ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԿԵՆՏՐՈՆԱԿԱՆ ԲԱՆԿԻ ԽՈՐՀՐԴԻ
ՈՐՈՇՈՒՄ
25 հոկտեմբերի 1996 թվականի թիվ 39
Թանկարժեք մետաղների գրավի և Հայաստանի Հանրապետության
կենտրոնական բանկում ներդրված ավանդների դիմաց
Հայաստանի Հանրապետության կենտրոնական բանկի
կողմից տրամադրվող վարկերի չափերի մասին
i
Հիմք ընդունելով Հայաստանի Հանրապետության կենտրոնական բանկի վարչության 1996 թվականի օգոստոսի 2-ի թիվ 130 որոշմամբ հաստատված «Հայաստանի Հանրապետության կենտրոնական բանկի կողմից սակարկությունների միջոցով և լոմբարդային վարկերի տրամադրման» կարգը` Հայաստանի Հանրապետության կենտրոնական բանկի խորհուրդը որոշում է.
Թանկարժեք մետաղների ստանդարտացված ձուլակտորների ու թանկարժեք մետաղներից պատրաստված մետաղադրամների և Հայաստանի Հանրապետության կենտրոնական բանկում ներդրված ավանդների դիմաց Հայաստանի Հանրապետության կենտրոնական բանկի կողմից սակարկություններով կամ լոմբարդային վարկեր տրամադրելու դեպքում վարկի գումարը հաշվարկել համաձայն հետևյալ բանաձևի.
ՎԳ <>
որտեղ.
ՎԳ - տրամադրվող վարկի գումարը,
ԳԱ - գրավի արժեքը,
Տ - տրամադրվող վարկի տոկոսադրույքը` տասնորդական կոտորակով,
Ժ - վարկի տրամադրման ժամկետը,
Օ - որպես գրավ Հայաստանի Հանրապետության կենտրոնական բանկում ներդրված ավանդ ընդունելու դեպքում` վարկի մարման օրվանից մինչև ավանդի վերադարձման օրը մնացած օրերի թիվը, թանկարժեք մետաղների գրավադրման դեպքում այն հավասար է 15-ի (գրավի իրացման համար նախատեսված ժամանակահատված),
ԺՏ - տվյալ վարկային պայմանագրում նշված ժամկետանց պարտքի տոկոսադրույքը` տասնորդական կոտորակով:
Որպես գրավի արժեք ընդունել.
ա) թանկարժեք մետաղների ստանդարտացված ձուլակտորների համար` գրավադրման օրը Հայաստանի Հանրապետության կենտրոնական բանկի կողմից սահմանված տվյալ թանկարժեք մետաղի ստանդարտացված ձուլակտորի հաշվարկային գինը,
բ) թանկարժեք մետաղներից պատրաստված մետաղադրամների համար` գրավադրման օրը Հայաստանի Հանրապետության կենտրոնական բանկի կողմից սահմանված տվյալ մետաղի ջարդոնի հաշվարկային գինը,
գ) Հայաստանի Հանրապետության կենտրոնական բանկում ներդրված ավանդների համար` ներդրված ավանդի հիմնական գումարը և հաշվարկված տոկոսագումարը ավանդի վերադարձման օրը: