(ուժը կորցրել է 25.07.14 թիվ 473-Ն հրաման)
i
329.0077.121102
ԳՐԱՆՑՎԱԾ Է
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԱՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅԱՆ ԿՈՂՄԻՑ
«12» 11 2002 Թ.
ՊԵՏԱԿԱՆ ԳՐԱՆՑՄԱՆ ԹԻՎ 32902283
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆՆ ԱՌԸՆԹԵՐ ՄԱՔՍԱՅԻՆ ՊԵՏԱԿԱՆ ԿՈՄԻՏԵ ՀՐԱՄԱՆ
28 հոկտեմբերի 2002 թվականի N 02/77-Ն
ՄԱՔՍԱՅԻՆ ԾԱՌԱՅՈՂԻ ԱՆՁՆԱԿԱՆ ԳՈՐԾԻ ՎԱՐՄԱՆ ԿԱՐԳԸ ՀԱՍՏԱՏԵԼՈՒ ՄԱՍԻՆ
i
«Մաքսային ծառայության մասին» Հայաստանի Հանրապետության օրենքի 34-րդ հոդվածի 2-րդ մասի համապատասխան
ՀՐԱՄԱՅՈՒՄ ԵՄ
1. Հաստատել մաքսային ծառայողի անձնական գործի վարման կարգը` համաձայն հավելվածի:
2. Աշխատակազմի ղեկավար Ա. Աֆրիկյանին` ապահովել սույն հրամանի կատարման ընթացքի նկատմամբ հսկողությունը:
Հավելված
Հայաստանի Հանրապետության
կառավարությանն առընթեր
մաքսային պետական կոմիտեի
նախագահի 2002 թվականի
հոկտեմբերի 28-ի
N 02/77-Ն հրամանի
ԿԱՐԳ
ՄԱՔՍԱՅԻՆ ԾԱՌԱՅՈՂԻ ԱՆՁՆԱԿԱՆ ԳՈՐԾԻ ՎԱՐՄԱՆ
1. Սույն կարգով սահմանվում է Հայաստանի Հանրապետության մաքսային ծառայողի անձնական գործերը վարելու կարգը:
2. Մաքսային ծառայողի անձնական գործը (այսուհետ` անձնական գործ) նրա ծառայողական գործունեության մասին ամփոփ տեղեկություններ պարունակող փաստաթղթերի և նյութերի ամբողջությունն է:
3. Անձնական գործը վարում է Հայաստանի Հանրապետության կառավարությանն առընթեր մաքսային պետական կոմիտեի կադրերի բաժինը (այսուհետ` կադրերի բաժին):
4. Մաքսային ծառայողի համար վարվում է մեկ անձնական գործ:
5. Անձնական գործի վարումը սկսվում է մաքսային ծառայողի մաքսային ծառայության պաշտոնում առաջին անգամ նշանակվելու մասին վերադաս մաքսային մարմնի ղեկավարի հրամանի տրման օրվանից:
6. Անձնական գործում ընդգրկվում են հետևյալ փաստաթղթերը.
ա/ անձնական դիմումը.
բ/ աշխատանքային պայմանագիրը.
գ/ մաքսային ծառայության թափուր պաշտոն զբաղեցնելու համար անցկացված մրցույթի արդյունքում հաղթող ճանաչվելու մասին մաքսային ծառայության մրցութային և ատեստավորման հանձնաժողովի եզրակացությունը.
դ/ անձնական թերթիկը / Ձև N 1/, որը լրացվում է մաքսային ծառայողի կողմից անձամբ, բոլոր հարցերի վերաբերյալ սպառիչ պատասխաններով, առանց ջնջումների, անձնական փաստաթղթերի ստույգ բովանդակությամբ, անձնագրի, աշխատանքային և զինվորական գրքույկների, կրթությունը հաստատող փաստաթղթերի, գիտական աստիճան և գիտական կոչում շնորհելու մասին փաստաթղթերի տվյալներին համապատասխան:
Անձնական թերթիկում նշված տվյալների փոփոխության դեպքում լրացվում է նոր անձնական թերթիկ, ինչի մասին կադրերի բաժինը տեղյակ է պահում վերադաս մաքսային մարմնի ղեկավարին.
ե/ 2 լուսանկար 3x4 սմ չափի.
