(ուժը կորցրել է 11.01.00 թիվ 4 որոշում)
i
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱՐԱՐՆԵՐԻ ԽՈՐՀՈՒՐԴ
ՈՐՈՇՈՒՄ
18 հունվարի 1991 թ. թիվ 36
i
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅԱՆ ԻՐԱՎԱԲԱՆԱԿԱՆ ԿԱԴՐԵՐԻ ՈՐԱԿԱՎՈՐՄԱՆ ԲԱՐՁՐԱՑՄԱՆ ԻՆՍՏԻՏՈՒՏԻ ԿԱՌՈՒՑՎԱԾՔՈՒՄ ԳԻՏԱՀԵՏԱԶՈՏԱԿԱՆ ՍՏՈՐԱԲԱԺԱՆՈՒՄ ՍՏԵՂԾԵԼՈՒ ՄԱՍԻՆ
Հայաստանի Հանրապետության նախարարների խորհուրդը որոշում է.
Ընդունել Հայաստանի Հանրապետության արդարադատության նախարարության առաջարկությունը` համաձայնեցված Հայաստանի Հանրապետության էկոնոմիկայի պետական կոմիտեի ու Հայաստանի Հանրապետության ֆինանսների նախարարության հետ, և թույլատրել նրան իրավաբանական կադրերի որակավորման բարձրացման ինստիտուտի կառուցվածքում ստեղծելու գիտահետազոտական ստորաբաժանում:
Այս կապակցությամբ հանձնարարել Հայաստանի Հանրապետության էկոնոմիկայի պետական կոմիտեին, Հայաստանի Հանրապետության ֆինանսների նախարարությունը և Հայաստանի Հանրապետության արդարադատության նախարարությանը` Հայաստանի Հանրապետության բարձրագույն կրթության և գիտության պետական կոմիտեի և գիտությունների ակադեմիայի հետ համատեղ քննության առնել և համապատասխան ճշտումներ մտցնել Հայաստանի Հանրապետության գիտությունների ակադեմիայի փիլիսոփայության և իրավունքի և Հայաստանի Հանրապետության արդարադատության նախարարության իրավաբանական կադրերի որակավորման բարձրացման ինստիտուտների 1991 թվականի գիտահետազոտական աշխատանքների ծավալում: