Սեղմել Esc փակելու համար:
«ԱԶԳԱՅԻՆ ԺՈՂՈՎԻ ԿԱՆՈՆԱԿԱՐԳ» ՀՀ ՕՐԵՆՔՈ...
Քարտային տվյալներ

Տեսակ
Գործում է
Ընդունող մարմին
Ընդունման ամսաթիվ
Համար

Ստորագրման ամսաթիվ
ՈՒժի մեջ մտնելու ամսաթիվ
ՈՒժը կորցնելու ամսաթիվ
Ընդունման վայր
Սկզբնաղբյուր

Ժամանակագրական տարբերակ Փոփոխություն կատարող ակտ

Որոնում:
Բովանդակություն

Հղում իրավական ակտի ընտրված դրույթին X
irtek_logo

«ԱԶԳԱՅԻՆ ԺՈՂՈՎԻ ԿԱՆՈՆԱԿԱՐԳ» ՀՀ ՕՐԵՆՔՈՒՄ ՓՈՓՈԽՈՒԹՅՈ ...

 

 

010.0404.300702

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՕՐԵՆՔԸ

 

Ընդունված է 2002 թվականի հուլիսի 3-ին

 

«ԱԶԳԱՅԻՆ ԺՈՂՈՎԻ ԿԱՆՈՆԱԿԱՐԳ» ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՕՐԵՆՔՈՒՄ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

 

ՀՈԴՎԱԾ 1. «Ազգային ժողովի կանոնակարգ» Հայաստանի Հանրապետության օրենքի (21 մարտի, 2002 թվական, ՀՕ-308, այսուհետ` օրենք) 18-րդ հոդվածի 1-ին կետի «ժդ» ենթակետը շարադրել հետևյալ խմբագրությամբ նոր` «ժդ» և «ժդ.1» ենթակետերով.

«ժդ) ապահովում է Ազգային ժողովի բնականոն գործունեությունը, ըստ անհրաժեշտության հրավիրում է քաղաքական կոնսուլտացիաներ.

ժդ.1) տնօրինում է Ազգային ժողովի նյութական ու ֆինանսական միջոցները.»:

 

ՀՈԴՎԱԾ 2. Օրենքի 22-րդ հոդվածի 4-րդ կետը շարադրել հետևյալ խմբագրությամբ.

«4. Ժամանակավոր հանձնաժողովի ներկայացրած եզրակացության, տեղեկանքի հիման վրա պատգամավորը կարող է Ազգային ժողովի նիստում ժամանակավոր հանձնաժողովի` իր գործունեության մասին զեկուցումից հետո` երկօրյա ժամկետում, սույն օրենքով սահմանված կարգով, ներկայացնել Ազգային ժողովի որոշման նախագիծ: Գլխադասային հանձնաժողովի եզրակացությամբ` Ազգային ժողովի որոշման նախագիծն ընդգրկվում է հերթական նստաշրջանի օրակարգում լրացումներ կատարելու մասին նախագծում և առաջիկա եռօրյա նիստերի օրակարգի նախագծում:»:

 

i

ՀՈԴՎԱԾ 3. Օրենքի 45-րդ հոդվածի`

1) 2-րդ կետի «վիրավորական արտահայտություններ են անում» բառերից հետո լրացնել «, չեն կատարում Ազգային ժողովի նիստը վարողի` սույն օրենքից բխող պահանջները» բառերը.

2) 3-րդ կետը շարադրել հետևյալ խմբագրությամբ.

«3. Կարգազանց պատգամավորի նկատմամբ նիստը վարողը ձեռնարկում է հետևյալ կարգապահական միջոցները`

ա) զգուշացում` անունը, ազգանունը հրապարակելով.

բ) խոսափողի անջատում.

գ) մեկ նիստում խոսափողից հանդես գալու իրավունքից զրկում.

դ) հեռացում` մինչև տվյալ օրվա ավարտը կայանալիք նիստերից` դահլիճում ներկա լինելուց.

ե) զրկում` մինչև 6 օր Ազգային ժողովի նստավայր (Բաղրամյան 19) մտնելու իրավունքից, բացառությամբ այն օրերի, երբ նիստեր չեն գումարվում:

Սույն կետի առաջին մասում սահմանված կարգապահական միջոցները, որպես կանոն, նիստը վարողը կիրառում է մեղմից դեպի խիստը:

Սույն կետի առաջին մասի «ե» ենթակետով սահմանված կարգապահական միջոցը կարող է կիրառվել, եթե պատգամավորի նկատմամբ կիրառվել է սույն կետի առաջին մասի «դ» ենթակետով սահմանված կարգապահական միջոցը, և պատգամավորն ինքնակամ դա չի կատարել:

Պատգամավորի կողմից սույն կետի առաջին մասի «ե» ենթակետով սահմանված կարգապահական միջոցին չենթարկվելու դեպքում նիստը վարողը հանձնարարում է Ազգային ժողովի անվտանգությունն ապահովող մարմիններին իրականացնել այն:»:

 

i

ՀՈԴՎԱԾ 4. Օրենքի 94-րդ հոդվածի 4-րդ կետը շարադրել հետևյալ խմբագրությամբ.

«4. Հանրապետության Նախագահի հրաժարականն ընդունվում է Ազգային ժողովի կողմից` պատգամավորների ընդհանուր թվի ձայների մեծամասնությամբ:»:

 

i

ՀՈԴՎԱԾ 5. Օրենքի 94-րդ հոդվածի 3-րդ կետի և 95-րդ հոդվածի 1-ին կետի «պետական-իրավական հարցերի մշտական հանձնաժողովի» բառերը փոխարինել «գլխադասային հանձնաժողովի» բառերով:

 

i

ՀՈԴՎԱԾ 6. Օրենքի 95-րդ հոդվածի`

1) 2-րդ կետից հանել «գաղտնի քվեարկությամբ,» բառերը.

2) 3-րդ կետը շարադրել հետևյալ խմբագրությամբ.

«3. Սահմանադրական դատարանի եզրակացության հիման վրա Ազգային ժողովը սույն օրենքի 55-րդ հոդվածով սահմանված կարգով քննարկում է Հանրապետության Նախագահին պաշտոնանկ անելու մասին որոշման նախագիծը, որն ընդունվում է գաղտնի քվեարկությամբ` պատգամավորների ընդհանուր թվի ձայների առնվազն երկու երրորդով:»:

 

i

ՀՈԴՎԱԾ 7. Օրենքի 96-րդ հոդվածի 2-րդ կետից և 107-րդ հոդվածի 5-րդ կետից հանել «գաղտնի քվեարկությամբ`» բառերը:

 

i

ՀՈԴՎԱԾ 8. Օրենքի 105-րդ հոդվածի 6-րդ կետի վերջին նախադասությունը լրացնել հետևյալ նախադասությամբ.

«, որին վարչապետը կամ Կառավարության անդամը կարող է արձագանքել մինչև երկու րոպե տևողությամբ պատասխանով»:

 

i

ՀՈԴՎԱԾ 9. Օրենքի 109-րդ հոդվածի 5-րդ կետի «4-րդ» բառը փոխարինել «2-րդ» բառով:

 

ՀՈԴՎԱԾ 10. Սույն օրենքն ուժի մեջ է մտնում պաշտոնական հրապարակման հաջորդ օրվանից:

 

30 հուլիսի 2002 թ.

ՀՕ-404-Ն

 

 

pin
ՀՀ 03.07.2002
N ՀՕ-404-Ն օրենք