040.0331.100403
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«10» ապրիլի 2003 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
27 մարտի 2003 թվականի N 331-Ա
ԼԻԱԶՈՐՈՒԹՅՈՒՆ ՎԵՐԱՊԱՀԵԼՈՒ ՄԱՍԻՆ
Հայաստանի Հանրապետության կառավարությունը որոշում է.
1. Հավանություն տալ Հայաստանի Հանրապետության կառավարության, «Սիբիր» ավիաուղիներ» բաց բաժնետիրական ընկերության և «Արմավիա» ավիաընկերություն» սահմանափակ պատասխանատվությամբ ընկերության միջև 2003 թվականի մարտի 14-ին նախաստորագրված «Արմավիա» ավիաընկերություն» սահմանափակ պատասխանատվությամբ ընկերությանը ֆինանսավորում տրամադրելու մասին ներդրումային պայմանագրին:
Լիազորել Հայաստանի Հանրապետության արդարադատության նախարար Դ. Հարությունյանին ստորագրել նշված պայմանագիրը:
2. Հավանություն տալ Հայաստանի Հանրապետության կառավարության և «Արմավիա» ընկերություն» սահմանափակ պատասխանատվությամբ ընկերության միջև 2003 թվականի մարտի 14-ին նախաստորագրված «Արմավիա» ավիաընկերություն» սահմանափակ պատասխանատվությամբ ընկերությանն առևտրային օդային հաղորդակցության բացառիկ թույլտվության հատկացման կապակցությամբ Հայաստանի Հանրապետության կառավարության հանձնառությունների վերաբերյալ օդուղիների հատկացման պայմանագրին:
Լիազորել Հայաստանի Հանրապետության արդարադատության նախարար Դ. Հարությունյանին ստորագրել նշված պայմանագիրը:
3. Հավանություն տալ Հայաստանի Հանրապետության կառավարության, «Հայկական ավիաուղիներ» փակ բաժնետիրական ընկերության և «Արմավիա» ավիաընկերություն» սահմանափակ պատասխանատվությամբ ընկերության միջև 2003 թվականի մարտի 14-ին նախաստորագրված «Հայկական ավիաուղիներ» փակ բաժնետիրական ընկերության որոշ գույք և պարտավորություններ «Արմավիա» ավիաընկերություն» սահմանափակ պատասխանատվությամբ ընկերությանն օտարելու վերաբերյալ գույքի և պարտավորությունների օտարման պայմանագրին:
Լիազորել Հայաստանի Հանրապետության արդարադատության նախարար Դ. Հարությունյանին ստորագրել նշված պայմանագիրը:
Հայաստանի Հանրապետության կառավարությանն առընթեր քաղաքացիական ավիացիայի գլխավոր վարչության պետին` ապահովել նշված պայմանագրի ստորագրումը «Հայկական ավիաուղիներ» փակ բաժնետիրական ընկերության անունից:
i
4. Հավանություն տալ Հայաստանի Հանրապետության կառավարության և «Հայկական միջազգային ավիաուղիներ» փակ բաժնետիրական ընկերության միջև 2003 թվականի մարտի 23-ին նախաստորագրված փոխըմբռնման հուշագրին` հետևյալ վերապահմամբ`
5-րդ կետը շարադրել հետևյալ խմբագրությամբ.
i
«5. Հայաստանի Հանրապետության կառավարությունն օդուղիների հատկացման պայմանագրով նախատեսված գումարից «Հայկական միջազգային ավիաուղիներ» փակ բաժնետիրական ընկերությանը կվճարի «Հայկական ավիաուղիներ» փակ բաժնետիրական ընկերության պարտքերը` այնպիսի ժամկետում և պայմաններով, որոնց վերաբերյալ համաձայնեցում ձեռք կբերվի փոխըմբռնման հուշագիրն ուժի մեջ մտնելուց հետո երկշաբաթյա ժամկետում»:
5. Հայաստանի Հանրապետության ֆինանսների և էկոնոմիկայի նախարարին` Հայաստանի Հանրապետության ֆինանսների և էկոնոմիկայի նախարարության կենտրոնական գանձապետարանում բացել դրամային դեպոզիտային հաշիվ` օդուղիների հատկացման պայմանագրի համաձայն «Արմավիա» ավիաընկերություն» սահմանափակ պատասխանատվությամբ ընկերության կողմից Հայաստանի Հանրապետության կառավարությանը վճարվող գումարները հաշվեգրելու համար, և մեկամսյա ժամկետում Հայաստանի Հանրապետության կառավարություն ներկայացնել առաջարկություն այդ հաշվի միջոցներից «Հայկական ավիաուղիներ» փակ բաժնետիրական ընկերության որոշակի պարտքերի մարման վերաբերյալ: Առաջարկության մեջ ներառել «Հայկական ավիաուղիներ» փակ բաժնետիրական ընկերության կոլեկտիվի աշխատավարձի և աշխատավարձին հավասարեցված վճարումների գծով պարտքերի 75 տոկոսի մարումը` սույն որոշումն ուժի մեջ մտնելուց հետո երկամսյա ժամկետում, ու մնացած 25 տոկոսի մարումը` մինչև 2003 թվականի դեկտեմբերի 31-ը:
6. Հայաստանի Հանրապետության արդարադատության նախարարին և Հայաստանի Հանրապետության կառավարությանն առընթեր քաղաքացիական ավիացիայի գլխավոր վարչության պետին` 3-շաբաթյա ժամկետում համատեղ Հայաստանի Հանրապետության կառավարություն ներկայացնել նշված պայմանագրերի կատարման համար անհրաժեշտ օրենսդրական ակտերի նախագծերի փաթեթը:
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2003 ԹՎԱԿԱՆԻ ԱՊՐԻԼԻ 10-ԻՆ