգությունն ապահովելու մասին:
2. Դրոշը Հայաստանի Հանրապետության ոստիկանության զորքերն հանձնում է Հայաստանի Հանրապետության Նախագահը կամ նրա կողմից լիազորված անձը:
3. Դրոշի հետ հանձնվում է նաև Հայաստանի Հանրապետության Նախագահի ստորագրությամբ վկայագիր:
4. Դրոշը մշտապես պահվում է Հայաստանի Հանրապետության ոստիկանության զորքերում:
5. Դրոշի պահման, պահպանման և օգտագործման կարգը սահմանում է Հայաստանի Հանրապետության նոստիկանության զորքերի հրամանատարը:
6. Հայաստանի Հանրապետության ոստիկանության զորքերի յուրաքանչյուր զինծառայող պարտավոր է պահպանել և պաշտպանել դրոշը:
(կանոնադրությունը փոփ. 18.05.05 ՆՀ-88 հրամանագիր)
Հաստատված է
Հայաստանի Հանրապետության
Նախագահի 2002 թվականի
հունիսի 17-ի ՆՀ-1114-Ն
հրամանագրով
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՈՍՏԻԿԱՆՈՒԹՅԱՆ ԶՈՐՔԵՐԻ ԴՐՈՇԻ ՆԿԱՐԱԳՐՈՒԹՅՈՒՆԸ
Հայաստանի Հանրապետության ոստիկանության զորքերի դրոշը բաղկացած է երկդեմ պաստառից և ծոպափնջերով քուղերից:
Դրոշի պաստառն ուղղանկյունաձև է, երկարությունը 1450 մմ է, լայնությունը` 1150 մմ:
Կարված է երկտակ մետաքսե մուգ բալերանգ (գույնի համակարգչային հարաբերությունն է` M=100%, Y=20%, K=50%) կտորից` երեք կողմից երիզված ոսկեգույն ծոպերով: Պաստառի երեսի կողմի կենտրոնական մասում` 650 մմ բարձրության վրա ոսկեգույն մետաքսաթելով ասեղնագործված են «ոստիկանության զորքեր» բառերը, տառերի բարձրությունը 70 մմ է, լայնությունը` 50 մմ:
Պաստառի հակառակ կողմում` 500 մմ բարձրության և 710 մմ լայնության վրա պատկերված է Հայաստանի Հանրապետության զինանշանը` 300x300 մմ չափերով: Զինանշանի վերին մասում ոսկեգույն մետաքսաթելով կամարաձև ասեղնագործված են «Հանուն Հայրենիքի» բառերը, տառերի բարձրությունը 60 մմ է, լայնությունը` 40 մմ:
(նկարագրությունը փոփ. 18.05.05 ՆՀ-88 հրամանագիր)