զ/ ինքնակենսագրություն, որը մաքսային ծառայողի կյանքի հիմնական փուլերի ժամանակագրական կարգով համառոտ նկարագրությունն է: Ինքնակենսագրությունը գրվում է անձամբ, շարադրվում է ազատ ոճով, ձեռագիր, առանց ջնջումների: Այն առնվազն բովանդակում է մաքսային ծառայողի ազգանունը, անունը, հայրանունը, ծննդյան տարին, ամիսը, ամսաթիվը, քաղաքացիությունը, կրթությունը /որտեղ, երբ և որ ուսումնական հաստատությունն է ավարտել/, աշխատանքային գործունեության սկիզբը, մի աշխատանքից մյուսին անցնելը, զինվորական ծառայության մասին տեղեկություններ, ընտանեկան դրությունը /ծնողներ, ամուսին (կին), երեխաներ/, ինքնակենսագրությունը գրելու տարին, ամիսը, ամսաթիվը և մաքսային ծառայողի ստորագրությունը.
է/ կրթությունը հաստատող փաստաթղթերի պատճենները.
ը/ մաքսային ծառայության համապատասխան պաշտոնի նշանակման մասին իրավական ակտի քաղվածքը.
թ/ մաքսային ծառայողի կողմից ստորագրված երդման տեքստը.
ժ/ փորձաշրջան անցնելու մասին իրավական ակտի պատճենը.
ժա/ մաքսային ծառայողի հատուկ կոչում շնորհելու մասին համապատասխան իրավական ակտի պատճենը.
ժբ/ ՀՀ օրենսդրությամբ սահմանված դեպքերում և կարգով տրված գույքի և եկամուտների հայտարարագրի պատճենը կամ տեղեկանք հայտարարագիրը ներկայացրած լինելու վերաբերյալ.
ժգ/ աշխատանքային գրքույկը.
ժդ/ գիտական աստիճան և գիտական կոչում շնորհելու մասին փաստաթղթերի պատճենները.
ժե/ մաքսային ծառայողի ատեստավորում անցնելու մասին ատեստավորման թերթիկի և մաքսային ծառայության մրցութային և ատեստավորման հանձնաժողովի որոշման պատճենները.
ժզ/ մաքսային ծառայողի վերապատրաստման մասին փաստաթղթի պատճենը.
ժէ/ մաքսային ծառայողի պաշտոնի նշանակվելու, մաքսային ծառայողի պաշտոնից ազատվելու, պարտադիր գործուղման, մաքսային ծառայության կադրերի ռեզերվում գրանցելու և ռեզերվից հանելու մասին իրավական ակտերի պատճենները.
ժը/ պետական պարգևներով պարգևատրվելու, պատվավոր և հատուկ կոչումներ, դասային կոչումներ կամ աստիճաններ, ինչպես նաև պետական մրցանակներ շնորհելու մասին համապատասխան իրավական ակտի պատճենները.
ժթ/ պետական, ծառայողական կամ օրենքով պահպանվող այլ գաղտնիքի հետ առնչվելու թույլտվության ձևակերպման հետ կապված փաստաթղթերը.
ի/ անմիջական ղեկավարի կողմից տրված ծառայողական բնութագրերը.
իա/ խրախուսանք կիրառելու մասին իրավական ակտի պատճենը, ինչպես նաև կարգապահական տույժ կիրառելու մասին իրավական ակտի պատճենը մինչև կարգապահական տույժի ժամկետը լրանալը կամ կարգապահական տույժը հանելը.
իբ/ մաքսային ծառայողի կողմից իր անձնական գործի բոլոր նյութերին, իր գործունեության գնահատականներին և այլ փաստաթղթերի ծանոթանալու մասին վկայող փաստաթուղթը.
իգ/ օրենքով նախատեսված այլ փաստաթղթեր.
իդ/ տեղեկանք առողջական վիճակի մասին:
7. Անձնական գործի բոլոր փաստաթղթերը պահվում են ժամանակագրական կարգով, որին կցվում է անձնական գործում ընդգրկված փաստաթղթերի ցանկը:
8. Կադրերի բաժինը պարտավոր է ստուգել անձնական գործը ձևավորելու համար ներկայացված փաստաթղթերի լրիվությունը, համապատասխանությունը լրացվածի հետ և ստուգման արդյունքների մասին կատարել հետևյալ գրառումը «Անձնական գործը ստուգված է /ստորագրություն, տարի, ամիս, ամսաթիվ/»:
9. Անձնական գործը ձևակերպվում է մաքսային ծառայողի առաջին անգամ մաքսային ծառայության պաշտոնում նշանակվելու պահից հնգօրյա ժամկետում:
10. Մաքսային ծառայության պաշտոնում նշանակված մաքսային ծառայողի համար պահվում է անձնական գործի հատուկ թղթապանակ, որտեղ զետեղվում են վերը նշված բոլոր փաստաթղթերը: Հերթական գրանցում է կատարվում նաև կադրերի բաժնում վարվող անձնական գործերի հաշվառման մատյանում:
11. Անձնական գործերը կադրերի բաժնում պահվում են որպես հաշվառման փաստաթղթեր:
Աշխատանքային գրքույկը պահվում է անձնական գործի շապիկի վերջին էջին ամրացված ծրարի մեջ:
12. Անձնական գործում փոփոխություններ կարող են կատարվել, եթե առկա են դրանք հաստատող փաստաթղթերը:
Կադրերի բաժինը ստուգում է բոլոր փաստաթղթերի իսկությունը, կատարված փոփոխությունների ճշտությունը` կատարելով սույն կարգի 8-րդ կետով նախատեսված գրառումը:
13. Մաքսային ծառայության պաշտոնից ազատված մաքսային ծառայողի անձնական գործը /բացառությամբ աշխատանքային գրքույկի/ առնվազն 5 տարի պահպանվում է կադրային ստորաբաժանումում, որից հետո ՀՀ օրենսդրությամբ սահմանված կարգով հանձնվում է արխիվ:
14. Կադրերի բաժինը`
ա/ վարում է անձնական գործ.
