040.1858.051202
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«5» դեկտեմբերի 2002 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
21 նոյեմբերի 2002 թվականի N 1858-Ն
i
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՀԱՐԿԱՅԻՆ ՊԵՏԱԿԱՆ ԾԱՌԱՅՈՒԹՅԱՆ ՏԱՐԲԵՐԱՆՇԱՆԸ ՀԱՍՏԱՏԵԼՈՒ ՄԱՍԻՆ
«Հարկային ծառայության մասին» Հայաստանի Հանրապետության օրենքի 38-րդ հոդվածի 1-ին կետին համապատասխան` Հայաստանի Հանրապետության կառավարությունը որոշում է.
1. Հաստատել Հայաստանի Հանրապետության հարկային պետական ծառայության տարբերանշանի նկարագիրը և ձևը` համաձայն հավելվածի:
2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2002 ԹՎԱԿԱՆԻ ԴԵԿՏԵՄԲԵՐԻ 2-ԻՆ
Հավելված
Հայաստանի Հանրապետության
կառավարության 2002 թվականի
նոյեմբերի 21-ի N 1858-Ն որոշման
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՀԱՐԿԱՅԻՆ ՊԵՏԱԿԱՆ ԾԱՌԱՅՈՒԹՅԱՆ ՏԱՐԲԵՐԱՆՇԱՆԻ ՆԿԱՐԱԳԻՐՆ ՈՒ ՁԵՎԸ
1. Հայաստանի Հանրապետության հարկային պետական ծառայության տարբերանշանի նկարագիրը`
Հայաստանի Հանրապետության հարկային պետական ծառայության տարբերանշանը դեղին գույնի վահան է` կապույտ եզրաշերտով: Կապույտ եզրաշերտի վրա սպիտակ գույնով գրված է` «ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ ՀԱՐԿԱՅԻՆ ՊԵՏԱԿԱՆ ԾԱՌԱՅՈՒԹՅՈՒՆ»: Վահանի կենտրոնում կապույտ գույնով պատկերված են Հայաստանի Հանրապետության հարկային պետական ծառայությունը խորհրդանշող բանալին և կշեռքը, որոնք շրջապատված են արևի կարմիր ճառագայթներով: Արևի ճառագայթների ստորին մասն ուրվագծում է Արարատ լեռը:
Վահանի ստորին մասը եզրափակում է Հայաստանի Հանրապետության դրոշը:
Տարբերանշանի բարձրությունը կազմում է լայնության 1.14-րդ մասը:
2. Հայաստանի Հանրապետության հարկային պետական ծառայության տարբերանշանի ձևը`
-----------------------------------
ԻՐՏԵԿ - տարբերանշանի ձևը չի բերվում