բ/ անձնական գործին կցում է սույն կարգի 6-րդ կետում նշված փաստաթղթերը.
գ/ ապահովում է անձնական գործի պահպանությունը և դրանում պարունակվող տեղեկությունների գաղտնիությունը.
դ/ առնվազն տարին մեկ անգամ, ինչպես նաև մաքսային ծառայողի խնդրանքով, ծանոթացնում նրան իր անձնական գործին.
ե/ մաքսային ծառայողի առաջին իսկ պահանջի դեպքում իր անձնական գործին ծանոթանալու համար նրան տրամադրում անձնական գործի բոլոր փաստաթղթերն ու նյութերը, որոնց վերջինս ծանոթանում է այն վայրում, որտեղ պահվում է անձնական գործը.
զ/ անցկացնում է անձնական գործի առկա վիճակի ամենամյա ստուգում, անձնական գործի ձևակերպման և վարման որևէ թերության հայտնաբերման դեպքում կազմում է համապատասխան ակտ և այդ մասին տեղյակ է պահում վերադաս մաքսային մարմնի ղեկավարին.
է/ ՀՀ օրենսդրությանը համապատասխան հրապարակման համար` անձնական գործում պարունակող տեղեկություններ տրամադրելու մասին, տեղյակ է պահում մաքսային ծառայողին:
15. Արգելվում է անձնական գործը վարելիս որևէ ուղղում կամ լրացում կատարել, նախօրոք ներկայացված փաստաթղթերում նոր գրառումներ անել, որևէ փաստաթուղթ հանել, տարածել գործում եղած տեղեկատվությունը, բացառությամբ սույն կարգով նախատեսված դեպքերի:
16. Անձնական գործի պահպանության համար օգտագործում են չհրկիզվող կամ գրասենյակային պահարաններ, որտեղ գործերը դասավորվում են ըստ վերադաս մաքսային մարմնի ստորաբաժանումների:
17. Անձնական գործն ունի ներքին վերգիր, որը ներառում է գործում եղած փաստաթղթերի հաջորդական համարակալումը, փաստաթղթերի անվանումը, թերթերի քանակը, անձնական գործը վարելու և անձնական գործի վարումը դադարեցնելու ժամկետը, դադարեցման պատճառները, ինչպես նաև անձնական գործի վարման վերսկսման ժամկետը:
18. Յուրաքանչյուր տարի ներքին վերգիրը լրացվում է ամփոփ գրառումով, որտեղ նիշերով և բառերով գրվում է գործում եղած փաստաթղթերի անվանումը, թերթերի քանակը, ինչպես նաև գործում եղած և գործից հանված փաստաթղթերի մասին տեղեկություն:
19. Անձնական գործի էջերի համարակալման ժամանակ ներքին վերգիրը համարակալվում է առանձին, որը ստորագրում է այն կազմող կադրային ստորաբաժանման աշխատողը, նշելով պաշտոնը, ստորագրության վերծանումը, կազմման տարին, ամիսը, ամսաթիվը:
20. Ներքին վերգիրը կազմվում է առանձին էջի վրա, ըստ օրինակելի ձևի /Ձև N 2/:
Ձև N 1
ԱՆՁՆԱԿԱՆ ԹԵՐԹԻԿ
.__________.
1. Ազգանունը ------------------- |լուսանկարի|
Անունը ---------------------- | տեղը |
Հայրանունը -------------------- | |
2. Սեռը ----------------------- .__________.
3. Ծննդյան ամսաթիվը, ամիսը, տարին ---------------------
4. Ծննդյան վայրը ------------------------------
/գյուղ, քաղաք, մարզ/
5. Քաղաքացիությունը ----------------------------
6. Կրթությունը --------------------------------
._______________________________________________________________________.
|Ուսումնական |Ֆակուլտետը |Ընդունվելու|Ավարտելու|Մասնագի- |Ինչ |
|հաստատության|կամ |տարին |կամ |տությունը|որակավորում |
|անվանումը |բաժանմունքը| |հեռանալու| |է ստացել |
|և վայրը | | |տարին | |ուսումնական |
| | | | | |հաստատությունն|
| | | | | |ավարտելով |
| | | | | |/դիպլոմի կամ |
| | | | | |վկայականի |
| | | | | |համարը/ |
|____________|___________|___________|_________|_________|______________|
|____________|___________|___________|_________|_________|______________|
|____________|___________|___________|_________|_________|______________|
|____________|___________|___________|_________|_________|______________|
._______________________________________________________________________.
7. Ինչ օտար լեզուների եք տիրապետում --------------------------------
------------------------------------------------------------------------
/կարդում և թարգմանում եք բառարանով, կարդում և կարող եք բացատրվել, տիրապետում եք ազատ/
8. Գիտական աստիճանը, գիտական կոչումը ------------------
9. Ինչպիսի գիտական աշխատություններ և գյուտեր ունեք -----------------
------------------------------------------------------------------------
------------------------------------------------------------------------
------------------------------------------------------------------------
10. Կատարած աշխատանքը աշխատանքային գործունեության սկզբից /ներառյալ ուսումը բարձրագույն և միջնակարգ մասնագիտական ուսումնական հաստատություններում, զինվորական ծառայությունն ու աշխատանքը համատեղությամբ/
Այս կետը լրացնելիս պետական մարմինների, հիմնարկների և կազմակերպությունների անվանումները և գտնվելու վայրերը անհրաժեշտ է գրել այնպես, ինչպես նրանք կոչվել են տվյալ ժամանակ:
.___________________________________________________________________.
|Տարին և ամիսը |Պաշտոնը ցույց տալով|Պետական մարմնի, հիմնարկի,|
|_____________________|պետական մարմինը, |կազմակերպության գտնվելու |
|Ընդունվելու|հեռանալու|հիմնարկը, |վայրը |
| | |կազմակերպությունը | |
|___________|_________|___________________|_________________________|
|___________|_________|___________________|_________________________|
|___________|_________|___________________|_________________________|
.___________________________________________________________________.
11. Կառավարական ինչպիսի պարգևներ ունեք -----------------
------------------------------------------------------------------------
/երբ և ինչով եք պարգևատրվել/
12. Առնչությունը զինվորական ծառայության հետ և զինվորական կոչումը ----
------------------------------------------------------------------------
Կազմը -------------------- Զորքի տեսակը ----------------------------
------------------------------------------------------------------------
/հրամանատարական, քաղաքական, վարչական տեխնիկական և այլ /
13. Ընտանեկան դրությունն անձնական թերթիկը լրացնելու պահին
------------------------------------------------------------------------
/թվարկել ընտանիքի անդամներին` ծնողներ, ամուսին/կին, երեխաներ, նշելով նրանց տարիքը/
14.Բնակության վայրը ------------------------------------------------- ---------------------------------------------------- հեռ. ---------------
15.Անձնագիր --------------------------------
/համար, սերիա, երբ և ում կողմից է տրված/
«____»___________________200 թ. _______________________________
Անձնական թերթիկը լրացնողի
ստորագրությունը
Անձնական թերթիկը լրացնողը պարտավոր է հետագա բոլոր փոփոխությունների մասին հայտնել համապատասխան մարմնի կադրային ստորաբաժանմանը:
Ձև N 2
ՕՐԻՆԱԿԵԼԻ ՁԵՎ
անձնական գործում եղած փաստաթղթերի վերգրի
------------------------------------------------------------------------
/մաքսային ծառայողի ազգանունը, անունը, հայրանունը/
._________________________________________________________________________.
|հ/հ|Փաստաթղթերի|Թերթերի|Անձնական|Անձնական|Անձնական |Անձնական |Վերգիրը |
| |անվանումը |քանակը |գործի |գործի |գործի |գործի |կազմողի |
| | | |վարման |վարման |փոխանցումը|վարման |պաշտոնը, |
| | | |կարգը |դադարեց-|այլ համա- |վերսկսման|ստորագրու-|
| | | | |ման |պատասխան |սկիզբը |թյունը |
| | | | |ժամկետը |մարմին կամ| |տարին, |
| | | | | |խորհուրդ | |ամիսը, |
| | | | | |և դրա | |ամսաթիվ |
| | | | | |պատճառը | | |
|___|___________|_______|________|________|__________|_________|__________|
| 1 | 2 | 3 | 4 | 5 | 6 | 7 | 8 |
|___|___________|_______|________|________|__________|_________|__________|
| | | | | | | | |
| | | | | | | | |
| | | | | | | | |
| | | | | | | | |
| | | | | | | | |
._________________________________________________________________________.